نوفيلا الشهد الفصل الخامس والفصل السادس بقلم شهد حسن
رواية الشهد الفصل الخامس
شهد : بصي يا ماما هبه انا فعلا هعتبرك زي امي وهقولك على حاجه بس ياريت تسمعيني للآخر
هبه : قولي يا شهد
شهد بوجع : انا محصليش حاجه لا قدر الله تخليني اكره فكره الجواز و تكون حصلت معايا انا فعلا كارهه فكره الجواز لان حصلت مع اقرب الناس ليا و الحاجه اللي توجع بجد هي الخيانه و عدم الثقه و دي حصلت من زمان بين بابا و ماما و انا مش عاوزه يحصل ليا كدا انا عاوزه شريك حياتي يكون بيثق فيا و ميفكرش للحظه انه يخوني لأي سبب من الأسباب و انا مش متدينه اوي يعني بس الجواز لازم يكون فيه موده و رحمه ودا ذكر في كتاب الله الكريم و الاحترام و التقدير و انا بقولك كدا مش عشان حاجه انا بقولك كدا عشان خايفه و مش عاوزه اجرب دا حتى اخواتي الاربعه حياتهم بايظه والحمد لله مفيش حد معترض و في قضاء و قدر وربنا عمره ما عمل حاجه وحشه في حد هتلاقي كي دلوقتي بتقولي دي بتقول السؤال و تجاوب عليه انا فعلا كدا بس مش عاوزه امر بتجربه تكون بالشكل اللي يوجع دا لاني مش هقدر على كدا ياريت تفهميني وانا عمري ما حبيت حد
هبه بتفهم : انتي بنت ناضجه جدا
شهد : انتي عارفه ان الكلمه دي بتتقالي من وانا صغيره
هبه بمرح : يا جامد انت يا جامد
شهد : ههههه
هبه : بصي يا شهد انتي فعلا زي بنتي عاوزاكي توافقي على فكره جوازك من فهد و علي ضمانتي
شهد : الضمان ضمان ربنا مش ضمان حد وانا قولتلك اني موافقه بس مش هقدر اعمل حاجه حاليا تماما
انتي كده هتتعبي ابنك
هبه : وابني مرتاح ع التعب اللي هيبقى منك دا بقي غريب توقعي بيسأل ابوه عليكي انا عارفه انك مش متقبله الفكره و عارفه انك هتتجوزيه غصب عنك بس هتحبيه والله هتحبيه
شهد بلا مبالاه : تمام
هبه : تمام تعالي نمشي بقى الوقت اتأخر
شهد : ماشي
و مشيوا كل واحد من طريق لبيته
**
الدمنهوري : اه يا شهد مفيش مساء الخير
شهد : مساء الخير
سعاد : استنى يا شهد احضرلك العشاء
شهد : اكلت قبل ما اجي و شبعانه تصبحوا على خير
سعاد : يا بنتي ك..
