رواية حب ممزوج بكره البارت الثالث 3 بقلم هدير محمود
رواية حب ممزوج بكره الفصل الثالث 3
- ها يا محمود اشتياق عامله ايه دلوقتي
= الحمدلله جت سليمه ي عمتي لما تفوق هنشوف لو فيه اي مضاعفات لاقدر الله
- ماشي ي حبيبي ربنا يطمن قلبك
.....
- دكتور محمود المريضه فاقت
جرينا بسرعه عشان نشوفها.. شوفتها نايمه زي الورد المفتح باصه للسقف وعينها بتدمع
- اشتياق كده تخضينا عليكي.. عامله ايه دلوقتي
• كده يا اشتياق توجعي قلب امك عليكي يا بنتي مالك يا ضنايا ايه اللي حصل
* فضلت تعيط ومبتردش علينا.. رد حازم *
- محصلش حاجه يا عمتي ده هي بس بتحب تقلقنا عليها كده ولا ايه ي شووق.. تعالي يا عمتي عايزك
خدت عمتي ع جمب وفهمتها أن اشتياق اكيد سمعتنا واحنا بنتكلم عشان كده مقدرتش تتحمل ف وقعت من طولها.. طبعا عمتي كان لا حول لها ولاقوه سمعت كلامي وفضلت واقفه بتتحسر ع بنتها
- عايزه اروح البيت
= بس كده من عيوني يا احلى اشتياق بس ناكل الأول وناخد الدوا ده
- مش عايزه حاجه خرجوني من هنا
• خلاص ي محمود متضغطش عليها لما نروح هبقى اخليها تاكل
= حاضر يا عمتي
" روحنا البيت.. وأول ما شافته فضلت تعيط بصينا ع العماره لقينا لسه الزينه والنور موجودين.. بقت تعيط كأن طفل تاهه من أمه وسط زحمه ميعرفش فيها حد.. زي الحبيب اللي شايف حبيبه بيغرق وهو متكتف مش قادر ينقذه
- ايه يا حازم ده ازاي الحاجات ديه متشالتش لغايه دلوقتي
= اسف والله يا محمود من خضتي عليها نسيت اشيلهم
- طب اتفضل شيلهم بسرعه
سندتها انا وعمتي وطلعنا
- انا عايزه انام
= ماشي بس مش هتاكلي الأول
- ملكش دعوه بيا ممكن
= بس ا..
- يووووه اطلع برااا بقى سيبوني ف حالي
• معلش يا محمود يا ابني سيبها لوحدها دلوقتي
" خرج وقفل الباب وراه.. فضلت أعيط قومت اتفرج ع صور خطوبتنا كان فرحان بيا اوي..
- واخيرا هنتخطب وهتبقى ليااا
= فرحان يا احمد
- الا فرحان ده انا هطير من الفرحه. بحبك بحبك بحباااك
لييييه كده ليه.. عملت فيك ايه عشان تكسرني الكسره ديه بكرهك وبكره كل الرجاله.. ليه يا احمد ليه ده انا حبيتك لييييه
" سمعنا صوت كسر ازاز ف اوضه اشتياق جرينا عليها لقيتها قاعده ف الارض بتعيط وماسكه صورها مع الحيوان أحمد وايديها متعوره"
جريت عليها مخضوض.. زي خضة الأب ع بنته
- اشتياق ايدك بتنزف.. عمتي هاتي الإسعافات الأولية بسرعه
- اطلع برا يا محمود وملكش دعوه بيااا
= مش طالع ي اشتياق مش طالع.. ازاي تبقى مهمله كده وتعوري نفسك.. ده كله عشان مين عشان حيوان ولا يسوى.. يبقى هو مبسوط وفرحان وانتي هنا بتأذي نفسك
صرخت فيا بعياط جامد
- محمووود اطلع برا بقي كفايه مش عايزه اسمع حاجه
عمتي جابت الإسعافات
= مش طالع.. هاتي ايدك
" خدت ايديها وفضلت أوقف النزيف وعالجتها استسلمت وفضلت قاعده ع الارض ف حضن عمتي وتعيط"
- مش هسيبك الا لما تهدي
= هديت اهو اهو خلاص.. هنام بقى بعد اذنك اتفضل
• روح انت ي محمود وانا هفضل جمبها متخافش
- ماشي ي عمتي لو احتاجتي حاجه قوليلي
**
- الو ازيك يا محمود
= مين معايا
- انا روان صاحبه اشتياق
= اه اتفضلي ي روان في حاجه
- معلش اتصلت بيك اطمن ع اشتياق عشان بكلمهم ف البيت محدش بيرد عليا هي كويسه؟
= اه يا روان بخير الحمد لله.. ياريت لو تيجي تشوفيها وتفضلي معاها عشان هي محتاجالك جمبها
- اه طبعا طبعا بكره ان شاء الله هكون عندها
= ماشي مع السلامه
- سلام
**
*مجهول *
- براڤو عليك يا احمد عملت اللي قولتلك عليه بالظبط اتفضل ديه فلوسك وزياده
= انا عايز اعرف ليه الحقد والغل ده كله.. ليه نفسك اشتياق تدمر وتتكسر كده
- مش شغلك يا احمد.. انت عملت اللي عليك ودورك انتهى.. كلام ف اللي ميخصكش ممنوع.. اتفضل
" وديه اول خطوه فى انتقامي منك يا ست اشتياق.. لسه بنقول يا هادي.. استعدي للضربه التانيه"