رواية أحببت معلمة ابنتي الفصل الخامس والعشرون 25 بقلم امولة الكاتبة امل صالح
رواية أحببت معلمة ابنتي الفصل الخامس والعشرون 25
صدمة عمرهما..!!مالذي تقوله والدته الان..؟!أختهم..متي وكيف...؟!
اخرجهما من شرودهما صوت والدتهم قائلة :خشوا جوا....ايه هنحكي ع الباب
دخلا للداخل وهم يحاولون فهم مايحدث...قال جاسر :ممكن بقى نفهم في ايه...واختنا ازاي
اسماء مقاطعة ببرائتها :انت جاسر
نظر لها يدقق في تفاصيل وجهها كم هي لطيفة وجميلة وبريئة أيضا..اومأ ايجابيا بهدوء
اخذت نوران تقص عليهم حكاية اسماء :بعد ما اتخطفتوا بأسبوع او بمعنى أصح بعد ما ابوكوا باعكم اكتشفت اني حامل....ربيت اسماء لحد ما كبرت..وكانت عارفة ان ليها اخوات..كنت خايفة اقولها عشان خايفة مكنتش الاقيكوا...وفي مرة وهي في تانية ثانوي دخلت اوضتي وبالصدفة وقع تحت ايديها ألبوم صور لينا خدتوا وفتحتوا وعرفت ان ليها اخوات بس يا سيدي
اسماء ببراءة :انتي آية
ابتسمت لها آية تهز رأسها ايجابا :ايوة انا آية...قوليلي يا سوئا انتي بتدرسي ايه+
اسماء :طب
ابتسم جاسر :يعني انتي في تالتة السنادي
اسماء :ايوة في تالتة
آية وهي تمسك يدها دالفة لغرفتها :تعالي عشان نحكي سوى
تنهد جاسر ينظر لوالدته :مقولتلناش ليه يا ماما...بعدين آية فرحها النهاردة وتكتشف ان ليها اخت اكيد ده مش سهل عليها
نوران :يا جاسر كانت مسافرة اليومين اللي فاتوا
جاسر :ليه هي بتدرس برة
نوران :لا..بس كانت في رحلة مع صحبتها
جاسر :وانتي مطلعها لوحدها مش شايفة عاملة ازاي
نوران :مالها يا سيدي
جاسر :يا ماما شكلها هبلة وع نيتها
نوران :ميغركش الشكل دي خبيثة خبث دولة كاملة
جاسر :بس شكلها هادي
نوران بسخرية :هادية في التعارف بس يا عنيا
جاسر :ماشي اما اقوم
نوران :رايح فين
جاسر :هروح الإدارة اعرف اللواء اني هرجع من اجازتي وبعدين اطلع الشركة
نوران :اجازتك....؟!
جاسر :اصلي مردتش اقول لآية اني في اجازة وهرجع تاني....المهم عايزة حاجة
نوران :سلامتك يا حبيبي
قبل جبين والدته ثم اتجه لغرفة آية وجدتها تتحدث مع أسماء التي اتضح انها شخصية مرحة...ابتسم تلقائيا بعد رؤيتهم
اسماء بهدوء :تعالي يا جاسر واقف عندك ليه
توجه إليهم ثم امسك خد اسماء قائلا :ماما بتقول انك مش هبلة وع نياتك
اسماء :انااااا...؟!دانا اسماء الطف واحدة في الجامعة
جاسر :اهو بعد انااااا دي اتأكدت ان كلامها صح
آية :جاسر متتأخرش النهاردة يا جاسر
جاسر :يختي انا بحمد ربنا انك خليتني اطلع اصلا
اسماء بخبث :الله الله هو مين اللي مسيطر
جاسر وهو يرفع ياقة قميصه :انا طبعا
اسماء :ياخي تبا لتواضعك
قبل جبين كلا منهما قائل :عايزين حاجه
اسماء /آية :سلامتك
جاسر :الواحد بعد كدا يتعود ع الدابل
قالها وغادر من البيت متجها الي عمله....♥️
★في ڨلة الشاذلي★
كانت تقف في المطبخ تعطي التعليمات لذالك وذاك..حتى سمعت صوته ينادي بصوت عالي جدا :اسراااااااااء1
إسراء وهي تلطم :نهار اسوح...عملت ايه عملت ايه...لا انا ملبستش اي حاجة من هدومه النهاردة
