رواية محاكمة شيطان الحب الفصل العاشر 10

الصفحة الرئيسية

 رواية محاكمة شيطان الحب الفصل العاشر 10 بقلم دنيا رشاد

رواية محاكمة شيطان الحب الحلقة العاشر 10

ساخبئك داخل اعماق قلبي ...حتي امنع الهواء ان يراكي جميلتي .!
ياسر في نفسه ..مكتوب علي الجزء ده خاص جدا ليه ياتري ايه جواه انا عايز اعرف معقول تكون كانت بتحب حد تاني قبل كده وتكون مبتحبنيش لا مش عايز افكر بسلبية كده ..وكمان مش لازم افتح حاجة مش بتاعتي بس لازم اعرف هي مخبية ايه عني انا قلبي وجعني جدا وهي مش حاسة بيا انا خطبت بس علشان لاااحتي مش لازم اقول السبب بيني وبين نفسي ياتري فيه ايه الجزء ده انا هاخده الاوضة بتاعتي علشان متشكش فيا ...
ذهب ياسر ووضع الأجندة داخل غرفته ونزل الي الأسفل اكل طعامه وانسحب سريعا حتي يقرأ ماداخل الأجندة حتي يعيدها مرة أخري قبل أن تلاحظ سها اختفائها ....
فتح ياسر الأجندة مرة أخري وبداء يقراء مابداخلها ...
انا كاتبة علي الجزء ده خاص جدا لان قلبي هو الي بيكتب دلوقتي مش ايدي  ...
احيانا الحبر والورق لايكفي لان نعبر عن ما بداخلنا فالحبر الذي يوجد بداخل الاقلام ماهو الا وسيلة صغيرة جدا تساعدنا أن نعبر بأقل الإمكانيات عن مشاعرنا ...مشاعرنا التي غالبا ما نحن لانستطيع ان نفهمها او نفسرها ....
اغلبنا الا لم يكن جميعا يجد الراحة في الكتابة حتي لو كنا نفتقد لمهارات الكتابة ولكن نجد راحة فيها لأننا نحكي لها احزاننا دون أن نتصنع او نتجمل دون أن نخاف ان نتكلم مع احد ويفشي اسرارنا صدق من قال أن الكتاب خير صديق ...
يمكن أن اكون لم احصل علي صديقة صادقة بمقدار مارايت الاخلاص في الكتب واعني بالاخلاص هنا انه لم يزهق او يمل مني أو يفشي اسرارنا اغلبنا هكذا ....
اذا جلست لسنين ان اكتب أو انقل مشاعري لا استطيع أن اكتب مااحس به ولكن أنا الان اريد ان اتكلم معك ياصديقي ...!!! نعم أيها الورق انت صديقي الان وساكتب عليك كل مااريد ان اتكلم فيه مع احد حتي ارتاح ولو قليلا...
ظل ياسر يقرأ ماكتبته سها كانت كاتبة قصة حياتها من اثناء موت امها وحتي الان كتبت كل شيء وعرف كل شيء عنها وعن ماكانت تفعله ايمان ومافعلته مع حور وكيف باعت صديقتها ...
ياسر في نفسه ...اد ايه كانت اختك بتحب الفلوس بس انتي عكسها ياسها انا بحبك اوي انا خطبت غيرك بس بحبك وهافضل طول عمري احبك ⁦❤️⁩...
اخذ ياسر الأجندة ورجعها الي غرفة سها دون ان تحس به ....
سها باستغراب ..انت بتعمل ايه هنا ...!!؟
ياسر ولم يعرف بماذا يرد ...انا ...انا 
سها ...انت ايه ...كانت تريد أن يقول لها انا احبك ⁦❤️⁩
ياسر ...كنت بدور علي نورين بحسبها عندك أصلها وحشتني اوي ..
سها وهي تداري دموعها وغيرتها وأظهرت ابتسامة ولكنها مليئة بالحزن ....لاء مجتش عندي ممكن تلاقيها في الجنينه ربنا يسعدكم ....
