رواية أحببت معلمة ابنتي الفصل الثاني والعشرون 22 بقلم امولة الكاتبة امل صالح
رواية أحببت معلمة ابنتي الثاني والعشرون 22
كانت تستعد وهي تضع اخر لامستها عباره عن ميك اب وكانت ترتدي فستان الجزء العلوي منه باللون الاسود وذو لمعة والجزء السفلى ذو لونين الأبيض والرمادي متادخلين في بعضهما وايضا ذو لمعة وذو أكمام تصل للكوع
ثم خرجت من غرفتها لغرفه جاسر
آية وهى تقوم بحركه دائريه امام جاسر :ايه رايك
جاسر: اممممم يعني
ايه بصدمه: يعني.. ؟! بقالي ساعتين بجهز.. وفي الاخر يعني
جاسر :بهزر يا رمضان.. ايه مبتهزرش ولا ايه يا اخي
ايه بغيظ: لا ما بهزرش يا عينيا.. وانجز عشان زمانهم جايين
جاسر: يا مستعجل انت.. وبعدين هم مين اللي جايين.. ؟!
ايه :مراد وابوه وملاك
جاسر :اه
ثم انظر لها وجد علامات الحزن على وجهه فقال مش لازم يا ايه
نظرت له بمعنى "ماذا تقصد" فاكمل :مش لازم يكونوا معانا النهارده.... هم زمان باعونا.... ثم اكمل بمرح..... وبعدين هو انا مش مكفيكي ولا ايه
ابتسمت له قائله :مكفيني وزياده كمان يا باشا
جاسر وهو يعدل ياقة قميصه بغرور مضحك :عارف عارف
★في الفلة★
وتحديدا في غرفه مراد..... كان يستعد وهو يضع عطره بعد ان يرتدي ثيابه و كانت عباره عن***
انتهى ثم لبس كوتشه باللون الابيض واتجه لغرفه ملاك
في غرفه ملاك؛؛؛؛؛ كانت تستعد وتساعدها مني في ارتداء ملابسها والتي كانت عباره عن *** دلف مراد الغرفه
مراد :ها يا لوكا خلصتي ولا لسه
ملاك: ايوه لسه بس الكوتش
مراد :طب يلا عم اشوف جدو
ملاك باستغراب: ليه هو هيجي معنا
مراد :اه طبعا هيجي
ملاك: ماشي ماشي
وذهب مراد لوالده.... وجده مستعد.... ثم ذهبوا واحضر ملاك وذهبو جميعا لبيت ايه
★في عماره التؤام★
وفي غرفه اسراء وساره... تجلسان وكل واحده بها حلة و معلقه خشب كبيره... كانت تغنيان معا وهما يطبلان
ساره / اسراء: بسم الله الرحمن الرحيم وهنبدا الليله.... اه اه اه اه اه اه.. عروستنا حلوه وجميله اهاه اه اه اه اه... وبس الصلاه على الزين الصلاه على الزين.. ومعنا ريا وسكينه اه اه اه اه
فاطمه وهي تدخل عليهم وبيدها الاثنين نعليها وهي تصرخ بهم: بااااااس.. بس بقى يا ولاد الجزمه انتوا... ايه في ايه يكونش عزال يا ختي ولا ايه
اسراء :ايه يا ماما انت ناسيه اللي عندنا ويدينج ولا ايه
فاطمه: ويدينج لما يزفك يا حيوانه.. قومي قومي من ليها نضفوا الاوضه الزباله دي... وانت يا حلوه المفروض بكره فرحك.... بقى انت يا موكوسه يا بنت الموكوسه هتبقى ست بيت ازاي
ساره :سوري على المقاطعه بس هو ايه داخل الكوسه في الموضوع... انت جعانه يا ماما
فاطمه بصراخ :طبعا اتوقع ايه من بنت الخواجه
ساره وهي تلتف حوالين نفسها :قصدك مين..؟!