سمعت صوته مجددا :انتي يا هااااااانم
أسرعت تهرول على سلم الڨيلا حتي وصلت إلى غرفتهم...دقت الباب مرة لتراه يفتح وعلى وجهه علامات الغضب
إسراء في نفسها :احييييييييييييه
رائد وهو يجلس ع السرير ثم اخذ يحرك قدمه بغضب...فسألته إسراء قائلة :ايه يا رائد في ايه
رائد بغضب :في محشي يا عنيا اغرفلك ولا أحشى
اسراء بتفكير :ورق عنب ولا كرومب
رائد :كمااان بتهزري
إسراء :يعم قول في ايه
رائد :الساعة السودة اللي كانت في درج الكوميدينو فين
تذكرت الان قالت إسراء بتوتر وارتباك :اي......انهي ساعة دي
رائد :هو انا عندي غيرها اسود
إسراء :ا.. اه...اصل يعني..يعني اصل
رائد :هنقضيها يعني و اصل
إسراء :لبستها من كام يوم وانا خارجة
رائد :نعاااااااام دي كانت واسعة عليا
إسراء :مهي شكلها عجبني الصراحة...وبعدين وانا راجعة وقعت في حمام السباحة
رائد بهدوء :وهي فين دلوقتي
إسراء :في حمام السباحة
رائد وقد غضب من جديد :ومشيلتيهاش ليييييييه
إسراء بغباء :مش هي ضد الماية
رائد :اطلعي برة يا إسراء
إسراء :ها
رائد :برررررررة
خرجت بسرعة من الغرفة قبل أن ينفجر فيها هي تعلم انه يحب تلك الساعة ولكنها اعجبتها
اصطدمت في ملاك أثناء مشيها لتقول :اشطا اصاحبي
ملاك :اشطا يا زمكس...في ايه
إسراء :دا رارا زعلان ع الساعه اللي وقعت في حمام السباحة
ملاك :اخص عليه بقى كل ده عشان ساعة
إسراء بدون اهتمام :مش عارفة والله مكنوش خمس ست سبع عشرين مرة اللي ابوظله فيها حجاته
ملاك :المهم...تعالي عشان ننقي هدوم للفرح
إسراء بخبث :انا هدومي جاهزة...الباقي انتي تعالي نشوفلك يلا
ملاك وهي تمشي بجانب إسراء تمسك كفها :انا هلبس ابيض زي ماما..وانتي هتلبسي ايه
إسراء :خليها مفاجأه
ملاك وهي ترفع كتفها :ماشي
★في قسم الشرطة★
دخل هو يرفع رأسه بثقة..يمشي بثبات..كل من يقابله يقدم له التحية العسكرية حتى وصل إلى مكتب صديقه...دخل وجده يعمل على احد القضايا
جاسر وهو يضرب مكتب صديقه بعنف :مطلوب القبض عليك
انتفض مازن بخوف قائل :والله ما عمل.........
صمت عندما رأي صديقه فجلس يضع يده ع قلبه قائل :يخرب عقلك
جاسر بنظرة قرف :هو ده الترحاب يا معفن
مازن :ترحاب ايه يابو ترحاب اش حال كنت بجيلك كل يوم بقضية تحلهالي
جاسر :الله يحرقك وطي صوتك
مازن :يعم بطل تهزيق فيا انا كبرت
جاسر :طب انا رايح اسماعيل عشان اعرفه ان اجازتي خلصت
مازن :يخربيتك اسماعيل كدا حاف
جاسر بسخرية :لا حاف ازاي دي بالقشطة
مازن :يعم غور انت ايه اللي جابك
غادر جاسر مكتب صديقه متوجه إلى مكتب اللواء..دخل بعد أن اذن له بذالك..ادي التحية العسكرية
اسماعيل :اتفضل اقعد يا سيادة العقيد
قطب جبينه باستفهام فقال اللواء :أنت مفكرني نايم ع وداني ومعرفش ان سي مازن وسادتك بتحلوا القواضي مع بعض..مبروك الترقية
جاسر :انا كنت بقوله ع خيط القضية وهو يحلها...بس ايه موضوع الترقية ده
اللواء :من آخر مهمة بتاع أمريكا وانتا المفروض تترقى بس سيادتك خدت اجازة..مبارك عودتك
