Ads by Google X

رواية ان كيدهن عظيم الفصل العاشر 10

الصفحة الرئيسية

رواية ان كيدهن عظيم الفصل العاشر 10 بقلم منار رمضان عبر دليل الروايات

رواية ان كيدهن عظيم كاملة

رواية ان كيدهن عظيم البارت العاشر 10

تانى يوم الصبح 
سلوى ام محمد : محمد قوم يلا عشان الشغل يا حبيبي
محمد : حاضر يا ماما قومت خلاص 
سلوى : طيب يا محمد انا هحضرلك الفطار عقبال ما تجهز 
محمد باس راس امه : ربنا يخليكي ليا يا ست الكل
سلوى : ويخليك ليا يا حبيبي يلا قوم بسرعة 
محمد اتعدل ع السرير ومسك الفون بتاعه 
محمد : يا ترى اللى على طلبات المراسلة عايزين منى ايه تانى 
محمد قلب فى الرسائل اللى كانت عبارة عن بنات كتير معجابين بيه واللى بتمدح فيه واللى بتكراش عليه 
محمد باستغراب : رساله من حياة خالد ودى عايزة ايه دى كمان 
محمد فتح الرسالة وقراها واللى هى كانت عبارة عن أنه اتقبل فى الشغل هو وحسن ويجى يستلم من النهارده 
محمد : طب ارد عليها ولا مردش 
محمد فضل يفكر شوية 
محمد : انا متشكر جدا لحضرتك يا استاذه حياة وان شاء الله هنكون عند حسن ظنكم 
حياة كانت قاعدة ماسكة الفون وفاتحة الرسالة وبتفكر 
حياة : هيرد ولا مش هيرد طيب هو شافها ولا لا اوووووف بقا متخلص وشوف الرسالة بقا ده انت رخم 
ولحظة ونغمة الرسالة جت حياة ضحكت أنها منه وفتحتها بسرعة 
حياة : انا متشكر جدا لحضرتك يا استاذه حياة وان شاء الله هنكون عند حسن ظنكم      طيب كويس
حياة بتكلم نفسها : طب كويس انك شوفتها عشان تعرف انك اتقبلت وأننا محتاجينك فى الشركة 
محمد عرف انها قرأت الرسالة 
محمد لنفسه : انتى كنتى قاعدة مستنية انى ارد ولا ايه مختيش ثانية لما اتبعتت وشوفتيها على طول 
محمد لحياة فى الرسالة : صباح الخير يا استاذه حياة
حياة كانت فاتحة ع الشات اتصدمت منه أنه بعت تانى   طب ارد ولا مردش 
حياة باحراج : صباح النور يا بشمهندس 
محمد : شكرا لحضرتك انك عرفتينى أن والد حضرتك قبلنا فى شغل 
حياة : لا شكر على واجب يا بشمهندس انت تستحق وكمان باين من السى ڤى بتاعك انك شخص مجتهد وكويس ربنا يوفقك 
محمد : أن شاء الله يا استاذه انا دلوقتي هقوم اجهز عشان استلم شغلى الجديد ونبدأ مع بعض من الاول 
حياة : تمام اتفضل عشان متتاخرش ع الميعاد
محمد : تمام اشوفك فى الشركة سلام
حياة : سلام 
حياة قفلت واتنفست بصعوبة واكنها كانت بتجرى أو فى سباق مع حد ضربات قلبها كانت عالية جدا 
حياة : ايه اللى بيحصلى ده من ايه ده كله يعنى ده انسان معقد اصلا وشكله نكدى استغفر الله العظيم يارب أنا هقوم اجهز عشان اروح الشركة 
محمد لما قفل معاها بردوا حس بضربات قلبه سريعة 
محمد : ايه الهبل ده عشان كلمتها بس يحصل كده ولا ايه ولا عشان هى طيبة ومحترمه اتشديت ليها من اول ما شوفتها لا انا لازم ارجع وافتكر انا داخل الشركة دى ليه وعشان ايه 
حياة جهزت وخلصت وبتتصل على مريم مش بترد عليها 
حياة : انا عارفه انها هطلع عينى ماشى يا مريم مش هتردى انا بقا هجيبك من شعرك 
حياة نزلت تحت عند بابها كان بيفطر
حياة بابتسامة : صباح الخير على احلى عيون فى مصر كلها
خالد بضحك : صباح الورد على وردة قلبى انا 
حياة مسكت قلبها : اه قلبى قلبى الصغير لا يتحمل ايه يا خلودة الحلاوة دى والنبى شكلك هتتخطف منى بحلاوتك دى 
خالد كان لابس بدلة رمادى وقميص أبيض وجزمة بالون الاسود وساعة سودة وكمان هو شعره كثيف جدا مصففه بطريقة جميلة جدا وكمان عضلاته بارزة من البدلة وظاهر واكنه شاب فى العشرينات 
خالد : اتخطف من بس 
حياة : يا خوفى يا خلودة تسيبنى وتخونى وتروح تتجوز قلبى مش هيتحمل كده ابدا       ومثلت أنها بتعيط 