اسراء بهمس لساره: انها النهايه عزيزتي ساره
سارة بكاء مصطنع: ساشتاق اليك عزيزتي جوليت
اسراء وهي تصفر وتصفق :الله عليك يا فنانه.. برافووووووو
ذهبت فاطمه وهي تردد :اللهم اني لا اسالك رد القضاء ولكني اسالك اللطف فيه
ساره: قولي لي بقى نطفش العتريس ده ازاي
اسراء :والله ورجعنا ايام الشقاوه تاني
ساره :اخلصي
إسراء:بصي ..
ساره بصراخ: نعاااااااام
اسراء: وطي صوتك يا غبيه..... وبعدين ما لها هي اي نعم ممكن ماما وبابا يشوفوك بس هيطفش
ساره :لا لا مستحيل
اسراء: والله انا نصحتك والباقي عليكي
سارة :انا لا يمكن اعمل كده
وصله مراد ووالده لبيت ايه.. بعد السلامات والتحيات.. طلب محمد يدي ايه لمراد... بالطبع وافق الجاسر.. بعد وقت اذهب مراد ووالده
" في ناس بتضايق لما انا طول في موقف او.. او. او.. او.. عشان كده اختصرت ده كله في كلمتين.. اي خدمه..😂
★عند الحيزبونة ملك★
ملك :اممممم
الرجل :طلب ايدها النهاردة
ملك بخبث :خطتي بتقرب.. واحدة واحدة
الرجل :خليكي فاكرة اني مليش دخل في الموضوع ده
ملك طيب غور
💙في اليوم التالي💙
★في الفلة★
كانت تسير ترتيبات الزفاف بشكل جيد جدا
في غرفه ملاك
مراد: انا قلت لا يبقى لا يا ملاك
ملاك: يا بابي ازاي بس اروح ال school والنهارده فرح عمي
مراد: انا عندي شرط
ملاك: قول
مراد: هنكلم مامي لو راحت ال School هتروحي ولو ما راحتش ما تروحيش
ملاك بتردد: ما....ماشي
مراد: يلا كلميها
ملاك :ماشي
قالتها ثما مسكت هاتفها واتصلت على ايه
ايه: الو
ملاك: الو يا مامي
ايه: صباح الخير يا لوكا
ملاك: صباح الخير
ايه: في حاجه يا قلبي
ملاك: مامي هو انت هتروحي اللي سكول
ايه :اه طبعا
ملاك: طب وفرح انكل رائد..... مش هتيجي
ايه: لا هاجي
ملاك: طب ازاي
ايه :يا لوكا اللي سكول الساعه 8 وبنروح الساعه 2 و فرح انكل ممكن يبقى الساعه 8 بالليل يعني قدامنا حوالي 12 ساعه هنروح عادي
ملاك: طيب ماشي باي
ايه: باي
مراد: يلا يا جزمه البسي اليونيفورم
ملاك :طب ليه الغلط طاه
مراد:يلا يابت
ثم خرج من الغرفه متجه لغرفته ليستعد للنزول الشركه
★في بيت آية★
جاسر :كنت بتكلمي مين
ايه :دي ملاك بتسالني على حاجه
جاسر :طب يلا عشان اوصلك في طريقي
ايه: يلا
ثم خرج الاثنين اوصل جاسر ايه للمدرسه ثم اتجه لشركته
★في شركة جواهر★
دلف جاسر الى الشركه والسكرتيره تمليه مواعيد العمل واشياء...... اخرى ومن بين ذلك كان معاد الرجل الذي كانت تسقط شركته
جاسر :قولي لعماد يشوف لي اسم الشركه دي
السكرتيره: حاضر يا فندم
ثم دخل المكتبه.... بعد وقت دلف ذلك الرجل صاحب الشركه..... كانت الصدمه لجاسر حين راه.... انه هو....هو.... والده.. ؟! لكنه رغم صدمته... لم يظهر سوى البرود
السيد: احم.... اكيد عرفت سبب زيارتي لحضرتك
جاسر ببرود :اكيد
السيد :وانت ايه راي حضرتك انا بس طالبت دعم لان شركتي بدءت بتسقط وانا هرده لما الشركه تقف ثاني
جاسر ببرود: و طلبك مرفوض
السيد: عفوا
جاسر:..