ياسر ...تسلمي ويسعدك ..
سها بحزن ...شكرا .
ذهب ياسر وهو يحمد ربه انه لم يكتشف,ولكن جرحت سها بسبب انها تري حبيبها مع احد غيرها مااشد وجع عندما تعشق شخص ليس لك او تحس بحبك وعشقك لشخص بعد فوات الاوان ...
(اتمني لكم أن تحصلو علي من تحبون ولكن حب يرضي الله ورسوله حب يخاف عليكم من ان تتاذو بسببهم حب يراعي الله فيكم )
نورين بدلع ...سوسو انت فين ..!!؟
ياسر ..انا هنا ياحببتي ..!؟
خرجت سها علي صوتهم وهم يتغزلو ببعضهم البعض كانت سها بمعني الكلمة تتعذب وقلبها ينزف من داخلها ولااحد يعرف أو يحس بها وبالامها .
من اعماق قلبي ....
اقول لك ايتها النفس ارحلي.... 
ارحلي عن هذا العالم..... 
حافظي علي ماتبقي من اشلاء قلبك.... 
فانت لم تتمني يوما المكوث فيه.... 
اقول لك عذرا ايتها النفس..... 
فانا لم اكن جديرة باسعادكي يوما.... 
فانا لم املك يوما ماتحتاجينه....
ذهبت سها الي غرفتها وهي تحبس دموعها داخل عيونها وآلامها داخل قلبها وبحثت عن اجندتها حتي تفرغ الشحنات المتواجدة داخلها علي الورق ...
وبدأت تكتب بعض العبارات عن الحب 🖤
نقول بعض الكلمات بدافع #الحب 
ونقول بعض الكلمات بدافع #الابتعادعن الحب
ونقول بعض الكلام بدافع #الهرب–من الحب
بغض النظر عن معني كلماتنا فنحن نعيش حالة من المشاعر كل يوم تسيطر علينا... 
فكل #مشاكل #الحياة نابعة من #الحب
فلو لم يحب الحبيب حبيبته لما تالم عند الفراق... 
واذا لم يحب الاب ابنه لم يتالم عند فعله لشيء ماخطأ ....
واذا لم يحب الشخص عمله ودراسته لم يتالم عند فشله بها... 
لكل شيء في حياتنا داخل به الحب فعدم التعلق بالاشياء يعطي بعض الامبالاة عند فراقها... 
ولكن لا احد يطبق شيء سوي اننا نتعلق فقط نتعلق ونتعلق ونتعلق حتي نفقد #انفسنا بسبب #حب الاشياء 
هاكذا انا الان يتعلق قلبي بشخص يخطب غيري بعدما كان يحبني بعدما كان يدللني .....
فاليوم سابتعد عنك الي الابد ساتركك لحياتك الجديدة فلست لي مكان معك مع السلامة يااغلي من حياتي ...
وقفلت سها اجندتها وقررت الرحيل بعدما بكت كثيرا انها ستترك حبيبها وستذهب ...
فكرت سها الي اين تذهب هل ستذهب الي بيتها القديم بيت أبيها ام ستذهب الي اين ..
وبعد وقت من التفكير قررت انها ستسافر بعيدا عن هذه المحافظة وستجد عمل وستعيش بمفردها وتنسي هذا الحب ولن تسمح لأحد أن يقرب منها بعد الان 
ولكن هل هذا سيحدث ام أن للقدر راي اخر ....
~~~~~~~~~~~~~~~~~~~~~~~~~~~
بقلم وتاليف/دنيا رشاد أمام ( دونآ)
صليت ركعتين وبين كل سجدة وسجدة 
تستولي علي دعواتي.... 
فانت لك كل النصيب من الخير في حياتي.... 
حتي وان كنت بعيدة او لم التقي بك بعد... 
فسيظل طيفك يزورني كما تنبعث رائحة الياسمين..... 
فانت كالوردة بالنسبة لي...
