رواية حب ممزوج بكره الفصل الرابع 4

الصفحة الرئيسية

رواية حب ممزوج بكره البارت الرابع 4 بقلم هدير محمود

رواية حب ممزوج بكره كاملة

رواية حب ممزوج بكره الفصل الرابع 4

- مساء الخير يا طنط دلال 
= مساء الخير يا روان اتفضلي يا حبيبتي 
- اشتياق عامله ايه دلوقتي 
= احسن الحمدلله ادخللها هي اوضتها 
- ماشي بعد إذنك 
... 
- صاحبي يا صاحبي 
= تعالي يا روان 
- ايه ياض يا شوق الوش الخشب ده اومال فين الضحكه اللي متعوده عليها 
= ماليش نفس لأي حاجه.. كل حاجه حواليا حساها مطفيه شايفه كل الناس خداعين وكذابين.. ليه أحمد يعمل فيا كده ليه يجري ورايا ويعشمني بحبه ويخليني اقع فيه وف الآخر يسيبني فى احلى واكتر وقت اي بنت بتتمناه.. اذيته ف ايه عشان ده كله 
- انا بس لو عترت فيه هموته كده وقبل ما اموته هقطع من جلده حتت وأعملها بانيه
* ضحكت*
- ايوه كده اضحكي يا بت.. ان شاء الله بكره ربنا هيعوضك باللي احسن منه
" ممكن ادخل"
- اهلا ازيك يا دكتور
• الحمدلله يا روان.. عامله ايه يا اشتياق دلوقتي
= كويسه
• ممكن اتكلم معاكي شويه
= لا مش ممكن
•تمام شكرا جدا.. ممكن يا روان تسيبينا لوحدنا
- هاا.. ما هي قالتلك لا
• يلا انتي بس استنيها برا
= انتي عبيط ولا بتستعبط مش عايزه اتكلم معاك انا
-تمام هستأذن انا.. هتصل بيكي يا اشتياق
...
- ممكن اعرف انت جايب البرود ده منين
" لقيته قرب عليا وعلى وشه تكشيره وغضب جامد.. خوفت ف رجعت لورا وهو يقرب وانا ابعد لغايه ما خبطت ف الحيطه" 
- أولا انا ابن عمتك الكبير لازم تتكلمي معايا بأدب.. ثانيا لو عليتي صوتك عليا تاني هعاقبك 
" زقيته وجريت ناحية باب اوضتي واتكلمت بارتباك " 
-
= نعم!! تعاقبني! ليه شايفني تلميذة ولا مريضة عندك ولازم اسمع كلامك 
-  اشتياق تعالي اقعدي وخلينا نتكلم زي اي اتنين عاقلين 
= ليه هو انت شايفني مجنونه يا دكتور 
"زعق فيا جامد وصوته عليّ" 
- اشتيااااااق تعالي هنا قولتلك 
" طول عمري بخاف منه ومن نظرته الحاده.. أكبر مني ب ٧ سنين ويوم ما وعييت على وش الدنيا وانا بخاف منه وبكره وجوده بغض النظر عن أنه قمر.. بس بالنسبالي قمر صناعي.. اووف ياربي رخم رخم" 
• ايه يا محمود صوتك عالي كده ليه يا ابني 
- بنتك يا عمتي بتتصرف زي الأطفال.. مش عارف اقعد اتكلم معاها ولا حتى اكشف عليها عشان اطمن عليها
= شكرا يا دكتور مش محتاجه كشفك.. ومش لازم تطمن عليا انا مخصكش ف حاجه 
- لا تخصيني يا اشتياق وبكره اعرفك ازاي تخصيني 
.. بعد اذنك يا عمتي 
• محمود محمود استني يا ابني.. عجبك كده اهو مشي وهو زعلان 
=ما يزعل ولا يتفلق.. بقولك ايه يا ماما انتي عارفه اني مفيش بيني وبينه عمار ف لو سمحتي متزوديهاش عليا عشان انا مش ناقصه 
- طب اهدي يا اشتياق كده وروحي يا حبيبتي اعتذريله 
= اه يوم القيامه الصبح هعتذرله ان شاء الله.. انا بكرهه بكرهه 
- اشتيااااق قسما بربي لو ما اتكلمتي عدل لأكون ماده ايدي عليكي.. روحي دلوقتي اعتذريله يا اما هتشوفي الوش التاني 
" خبطت رجلي ف الارض واتنرفزت .. سمعنا صوت كركبه  قدام باب الشقه روحنا نبص انا وماما لقينا باسكت القمامة واقع" 
- ديه اكيد قطه ربنا يصبرني ع القطط ديه 
= ما تمشيهم من هنا مش انتي اللي بتحبيهم ومخلياهم هنا 
- بتت انتي متدخليش في اللي ملكيش فيه.. وروحي اعتذري لابن خالك 