★في شركة الشاذلى★
☆في مكتب مراد☆
رفع سماعه هاتف المكتب قائلا :ابعتيلي ساره
ثم وضع السماعه منتظرا ساره.... طرق الباب بعد وقت ودخلت بعد ان اذن لها
ساره: احم في حاجه يا فندم طلبتيني
مراد: اه في.. انا لي صديق ولي شركات وطالب بس سكرتير او سكرتيره.... بس يكون قد الوظيفه... وانا مش هلاقي احسن منك... ايه رايك
ساره: والله يا فندم انا ما عنديش مشكله
مد يده بورقة قائل: كويس.... والعنوان اهو..
شوفي هتروحي امتى واسحبي الCv بتاعك وروحي
ساره: احم ماشي.... لو سمحت يا فندم انا كنت جايه بس عشان اخذ اذن لغيابي النهارده
مراد: ماشي
ساره: عن اذنك
قالتها ثم وقفت خارج المكتب بل الخارج الشركه كلها
★في ال School ★
ايه: يلا كله يطلع ال Homework
يوسف: ال homework يا مس
قالها وهو يمد يده بالكراسه
اية:برافو يا يوسف.... ايه ده يا يوسف
يوسف: ايه يا مس
ايه :يا ابني مش قلتلك قبل كدا متجيش ببدلة الشرطة دي وتعالي باليونيفورم
يوسف بقوة :يا مس اتكلمي معايا باحترام عن كدا... انا بس مراعي انك كبيرة
كانت هي في صدمتها... كيف لطفل بعمره ان يقول ذالك الكلام...؟!
اية:يبني انت في اي.. حسن ملافظك
يوسف بملل :اوووف بقى الواجب صح ولا غلط
نظرت الكراسة :صح
يوسف :اوك عن اذنك بقى
قالها وهو يسحب الكراسة من يدها ويعود لمقعده
ملاك بحدة :ع. فكرة مينفعش تتكلم كدا مع الكبار
يوسف ببرود لايليق على سنه :ملكيش دعوه
ملاك وهي تتمتم :عيل بارد
يوسف :سمعتك ع فكرة بس مش هرد عليكي عشنك بنت
ملاك :لا يا رااااجل.... وريني ياض هتعمل ايه
يوسف بتحذير:ما بلاش
ملاك :مبخفش غير من اللي خلقني
يوسف وهو يخرج مسدس من بدلة الشرطة التي يرتديها :ما بلاش
:لا بجد واو واو يعني... خش عليها بقى بالروسية.. ايه يبني في ايه.. وانتي ياست ملاك مش قولنا ملناش دعوه بالولاد
يوسف بسخرية :انتي منهم
نظرت له آية فقالت ملاك :هم مين
نظرت لها آية فقال :بتوع مامي وبابي
نظرت له آية فقالت ملاك :ملكش فيه
نظرت لها ثم قالت بملل :بس الله يخرب بيتكم منك ليها حولتوني... وانت تجيب أولياء امورك بكرة.. وانتي حسابنا بعدين
★في شركة جواهر★
جاسر :هو انت ليك أبناء
السيد باستغراب من سؤاله :عفوا
جاسر بتأكيد :ليك ابناء
سيد بتوتر واضح :لا
جاسر بخبث :اومال انا ايه
نظر له فأكمل :ابنك اللي رميته هو واخته من 20 سنة.... ابنك اللي رميته وهو لسة 8 سنين..... ابنك اللي رميته ومفكرتش هيعيش ازاي... ابنك اللي رميته ومفكرتش هياكل ايه ومنين.... عايش ولا ميت... ايه افتكرت ولا لسة.. جاسر السيد محمد.. والله فكرت اتبري منك.... بس كانت دايما توقفني وتقولي... جاسر دا مهما كان ابونا... تخيل لسة بعد كل اللي عملته معتبرتك ابوها... بس نقول ايه عالم وس*** معندهاش دم.... دلوقتي برررة..... لسة هتنح...... بررررررررررة
