رواية عشق السيف (اسيل وسيف) البارت التاسع 9 بقلم بسملة محمود
رواية عشق السيف الفصل التاسع 9
سيف صحي م النوم لقي اسيل ف حضنه وحس انو خلاص اتعود علي وجودها جمبه ومبقاش يعرف ينام م غيرها
سيف وهو بيلعب في شعر اسيل : اسيل قومي يلا
اسيل بنعاس : يوووه سيبني انام حبة صغيرين
سيف بخبث : خلاص نامي وأقوم اروح أنا الشركة لوحدي
ف ثانية اسيل كانت نطت م ع السرير وقامت تجري ع الحمام عشان تجهز
سيف بضحك : شوف البت
بعد شوية اسيل طلعت لابسة الاسدال عشان تصلي
اسيل بكسوف : احم سيف
سيف كان داخل الحمام بس وقف: اي ي اسيل
اسيل : هو ينفع تتوضي وتيجي تصلي بيا أنا نفسي نصلي سوا
سيف بابتسامة : حاضر هروح اتوضا واجي
بعد شوية سيف كان واقف قدام اسيل وبيصلي بيها جماعه
بعد م سيف خلص صلاة حس كأن فيه هم كبير انزاح م قلبه
اسيل قامت لبست بنطلون اسود قماش واسع وعليه بلوزة كشمير م الصوف عشان الشتا داخل بقا وكدة والجو بقا برد وطرحة اوفوايت وكوتشي م نفس اللون 😂 وسيف لبس بدلة سودا شيك وقميص أبيض كان ف قمة الوسامة
اسيل بغيرة: اي اللي انت لابسو ده روح غير
سيف باستغراب : مالو اللبس ده ف قمة الشياكة
اسيل بغضب : ي سلام وانا هسيبك بقا ف قمة الشياكة بتاعتك دي وتقعد تتعاكس بقا وانا واقفة جمبك زي الجردل
سيف بضحك: تصدقي انك فعلا شبه الجردل بطولك ده
اسيل بغضب : بقا كدة ماشي ..واتجهت ناحية الباب عشان تخرج راح سيف مسكها م ايدها وشدها عليه
سيف بمكر : اعتبر كدة انك بتغيري عليا
اسيل بانكار: اغير اي وبتاع اي مافيش كدة أنا بس خايفة عليك م الحسد
سيف بضحك : علي فكرا انتي بتقولي كلام يضحك ومش ماشي علي بعضه
اسيل : ييوووه ايوا بغير ها
سيف حضن اسيل : طب ماهو طبيعي تغيري عليا وانا قمر كدة
اسيل بصت لسيف ورفعت حاجب ونزلت حاجب : وحياة امك
سيف بتتنيح : يخربيتك هتردحيلي
اسيل : ايون عشان تبطل تعمل كدة
سيف : علي فكرا لو بنات الدنيا كلها أنا مش هبص لحد غيرك برضو
اسيل اتكسفت ووشها بقا احمر
سيف : يوووه ابعدي عني ي اسيل مش عايز اتهور
اسيل بعدت عن سيف ب كسوف
اسيل بهدوء : فكرك لبسي مناسب ولا لا
سيف بحنان : انتي علطول قمر ف كل حالاتك ولبسك مناسب أوي كمان
اسيل بفرحة جريت علي سيف وباسته م خدو
سيف اتصدم لفعلة اسيل بس فرح اوي
سيف مسك ايد اسيل بين أيديه ونزل بيها
علي ترابيزة السفرة كان قاعد عتمان ورقية والحرباية مايا وامها
مايا بضيق : هو سيف اتاخر كدة ليه مش عوايدو يتأخر علي الفطار
رقية بمكر : ومش ملاحظين كمان أن اسيل اتاخرت شكلهم مناموش م امبارح
عتمان ضحك عشان فاهم أن رقية بتعمل كدة عشان تدايق مايا
مايا بصت لامها بغيظ وسكتت
بعد شوية سيف دخل وهو ماسك ايد اسيل وقعد علي السفرة واسيل جمبه وعلي يمينه جده ورقية وقصاد منو مايا وكوثر
سيف صباح الخير
الكل: صباح النور
سيف قاعد بياكل ف صمت واسيل باصة للاكل ومبتاكلش
سيف انتبه ليها : اسيل مبتاكليش ليه
اسيل بملل طفولي : اصلي مبحبش الاكل ده
