رواية عشق السيف (اسيل وسيف) البارت الخامس 5 بقلم بسملة محمود
رواية عشق السيف الفصل الخامس 5
اسيل بصدمة : سليم ؟؟؟ سليم انت هنا بجد
وجريت عليه حضنتو
سليم بابتسامة وهو بيحضنها : وحشتيني اوي ي قلب سليم
اسيل بدموع: وحشتني اكتر والله ليه سيبتني ي سليم هونت عليك تعمل كدا فيا ده انا بحبك
سليم وهو بيملس علي حجابها : غصب عني ي حبيبتي والله مش بايدي ..سليم ابتسم وكمل : اتحجبتي ي اسيل كان نفسي اشوفك م بدري وانت لابساه
اسيل : بعد موتك أنا اتغيرت ي سليم اتغيرت اوي أنا كل يوم بصلي وبدعيلك وانتظمت ف الصلاه وكمان اتحجبت
سليم بابتسامة: شاطرة ي حبيبي
اسيل : أنا عارفة انك زعلان مني عشان بقالك فترة بتجيلي ف الحلم ومترضاش تكلمني أنا والله جوازي م سيف مصلحة وهتطلق علطول
سليم : بس انا مش زعلان انك اتجوزتي سيف
اسيل: اي ؟؟؟!!!!
سليم : ايوة أنا كنت ببقا زعلان عليكي وعلي حالك ليه تعملي كدة ف نفسك وتقفلي علي قلبك
اسيل : لا ي سليم أنا استحالة احب حد بعدك
سليم : حبيني ي اسيل براحتك بس أنا ميت خلاص ،،،،حبيني ب دعاكي ليا لكن توقفي حياتك عليا فكرك أني هرضي ب ده او هكون فرحان
اسيل بعياط : بس انا راضية أنا عايزة اقفل قلبي عليك انت وبس
سليم وهو حاضن وشها بين أيديه: ي حبيبتي كفاية بقا انتي كدة بتموتي نفسك صدقيني سيف كويس ومحتاجك اكتر مني
اسيل : لا ي سليم عشان خاطري متعملش كدة
سليم : شششششش أنا هكون جنبك هنا ومش هسيبك ابدا ووقت م تحتاجيني هتلاقيني وخليكي واثقة اني مش هاجي عليكي ف اي اختيار غلط .
اسيل بتعيط وساكتة
سليم حضنها وفضل يطبطب عليها
اسيل : سليم
سليم : ايوة ي حبيبتي
اسيل : ممكن تغنيلي اغنيتنا للآخر مرة
سليم : الحقيقة أن الزمن ضحك علينا 🎶لا اللقاء ولا الفراق كانو بأيدينا 🎶لما يومها حضنتني وبعدين مشينا 🎶ليه مقولتش أن ده الحضن الاخير🎶كنت سيبني لحد اخر لحظة جمبك🎶كنت سيبني اقول قد ايه وازاي بحبك 🎶مهما طال بينا البعاد مش هنسا حبك 🎶واشوفك يووم علي خير 🎶
اسيل حضنت سليم جامد وفجأة صحيت
اسيل بعياط مسكت صورة سليم وحضنتها: هتوحشني اوي والله
بعد فترة اسيل قامت صلت الفجر ورجعت نامت تاني
تاني يوم اسيل نزلت ب بنطلون بوي فريند وبلوزة اوف وايت بنص كوم ورافعة شعرها ل فوق ودخلت عشان تفطر مع سيف
اسيل ب إبتسامة: صباح الخير
سيف مندهش م تصرفاتها بس محبش يبين اهتمامه: صباح النور انتي مش نازلة الشركة انهاردة؟
اسيل : لا هقعد مع جدو عتمان
سيف بصدمة : جدو مين ياختي
عتمان وهو داخل اوضة السفرة: قالتلك جدو عتمان مبتسمعش ولا اي
سيف بصلهم بجمود لأنو حس أن فيه حاجة وراهم بس سابهم ومشي بعد م خلص فطار
عتمان بابتسامة: شايف انك وافقتي علي عرضي
اسيل : قولت اجرب أنا مش هخسر حاجة كدة كدا معنديش حاجة اخسرها اكتر م سليم الله يرحمو
عتمان : علي فكرا انتي محتاجة سيف زي م هو محتاجك ي الظبط
اسيل : ازاي يعني ؟ أنا اصلا وافقت اساعد ف أن سيف يتغير لكن مش هدخلو قلبي ولا هحبو احنا ممكن نكون اصحاب مش اكتر مش لازم اخليه يحبني
عتمان : زي م تحبي المهم انك تساعدي سيف
اسيل : أن شاء الله
عتمان :طب يلا قومي عشان نجهز كام حاجة قبل م رقية تيجي
اسيل : اي ده هي هتيجي م المانيا !
