رواية ان كيدهن عظيم الفصل التاسع 9 بقلم منار رمضان عبر دليل الروايات
رواية ان كيدهن عظيم البارت التاسع 9
حسن : لا بجد شابووو ليك لولاك كان زمانا قاعدين ع القهوة دلوقتي
محمد : عشان لما اقولك ع حاجه تسمع كلامى
حسن : ماشى يا كبير بس البت اللى احنا دخلنا عندها دى جامده اوي شكلها كده بشرة خير علينا
محمد بضيق : مين دى اللى جامدة يا حسن
حسن : حياة المدير التنفيذي للشركة حلوة اوى
محمد ضربه بالبوكس فى وشه
حسن : انت عبيط ايه ده
محمد : عشان تحترم نفسك وانت بتتكلم عليها
حسن : هو القلب دق ولا ايه
محمد : دق ايه انت عبيط
حسن : طيب امال فيه ايه اتحمقت عليها كده ليه ولا اكنها من بقية اهلك
محمد : بقية اهلى ايه انت عبيط بس اتعود انك تحترم نفسك وانت بتتكلم عن اى بنت بعد كده وكمان متنساش انى دى رئيستك فى الشغل يعنى القاذورات اللى فى دماغك دي متفكرش فيها تانى وانت ف الشركة
حسن : واد يا محمد انت نويت تتوب ولا ايه ده انت مش بتسيب حد ف حاله
محمد : شوف انا بقول ايه وانت بتقول ايه امشى ياض انت غور نام عشان نصحى بكرة بدرى اخلص
حسن : طيب غور نام سلام
ف بيت خالد
خالد : هااا مبسوطه ف الشركة ولا ايه
حياة : جدا يا بابا هو شغل كتير بس انا مستمتعة جدا
خالد : طيب كويس عملتى ايه فى المهندسين اللى قولتلك عليهم
حياة : اه قبلت كام واحد النهارده وكلهم السى ڤى بتاعهم ممتاز جدا
خالد : اهم حاجه انهم يكونوا اد المسؤلية عشان بيهم أن شاء الله نقدر نكبر الشركة
حياة : أن شاء الله يا بابا بكرة أن شاء الله هخليهم يعدوا عليك ف المكتب تمام
خالد : تمام انا هنام بقا تصبحى على خير
حياة : وانت من اهله
حياة راحت اوضتها بتقلب فى الفون بتاعها ع الفيسبوك
حياة : مش ده المهندس اللى بتاع الصبح اسمه. محمد احمد طاهر الاول على دفعته فى كلية الهندسة جامعة القاهرة امممممم
حياة فضلت تقلب فى الصفحة الشخصية لمحمد وتشوف صوره وكمان صور ليه ف الچيم وواضح أنه رياضى جدا بس ليه كل البوستات بتاعته حزينة جدا وبتتكلم عن الغدر والخيانة وبالأخص عن غدر الاخوات وانتقام
حياة : لا لا لا الواد ده شكله معقد جدا يخربيت جمالك وحلاوتك يا عقدوا يا نكدى
حياة فونها رن وكانت مريم
حياة : مريوم عاملة ايه
مريم : بس يا بت يبقى متكلمنيش طول اليوم النهارده هل دى الصحوبية
حياة : معلش يا قمر والله كنت فى الشركة طول اليوم وكنت تعبانة جدا سورى
مريم : لا إذا وصلت لسورى فأنا لازم اصالحك
حياة بضحك : حبيبتي يا مريوم
مريم : بتعملى ايه
حياة : مش بعمل كنت بقلب فى الفيس شوية وانتى
مريم : عادى كنت بقلب فى الفيس بردوا وكنت هنام لأن معنديش حاجة الصبح عادى ههههه
حياة : ايه ده انتى مش بتشتغلى
مريم : لا شغل واحدة بتقوم من النوم بعد العصر عايزاها تشتغل ايه رقاصة
حياة : هههههه لا مش رقاصة بصى انا هكلم بابا يكلم عمو سيد وتيجى تشتغلى معانا في الشركة
مريم : يابنتى شغل ايه وبتاع ايه وبعدين انتى كده هتبوظيلى يومى خالص
حياة : ازاى يعنى هبوظلك يومك
مريم : بصى يا سيتى انا بصحى بعد العصر اكل واشرب واسمع المسلسلين التلاتة بتوعى وبعد كده اكل تانى وبعدين يجى مسلسل وبعد ما يخلص اكل تالت وبعد كده ادخل ع اوضتى اكمل ع السوشيال لحد الساعة 4 أو 5 الصبح وساعات بتوصل ل 6 كمان وبعد كده بنام وأقوم العصر وكذلك الأمر بقا
