رواية لست ملكي كاملة من الفصل الأول للأخير بقلم آيه عادل عبر دليل الروايات للقراءة والتحميل pdf
رواية لست ملكي الفصل الأول
في البدايه حبيت اقولكم ان مش كل حاجه بتمشي زي ما احنا عايزين لازم نكون مؤمنين ان أنت تريد أنا أريد والله يفعل ما يريد وكله بيبقي بخير ،خير عشان ربنا مابيعملش حاجه وحشه ، انا رنا عندي 24سنه وعندي 3اخوات رحيم 28 ورانيا 25 و رقيه 21
والدي توفي واحنا صغيرين واخويا رحيم شال مسؤليتنا وهو اللي بيدير شغل بابا كله والدتي ست محترمه وجميله اوي ربيتنا احسن تربيه احنا كلنا في البيت ده كنا كويسين مع بعض عمرنا ماغيرنا من بعض او اتخاصمنا هي يادوب شويه خناقات بتاعت اي أخوات علي الهدوم والشواحن عمرنا ما نقول لاخويا لا لأنه بيخاف علينا دايما عايز مصلحتنا انا مش بشتغل بس رانيا اختي بتشتغل ورقيه في 3 كليه اداب وكل حياتها صحابها والدراسة ، انا دايما بندمج مع رقيه لانها اكتر واحده فينا بتحب الحياه وليها حلول لكل شئ
كده عرفتكم علي عيلتي نيجي بقي لأصل الحكايه لينا ناس جيراننا من 20سنه عندهم ولدين وبنت رامي . خالد . خديجه
رامي متجوز ومسافر بره مصر خديجه زي اختنا بالظبط متربيين سوا هي قد رانيا اختي عندها 25سنه رحيم اخويا بيحبها جدا وبيحاول بكل جهده يتجوزها بس هو محتاج يكون نفسه عشان يرتاحو بعدين خالد ده بقي حبيبي وروحي بس عمري مابينت اني بحبه أبدا علي طول براقبه وبحاول اني اصارحه بس للاسف معنديش شجاعه أعمل كده في يوم فكرت أكلمه في التليفون من خط قديم عندي كلمته وقولتله : ألو . خالد
خالد : أيوه مين معايا
رنا : مممش لاازم تعرف بس انا واحده بتحبك اوي ومن زمان وقدامك بس انت عمرك ما حسيت بيا
خالد : بتحبيني ههههههههه يا بنتي مش ناقص وجع دماغ انتي مين انا مش فاضي
رنا : انت بتكلمني كده ليه خلاص خلاص مع السلامه
خالد : استني هو انتي تكلميني بمزاجك وتقفلي بمزاجك وتسيبيني انا بقي اقول ياتري مين بقولك ايه انتي هتقولي انتي مين دلوقتي
رنا : صدقني مش هعرف اقولك بس انت حاول تركز في اللي حواليك هتعرف انا مين ، سلام
قفلت معاه المكالمه ودخلت عليا رقيه وهي لسه جايه من بره
رقيه :مالك ياحجه انتي في ايه زي مايكون عامله مصيبه في ايه
رنا : مصيبه ايه ربنا مايجيب مصايب ،انتي عملتي ايه النهارده
رقيه : مافيش ياستي حضرت محاضراتي واكلت مع صحابي وجيت
رنا : طيب انا هقوم اشوف ماما
قومت عشان كنت عارفه ان لو قعدت اكتر من كده رقيه هتعرف مني انا مالي متوتره ليه انا عمري ماقولت لحد علي موضوع خالد وأي عريس بيجي كنت بقول لا وكان بيبقي ليا اسبابي ومحدش يعرف اني كل ده مستنيه خالد ياااه لو يحس بيه هكون أسعد واحده علي وجه الارض
فجأه لقيت الفون بيرن والخط اللي كنت بكلم منه خالد جت عليه رساله مكتوب : انا عرفت انتي مين وعلي فكره انا كمان بحبك اوي ومن زمان وعلي فكره انا هكلم رحيم اخوكي واجي اخطبك .