عتمان: ايوة عشان تبارك ل سيف المهم أن رقية نسخة م سيف بس ارق شوية يعني مهما حصل منها معلش استحمليها وهتحبيها والله ،،هي بتشتغل في الفاشون ومالهاش دعوة ب شغلنا
اسيل : خلاص كدة فهمت يلا بينا بقا نشوف ورانا اي
عند سيف ف الشركة
مايا بحرج مزيف : سيف ممكن ادخل
سيف بلا مبالاة: اتفضلي
مايا : أنا اسفة على اللي حصل اخر مرة واوعدك مش هيتكرر
سيف م غير م يرفع راسو عن الورق : تمام
سيف لاحظ أن مايا لسة واقفة زي م هيا ف ساب الورق وبصلها ،،سيف : في حاجة ي مايا
مايا ب حرج مزيف:الصراحة ي سيف امجد ناوي يتجوز وعايز يتجوز ف الفيلا معانا ف قرر يغير ديكور واثاث البيت كلو وطردنا أنا وماما عشان يعرف يقعد في الفيلا
سيف بغضب: وازاي بعمل كدة وانتي مكلمتنيش ليه
مايا بمكر : خوفت ادايقك ب مشاكلنا وانت لسة عريس جديد
سيف بهدوء: وانتو قاعدين فين دلوقتي
مايا بحزن مزيف: لسة ملقناش مكان ي سيف انت عارف احنا عايشين علي فلوس امجد
سيف : خلاص ،،اتفضلي خدي باقي اليوم إجازة وروحي ل كوثر هانم جهزو حاجتكو ولما تخلصي كلميني ابعتلك السواق عشان تيجو عندي القصر
مايا بمكر لنجاح خطتها: بس ي سيف مش عايزة اتقل عليك
سيف : لا هتقلو ولا حاجة واتفضلي يلا
مايا : ميرسي ي سيف ،،باي ....مايا بعد م خرجت :أما وريتك انت والجربوعة بتاعتك مكونش أنا مايا حمدان .
عند اسيل ف القصر كانت قاعدة مع عتمان ومستنية وصول رقية
بعد شوية دخلت عليهم بنت ب ملامح حادة بس ف نفس الوقت جميلة ب عيون عسلي مايلة للخضار وبشرة برونزية فاتحة وشعر بني طويل وحريري وقوام ممشوق
رقية بود : ازيك ي جدو وحشتني
عتمان حضنها : ي بكاشة أنا سايبك امبارح بس
رقية : برضو وحشتني
اسيل كانت واقفة محروجة وخايفة،،كانت لابسة بنطلون اسود وعليه بلوزة اوف وايت واسعة ولاماها ب حزام جلد م عند وسطها ورابطة شعرها ضفيرة ع الجنب وحاطة ميكب خفيف ...
اسيل بابتسامة: حمد الله على سلامتك
رقية بصتلها بنظرة تفحص خلت اسيل تخاف
رقية بضحك : مالك خوفتي ليه انا مابعضش
اسيل بعفوية: اصلك بصتيلي كدة زي بوليس أمن الدولة وانا متهم عندك
رقية بصتلها بود : مكونتش اعرف أن سيف زوقه حلو اوي كدة جمال واخلاق وكمان دمك خفيف
اسيل باندهاش : وعرفتي ازاي
رقية : عندي خبرة في الناس
اسيل : طب يلا ناكل السفرة جاهزة ،،،بعد وقت اسيل كانت قاعدة مع رقية وعتمان علي سفرة الغدا م غير سيف كالعادة وبعد شوية انضمتلهم نور اللي كانت جاية تزور اسيل
عدا وقت الغدا بين ضحك وهزار رقية ونور واسيل الي حسس عتمان ب جو الأسرة اللي فقده م زمان
عتمان : طب هقوم ارتاح أنا بقا عن اذنكم
اسيل: اتفضل ي جدو ..وبعد شوية البنات كملو قعدتهم ف الليفينج
نور : والله انت دمك خفيف ي رقية
رقية بود : تسلمي ي قمر
نور :تيجو نرقص!