قالها وهو يضرب بيده على المكتب بغضب افزع والده..وقف وهو مازال غير مستوعب ثم خرج من المكتب وهو يتذكر ماحدث منذ 20 سنة
//فلاش بااك//
كان السيد احد رجال الاعمال المهمه في مصر هو كان يهتم فقط لعمله وذلك فقط من اجل كسب الاموال....لم يكن يهتم لعائلته ولا حتى لاولاده "جاسر وايه"..... وفي يوم من الايام خرج بهم بمفردهم وترك زوجته نوران في ڨلتهم بحجه انه سوف ياخذهم في نزهه
★في السيارة★
جاسر ذو الثامنه من عمره: بابا هو احنا رايحين فين
ايه ذو الثالثه من عمرها :با.....بابا
السيد بتسامه صفراء حاول اظهارها عاديه: افسحكوا يا حبايب بابا
جاسر بفرحه لان هذه اول مره يفعل معهم ذلك :هيييييه
ايه :بابا....نروح فين
جاسر بحنان وهو يفهمها بسبب صغر سنها: نتفسح يا يويو
ايه: فسح..؟
جاسر بتوضيح اكثر :نتمرجح و ناكل ايس كريم
صفقت بطفوله....بعد وقت طويل استغربه جاسر رغم صغر سنه الا انه لاحظ ذلك.... بعد مده وصلوا الى مكان ما لا يبدو حتى كأي مكان النزهه.... اوقف السياره فقال جاسر: بابا احنا وقفنا هنا ليه
ركب سيد السياره وذهب دون حتى الرد عليه بينما جاسر اخذ يصرخ وهو يطلب منه العوده وايه التي تبكي فقد استشعرت ان هناك خطا ما
جاسر ببكاء وصراخ :باااااباااااا....يابابا انا خايف
بينما اية فقط تبكي
"كنت بسمع اغنية تركية حزينة وانا بكتب الحتة دي حقيقي عيطت وانا بتخيل المشهد 😞اللي هي دي 👇"
عاد سيد الي بيته مرة أخرى قابل زوجته التي سألته
نوران :العيال فين يا سيد
سيد بكاء مصطنع :مش عارف يا نوران..مش عارف
نوران :ي... يعني ايه م.... مش عارف العيال كانوا معاك
سيد بأسف مصطنع :سبيتهم يتمرجحوا وروحت اجبلهم حلويات... رجعت ملقتهمش.... فضلت ادور لحد دلوقتي ومش لاقيهم..... بس ما تخافيش هخلي اي احد من مساعديني يلاقيهم وما يرجعش غير بيهم
مرت سنه و الاخرى الى ان فقدت الامل في عودتهم وهي تظن انهم خطفوا..... هو وحده يعلم انهم لم يخطفوا
//بااك//
فاق سيد من ذكرياته على صوت سياره وهي تصدر صوت ليبتعد..... ابتعد عن طريقها وعاد بيته مجددا
★ في بيت سيد★
نوران بشحوب هي كذلك منذ 20 سنه: اخليهم يجهزوا لك الغداء
سيد: لا.... نوران
نوران: نعم
سيد: انا لقيت عيالنا
نظرت له باعين. مفتوحه سعيده ثم قالت بسرعه ولهفه: بجد طب هم فين و كويسين ولا لا وعرفتهم ازاي قول يا سيد
سيد: انا اللي بعتهم يا نوران انا
نوران: ايه.؟! وضح كلامك
سيد :اليوم ده انا سبتهم في مكان مهجور وجيت متخطفوش لاني ما فسحتهمش. اساسا
صدمه ثواني ثم قالت بصراخ: ليييييييه..... ليه عملت كده..... عملولك ايه..... دول كانو اطفال فاهم يعني ايه أطفال....... يعني لازم يعيشوا طفولتهم مع صحابهم ولعبهم وفرح وحنيه اب و ام..... فعلا استغربت يومها.... انت..... انت السيد محمد الاسيوطي اللي مش بيهمه غير فلوس هياخد عياله اللي الله اعلم بيحبهم ولا لا يفسحهم.... قلت يمكن اتغيرت بس لا عارف ليه عشان دمك وس** و هيفضل وس**