جاسر :الله يبارك فيك
انخفض اللواء تحت المكتب ثواني ورفع رأسه وهو يحمل العديد من الأوراق..نظر له جاسر باستفهام فقال اللواء بابتسامة صفراء :عقابا ليك وسي زفت عايزة كل قضية من دول محلولة قدامي يوم الخميس ان شاء الله
جاسر باعين مفتوحه :انا فرح اختي النهاردة
اسماعيل ببرود :اه مانا عارف
جاسر بغيظ :طيب يا فندم حاجة تانية
اسماعيل :سلملي ع آية
جاسر :الله يسلمك
قالها ثم حمل الأوراق متجه لمكتب صديقه..رمى حزمة الأوراق أرضا ثم صاح به :يا خنزير يا غبي
هب مازن منتفض :في ايه يعم انا كلمتك
جاسر :اسماعيل كان عارف انك بتجيلي يا طور يا بجرة حلوب
مازن :طب وايه يعني سسيدي
جاسر وهو يشير للأوراق :في ده...قواضي هنحلها انا وانت
فتح عينيه بزعر ثم صرخ :يا اسماااااااعيل..راعي اني ابنك
لم يهتم احد فهم يعلمون تلك الشجارات التي لا تنتهي بين مازن ووالده اللواء اسماعيل...كما انهم أيضا يعلمون انه شجار مرح ليس إلا
خرج جاسر من مكتبه متجه إلى شركته....بينما اخذ مازن ينسحب لعله ينجو من ذالك العمل الشاق..اوقفه صوت والده :مازن
أدى التحية قائل :كنت رايح الحمام يا فندم
اسماعيل باستمتاع :خلص حمامك وتعاللالي المكتب
اومأ بغيظ فهو يعلم أن والده يريده حتى لا يهرب
★في بيت حسين★
فاطمة :سااااارة
هرولت إليها تسألها بسرعة :الخلاط اتحرق
فاطمة :لا يختي متحرقش دمى اللي اتحرق
سارة :ليه كدا بس يا فاطنة
فاطمة بقرف :روحي غوري انزلي الشركة
سارة :اصل يا ماما يا حبيبتي يا قلبي يا نن عيني...
فاطمة مقاطعة :غوووووري
سارة وهي تدب في الأرض :يووووه
ذهبت إلى غرفتها واخرجت ثيابها والتي كانت عبارة عن ڨست اسود اللون يصل إلى ما قبل الركبة ببعض السنتيمترات ذو خط بالون الأصفر من الجانب منقوش عليه يعض الكلمات وكوتش ابيض اللون
ثم خرجت قائلة :ع فكرة بقي المفروض النهاردة معزومين على فرح يعني مرحش الشغل
فاطمة :دا عند ام ترتر ها عارفاها
سارة :انا ماشية
فاطمة :طيري يختي
غادرت إسراء متجهة الي شركة جواهر ففي الأواني الأخيرة سحبت الCv الخاص بها لتذهب لتلك الشركة التي حدثها مراد عنها
★في شركة جواهر★
دخل الي الشركة ثم توجه الي مكتبه....وصلت هي بعد مدة توجهت لمكتب السكرتيرة
سارة :احم..لو سمحت عايزة المدير
السكرتيرة وهي تنظر لها من اعلاها لاسفلها :معاكي معاد
سارة ببرود :حطي عينك في وشي مش ع جسمي وانا معنديش معاد وبرضو هخش للمدير
السكرتيرة :ايه قلة الذوق دي اتفضلي من غير مطرود
سارة :بس يبت يا سيلكون انتي وخشي ناديلي المدير
السكرتيرة :دانا اجبلك الأمن بقى
رفعت السكرتيرة الهاتف ثواني ولم تجد سارة أمامها ورأتها تتدلف لمكتب المدير..تركت سماعة الهاتف وتوجهت ناحيتها ولكن سارة سبقتها وفتحت الباب :
السكرتيرة بأدب :عيب كدا يا آنسة ميصحش
سارة :اننننننسة.... آنسة ايه يام آنسة مش من شوية كنت قلة ذوق
جاسر بغضب :ايه اللي بيحصل ده
التفتت للصوت ومن صدمتها قالت ما صدم السكرتيرة وجاسر..
يتبع الفصل 26 اضغط هنا