اسيل : نور اسكتي عيب
نور : اسكت اي بس ..تعرفي ي رقية اسيل عليها رقص ولا إجدعها رقاصة بس بطلت ترقص م زمان
رقية : الله أنا بحب الرقص الشرقي اوي م ترقصي ي اسيل
اسيل بنفي: لا لا استحالة ده يحصل ولو علي جثتي
After 5 minutes 😂
اسيل كانت ف اوضتها هي وسيف مع البنات ( سيف لما جده جه نبه علي اسيل تقعد ف اوضتو لحد م الكل ينام بعدها تخرج علي اوضتها عادي عشان جده ميشكش ،،كان فاكر أن جده ميعرفش حاجة )
اسيل كانت واقفة خايفة خصوصا أن دي اوضة سيف ..بس طمنت نفسها انو استحالة ييجي دلوقت
بدأت اسيل ترقص علي مهرجان اخواتي عشان هي سرسجية😂♥️ وبدأت واحدة واحدة تنسجم مع الاغاني اغنية ورا التانية
ف الوقت ده سيف كان رجع وكان طالع اوضتو وسمع صوت اغاني م عندو
سيف : اي صوت الاغاني ده هو فيه حد ف اوضتي ؟؟ ده نهار أمه اسود
اتجه سيف ناحية اوضتو واتصدم لما فتح الباب
لقا اسيل ب فستان اسود قصير ومجسم وفاردة شعرها وبترقص وتتمايل بدلع ع الاغاني ومش واخدة بالها منو
رقية شافت سيف ف جريت عليه شاورلها تسكت ف فهمت واخدت نور وطلعو ...ده كلو والاخت بترقص ومنسجمة
سيف حس ب قلبو بيدق جامد وهو شايف اسيل واقفة قدامه كدة كانت ملكة جمال ،،سيف قرب منها وهو مش حاسس ب نفسه وراح حضنها م ورا
اسيل بصدمة : يلاهوي ياما بتعمل اي ي جدع
سيف بتوهان : ها
اسيل : ابعد والنبي عشان عيب
سيف بخبث : ولو مبعدتش
اسيل فضلت ترجع لورا لحد م خبطت ف الحيط ب ضهرها
اسيل بخوف: ابعد عني والنبي
سيف وهو محاصرها ب أيديه: تؤ ،،بس اي الرقص الجامد ده مكونتش اعرف أنك جامدة اوي كدة
اسيل بإحراج : والله اخر مرة سيبني بقا
سيف قرب منها ومش حاسس بنفسه وباسها لاول مرة ..باسها بشغف كبير اوي ومسابهاش الا لما حس انها عايزة تتنفس ...اسيل كان جسمها بيرتجف م الصدمة راح سيف اخدها ف حضنو لحد م هديت
اسيل بعد م استوعبت الموقف : يخربيتك انت بوستني
سيف بتسلية: عادي فيها اي لما ابوسك أنا جوزك وممكن اعمل اكتر م كدة
اسيل بخوف طلعت تجري زي العيال وسابت سيف باصص ف إثرها بضحك علي المجنونة اللي اتجوزها.
اسيل بغيظ : يعني شوفتوه داخل ومحدش نبهني
نور بضحك : الاه ماهو جوزك ي بنتي انتي عبيطة
رقية بخبث: سيبك منها وركزي ف شفايفها الي ورمت دي
نور بخبث: ايتا ايتا ايتا ...ده احنا بنتباس اهو
اسيل بإحراج: ها لا لا ده انا خبطت ف الحيط
نور ورقية ف نفس الوقت : طبعا اومال ..وفضلو البنات يضحكو لفترة مع بعض وبعد شوية جه معاد أن نور تروح
اسيل بعد م غيرت هدومها نزلت توصل نور ل باب القصر واتفاجأت ب اللي داخلين عليها ب الشنط
مايا بضحكة خبيثة: هاي ي اسمك اي ..تعالي ي مامي ادخلي
دخلت كوثر واول م شافت اسيل بصتلها بقرف :انتي ي بنت خدي الشنط طلعيها فوق ( طبعا كوثر كانت عارفة أن دي مرات سيف بس حبيت تزلها)
اسيل بصدمة : انتي بتقولي اي أنا مش
قاطعتها كوثر بحدة : انتي بتردي عليا ي بنت انتي انا هطردك م القصر صحيح بنت جربوعة متربتيش
مايا بصت لاسيل بضحكة شامتة
اسيل مستحملتش كلامها ..اسيل بزعيق: خدامة مين ي ست انتي أنا احسن منك هنا انتي ازاي تكلميني كدا
كوثر بخبث: احسن مني ازاي بقا
اسيل : ايوة احسن منك واتفضلي غوري م وشي بدل م اطردك
سيف بحدة: اسيل
اسيل بخوف بس حاولت تداريه : ايوة
سيف بزعيق : ازاي تكلمي خالتي ب الطريقة دي
اسيل : هي الي بدات أنا معملتش حاجة
كوثر بدموع مزيفة : كدة ي سيف يعني اتهان م مراتك الي اصغر م بنتي لا ي سيف أنا همشي م هنا لا يمكن اقعد لحظة واحدة معاها
سيف : متزعليش ي خالتي هي هتعتذر
اسيل : نعم !!!؟
سيف : زي م سمعتي اعتذري حالا
اسيل :بس انا مغلطتش
سيف : أنا قولت اعتذري حالا ،،سيف زعق : يالا
اسيل خافت طبعا بس كرامتها غالية عليها ....
اسيل ب كبرياء : لا مش هعتذر
سيف بهدوء مخيف : قولتي اي
اسيل بزعيق: قولت مش هعتذر هي اللي غلطت مش انا
اسيل محستش بنفسها الا وهي واقعة علي الارض م شدة القلم للي اداهولها سيف
اسيل بصت ل سيف بصدمة ومقدرتش تنطق ،،رقية نزلت تجري علي اسيل وقومتها لكن اسيل مستحملتش واغمي عليها واخر حاجه فاكراها نظرات كوثر ومايا الشامتة