رواية حب ممزوج بكره بقلم الكاتبة هدير محمود كاملة جميع الفصول من الفصل الأول للأخير عبر دليل الروايات للقراءة والتحميل pdf
رواية حب ممزوج بكره الفصل الأول
- يعني ايه مبيردش على التليفون ومختفى المأذون زمانه جي!!!
- مش عارف يا دلال بتصل بيه من بدري وبرضو مبيردش
= يا فضحتنا وسط الناس هيقولوا عريس بنتك طفش يوم كتب الكتاااب هيكون عرف عنها ايه
- كلام ناس مين اللي شايله همه.. فكري في بنتك اللي ممكن يجرالها حاجه لما تعرف
= جرب تاني كده طيب
- حاضر... مقفول!
**
- انا فرحانه ومتوترة اوى يا روان
= طبيعي يا عروستى يا حلوه ربنا يتمملك على خير يا حبيبتي
- يارب يا رورو.. اخرجي كده شوفي أحمد جه ولا لسه
= حاضر ثواني وجايه
**
- اومال فين العريس يا طنط اشتياق بتسأل عنه
= لسه مجاش يا روان لسسه
- طب مالك قلقانه ليه كده ان شاء الله زمانه على وصول
=يارب يا بنتي.. قولي لاشتياق انه لسه مجاش بس حاولي متتوترش
- حاضر يا طنط
= الو.. ايه يا فريد مفيش اخبار
- انا رايح اهو يا دلال على بيته
= ماشي طمني على طول بالله عليك
- متقلقيش
**
- جه صح
= لسه يا ست اشتياق ايه مستعجله اوي كده
- قلبي مقبوض بيقول ان فيه حاجه وحشه هتحصل
- متفوليش بس انتي وكله هيبقي تمام
= ربنا يستر
**
- السلام عليكم
= وعليكم السلام اتفضل يا بيه طالع لمين
- طالع لأحمد الشبراوي
= ايوه استاذ احمد اللي فى الرابع؟
- ايوه هو
= بس هو مش موجود يا بيه عقبال عندك فرحه النهارده
- لا قصدك كتب كتابه مش فرحه هو نزل من امتى
= لا يا بيه فرحه مش كتب كتابه ونزل من العصر
- فرحه!!! طب متعرفش الفرح ده فين
= لا والله يا بيه
- تمام شكرا
• استنى يا استاذ.. حضرتك عايز أحمد
= ايوه يا ابني متعرفش فرحه فين
* وصفلى العنوان خدته وجريت على هناك.. روحت وشوفته من بعيد.. لقيته فرحان وبيرقص مع عروسته.. انا هفضحه واعرفه ازاي يخدع بنتي *
- رايح فين يا استاذ
= داخل الفرح
- معاك دعوه؟
= لا ممعيش
- انا اسف ممنوع الدخول من غير دعوة
= يعني ايه انا لازم ادخل اوعى كده
- لو سمحت يا استاذ مينفعش كده اتفضل مفيش دخول
" يا كسرة قلبك يا ابنتي ارجع اقولك ايه اقولك خطيبك اللي كان هيبقى جوزك النهارده اتجوز عليكي.. اعمل ايه يارب.. صبر قلبها يارب"
**
- ازيك ي عمتى اومال فين عم فريد
= في مشوار وجاي يا حازم
- مشوار ايه دلوقتي المأذون وصل بقاله ربع ساعه وانا كنت بدور عليه
= تعالى يا حازم
" كانت قلقانه ووشها ميطمنش شدتني ع اوضه وقفلت الباب وراها "
- بص يا حازم.. أحمد مختفي من الصبح ومبيردش على تلفيوناتنا وانا مش عارفه اعمل ايه يا ابني.. عمك راح يدور عليه وانا خايفه يا حازم
= اهدى بس كده يا عمتى وان شاء الله خير.استني هتصل بعمي واشوفه فين
" لسه بطلع موبايلي لقيت عم فريد بيفتح باب الاوضه ووشه اصفر وخلاص ع وشك العياط.. جريت عليه وقفلت الباب"
- ايه يا فريد مالك.. أحمد جه معاك صح
=.....
- ايه يا فريد رد عليا ومتوقعش قلبي.. جراله حاجه طيب
• ها يا عمى المأذون وصل والناس ابتدت تزهق
= أحمد بيتجوز يا دلال
- نعم بيتجوز ازاي يعني انت بتقول ايه
= روحت سألت عليه في بيته قالولي الخبر ده وخدت عنوانه وروحت شوفته وهو عريس يا دلال
- يا قهرة قلبك يا بنتي.. يا فضحتنا في وسط الناس... ياااالهوووي
• قولي هو فين يا عمي وانا مش هسيبه وربنا لاخلص عليه
= أهدى يا حازم خلينا نشوف هنعمل ايه
- مفيش غير حل واحد
= ايه هو الحقيني بيه
- حازم هيتجوز اشتياق
=اييه؟!