شهد : الله يخليكي سبيني ادخل انا
سعاد : ادخلي يا شهد
ودخلت شهد غرفتها اخدت الشاور بتاعها و قعدت تصلي
سعاد فتحت الباب فتحه صغيره لقيتها بتصلي و دموعها نازله
وبعدين قفلته تاني وخرجت زعلانه علي بنتها
شهد : يااارب صلاه الاستخاره دي تفيدني يارب انا تايهه و مش عارفه اعمل اه دلوقتي
و بعدين راحت لتخلد في نوم عميق
**
قاسم : وريني ايدك كده يا لينا
لينا : اهوا يا بابا
قاسم : من اي دا
لينا : كوبايه القهوه السكرتيرة وقعتها عليا
قاسم : ايوا
لينا بتسرع : بس مراد عالجها و قعد ينفخ فيها لحد ما هديت
قاسم بخبث : اممم وايه تاني
لينا : اقصد يعني انه عالجني مش قصدي حاجه تانيه انت فهمت اه
قاسم : لا ولا حاجه فهمت
لينا : امم ماشي
هبه و فاطمه : مين مراد دا يا لينا
لينا : دا شريك بابا في الشركه ابوه وأمه متوفين و قاعد لوحده و بيدربني حاليا وبس
هبه بخبث : قولتيلي و شكله عامل اه بقى
لينا : حلو يا ماما
هبه : طيب ماشي
لينا : انتي بتلمحي لايه
هبه : ولا كأني اتكلمت سيبك
لينا : هحاول
فاطمه : اه يا لينا بنسأل عادي فيها أي دي
لينا : ولا اي حاجه
قاسم : خلاص يا جماعه مفيش حاجه
لينا : تصبحوا على خير بقى
قاسم : وانتي من اهل الخير
**
أسر : ازيكم يا جماعه
والد اسر (محمود) : الله يسلمك
والده أسر ( ميرفت) : الله يسلمك يا أسر
أسر : بصوا بقى من غير مقدمات ولا لف ودوران انا عاوز اتجوز
ميرفت : حد من قرايبك صح انا عارفه
أسر برفعه حاجب : استهدي بالله يا حاجه مش حد من قرايبي خالص دي واحده غريبه انتم متعرفوهاش
محمود : مين يعني يا أسر
أسر بحب : منار
محمود بضيق : انت اتجننت يلا ولا اه انا كده عرفت مين منار صبرني يارب
أسر : انت اكيد عارف قاسم بيه صح.
ميرفت : بنته صح يا زين ما اختارت يا أسر
أسر : انتي بتسبقي أحداث ليه يا امي المهم بنت قاسم بيه جيت هي وصاحبتها يتدربوا عندنا في الشركه ف صاحبه بنت قاسم بيه دي انا اللي بدربها و أعجبت بيها و من الاخر عاوز اخطبها فهتوني انا عارف ان الموضوع فيه لفه شويه
محمود : اه فهمتك يعني بنت قاسم بيه في كليه اداره اعمال هي وصاحبتها و جيت هي وصاحبتها الشركه عشان يتدربوا ف انت أعجبت بالبنت اللي انت بتدربها وانا موافق و مفيش حد عنده اعتراض لان انت اللي هتتجوز مش احنا
ميرفت : مع ابوك في كلامه بس فيها اه لما تاخد حد من قرايبك
أسر : علي خيره الله الاسبوع الجاي بقي اروح أتقدم لها
ميرفت : تمام
**
مراد : اكلمها ولا لا
عقله : انت اهبل ولا اه في حد بيكلم خد الساعه ١٢ بليل
قلبه : ممكن تكون صاحيه كلمها عادي
عقله : بقولك اه متخنقنيش مينفعش
قلبه : لا ينفع انت ايش عرفك انت دا انت حشري
عقله : والله بقى انا العقل يعني الحاجه العاقله اللي ف حياته و من غيري ميعرفش يفكر
قلبه : وانا القلب اللي من غيري ميعرفش يعيش يبقى مين الأهم يا فقيق عصرك واوانك
مراد : بس خلاص انا هكلمها وبلاش الحرب العالمية الثالثة دي والنبي
رن عليها مرتين مرديتش
مراد : المره التالته دي هي الاخيره وخلاص
رن مره تالته
لينا بضيق : مين
مراد : احم احم
