رواية هي والبلطجي الفصل الرابع والفصل الخامس والأخير بقلم ايه عادل
رواية هي والبلطجي الفصل الرابع
اول ما سمعت عز بيقولي كده قومت من مكاني وقولتله
سمر : انت اتجننت انت مش عارف اني متجوزه وياريتني متجوزه اي حد انا متجوزه ماندو ، لو عرفته اللي حصل بينا هتتدفن مطرح مانت قاعد كده وإياك تخبط عليا ولا تكلمني لحد ما ماندو يجي انت فاهم
عز : أنا عارف انك ممكن تقوليله علي اللي صارحتك بيه ، بس قبل ما تصارحيه اتفرجي علي الفيديو ده
اتفرجت علي الفيديو اللي كان اقذر فيديو شوفته في حياتي ، ماندو مع واحده رقاصه معروفه في وضع مقرف ، حسيت ان الدنيا بتلف بيا
عز : ايه رايك ، لسه عايزه تقوليله علي اني معجب بيكي ، اقولك قوليله يا سمر خليه يموتني وشوفي مين بعدي هيقف جانبك وياخدلك منه كل فلوسه ، انا رايح انام
سمر : استني ، عايزه اعرف منك كل حاجه عن الرقاصه دي وعرفها منين وكمان هاخد كل فلوسه ازاي
عز : حاضر هقولك ، ريماس الرقاصه دي واحد من الكبار اوي صور معاها فيلم جنسي وكل شويه يساومها بيه كل مره يعمل صفقه كان بيجيبها عشان اللي قدامه يتجنن عليها ويدفع المبلغ وهو مبسوط ، خلاها مداس في رجله ، لحد ماجه في مره ماندو اتعامل مع الراجل ده وريماس عرفته وحكيتله علي اللي هي فيه وهو اللي جابلها الفيديو ده ومش بس كده ده كمان بقي ضهرها وأي حاجه بتقع فيها بتوقف فيها ماندو ، ومقابل كل ده اللي انتي شوفتيه في الفيديو ، أما بقي هنعمل ايه مع ماندو وهناخد فلوسه ازاي ده موضوع يطول شرحه اولا انسي اللي شوفتيه وعيشي معاه عادي جدا ماندو دلوقتي بيدخل البلد شحنه مخدرات مع راجل تقيل ومعروف وهيكسب من العمليه دي 60مليون جنيه هو بيشتغل في كل اللي ممكن تتخيليه الاثار والسلاح والمخدرات ، كل الاوراق والتفاصيل في خزنه في مكتبه واسامي الناس اللي بيتعامل معاهم كلهم لازم نوصل لكل ده هاتي كل الاوراق وتقنعيه انه يكتبلك كل حاجه باسمك
سمر : مش قادره افكر يا عز ممكن ادخل انام دلوقتي وبكره نتكلم
عز : ماشي تصبحي علي خير ، فكري في اللي قولتهولك وقوليلي
دخلت البيت وطلعت اوضتي وفكرت ، انا ليه عملت في نفسي كل ده ، طب انا لو غدرت ب ماندو اكيد هيموتني طيب اللي في بطني ده من كتر التفكير نمت وصحيت لقيت ماندو جه ودراعه بينزف قومت بسرعه
سمر : في ايه ياماندو وايه ده
ماندو : الحقيني يا سمر اتصلي بالدكتور تاني شوفيه اتأخر ليه
سمر : حاضر
كلمت الدكتور وجه وطلعله الطلقه واداله مسكن ونام ، انا كنت بموت في جلدي من الرعب من اللي انا شايفاه ، قعدت 12ساعه جانبه مستنيه يفوق ، انا بقيت اكرهه واخاف منه
سمر : انت كويس
ماندو : أنا كويس ، انزلي افتحي شنطه العربيه هتلاقي شنطتين هاتيهم وتعالي
نزلت وجيبت الشنطتين وماندو فتحهم قدامي ، كل دي فلوس
سمر : ايه ده
ماندو : مكسب العمليه دي
سمر : طيب ، بتوريني ليه
ماندو : دول 60مليون جنيه هتاخديهم وهتروحي اسكندريه وده عنوان الشقه اللي هتقعدي فيها مكتوبه باسمك يا سمر ودول فلوسك ، سمر انتي طالق
اول ماسمعت الكلمه اتصدمت ، كلمه بتوجع اوي وبتكسر فعلا حتي لو كنتي مش بتحبي اللي قدامك بس اول مابتسمعيها بتصعب عليكي نفسك
سمر : ايه اللي انت بتعمله ده ، انا عملت ايه
ماندو : ده لمصلحتك صدقيني انا هيتقبض عليا في اي وقت وانتي هتتبهدلي وابني كمان هيتبهدل كده أمان اكتر