الفرحه ماكنتش سايعاني وقعدت اسقف واتنططت زي المجنونه ولقيت رانيا اختي في ضهري
بتقول : في ايه يا بت انتي اتجننتي شكلك مش مريحني
رنا : ااانا مااالي كويسه أهو هو انتو مابتعرفوش تفرحو ولا ايه ارقصي ارقصي هههههههههههه
رانيا : رنا انا جايه تعبانه من الشغل وجعانه اوعي اشوف ماما عامله أكل ايه
رنا : استني خديني معاكي
رانيا : ماما وحشتيني عامله أكل ايه
الام : وانتي كمان يا حبيبتي وحشتيني عامله محشي وفراخ اي خدمه وعملت كل الأصناف كمان
رنا : يا ماما ماقولتليش ليه كنت جيت ساعدتك
الام :يا حبيبتي انتي كنتي نايمه انا كنت في المطبخ من الساعه 5الصبح وبعدين ملحوقه انتي اللي هتغسلي المواعين وهتحضري الغدا وهتعملي العشا
رنا :من عيوني بس كده يا ست الكل
الام : لا بقي انتي مش بنتي بقي معقول ست رنا تتعطف علينا وتوافق تعمل اللي بيطلب منها من غير ماتناقر فينا
رنا : عادي يعني قولت اريحكو شويه
رحيم قاطع كلامنا وقال : ايه الريحه الحلوه دي ازيك يا ست الكل ازيكم.يا بنات عاملين ايه
الام :ازيك يا حبيبي ايه الاخبار
رحيم : الحمد لله تمام ،بقولك يا ماما اعملي حسابك خالد جايلي النهارده علي العشا كده بيقولي عايزين في حوار تفتكري هيفاتحني في حوار خديجه واننا ننجز عشان نتجوز
الام : مظنش يابني خالد مستحيل هو اللي يفتح موضوع أخته اكيد فيه حاجه تانيه بس لو جينا للحق انت لازم تاخد خطوه يابني الوقت بيجري
رحيم : عارف بس انا لازم ابني مستقبلي
الام : الشقه موجوده والعفش.من بكره نجيبه والدهب مقدور عليه كون نفسك بعد كده يا بني
رحيم : حاضر يا امي اوعدك الاسبوع الجاي نحدد وقت لكتب الكتاب حاضر
الام : يحضرلك الخير يا بني
بعد كده لقيت الباب بيخبط جريت عشان افتح كأني معرفش حاجه ولقيت خالد قدامي وقالي ازيك يارنا رحيم موجود...
رواية لست ملكي الفصل الثاني
خالد : ازيك يا رنا رحيم موجود
رنا : أيوه يا خالد موجود اتفضل
رحيم : تعالي يا عم انت لسه هتستأذن ده بيتك
خالد : حبيبي والله يا رحيم عامل ايه يا عم واخبارك ايه
رحيم : والله الشغل مطلع عيني وتعبان آخر تعب
خالد : ربنا يعينك يا حبيبي
رحيم : ايه بقي يا عم فيه ايه كنت عايزني في حوار خير يارب
خالد : خير يا حبيبي فيه ايه انا بس كنت عايز اطلب ايد اختك
رحيم : اختي مين فيهم يعني
خالد : رقيه اختك
رحيم : طبعا انا مش هلاقي احسن منك وانت فوق دماغي بس اكيد انت عارف ان رقيه لسه قدامها سنه علي بال ماتتخرج وبعدين انت فكرت في اختي امتي ولا ايه اللي جاب الموضوع في دماغك اصلا
خالد : والله يا رحيم انت عارف انت اخويا وانا عمري ما أعمل حاجه غلط انا معجب بيها بقالي كتير بس للاسف ماكنش فيه فرصه قولت لازم اتشجع واطلب ايدها منك وربنا يقدم اللي فيه الخير ياصاحبي
رحيم : ان شاء الله خير بس سيبني كام يوم اكلم رقيه واخليها تفكر وهرد عليك وربنا يسهل
خالد : ماشي يا حبيبي وانا هستناك
خرج خالد من الصالون وانا هتجنن واعرف ايه اللي اتقال وايه اللي حصل بس شكلهم عادي يعني مافيش حاجه يا تري ايه اللي هيحصل بعد كده
خرج رحيم وقالي يا رنا معلش ممكن تندهي ماما ورقيه عايزهم في موضوع
قولتله موضوع ايه يا قلبي ماتقولي
رحيم : يابت بطلي زن اندهيلهم وهتعرفي
لما رحيم قالي كده انا قلبي اتقبض وابتديت اتوتر ليه انده علي رقيه طيب فيه ايه
قعدنا كلنا وبدء رحيم يتكلم ويقول
بصي بقي يا ست الكل رحيم جه وعايز يناسبنا
الام : يناسبنا في مين يا رحيم
رحيم : يناسبنا في رقيه اتكلم معايا وقالي انه عايز يخطبها قولتله انا مش هديك اي كلمه الا لما ارجع ليكي ول رقيه