لينا : مراد
مراد باستغراب : انتي عرفتي ازاي انا مكنتش اتكلمت لسه
لينا : عارفه احم بتاعتك دي و عارفه نبره صوتك ف اشطا بس انت جبت رقمي ازاي
مراد : انتي يا بنتي مش معايا في الشركه ف اكيد ليكي ملف و الملف دا في رقمك
لينا : بس خلاص فهمت في اه
مراد بتوتر : لا ولا حاجه كنت بسأل عليكي بس
لينا بخبث : بتسأل على اه بالظبط
مراد : على ايدك اللي وقع عليها قهوه سخنه
لينا : سألت عليك العافيه يارب
مراد : يارب
لينا : انا ايدي كويسه الحمدلله انت هتسهر ولا اه
مراد : انا عادي ممكن منامش اصلا و كان ممكن معرفش اغمض عيوني اصلا غير لما اسأل عليكي
لينا : اممم بس السهر غلط حاول تظبط نومك بقى
مراد : طيب ماشي
لينا : تمام
مراد : اسيبك تنامي بقى تصبحي على خير
لينا : وانت من اهل الخير
مراد : سلام
لينا : سلام
وقفلت معاه و هي في غايه الانبساط
لينا بفرحه: سأل عليا سأل عليا هيييه
هبه سمعت صوتها لأنها كانت معديه من جنب الغرفه وصوت لينا كان عالي نسبيا
هبه : دا مين دا اللي سأل عليكي
لينا بارتباك : دا دا دا هو دا مراد اه مراد
هبه بخبث : سأل على اه بقى
لينا : على أيدي مش ايدي اتلسعت من القهوه السخنه اللي وقعت فهو سأل واول مره يرن اصلا اه والله اول مره
هبه : طيب تمام بس انتي فرحانه اوي كده ليه ما احنا سألنا عليكي اشمعنا هو يعني
لينا : اصل اصل هو انا اعرف بقى انا لقيت نفسي فرحانه وخلاص و هنام دلوقتي تصبحي على خير يا حبيبتي
هبه : وانتي من اهل الخير يا قلبي انا كلمت شهد النهارده على فكره
لينا : وافقت صح
هبه : ايوا وافقت بس بعدم اقتناع وقالت إنها كده هتتعب فهد بس انا قولتلها ان فهد بيفرح من اي حاجه بتيجي منها وربنا يتمم على خير و يظبط الأمور
لينا : يارب تصدقي أن فهد وحشني اوي
هبه : وانا كمان والله
لينا بمرح : قلب الأم والله ياولاد عامل شبه قلب الخسايه ههه
هبه : طيب اسكتي يا فصيله
لينا : حاضر يا فندم اي خدمات تانيه
هبه : لا شكرا ههه
لينا : فونك بيرن يا ماما
هبه : دا فهد
لينا : طيب ردي بسرعه
هبه : ألوو يا فهد ازيك يا حبيبي وحشتني
فهد : الله يسلم يا امي والله انتوا وحشتوني كلكم و البت لينا الهبله وحشتني
لينا : شكرا يا عم مقبوله منك
فهد : انتي جايبه البت السرسجيه دي منين يا امي
هبه : والله ما اعرف يا ابني
لينا : انتو هتعملوا عليا حفله ولا اه
فهد : واحنا نقدر احنا لينا بقره الا انتي اقصد بركه الا انتي
لينا : ميرسي لا طبعا متقدروش دا انا كوكتيل البيت انا دوري ف البيت هنا أن اضحكم اصلا والله البيت من غيري عمر ما يبقى ليه
فهد بمرح مقاطعا: طعم ولا ريحه الزبده الصفرا هه
لينا : يا خفيف والله ما يبقى ليه معني الا واذا فيه شهد هي مرحه بردو
فهد بعشق : شهد
لينا : يا حبيبي العاشق اجيب اتنين ليمون ولا اه
فهد : انتي فصيله اوي على فكره هي وافقت يا امي
هبه : ايوا وافقت ولينا كلام لما تيجي عاوزه اعرفك حاجه
لينا : اه هي الحاجه
هبه : دي تخص فهد و شهد
لينا : ماشي تمام بس هو فهد ليه خصوصيه زيي اصلا
فهد بهزار : نعم ياختي انتي اصلا ملكيش شخصيه عشان يبقي ليكي خصوصيه وماله لما يبقى فهد ليه خصوصيه