سيف : اومال عايزة تأكلي اي
اسيل بسرعة: بحب افطر تشيكن برجر
سيف باندهاش : اي بتاكلي fast food ع الصبح ي اسيل
اسيل ببراءة : اه عادي أنا بحبو جدا و فنجان قهوة بقا لو تكرمت وتبقا وجبت معايا
عتمان بضحك : ي بنتي انتي كدة غلط علي صحتك
اسيل بسرعة : لا ي جدو أنا حلوة اهو
سيف بابتسامة : حلوة اوي كمان بس برضو لا
اسيل بحزن : خلاص مش عايزة اكل
سيف مسك الشوكة وحط ف طبق اسيل بيض ومربي ولانشون وجبن ومسك الشوكة وبدأ يأكلها بنفسه قدام الكل
وكلهم باصنلو باندهاش وفيه اللي باصص بغيظ
سيف : يلا ي اسيل كملي اكل
اسيل : مش قادرة خلاص شبعت ويلا اتاخرنا علي الشركة
سيف : تولع الشركة مش هنمشي الاا أما تفطري كويس عشان تاخدي الدوا
مايا بهمس لامها: شايفة ي ماما بيأكلها ب ايدو ازاي
كوثر : احنا لازم نتصرف بسرعة مينفعش نستني اكتر م كدة
مايا : بسرعة ي مامي والنبي
عند سيف كان خلص اكل هو واسيل وشربها العصير واداها الدوا
اسيل : خلاص بقا ممكن اقوم
سيف برضا : كدة تمام يلا بينا
قامت اسيل ومسكت ايد سيف
مايا بغيظ: اي ده ي سيف هي جاية معانا الشركة
سيف : اسمها مدام اسيل واه هي جاية اومال مين هيمسك الحسابات
مايا بصدمة : حسابات اي
سيف بهدوء : حسابات الشركة مدام اسيل الشناوي هي مدير حسابات الشركة الجديد
مايا بصت لسيف بصدمة وبعدها بصت لامها اللي اتصدمت هي كمان
قطع الصمت الرهيب ده رقية وهي بتقول بفرحة: مبروك ي اسيل انتي تستاهلي اكتر م كدة
اسيل بابتسامة: تسلمي ي روحي ...يلا ي حبيبي
سيف أتعجب م كلمة حبيبي اللي اسيل قالتها بس فرح م جواه
سيف بابتسامة: يلا ي روحي
ومسك ايد اسيل وركب العربية وشاور للسواق عشان يتحرك للشركة
سيف : اشمعنا بتتعمدي تقوليلي حبيبي قدام مايا
اسيل بغضب : عشان حرباية وحاطة عينها عليك
سيف بضحك : وهو أنا مش حبيبك يعني لازم ابقا حبيبك قدام مايا وبس
اسيل بكسوف : احنا اتفقنا اعرفك الاول
سيف بابتسامة خبيثة: الله وهو أنا اتكلمت ده انا حتي كنت ناوي اعرفك عليا جامد اوي انهاردة
اسيل وقد فهمت مقصده : اتلم ي سيف
سيف ببراءة: علي فكرة أنا قصدي حاجة كويسة انتي اللي دماغك شمال
اسيل بغضب : طب اسكت ها
بعد شوية وصلو الشركة وسيف نزل ومسك ايد اسيل وشدها ناحيتو جامد وحط ايدو علي وسطها
اسيل بإحراج : سيف سيبني الموظفين هيقولو علينا اي
سيف بهدوء : هيقولو واحد ومراته أنا عايز الكل هنا يعرف انك مراتي
اسيل بصت لسيف وسرحت ومفاقتش الا وهو موقفها قدام مكتب كبير اوي
سيف : ده المكتب بتاعك
اسيل باندهاش : بتاعي أنا ده كبير اوي
سيف : مافيش حاجة كبيرة أو تغلا عليكي ونور برا ف مكتبها عشان تبقي المساعدة بتاعتك
اسيل بفرحة : سيف انت قمر اوي أنا مبسوطة خالص
سيف بغرور : عارف اني قمر يلا بقا اسيبك تخلصي شغل وتبقي تعدي عليا أما تخلصي
اسيل : ماشي ومش هتاخر متتغداش م غيري
سيف قرب منها وحضنها وباسها م خدها : مقدرش اعمل حاجة م غيرك يلا سلام