يجلس ادم أمام غرفة حور لثلاثة أيام وهي لم تفيق بعد كان الدكتور يعطي لها باستمرار مخدر حتي يجعلها نائمة اغلب الوقت بسبب حالتها الخطر ...
ادم في نفسه ... كنت بدعي كل يوم ترجعيلي ويوم ماترجعيلي ابقي مش قادر اخدك في حضني واحميكي من القدر اااااه انا السبب انا السبب ...
كان يبكي ادم دون أن يحس فقط يشعر بقلبه يتمزق علي حور تلك الحورية البريئة التي يعاكسها القدر ...احس ادم علي أحد يضع يده علي كتفه ....
ايات ...لازم تبقي قوي ياادم علشان حور واولادها ...!!
ادم ...انا فعلا لحد دلوقتي ماسك نفسي اني مقتلش صديق عمري علي الي عمله في حور ...
ايات ...كل حاجة هاتبقي كويسة أن شاء الله وهاتقوم بالسلامة لاطفالها ...
ادم ..ريناد وارغد عاملين ايه !!؟
ايات ...كويسين جدا وآية حبتهم اوي وبتهتم بيهم !!
ادم ...شكرا ياايات تعبتك معايا ..!!
ايات ...لا طبعا مفيش تعب انت ساعدتني قبل كده كتيير وده ميجيش حاجة جمب مساعدتك ليا انا فعلا ممنونالك انت أنقذت حياتي ودلوقتي بتقولي تعبتني ...
لم يرد عليها فقط نظر إلي عيونها فهو يشتاق لها للغاية ولكن الان هو يفتقد حور ولايهتم بأحد سواها ..
جاء الدكتور وقطع هذه النظرات ...
الدكتور ...رماس بقت كويسة وممكن تخرج وعدنان بقا كويس وبيسال علي حور ..!!!
ادم ...شكرا يادكتور 
ايات ...انا هاخد رماس علشان تقعد مع اخواتها ...
ادم نظر لها نظرة امتنان وتركها وذهب الي عدنان وذهبت ايات الي رماس حتي تأخذها ...
دق ادم باب غرفة عدنان ودخل بعدما سمح له عدنان 
ادم ...انا ادم ابن خالة حور وذي اخوها بالظبط ..
عدنان بابتسامة ...عارفك ياادم بيه وعارف حور بتحبك وانت بتحبها قد ايه ...كانت حور بتحكيلي عليك وعلي مليكة وجاكلين واروي صاحبة مليكة ...
ادم ...وقالت عني كلام حلو ولا وحش العفريته دي 
عدنان ...حلو طبعا بس هي فين حور ..!!؟ هي كويسة ..!!؟ عملت ايه مع فهد ..!!؟وفين رماس وارغد وريناد وحشوني اوي اول مرة اقعد المدة دي من غير ماشوفهم من يوم ماتولدو وانا معاهم بحس انهم اولادي مش ولاد حور ...
ادم بحزن ...مش عارف اقولك ايه ...!!
عدنان بقلق ظهر علي وجهه ...مبتردش ليه ياادم ..!!؟ حور فين ..!!؟ والاولاد فين جرالهم حاجة !!؟
ادم بحزن ...هاحكيلك كل حاجة علشان عارف معزتك عند حور ...
عدنان بقلق ..اتكلم في ايه !!؟
حكي ادم لعدنان ما حدث مع حور حتي الآن وعن حالاتها وحالها رماس والحالة التي وصلت لها حور وكيف هي الآن ...
عدنان بدموع ... ااااااه ياحور اااااه ياريتني سمعت كلامك ومخلتكيش رجعتي ياتري القدر لسه مخبيلك ايه ..!!؟ وجعتي قلبي معاكي ليه كده لييييييييه ...
ادم بحزن ودموع ...اهدي ياعدنان انت تعبان أن شاء الله ربنا هايقومها بالسلامة ...
عدنان ...انا عايز اشوف الاولاد واشوف حور ...
قام عدنان من سريره وهو يشعر أن رأسه تدور بشده 
ادم ...مالك ياعدنان انت كويس..!!؟ أسند عليا!!!