لينا : الحقني يا مامي الفهد هياكلني ههه
فهد : تدوم الضحكه يا قرده هه
لينا : قلب القرده والله
هبه : طيب ممكن نخرج من جنينه الحيوانات دي
فهد : المهم تيته و بابا كويسين
هبه : اه الحمد لله
فهد : يارب دايما
هبه : انا وانت يارب
فهد : يارب مش عاوزين حاجه انا قريب وجاي المهمه على وشك الانتهاء يعني واجي اخد المزه بتاعتي
لينا : يابني قولتلك اسمها عروستي خطيبتي مش المزه اه شاقطها
فهد : اسكتي يا بت انتي
هبه : معلش انا معرفها انك وقح عادي يعني
فهد : انتي بتتكلمي بجد
هبه : اه والله العظيم
فهد : طيب تصبحي على خير بقى
هبه : وانت من اهل الخير يا فهد
فهد : سلامات يا جماعه
لينا : سلامات يا فهد مصر
وقفلوا مع بعض
فهد : انا بقى هحببك في الجواز يا شهوده قلبي
لايقه بردو شهد و فهد الفرق حرف واحد تصبحي على خير وانتي من اهلي
رواية الشهد الفصل السادس 6
بعد مرور اسبوع و الحال على ما يرام وحيره شهد الدائمه
وفي هذا اليوم المشرق و الجميل و بالنسبة لفهد اكثر جمالا و اشراقه لانه سيري محبوبته الصغيره
اخذ فهد طريقه الي المكان المراد به بعدما انتهى من المأمورية التي كلف بها
شهد : انا ماشيه مش عاوزين حاجه
الدمنهوري : سلامتك
سعاد : حاولي ترجعي بدري عشان كل اخواتك جايين النهارده
شهد بفرحه : بجد
سعاد : بجد و احتمال يباتوا كمان
شهد : هيييه تمام هرجع بدري سلام
سعاد : سلام
(شهد فرحت لان أخواتها في منطقه ابعد منها و مش بيجوا كتير قليل جدا لما يجوا لاكن لما كانوا ف نفس البلد كانوا ع طول موجودين بمعنى أصح بيبقوا موجودين في اوقات كتيره)
شهد طلعت من المود اللي هي فيه شويه
شهد : وحشوني اووي اووي
و ماشيه لطريقها المراد به
بعد مرور فتره وصلت للمستشفى
شهد : نرمين ظبطي الكشوفات و دخليها تمام
نرمين : تمام
وبدأت الكشوفات تدخل كشف ورا كشف من ضمن الكشوفات
فهد : احم احم السلام عليكم
نرمين : و عليكم السلام
فهد : عاوز ادخل للدكتوره شهد ضرورى جدا
نرمين : لحظه واحده بس. هقولها
فهد بخبث : تمام
نرمين : دكتوره شهد الاستاذ اللي بيجي مع الحاجه فاطمه موجود برا و بيقول عاوز يدخل ضروري جدا
شهد نسيت موضوعها تماما و افتكرت جدته فقط
شهد : طيب دخليه
نرمين : حاضر
خرجت نرمين
نرمين : اتفضل ادخل
فهد : شكرا
ودخل
شهد بجديه : تيته فاطمه مالها
فهد : تيته فاطمه مفيش فيها حاجه
شهد بعد ما افتكرت موضوعها قامت اتنفضت
شهد : امال اه اللي جايبك
فهد : السبب اللي خلاك تتنفضي
شهد : لوسمحت دا مكان شغل حضرتك تقدر تختصر الكلام و تقول عاوز اه
فهد بتمثيل : قلبي بيوجعني
شهد : طيب اتفضل اقعد... بيوجعك من اه بقي
فهد : في واحده كده معرفش حبيتها ازاي او تقريبا داخل ع العشق و معرفش ازاي مع اني متعاملتش معاها بس خطفت قلبي وانا يدوب راجع من المأمورية حتى اهوا لسه بالبدله الميري وجاي مخصوص عشان اشوفها توقعي
شهد : مش انت متعاملتش معاها
فهد : ايوا و نفسي اشوف معاملتها
شهد بغيظ : انت عارف اني مغيوظه منك جدا
فهد : ليه بس يا شهد