سمر : يعني اروح اتبهدل وانا حامل وانت عارف ان اهلي خسرتهم عشانك
ماندو : مافيش حاجه اسمها لوحدك ، انتي معاكي فلوس ، وعلي فكره لسه فيه 60مليون زيهم هجيبهملك حالا ، ومش عايز اشوفك يا سمر يلا لمي هدومك
سمر : طيب اطمن علي ايدك
ماندو : أنا كويس ، جهزي نفسك علي بال ما اجيبلك الفلوس التانيه
اتصل ماندو ب ياسر وفي خلال ساعه علي بال ما جهزت نفسي وشنطي لقيت ماندو جاب باقي الفلوس وكمان جهز عربيه وعز اللي هيسوقها توديني اسكندريه ، اخدت نسخ المفاتيح بتاعتي بتاعه البيت هنا معرفش ليه بس اخدتهم ، ركبت العربيه ومشيت
عز : ايه اللي حصل
سمر : ماندو طلقني
عز : ليه ، انتي قولتيله علي حاجه
سمر : لا ماقولتش بس هو انت عارف اتضرب بالنار وحس انه هيتمسك في اي وقت طلقني
عز : طيب والخزنه ، ده انا حاطط أمل عليكي
سمر : ممكن بس نوصل وبعدين نبقي نتكلم في اي حاجه
روحت الشقه ولقيتها مفروشه وكل شئ تمام ، مارضيتش اقول ل عز ان ماندو سايب فلوس معايا ، نمت وصحيت تاني يوم اليوم ممل بقيت انزل اتمشي بس طبعا بعد ما لقيت مكان أمان اخبي الفلوس فيه
بعد اسبوع لقيت ماندو باعتلي ورقه طلاقي ومش بيكلمني اصلا ولا فكر يسأل فيا
الفصل الخامس
بعد مرور 6 شهور
جالي طلق جامد وحسيت اني هولد ، وقعدت اصوت واعيط أعمل ايه معاييش حد ومعرفش حد ، اتصلت بالدكتور اللي متابعه معاه في المنطقه وقالي اروح مستشفي معينه واتصلت بالاسعاف لقيت الباب بيخبط فتحت لقيت واحده بتقولي مساء الخير ، انا جارتك ممكن اساعدك في حاجه
قولتلها ممكن بس اقولك علي طريق حاجتي وحاجه البيبي تجيبيهالي من جوه
فعلا دخلت وجابتلي شنطتي وشنطه البيبي وقالتلي انا هاجي معاكي
قولتلها ربنا يخليكي مش عايزه اتعبك
قالتلي لا طبعا تعب ايه انا مش هسيبك
وفعلا جت عربيه الاسعاف وجت معايا المستشفي وولدت بنت ، سميتها كندا
لقيت جارتي بتقولي الف مبروك ياحبيبتي ربنا يخلي ، بس معلش ممكن أسألك سؤال انتي ساكنه هنا بقالك يجي 6شهور وعمري ماشوفت جوزك
قولتلها انا جوزي طلقني وجيت اسكن هنا
قالتلي انا اسفه
قولتلها لا عادي ولا يهمك
قالتلي انا رشا وعندي 28سنه ووالدتي ووالدي متوفيين واخويا متجوز وقاعد في الشارع اللي ورانا علي طول
وبقينا صحاب انا ورشا اللي بقت معايا في كل وقت وفي كل لحظه
وبعد شهر من الولاده لقيت عز بيكلمني وبيقولي لازم اقابلك
خوفت انزل ب كندا سيبتها مع رشا وبرضو مارضيتش اعرف رشا جوزي كان ايه عشان ماتبعدش عني ، نزلت وقابلته في كافيه
عز : حمد الله علي السلامه
سمر: الله يسلمك ايه اللي جابك يا عز
عز : أنا كنت براقبك طول الفتره اللي فاتت انتي وماندو ، وعلي فكره ماندو اتجوز ريماس وعارف انك مالكيش علاقه بيه دلوقتي وحتي ماسألش علي بنتك ، بس فكري معايا كده بنتك لو حد عرف أنها بنت ماندو الشرنوبي وانتقم منه فيها هتعملي ايه
سمر : ابوس ايدك بلاش الكلام ده انا ماليش حد غير ربنا وبنتي
عز : عمري ما اخلي بنتك تتأذي يا سمر ، انا الرائد عز الدين قاسم وطول الفتره دي براقب وعايش مع ماندو عشان اوقعه هو اللي معاه ، ساعديني انا كشفت نفسي قدامك عشان نلاقي حل
سمر : معقول اللي بتقوله ده ، عشان خاطر ربنا ساعدني ، إلا بنتي
عز : عايز اعرف كل حاجه جوه في الفيلا اللي محدش يعرفها