صمتت قليلا ثم قالت بهدوء: وديني ليهم
نظر لها بحزن قررت كلامها: بقول وديني لهم
قالتها وهي تخرج ثم ركبت السياره ثواني وخرج هو الاخر اوصلها الشركه
نوران: اياك تخش الشركه دي اياااااك
قالتها ثم صعدت طالبه من احدهم ان يوصلها لمكتب المدير
السكرتيره: ثانيه واحده يا فندم اعرفه.... الو.... الو يا فندم في واحده عايزه حضرتك.... لارفضت تقول مين... اوك ماشي..... اتفضلي يا فندم
فتحت الباب وهي متردده دخلت وجدته يعطيها ظهره نوران بصوت امومي حنون :جاسر
التفت فورا للصوت قائلا لهفه واشتياق: ماما
★ في بيت التوام★
وبعدين بقى
نطقت بها ساره وهي تجلس بحيره امام اسراء
اسراء بدون اهتمام وهي تضع مناكير: وبعدين ايه
ساره مش المفروض النهارده فرح ويبقى فيه اغاني ورقص وهيصه او حتى المدعو جوزك يبعت لك الميك اب ارتست زي الروايات كده ويبعث لك الفستان مع بوكيه ورد برساله ويقول لك فيها حبيبتي ده الفستان اللي هيخليكي ملكه و بلا بلا بلا بلا بلا بلا
اسراء: ده المفروض قومي بقى زي الشاطره افتحي الباب اللي بيرن ده.... هو اللي بيرن ده بيرن على باب اللي خلفوه... يلا قومي
ساره وهي تقف :قامت قيامتك يا بعيده
اسراء: تفي من بقك يا حيوانه
ساره: حاضر يا اللي بترزع.... يكونش بيوزعوا لحمه ولا ايه
فتحت الباب وجدته احد اطفال العماره
ساره: خير يا زلطه في حاجه.....تكونش عايز تحكمنى في حاجه زي كل مره
زلطه: بصي يا كبيره انا هاجيبلك الواد عطوه وحموشكا وتحكمي بيني انا و بريزه
ساره: يوه مش قلتلك ما عادش خناق انت وسي بريزه ده ثاني.... ايه ما بتهدوش.... طب انزل عم البس واجي لكم
زلطة: ماشي يا كبيره
: والله ولقيت اللي يحترمك يا سرسور
ساره: ايوه دي معجزه يا بنتي والله وسعي بقى اما البس وانزل اصلحهم على بعض
اسراء بسخريه: وانت الصادقه... قصدي تولعيهم في بعض
ساره: شطب يا حيوانه... انا..؟! ده انا كيوت
اسراء: ما انا عارفه انت هتقوليلي
لبست ساره ثيابها ونزلت لهم الشارع وجدتهم يضعون كالعاده طاولة في المنتصف والكرسي و المسمى "يد الهون" وكانهم في محكمه والاطفال يجلسون جميعا على سجاده
ذهبت وجلست على الكرسي وامسكت يد الهون وهي تضرب على الطاوله وهي تقول :محكمه
انتبه لها جميع الاطفال وكان الشيء حقيقي ولأن سارة لا تعرف شيء في مجال الحكومه تلك قالت: فين المتهم والمجني عليه
زلطه: انا المظلوم يا حكومه هو اللي بدا يا كبيره
اشار على بريزه احد اطفال الحاره
ساره: فليتقدم المتهم
تقدم بريزا باحترام وراسه منخفضا ارضا
ساره :احكي اللي حصل.. يتبع الفصل الثالث والعشرون اضغط هنا