حياة : يخربيت سنينك ايه اكل ومسلسل طيب ليه مش بتاكلى ف كل فاصل احسنلك
مريم : لا ما انا مش بقدر اقوم كل شوية بقا هو بعد ما يخلص حلو
حياة : هههههه انتى مجنونة وانا بقا هعلمك الادب والصحيان بدرى والنشاط بيكون عامل ازاى
مريم : ههههه هتربينى يعنى
حياة : بالظبط كده
مريم : اشطا يا يويو يلا سلام بقا عشان اسمع المسلسل التركي بتاعى
حياة : ماشى يا أبلة مريم سلام
حياة وانا كمان هروح انام واقفل الاكونت الغم ده
تانى يوم
خالد : حياة انا رايح المكتب تمام
حياة : تمام وانا هبعتلك المهندسين الجداد
خالد : اوكيه بس ياريت واحد واحد عشان اعرف اقيمهم كويس
حياة : حاضر
خالد راح عند مكتبه وحياة دخلت مكتبها
حياة للسكرتيرة : ابعتيلى المهندسين الجداد حالا
السكرتيرة : حاضر يا فندم
السكرتيرة راحت عندهم وجابتهم
حسن لمحمد : هنترفد ولا ايه
محمد : بس يا وش الفقر احنا لحقينا
السكرتيرة : اتفضلوا
حياة المهندسين : دلوقتي حضارتكم هتروحوا عند رئيس مجلس الإدارة عشان نعرف مين هيستمر ومين لا بس واحد واحد هيدخل وأتمنى أن كلكم تستمروا معانا وبالتوفيق للجميع
حياة راحت معاهم ودخلتهم واحد واحد وكانت بتدخل معاهم وجه دور محمد
حياة : المهندس محمد احمد طاهر
.....
حياة : المهندس محمد احمد طاهر
حسن : أيوة موجود اهو يابنى انت بتنادى عليك قوم
محمد كان سرحان ف حاجه : هاااااا
حياة : ناوى تدخل ولا لا حضرتك
محمد : احم طبعا ناوى
حياة : اتفضل
محمد دخل عند خالد المكتب بس باصص فى الارض ومتوتر جدا
خالد كان بيبص فى الورق
خالد : محمد احمد طاهر الاول ع دفعته وامتياز كل السنين كمان
خالد بص لمحمد : مهندس محمد
محمد من غير ما يبصله : نعم
خالد مستغرب منه : ع فكره مش محتاجه كل التوتر والخوف ده السى ڤى بتاعك كويس جدا
محمد رفع رأسه بتحدى : وانا لا خايف ولا متوتر وشكرا لحضرتك ع مدحك فيا انا كده هقدر اشتغل ولا لا
خالد بص لمحمد وساكت
محمد بصله كتير
محمد : مستر خالد
خالد .....
محمد اخد ورقه ومشى طلع برة
حياة : بابا انت كويس
خالد : هااا
حياة : مالك يا بابا انت كويس
خالد : أيوة أيوة انا كويس بس سرحت شوية
حياة : طيب المهندس ده مقبول ولا لا
خالد : اه طبعا طبعا مقبول
حياة باستغراب : اوكيه ماشى
حياة طلعت برة عشان تعرف محمد ملقتهوش ولا لقيت حسن صاحبه دورت عليه بس السكرتيرة قالتلها انهم مشيوا
بليل
خالد : خلاص يا حج سيد مريم معايا من بكرة أن شاء الله
حج سيد : أن شاء الله يا خالد
حياة : وحياتك لعلمك الادب
مريم : بتتكاتروا عليا اكمنى غلبانة مليش لا حبيب ولا قريب ولا غريب
حياة : بالظبط كده احنا عالم مفترية
مريم : ماااااااااااااااااشى يا حياة
حياة : يلا انا ماشية وانتى اطلعى اتخمدى بدرى
مريم : ماشى يا استاذه حياة ماااااااااااااااااشى
حياة روحت وطلعت الفون بتاعها ودخلت ع صفحة محمد كانت مترددة تكلمه ولا لا هى عايزة تعرفه أنه اتقبل ف الشغل وكمان عايزة تعرف هو ماله وايه اللى غيره كده فجأة
حياة : انا هكتبله رسالة وهقفل ع طول بس
حياة : السلام عليكم بشمهندس محمد انت اتقبلت فى الشغل وياريت تيجى بكرة عشان تستلم وظيفتك وانت وبشمهندس حسن
سلام
ينبع... الفصل 10 اضغط هنا