Ads by Google X

رواية عشق الايهم الفصل الثامن 8

الصفحة الرئيسية

رواية عشق الايهم البارت الثامن 8 بقلم شهد يوسف

رواية عشق الايهم الفصل الثامن 8

في صباح اليوم التالي
استيقظت على صوت رنين هاتفها وكانت صديقتها بسمه
رحيل بتثاؤب:صباح الخير
بسمه:صباح الفل كنت متأكده انك لسه نايمه ي كسوله صحصحي الساعه 9
رحيل:والله ي بسمه من التفكير نمت متأخر وبعدين 9 مش متأخر اوي يعني 
بسمه بخبث:اااه قولتيلي وي ترا كنتي بتفكري ف مين بقاا
رحيل بتلقائيه وصوت حاني:ايهم
بسمه بصوت مرتفع:الحب ولع ف الدره ي بت
رحيل بخضه:ايه ياختي دا صوتك ي ماما ودني هتروح وبعدين مش اللي انتي بتفكري فيه دا ي ام دماغ مش شمال انا قصدي يعني بعد م كمال اتحبس هنطلق ولا هنعمل ايه الظبط
بسمه:فكرتيني صح انا لازم اعدي عليكي انهارده فيه حاجه مهمه نسيت اقولهالك وبالمره نشوف الموضوع دا هجيلك ع العصر كدا
رحيل:ماشي هستناكي 
اغلقت الهاتف وهي تشعر بالقلق وقامت لتغسل وجهها
بعد قليل خرجت تبحث عن ايهم
وقفت تنظر له بعينان  متسعه لأخرهما 
وفم مفتوح من الدهشه
التفت ايهم ليجدها تقف تتابعه والدهشه مرسومه على وجهه
ايهم بإبتسامه:صباح الخير
رحيل:صباح النور انت بتعمل ايه
ايهم وهو يتابع ما يفعله:بحضر الفطار
اقتربت منه رحيل واخذت تنظر له بتركيز
ايهم:في حاجه مش مظبوطه ف لبسي ولا ايه
رحيل:معلش بس افهم الأول ... انت امتى صحيت وبدلت هدومك وجبت هدوم منين اصلا وكله كوم وانك توقف تعمل الفطار كوم تاني
ايهم:بالنسبه لهدومي ي ستي ف انا صحيت بدري وروحت البيت وجبت هدومي واشار للحقيبه اعلى المقعد
(حيث كان المطبخ مفتوح على الصاله)
وبالنسبه للفطار ف عادي يعني
رحيل بإستغراب:شنطه!!! ليه؟ هو انت مسافر ؟!
ايهم:لا ي ستي مش مسافر انا هفضل معاكي هنا
رحيل بذعر:هو كماال هرب ولا ايه؟
ايهم:كماال ف مكان اللي بيدخله مبيخرجش منه تاني ف اطمني
رحيل بتوتر:امال انت هتفضل معايا هنا ليه
ايهم:علشان انتي زي م شايفه مصابه ف ايدك ورجلك وحتى لو كويسه كنت هفضل معاكي برضو ومش هسيبك لوحدك 
نظر لعينيها التي سحرته منذ النظره الأولي واردف:انتي مراتي ي رحيل وبنت خالي
رحيل:اهو رجعنا تاني لموال مراتي وطلاق وجواز ووجع دماغ
ايهم:لما تخفي ان شاء الله يبقا نشوف الموضوع دا ودلوقتي يلا علشان تفطري عملت بيض هتاكلي صوابعك وراه
رحيل وهي تجلس على الكرسي بإبتسامه هادئه:الحكم بعد المعاينه بقاا. ي حضرة الظابط
**
كانت ذاهبه لغرفته لكي تعطيه الفطار عندما وجدته في حاله يرثى لها
فاطمه بنت عاصم بصراخ:الحق يبوي بسرعه
اتى عاصم بسرعه ليجد والده يتنفس بصعوبه ويضع يده على قلبه ويضغط عليه
اقترب منه عاصم واردف بقلق:مالك يبوي ايه حصل
رأفت بصعوبه:سامحني ي ولدي وقول لسميه تسامحني..... سكت برهه  ليتنفس واردف:وخلي بالك من بت اخوك ي ولدي وقولها اني كنت خايف عليها 
عاصم وبدأت الدموع تتجمع بعينيه:متقولش كدا يبوي 
نظر لإبنته واردف بذعر وقلق:اتصلي بالإسعاف بسرعه
بعد وقت قصير جاءت الإسعاف ولكن قضاء الله كان اسرع وانتقلت الروح لخالقها.....
**
سميه بصدمه:مااات!!
عزيزه:من شويه سمعت الخبر شدي حيلك ي سميه
تجمعت الدموع بعينيها وذهبت بسرعه وارتدت ملابس الخروج واتجهت لمنزل ابيها والذي كان لا يبعد كثيرا
كان البيت ملئ بالنساء اللواتي لا يفعلن شئ سوى الصراخ والعويل
اتجهت على الفور لغرفته
دخلت الغرفه وجدت عاصم يجلس بجانب جثمانه يمسك بيده ويبكي كطفل صغير
اتجهت إليه بخطوات بطيئه وهي تردد:ابوي انت نايم ومموتش صح انت بتعمل كدا علشان تشوف غلاوتك عندي مش كدا
لمست وجهه البارد وهي تطلع لملامحه الساكنه
خرجت منها صرخه تعبر عن مدى المها وحزنها
امسكت يده تقبلها:بالله عليك يبوي قوم
اضربني واحبسني وعذبني بس متسبنيش كدا انا مليش حد غيرك
عاصم بدموع:وصاني قبل م يموت انك تسامحيه ي سميه