شهد : عشان انت جيت وقال اه عاوز تتجوزيني
فهد : مش انا قولتلك ربنا يرزقك بنصك التاني و لحسن الحظ ان انا نصك التاني يا حبيبتي
شهد : حبك برص و عشره خرص بقولك اه انت تقوم دلوقتي و تخفي من وشي
فهد و قام قرب منها
فهد بصوت ليس له تعبير : بصي يا شهد كل اللي انتي بتعمليه دا ولا يشغلني لاني عارف انك كارهه فكره الجواز تمام و عارف انهم غاصبينك عليا و عارف كمان ان مفيش اي مشاعر بتحسيه بوجودي دلوقتي و من الاخر كل اللي بتعمليه دا على قلبي زي العسل يا عسل سلام يا زوجتي المستقبليه و حتى بعد الجواز اللي هتعمليه مقبول منك لحد ما اخليكي تعشقيني عشق يا شهوده قلبي سلام
شهد فضلت مبحلقه لاثره فتره
شهد : دا اي دا شكل كده دماغه هتطلع ناشفه و انا كمان دماغي ناشفه بس على مين مفيش حاجه تقف على شهوده دا انا هخليك تكره اليوم اللي حبيتني فيه يا فهد
قطع حبل كلامها و تفكيرها صوت نرمين
نرمين : ادخل كشوفات يا دكتوره
شهد : ايوا يا نرمين
نرمين : تمام
وخرجت نرمين لتكمل عملها
**
أسر : منار ممكن اسالك سؤال
منار بضيق : اتفضل
أسر بخبث : من يوم ما قولتلك اني هرتبطت و انتي متضايقه و مش على بعضك ليه
منار بتسرع : وانا مالي ترتبط ولا مترطبتش انت مش خلاص هترتبط
أسر : طيب مش عاوزه تعرفي اسم اللي هخطبها
منار بحزن : مش هيفرق معايا كتير ممكن تسيبني اكمل شغل
أسر قرب منها
أسر : منار ممكن تقولي انتي متضايقه ليه
منار بتسرع : عشان انا بحبك يا أسر و بعدين حطت ايدها ع بوقها بسرعه و بلعت ريقها و نزلت دمعه من عيونها مسحها أسر بسرعه
أسر وهو محاوط وشها بايده : وانا كمان بحبك يا منار واللي انا هابلك بيها و قولتلك اني هرتبط بيها دي تبقي انتي بس كنت عاوز اشوف رده فعلك كنت عاوز اعرف انتي كمان بتحبيني ولا لا و انا ميهونش عليا ان دمعه واحده تنزل من عينك يا حبيبتي والله بحبك يا منار
منار بخجل : بجد
أسر : بجد والله خديلي ميعاد مع اهلك بقي
منار اكتفت بهزه راسها فقط.
أسر : احلى حاجه انك معايا طول النهار و كلها كام شهر ولا حاجه و تكوني معايا نهار و ليل و من ثم غمز لها
منار برقت له بعينها
أسر : انتي هتفضلي مبرقه كده كتير
منار : لا لا ياله نكمل شغل
أسر : تمام ياله
**
مراد : ايدك كويسه النهارده
لينا بفرحه متعرفش سببها : الحمد لله
مراد : يارب دايما
لينا بألفه : انا وانت يارب
مراد : يارب
و فتح فونه و بيرن على رقم وبالغلط الرنه وصلت للينا و فون لينا كان ع المكتب و الاسم متسجل ب (مرادي) لينا قربت من المكتب عشان تشوف مين اللي بيرن عليها
مراد : دا انا اللي رنيت بالغلط بس حلو اسم مرادي ده
لينا بارتباك : دا دا اكيد انا حطيت حرف الياء بالغلط
مراد : طيب انتي مرتبكه كدا ليه
لينا : م مفيش
مراد : بس حلو والله بجد خليه كدا
لينا بتسرع : ما انا كده كده مش. هغيره اقصد يعني زي ما انت عاوز ممكن تسكت عشان انت بتربكني و بتخليني مش عارفه اجمع الكلام
مراد : تمام يا لينو
لينا : ههه حلو لينو فهد بيقولها ليا
مراد برفعه حاجب : فهد مين
لينا بخبث : فهد حبيبي