سمر : في اوضه في الفيلا محدش يعرفها هتلاقيها اوضه جوه حمام اوضه النوم فيها كل حاجه كل الاوراق وده المفتاح بس توعدني ان محدش هيأذيني انا وبنتي اقولك انا في داهيه بنتي لا
عز : متخافيش انا مش هعملك حاجه
سمر : طيب بعد اذنك ممكن اروح
عز : هتروحي بس هتجيلي بكره المديريه عشان نخلص حاجات وتلبيس نقاب وانتي نازله ومحدش يعرف انتي رايحه فين
وفعلا تاني يوم روحت المديريه وقولت كل اللي اعرفه قدام رتب كبيره جدا وخلص الموضوع ، وبعد شهر بالظبط عرفت ان ماندو اتقبض عليه ، وارتحت نفسيا ، وفوقت لنفسي وانا ورشا عملنا بيوتي سنتر كبير وبقي ليه فروع كتير في كل مكان وبنتي بتكبر قدام عيني ، رشا بقي مش بتتجوز ومش عايزه تتجوز عشان هي ليها تفكير غريب شويه وعقد
الفصل الأخير
وبعد 12 سنه
كندا : ماما انا نجحت
سمر : حبيبه قلبي الف مبروك حبيبه ماما ، هعملك حته حفله ماتحلميش بيها ، يا عز يا عز تعالي بسرعه شوف بنتك
عز : ايه ياحبايبي في ايه
كندا : أنا نجحت يا بابي
عز : حبيبه بابي الف مبروك يلا ننزل حالا عاملك مفاجأه هايله
كندا : ايه هي
عز : هجيبلك الموبايل اللي نفسك فيه
سمر : وانا هجيبلك طقم دهب يهبل
ماتستغربوش انا وعز اتجوزنا بعد سنه من القبض علي ماندو وهو اللي شاركني في تربيه كندا اللي غيرلها اسمها من شهاده الميلاد ل كندا عز طبعا كل ده لمصلحتها لأني كنت خايفه عليها من اي حد تبع ماندو وكندا مش بتعرف تقوله الا يا بابا وماندو اتحكم عليه بالاعدام ، ورشا كمان اتجوزت
سمر : هنعمل ايه في الحفله اللي هنعملها بمناسبه نجاح كندا
عز : هنزل دلوقتي اظبط كل حاجه بس مش هقدر ابقي موجود للاسف
سمر : ليه بس يا حبيبي
عز : عندي مأموريه معلش الاسبوع الجاي هاخد اجازه وهنسافر اي حته
سمر : ماشي ياحبيبي تروح وتيجي بالسلامه
يوم الحفله
كانت الدنيا تمام وكل حاجه مظبوطه وكل الناس جت
رشا : بقولك ايه خدي كده يا قلبي دي هديه كندا خليها هنا
سمر : ايه هي وريني
رشا : افتحيها شوفي يارب تعجبك
سمر : الله دي خاتم الماظ ، يابنت اللذينا تعبتي نفسك اوي وكلفتي نفسك يا حبيبتي
رشا : بس ماتقوليش كده دي بنتي
كان يوم حلو اوي لحد مالمحت ماندو ، يانهار مش فايت ، ازاي ده مات
لقيت حد راح شاددني من غير ما حد ياخد باله وركبني عربيه
سمر : حرام عليك يا ماندو ايه اللي انت عامله فيا ده
ماندو : ازيك يا سمر ، نبدأ بايه ، انك سلمتيني وحبستيني ولا انك اتجوزتي ، ده انا خوفت عليكي انتي وابنك تعملي كده ، واعرف انك اتجوزتي وابني مات
سمر : ابنك مات لما انت سيبتني جاي ليه تاني ، انت مش كنت اتجوزت الرقاصه بتاعتك عايز ايه
ماندو : مش عايز اي حاجه انا بس هموتك قبل ما اتعدم علي فكره انا خرجت بس عشان اخلص عليكي وهسافر انتي فاكره اني بموت انا ماندو اللي ب سبع ارواح
ودي كانت اخر حاجه اسمها وبعدها سمعت ضرب الرصاص
في المستشفي
انا مش عارفه انا هعيش ولا اموت بس كل اللي عايزه اقوله اسمعو كلام أهاليكم وفكرو بعقلكم مش بالماديات انا فكرت في الفلوس ودي كانت اخرتي خسرت أهلي وحياتي علي كف عفريت
عز : متخافيش يا سمر هتبقي كويسه
سمر: خد بالك من كندا يا عز
عز : كندا بنتي ، انا سايبها عند رشا وفهمتها انك مسافره
سمر : ربنا يخليك ليها
عز : الدكتور طمني وقالي ان الرصاصه جت بعيد عن القلب بكام ملي وانتي عديتي مرحله الخطر ، وماندو اتقتل وهما بيقبضو عليه ، خلاص كل حاجه خلصت يا سمر ..
تمت روايتي الجديدة اضغط هنا