سميه ببكاء يفطر القلب:مسمحاك يبوي مسمحاك
**
كانت تجلس تذاكر بينما ايهم ينظر لهاتفه بتركيز
حينما رن باب الجرس
قامت رحيل لتفتح واردفت:دي اكيد بسمه قالتلي هعدي عليكي
وبالفعل كانت بسمه التي القت السلام على ايهم وبادلها اياه
دخلت الفتاتان غرفه رحيل
بسمه:عامله ايه انهارده ورجلك خفت ولا اي
رحيل:الحمدلله بخير الوجع راح طمنيني عليكي انتي عامله ايه
جلست بسمه  على السرير واردفت:الحمدلله بخير المهم انا جيت علشان اقولك حاجه مهمه
جلست رحيل بجانبها واردفت بتركيز:قلقتيني ي بسمه خير
بسمه:لما كان مغمي عليا امبارح دخل كمال ومعاه بسمه اتاريها شريكته ف كل حاجه
رحيل:ايوا منا عارفه وايهم كمان عارف ......هي دي بقا الحاجه المهمه
بسمه:لا ياختي اسمعيني كويس وركزي معايا
نظرت لها رحيل بتركيز
بسمه:لما هما التنين دخلوا كمال كان بيتكلم وباين انه متعصب وشويه وهيضربها
رحيل بتركيز:ايوا وبعدين
بسمه:....
"فلاش باااااك"
سمر:كل دا علشان بقولك مخبيها فين
منا فضلت اكتر من 3 سنين ساكته ومبفتحش بوقي
كمال بغضب:شوف بنت الكلب دي اقولها اسكتي برضو تتكلم وتسأل
سمر:يوه ي كمال يعني انا هروح اقول لأيهم ان مراته عايشه
امسكها كمال من شعرها بعنف وقرب وجهها من وجهه واردف:اقسم بالله لو جبتي سيره الموضوع دا تاني قدامي ولا قدام حد لكون دافنك حيه ثم اكمل بتحذير وهو يضغط على اسنانه:المرادي تحذير المره الجايه هنفذ ع طول
""""عوده للواقع""""
بسمه:بس ي ستي وبعديها جه الحيوان وحاول يعتدي عليا
رحيل:ايهم لازم يعرف بسرعه
بسمه:يعني هو كان متجوز وهي مخطوفه ولا اي بالظبط انا مش فاهمه حاجه
رحيل وهي تقوم بسرعه:بعدين بعدين  هبقا احكيلك
بسمه:طيب انا همشي علشان قولت لأمي مش هتأخر وهبقا استني اتصالك
وودعتها وغادرت
جلست رحيل امام ايهم وهي لا تعرف من اين تبدأ او ماذا تقول
ايهم بقلق:في حاجه ي رحيل
كادت ان تتحدث ولكن هاتفه رن
امسك هاتفه ورد
ايهم:مين...
تبدلت ملامح ايهم ونظر لرحيل واردف:البقاء لله احنا هننزل دلوقتي
رحيل بخوف:مين اتوفى ي ايهم
ايهم:جدك رأفت
لا تعلم لماذا انقبض قلبها بعنف عند سماع خبر وفاته فهو لما يحدثها طوال فترة طفولتها بحنان بل كان دائما يصرخ بوجهها
وضعت يدها على فمها تكتم شهقاتها ودموعها تنساب رغما عنها وهي تردد:انا لله وانا اليه راجعون
ايهم بقلق:رحيل انتي كويسه؟!!!
رحيل بتشتت اومأت له بدون ان تتحدث
ايهم:احنا لازم ننزل حالا
اومأت له رحيل ودخلت غرفتها لكي تستعد
**
تجلس باحدي زنزانات السجن تكاد تُجن من التفكير 
فُتح الباب ودخل العسكري واردف:سمر عبدالغفور محمد
سمر:ايوا 
العسكري: كلمي في واحد جايلك
اخذها معه ودخل المكتب 
وجدت عز يجلس بإنتظارها
الظابط:لولا انك صاحبي ي عز مكنتش هخليك تشوفها بس بسرعه علشان لو ايهم عرف مش هيعديها
عز متقلقش كام دقيقه بس
خرج الظابط وتركهما بمفردهما
عز:ايه اللي حصل ي سمر
تنهدت سمر واخبرته بكل ما حدث.....بس وفجأه لاقيت ايهم والعساكر مالين المكان واتاخدت
عز:مش انتي قريبته رضي يرميكي ف الحجز ازاي
سمر بسخريه:ي بني انا قريبته من بعيد جداا والله م فاكره كمان جدي يبقا اخو جدو ولا ابن عمه يعني مش هفرق معاه 
عز:طيب هتعملي ايه ف المصيبه دي دي فيها سجن ع الأقل خمس سنين واكتر انتي متهومه ف قضيه خطف
سمر:يووه ي عز انت جاي تطمني ولا تقلقني اكتر
عز:انا مش بقلقك انا بوضحلك بس
سمر:لو فضلت هنا مش هفضل لوحدي مهي هتخرب على الكل
عز بعدم فهم:كل مين ي اما مفيش غيرك انتي وكمال واهو متلقح ف الحجز ومش بعيد ياخد اعدام ع كل القواضي اللي متهوم فيها دي
سمر بشرود:انت متعرفش حاجه دا لسه التقيل جاي  المهم جه الوقت علشان اتصرف بنفسي بس محتاجه مساعدتك
عز:مدام مش هتأذي ف رقبتي ليكي
سمر:متقلقش انت هتعمل حاجه واحده بس ومن بعيد لبعيد
عز:اذا كان كدا ماشي
ابتسمت سمر بخبث واردفت:..
google-playkhamsatmostaqltradent