اسيل حست انها مبسوطة اوي وفضلت واقفة مكانها بتفكر ف سيف قاطع تفكيرها دخول نور زي العاصفة عليها
نور بفرحة : مبرووووووك ي اسولة
اسيل بابتسامة : عقابلك ي قمري
نور بغمزة : بس أي بقا شكل الصنارة غمزت
اسيل بصت ل نور وسكتت
نور ب خوف: مالك ي اسيل هو حصل حاجة
اسيل : أنا مبقتش عارفة أنا عايزة اي ي نور
نور : مش فاهمة عايزة اي ف اي
اسيل حكت ل نور علي اللي سيف قالهولها وانو عايز يكمل جوازهم
نور : طب ما دي حاجة حلوة انتي زعلانة ليه بقا
اسيل : سيف اتعود علي وجودي بس مبيحبنيش ي نور
نور.: هو قالك كدة
اسيل : هو مقالش غير اللي قولتهولك بس
نور : طب انتي حاسة ب اي انتي لسة منستيش سليم
اسيل بسرعة : ولا عمري هنسا سليم ي نور سليم كان ولسة حتة مني
نور : حيرتيني معاكي ي بنت كريمة انتي عايزة اي
اسيل : ي نور افهميني أنا كل حاجة ف سيف بتشدني ليه شخصيته الشديدة مع الكل وحنيته معايا أنا بس كل حاجة فيه بتشدني ي نور سيف كانو النور اللي نور حياتي بعد م كانت ضلمة ،،قلبي مدقش لحد بعد موت سليم الا سيف م اول م شوفتو وانا بحس بحاجة ناحيته بس مش عارفة اي هي
نور : مش يمكن تكوني حبتيه
اسيل سكتت شوية وردت: لا ي نور أنا مش عايزة اظلم سيف معايا مش عايزة اكون بسعد نفسي علي حساب قلبه
نور : ي بنتي مش انتي قولتي انو مقالكيش انو بيحبك
اسيل : وانا مش هستناه يحبني واكسر قلبه أنا هستني فترة عشان اعرف حقيقة مشاعري ناحية سيف
نور سكتت وبصت ل اسيل وبعدين قامت حضنتها
نور بحب : أنا بحبك ومعاكي ف اي حاجة والي يريحك اعمليه
اسيل حضنت نور : طب يلا اتكلي ورانا شغل
نور بضحك : ماشي ي حضرت المديرة
طلعت نور واول م طلعت لقت سيف ف وشها راحت غمزالو
سيف بغمزة : عجبك الغمز انتي
نور بضحك: اوي اوي ي حسن
سيف برفع حاجب : انتو اي حوار حسن ده معاكو
نور بضحك : متبقاش عيل نرم وخد وادي معانا ف الايفيهات
سيف بضحك : ماشي ي عم ال مش نرم ..ها بقا عملتي اي
نور برفع حاجب: علي اساس انك مسمعتش كل حاجة ي خبيث
سيف : سمعت كل حاجة خلاص تسلمي ي نور نجيلك ف الافراح
نور بحركة درامية: عقبال فرحي ي رب
عدي متدخلا وغمز لنور : قريب ي قمر
نور اتكسفت : طب عن اذنك ي سيف بيه أنا ورايا شغل
سيف: ولا يهمك يلا ي باشا ورايا ع المكتب
سيف أخد عدي وراح علي مكتبه وحكالو علي الي حصل
سيف : بس نور طلعت جدعة وساعدتني
عدي : جدعة وقمر وكل حاجة
سيف : اي ي عم المدلوق انشف كدة
عدي : أنا ناشف اوي علي فكرا سيبك مني المهم انت هتعمل اي
سيف بغموض : انهاردة هخلص كل حاجة
عدي بمكر : ناوي ترفع راسنا اخيرا
سيف بحدة: قوم ي عدي اطلع برا
عدي بضحك : وانا مالي ي لمبي
سيف : اطلع برا بدل م اكسرك
طلع عدي م عند سيف الي قعد يفكر هيعمل اي انهاردة
بعد مدة اسيل كانت خلصت شغل ف راحت علي مكتب سيف ودخلت م غير م تخبط
اسيل بضحك : ي باشا فين.....
قاطع كلام اسيل المنظر اللي شافتو ووقفت مصدومة يتبع الفصل العاشر اضغط هنا