حب ممزوج بكره الفصل الثاني
- انتي بتقولى ايه ي عمتي انتي عايزاني اسيب البت اللي هخطبها واخطب اشتياق.. ده انا خطوبتي الشهر الجاي انتي نسيتي ولا ايه
= انا عارفه انه مينفعش ي حازم بس فكر ف سمعة بنت عمتك ي حبيبي
- يا عمتي بالله عليكي متدخليش المواضيع في بعضها.. طيب فكري كده انا لو سيبت حبيبتي يبقى كده فرقت ايه عن أحمد.. كده هبقى اندل منه ي عمتى
• بااااس اسكتوا شويه.. انتي اتجننتي ي دلال عايزاه يتجوز اشتياق بعد ما أحمد هجرها
* لسه كنا بنتناقش سمعنا صوت دوشه جمب الباب جريت فتحته لقيته اشتياق مغمي عليها وقرايبنا ملمومين حواليها *
- في ايه يا روان
= معرفش يا حازم هي كانت جايه تشوف طنط فين وبعد كده جيت وراها لقيتها مغمي عليها
* ينهار منيل اكيد سمعتنا وعرفت أن أحمد سابها *
- طب حاسبوا كده ي جماعه.. لو سمحتي ي روان نادي لمحمود اخويا من فوق بسرعه.. شيل معايا يا عمي ننقلها اوضتها
= حاضر
**
- محمود انت جوا؟
= ايوا تعالي ي روان
- ممكن تيجي معايا بسرعه اشتياق اغمى عليها
= ايييه..
**
- خير يا محمود يبني
= متقلقيش ي عمتي هتبقى بخير ضغطها وطي فجأه .. هو ايه اللي حصل
- تعالى بس نتكلم برا بعيد عنها
**
- خير يا جماعه ايه اللي حصلها
= تعالى معايا يا محمود انا هحكيلك
- على فين يا حازم
= تعالى بس نمشي الناس قولهم إن اشتياق تعبت فجأه وان كتب الكتاب اتاجل وانا وهفهمك
* الناس مشيت والليله اتفضت والفرحة هربت من بيتنا.. عمتي وجوزها جمب بنتهم اللي لسه مصحيتش.. وانا ومحمود طلعنا شقتنا *
- الناس مشيت اهو ي عم حازم فهمني بقى ايه اللي وصل اشتياق للحاله ديه البت كان ممكن تموت الضغط وطي جداا لولا ستر ربنا
= أهدى بس يا دكتور اللي حصل...
* حكيت لمحمود الموضوع من أوله لاخره وان اشتياق اكيد سمعت كلامي مع جوز عمتي وعمتي*
- هوو فين الحيوان ده تعرف مكانه
= يا عم أهدى بس هتروح تعمله ايه دلوقتي
- لو وصلت اني اقتله هقتله يا حازم.. ازاي يعمل كده فى بنت عمتى ازااي
= قتل مين بس صلي على النبي.. أهدى كده بس هو كلب وراح لو قربلها تاني يقول على نفسه يا رحمان يا رحيم
* لأول مره اشوف محمود يعيط.. اخويا الكبير المتماسك الخشن يعيط.. لا ده اكيد فيه حاجه *
- انت بتعيط يا محمود!!
= بعد اذنك يا حازم سبني لوحدي 5 دقائق
- لا مش هسيبك في ايه مالك.. عشان اشتياق؟
= لا يا حازم ولو سمحت سبني وامشي عشان مفقدش اعصابي
- ماشي بس هرجعلك تاني هروح اطمن ع اشتياق وهجيلك
**
- انتي لسه هنا يا روان مش تروحي بقى الوقت اتأخر
= مش عايزه امشي واسيب اشتياق قبل ما تصحى ي حازم
- لا ازاي بقى روحي عشان اهلك ميقلقوش عليكي.. خشي اطمني عليها وبعد كده هوصلك
- اشتياق عامله ايه ي عمتي
= مش عارفه يا ابني محمود قال شويه وهتصحى وعدى ساعة اهو ولسه مصحيتش انا خايفه
• متخافيش يا طنط ان شاء الله هتبقى كويسه يمكن تصحى بعد شويه
= يارب يا حبيبتي.. شكرا يا روان تعبناكي معانا
• متقوليش كده يا طنط ديه اختي.. بعد اذنكوا بقى انا هروح وهاجي بكره الصبح اطمن على اشتياق
= تروحي فين يا بنتي الوقت اتأخر باتي هنا
• لا مش هينفع يا طنط والله
- انا هوصلها يا عمتي متقلقيش
= ماشي يا حازم خلي بالكوا من نفسكوا
* تاني يوم *
- محمود الحقنيييي اشتياق قاطعه النفس ومبتتحركش!
= اييه ازاااي اطلبي الإسعاف بسرعه يا عمتى