مراد بغيره حاده : ح اه ياختي قال حبيبي قال و قام قرب منها و مسك ايدها بتملك حبيبك مين يا لينا
لينا : في اه يا مراد متعصب و متضايق لما جبت سيره فهد ليه
مراد : بقولك اه متوهيش ع الكلام قولي مين فهد مين الزفت حبيبك و انا اروح اكسرله عضمه
لينا بدلع خفيف : مراد اهدي انت مالك كده في اه يخليك تندفع و تقول كده
مراد : لينا لوسمحتي بطلي دلع و قولي مين حبيبك
لينا : فهد دا اخويا يا مراد اخويا انت نسيت ان انا ليا اخ اسمه فهد ولا اه دا انتم صحاب
مراد ضرب ع راسه : اه صحيح
لينا : انت اتضايقت كده ليه بقي
مراد و هو بيحاول يوصل لها حاجه : قريب قوي هتعرفي
لينا بعدم فهم : يعني اه
مراد بهيام : متسبقيش أحداث بقى
لينا : حاضر بس انت مش هتقولي انت اتعصبت ليه غير قريب اوي اللي انت بتقول عليه دا
مراد : ايوا بالظبط كده ياله بقي. نكمل شغل بدل ما نترفد من الشركه وقت الشغل شغل
لينا بتمثيل : حاضر يا ابيه مراد
مراد : ابيه اه بس ربنا يهديك دا انتي تشيلي ابيه دي خالص من قاموسك تمام
لينا بضحكه جذابه : تمام
مراد بعيون لامعه : احبك كده بكل حالاتك
لينا : مراد انت سافل
مراد : ما انا عارف هه
**
شهد : ألوو يا ماما اخواتي وصلوا
سعاد : ايوا يا شهد
شهد : تمام
سعاد : انتي هتيجي امتى
شهد : هحاول اجي كمان شويه
سعاد : طيب هقفل معاكي بقى
شهد : سلام
وقفلت معاها فضلت ف العياده شويه و مشيت ركبت العربيه بتاعتها
شهد : اجيب لهم اه اجيب اه اه عرفت هجيب ماك حجم عائلي
ووصلت ماك
الجارسون : اؤمري يا فندم
شهد : عاوزه ١ ماك حجم عائلي
فهد : خليهم اتنين لوسمحت
شهد لفت وشها و بحلقت فيه
فهد : احنا ف انتظار الطلب
الجارسون : تمام
فهد شد ايد شهد واخدها
شهد بغيظ : انت ماسك ايدي باسمك اه
فهد بضحكه خفيفه : باسمي خطيبك قريب اوي و جوزك مستقبليا
شهد كزت علي أسنانها : طيب سيب ايدي انا بقول اهوا و طول فتره الخطوبه اللي لسه متنيلتش متكلمنيش ولا كأنك تعرفني تمام يا حضره الرائد وبعدين انت ماشي تراقبني معادتش وراك غيري يعني ولا اه
فهد : تمام مش هكلمك طول فتره الخطوبه بس هاجي واطمن عليكي و بعيدا عن أن انا براقبك دي ف انا مش براقبك انا ع طول بحب ادلع لينا فبجيب
لها ماك او اي حاجه بتحبها تمام يا شهد
شهد : تمام يا فهد انا داخله المطعم
فهد : وانا كمان داخل
شهد : طيب
ودخلت و استنت طلبها لحد ما خلص و أخدته و مشيت
فهد : استنى يا شهد... شهد
شهد كانت مشيت و مسمعتوش
**
شهد وصلت بعد فتره
شهد : وحشتوني اوي اوي و حضنتهم جامد
مروه و دنيا : انتي اكتر يا شهوده
مياده و ناديه : ترقرقت الدموع في عيناي يا اماه هه
شهد : يا بايخين خدوا مني الاكل دا لحد ما اغير هدومي وأخرج لكم
كلهم هزوا رأسهم
سعاد : تعالوا يا بنات نقعد ع السفره و نحط الاكل و نقعد لحد ما شهد تخرج من غرفتها
شهد : هو بابا فين
سعاد : لسه مرجعش من الشغل
شهد : امم ماشي
دخلت شهد تغير هدومها لبست شورت جينز و بلوزه كات لونها اسود و خرجت لقيت الجرس بيرن
سعاد : هتلاقيه باباكي افتحي يا شهد
شهد : حاضر يا ماما
شهد فتحت الباب وانصدمت
يتبع الفصل السابع والثامن اضغط هنا