عدنان بتعب ...انا كويس بس عايز اطمن علي الولاد واشوف حور مش هاطمن غير لما اشوفهم ...
ادم ...الاولاد مش هنا انا مخليهم عند ناس معارفي ...
وحور ممنوع عنها الزيارات ..
عدنان بترجي ...وحياة حور ياادم ابعت هات الولاد عايز اشوفهم وانا هاتكلم مع الدكتور هاخليه يخليني اشوف ولو لدقيقة واحدة ..
ادم ..حاضر ياعدنان ...
اخرج ادم تلفونه من جيبه واتصل بايات وطلب منها أن تأتي بالاولاد فهو يريد أن يراهم ...
ادم ..خلاص ساعة وهايجو 
عدنان ...شكرا ياادم وعايز خدمة منك كمان ..!!؟
ادم ..اامر ياعدنان انت طلباتك اوامر بعد الي عملته مع حور لو طلبت حياتي مش هاتردد اقدمهالك ...
عدنان بحزن ...انا معملتش حاجة انا عايز رجالة كتيير يحرصو المستشفي ويحرصو الاولاد وغرفة حور محدش يدخلها قبل مانتاكد من هويته ...
ادم ...ليه!!؟
عدنان ...لان حور في خطر  ولازم احميها لان الي حاولت يقتلوها في السويد اكيد هايحاولو يقتلوها مرة تانية ...
ادم بقلق ...اكيد دي سهير عايزة تقتلها بعد ماعرفت انها بنت مارغي ومازن ...
عدنان ...سهير مين ..!!؟ وتعرف حور منين ...!!؟ انا بتكلم علي الي عرفيته حور عن تجارة الأعضاء ...
ادم ...دا موضوع كبيرة وحور لسه متعرفش عنه حاجة بس انت عندك حق لازم نامن المستشفي وكمان الأولاد لازم اامنهم كويس ....
عدنان ...تمام .
رن هاتف ادم برقم من لبنان ..
ادم ..اهلا ياتيته كيفك ..
سلمي ..مليحة ابني ..عرفت شيء عن حور ولا لسه ..
ادم ...حور بمصر تيته ...
سلمي ...يعني هيك بمصر وماتدقلي حتي اعرف انها بقت مليحة ...
ادم بحرن يظهر في صوته ...اسف تيته ..
سلمي بقلق ...حور كيفها ادم ..!!؟ انت مخبي عني شيء بيخص حور ..فهد عملها شيء ...في شيء صار الها ...
حكي ادم لجدته ماحدث مع حور 
سلمي ...بكرة هاكون بمصر انتظرني انا لازم افعل شيء لفهد زودها كتيير حفيدتي راح تضيع مني بسببه الله لايعطيه العافية ...!!
ادم ...ماشي تيته توصلي بالسلامة ...
عدنان ..انا رايح للدكتور علشان يسمحلي اشوف حور وانت لو سمحت هات الرجاله ..
ادم ...ماشي 
اتصل ادم بزين وطلب منه رجال أقوياء فاادم ليس مركز بشيء سوي حالة حور ...
ادم ...الوووو زين عايز منك رجالة أقوياء وتيعتهم علي العنوان ده .....
زين ..مستشفي ليه وعايزهم في ايه ..!!؟
اخبر ادم لماذا يريدهم بعدما فهمه علي كل شيء حدث من اخوه ..
زين ...ماشي ساعتين وهايبقي عندك الي انت طلبته متقلقش ...
ادم ...تسلم سلام 
زين ...سلام..
فكر زين في أن يجعل حبيبته أن ترجع مصر من أجل اختها فهي لاتعرف حتي الآن انها في مصر كما أنه يشتاق لها كثيرا ويريد أن يعزمها علي خطوبته من خطيبته السابقة مليكة ...نعم زين سيتزوج مليكة التي تركها من قبل ولكن لماذا وماذا سيحدث لمليكة الهواري عندما تسمع هذا الخبر ...
google-playkhamsatmostaqltradent