انا سمعت كده وحسيت ان قلبي بيقف وعيني بتزغلل كان لازم اقوم بس اقوم ازاي انا حاسه اني اتشليت هموت يارب
كمل رحيم وقال : انا شايف يا جماعه ان خالد شاب محترم وناجح في شغله واحنا عارفينه وعارفين اهله كلهم انا شرطي الوحيد ان مافيش جواز قبل اتكلمي تعليمك
رقيه : انتو عمالين تتكلمو ومحدش سمحلي اتكلم يا رحيم مع احترامي ليك طبعا بس انا عمري ماشوفت خالد غير أخ ليا وانا حاسه اني في حلم ومصدومه
رحيم : حبيبتي انتي مالكيش أخ غيري فكره بقي انك شايفاه زي اخوكي خلاص خلصت الراجل جه يتقدم وانتي دلوقتي ليكي الاختيار توافقي او ترفضي ده بعد تفكير يارقيه أدي نفسك فرصه تفكري ولو عوزتي تتكلمي معايا تعالي يا حبيبتي في اي وقت هتلاقيني ، مالك يا ست رنا قاعده متنحه كده ليه عايزه تتجوزي انتي كمان ولا ايه ههههههههههههه انا هدخل انام عايزه حاجه يا امي
الام :لا يا حبيبي تصبح علي خير
رحيم قام وأمي ورقيه بيتكلمو مع بعض وانا حاسه اني في دنيا تانيه حاسه اني مشلوله أعمل ايه قومت من جنبهم وقولت اني عايزه انام دخلت الاوضه وقعدت اعيط بحرقه بقي هو افتكر ان انا رقيه مش رنا طب ليه مش انا هو انا وحشه للدرجة دي من كتر العياط
نمت ماحستش بنفسي غير تاني يوم العصر ياااااه ايه ده انا نمت كل ده ازاي ، لقيت رقيه داخله من بره
بتقولي : انتي يا بنتي كل ده نايمه قومي هتلزقي علي السرير
لأول مره زعقت فيها وقت : وانتي مالك الزق ولا اغور في داهيه انتي عايزه ايه
رقيه : خلاص يا رنا اهدي انا بهزر معاكي هو في حاجه مضايقاكي
رنا : لا مافيش حاجه انا اسفه بس انا عشان مصدعه شويه زعقت متزعلش مني
رقيه : يا حبيبتي الف سلامه عليكي ولا يهمك
رنا : انتي تعملي ايه صحيح في موضوع خالد
رقيه : والله يا رنا شكلي كده هوافق
رنا : والله وانتي هتوافقي علي واحد مش بتحبيه
رقيه : رحيم بيقول أدي نفسي فرصه يمكن الاقي نفسي مبسوطه
رنا : طيب يا حبيبتي الف مبروك مقدما ربنا يسعدك
حسيت باستسلام رهيب واني خلاص الدنيا اتسدت في وشي جت في بالي لعل يحدث بعد ذلك أمرا لو من نصيبي كان بقي ليا الحمد لله
رحيم جه من الشغل وفاتح رقيه في الموضوع وقال هاه ياحبيبتي فكرتي
رقيه : اه فكرت ومواقفه علي الخطوبه يا رحيم
رحيم : ماشي يا حبيبتي الف مبروك وانا هكلم خالد اقوله
حسيت ان قلبي بيموت لما سمعت كده من رقيه وفي لحظه الشيطان اتملك مني وقولت انا لازم اتصرف ولازم خالد يبقي ليا يااااه انا ماكنتش كده من كام ساعه طيب ليه ماقولتش ل رقيه يمكن كانت شافتلي حل بس لا انا اللي هلاقي حل
بعد 10ايام
يوم الخطوبه
كنت مصره ابقي احلي من رقيه وكل اللي في الخطوبه لاحظو كده بس انا عملت نفسي مش واخده بالي كنت متعمده اخلي رقيه شكلها وحش ولما قامو يرقصو لقيت خالد مع رقيه و رحيم مع خديجه وانا ورانيا وماما ومامت خالد قاعدين كنت بقول بصوت عالي علي فكره ذوق رقيه في الفستان مش عاجبني خالص بصي شكل الفستان عامل أزاي يا رانيا
رانيا : ماله يابنتي ماهو حلو أهو انتي بس اللي مش عاجبك عشان مش بتحبي اللون ده
الام : في ايه يا رنا ماله الفستان ماهو شيك أهو وبعدين انا اللي مختاره الفستان ايه مش عاجبك ذوق امك
ام خالد : خالص بقي يا جماعه اهو يوم محدش ينتقد رقيه عروستنا الحلوه محدش يضايقها يا رنا بس بقي
قومت من جانبهم لما لقيت مافيش فايده ولقيت رقيه بتشدني ارقص معاها هي وخالد ومسكت ايد خالد ورقيه حسيت ان في عالم تاني انا ماسكه ايد خالد وبتلقائيه ونسيت خالص ان رقيه العروسه حطيت ايدي علي كتف خالد وقربت منه ....