خالد : هههههه يا عبيطة انا لو كنت عايز اتجوز كنت اتجوزت من زمان اوى من وانتى صغنونة ودلوقتي انتى كبرتى يعنى معملتهاش وانتى صغيرة هعملها وانتى كبيرة وبعدين انا قلبى محبش غير خديجه مامتك ومستحيل يحب غيرها 
حياة بتأثر من كلامه : لسه بتحبها يا بابا 
خالد : طبعا لسه بحبها وهفضل احبها لحد اخر يوم في عمري وبتمنى من ربنا فى كل صلاة أنه يجمعنى بيها فى الجنة 
حياة : ربنا يديمك ليا يا احلى بابا فى الدنيا 
خالد : ويديمك ليا يا روح بابا يلا بقا عشان متتاخرش 
حياة : لا اسبقنى انت يا بابا انا هتاخر نص ساعه كده 
خالد : ليه رايحة فين
حياة : رايحة اصحى استاذه مريم اللى نايمة لحد دلوقتي 
خالد : ههههه طيب ماشى وانا هخلى السواق هنا لما تخلصوا 
حياة : ليه يابابا انا عايزه اسوق هو انا صغيره
خالد : قولتلك قبل كده لا مفيش سواقه يا اما انا اللى اسوق أو السواق غير كده لا 
حياة : ليه يا بابا هو انا صغيره انا كبيرة ومش صغيره
خالد : لا صغيرة ومهما تكبرى هتفضلى صغيرة فى نظرى ويلا بقا عشان كده هنتاخر جامد 
حياة ببعض الضيق : حااضضر 
خالد : بتتكيلى على الضاد ماشى يا حياة
حياة ضحكت وجريت عند مريم  
حياة : صباح الخير يا عمو سيد 
سيد بابتسامة : صباح النور يا حياة عاملة ايه 
حياة : الحمدلله تمام اكيد مريم لسه نايمة صح 
سيد : صح 
حياة : طيب بعد اذنك بقا انا هطلعلها ولو سمعت اى صوت من فوق محدش يطلع تمام 
سيد بضحك : تمام انا قولت محدش هيفوقها غير حياة 
حياة : بعد اذنك 
حياة طلعت عند مريم ودخلت اوضتهاا 
حياة : انتى يا بت يا مريم 
مريم 😴
حياة : مريييييم 
مريم 😴
حياة خبطتها على كتفها 
حياة : انتى يا زفتة 
مريم 😴
حياة: طييييييب صبرك عليا 
حياة دخلت الحمام فى اوضة مريم وجابت جردل ميه وكبته عليها 
مريم بخضة كبيييرة : فى اييييييه مييييين مااات ينهااار اسوووود 
حياة واقفة بتضحك علي منظرها وهى واقفة على السرير وشعرها منكوش 
مريم بصت نحية حياة بشررر 
مريم : هووو انتتتى يا حيييياااةةة 
حياة بضحك : أيوة انا يا مريم كل ده نوم الساعة داخلة على 7 ونص حضرتك عندك شغل المفروض تبقى هنا 8 وانتى نايمة فى سابع نومة 
مريم : انا معنديش شغل ولا حاجه هو انا قولتلك عايزة اشتغل  ده انتى رخمة اوى وكمان فى حد يصحى حددد كدددهةة يا غبييية 
حياة : انا بقالى ساعة بنادى عليكى وانتى زى المقتولة اعملك ايه بقا 
مريم : طيب وربنا لوريكى يا حياة الكلب انتى 
مريم جريت ورا حياة وهى بتشتمها وحياة جريت ونزلت تحت ومريم وراها وحياة خبطت فى ام مريم 
ام مريم : ايه يا بت فى ايه بتجرى ورا حياة وايه منظرك ده 
مريم : منظرى ده هى اللى عملته وسيبينى بقا عشان عايزة انتقم منها 
سيد : اوعى تلمسيها أو تيجى جانبها حياة دى بنتى حبيبتى اللى هتربيكى كويس 
مريم بغيظ : بقا كده يا بابا 
سيد : أيوة كده ويلا بقا عشان متتاخروش على الشغل 
مريم بعند : مش هروح 
سيد : وعمك خالد اللى مستنيكوا برة ده مش عيب 
مريم بفرحة : بجد عمو خالد برة 
سيد غمز لحياة : أيوة برة مستنى سيادتك عشان يوصلكم 
مريم طلعت جرى على اوضتها عشان تلبس وتجهز وفعلا فى خلال عشر دقايق كانت جاهزة وطلعوا برة 
مريم بصت للسواق بشك : فين عمو خالد 
حياة : عمو خالد فى الشركة يا هبلة ههههه 
مريم : هو انتو عايزين تجلطونى يعنى 
حياة وهى بتركب العربية : اه هههههه 
مريم ركبت بضيق 
ف الشركة كل واحد استلم مكتبه ومريم عند خالد ف المكتب 
مريم بزعل : ينفع كده يا عمو خالد اللى حياة عملتوا 
خالد بضحك : ههههه معلش يا مريوم حياة بنتى مجنونة وبعدين انتى كمان مبتجيش الا بالعين الحمرا 😂
مريم : انت كمان يا عمو 
خالد : هههه معلش بقا ويلا اتفضلى على مكتبك بسرررررعة
مريم بضحك : امرك يا كبيييير 
google-playkhamsatmostaqltradent