= بس كده عيوني 
" دخلت لبست وقولت لماما انا نازله اتمشى شويه.. اينعم حدفتني بالشبشب بس الحمدلله مجاش فيا"
نزلت الشارع وشوش الناس غريبه حاسه اني في مكان ميشبهنيش.. شايفه السوء والسواد اللي جوا كل واحد ماشي.. عمو ابو لحية بيضه بتحكي عن عمره ووقاره اللي باين من شوه ولبسه بس ورا الوش البريئ ده شخصيه تانيه عاصيه لربنا واللحيه مربيها للموضه عشان يتماشى مع العصر اللي عايش فيه.. البنت اللي نازله من بيتها لابسه لبس محتشم وراحه بيه كباريه وقلعت الاحتشام.. عارفه اني ممكن اكون ظالماهم مش ممكن ده اكيد بس كسرتي خلتني اشوف كل حاجه وحشه.. شايفخ عصير المانجا المسكر على أنه سم بيجري جوا دمنا وبالرغم من حلاوته الا ان نتيجته هتبقى مره اوي..
- الحقي مش ديه البت بنت فريد اللي خطيبها سابها يوم كتب الكتاب
= اه والنبي هي يا ترى سمع عنها ايه ولا شاف عليها ايه
- شوف ازاي. ماشيه عادي ف وسط الناس مش مكسوفه من نفسها
" سمعت الكلام وفضلت اعيط.. انا ذنبي ايه طيب.. ذنبي ايه.. لقيت حد بيرد عني"
° والله يا حاجه المفروض انتي اللي تتكسفي من نفسك.. واحده كانت مخطوبه لواحد واطي وسابها في احلى يوم ف حياتها.. ذنبها ايه... ايه اللى حصل أو اللي عملته المفروض تتكسف منه وتنعزل عن الناس.. ذنبها ايه انها اتولدت ف عالم مليان باللي زيك وتفكيرهم عقيم.. لو سمعت كلمه تانيه بتتقال عليها لأكون مطربق الدنيا على دماغكوا
" كان هو محمود.. للحظه حسيت بطلى وجاي ينقذني من أعدائي.. نبرة صوته وهو بيدافع عني نبرة اب بيدافع عن بنته.. اكتشفت اني واقفه مبتسمه بعد ما كنت بعيط ومتنحاله.. يعني انا لسه غلطانه فيك وانت جاي تدافع عني.. شدني من أيدي وبصلي بحنان
- انتي كويسه يا اشتياق
هزيت راسي ب اه
- طب تعالي يلا نشرب حاجه عشان تهدي
عايزه اروح ممكن
- ماشي يلا بينا
 " روحت ودخلت اوضتي وهو طلع ع شقته.. فضلت سرحانه ف هذا الموقف الرجولي.. يا ترى عمل كده ليه.. عشان ابن عمتي ولا موقف إنساني عادي.. اه عادي يعني اي حد مكانه كان هيعمل كده.. بس انا لسه غلطانه فيه وحتى معتذرتش.. فضلت افكر لغايه ما نمت
* تاني يوم *
- صباح الخير يا ماما
= صباح النور 
- فين بابا اومال وحشني
= جاله شغل واضطر يسافر
- ازاي من غير حتى ما يسلم عليا كده
= اه
- ايه يا ماما انتي زعلانه مني لسه
= اه ي اشتياق وهفضل زعلانه منك كده لغايه ما تعتذريله
- خلاص ماشي هعتذرله
= بجد ولا بتسرحي بيا
- لا بجد والله.. وهخليه ينزل يفطر معانا كمان
= ده لو رضي اصلا
- هيرضى.. انا طالعاله
..........
دق دق
- ايوااا جاي.. اهلا شوق تعالي
= ازيك يا حزوم
- الله حزوم وكده لا ده احنا بقينا زي الفل اهو.. انا كويس انتي عامله ايه
= بخير الحمدلله.. اومال فين محمود
- جوا ف اوضته
= طب قوله اني هستناه ف البلكونه
.....
- أبو حنفي شوق مستنياك برا
= برا فين
- هيكون برا مصر يعني.. برا ف البلكونه يا عم
=  بجد.. ماشي انا جاي اهو
- الاه ايه الضحكه ديه بقى
= ولاا انت هتهزر معايا وتصاحبني ولا ايه
- ها.. اسف يا دكتور
= يلا منها
- بتتحول في ثانيه
= بتقول حاجه؟
- حبيبي ولا حاجه بغني.. هوبااا
" جري من قدامي.. ضحكت علي طريقته وهو بيضحك ووشه قبل ما ازعقله .. يا ترى ايه اللي مطلعاها وعايزاني انا مخصوص.. لا ده اكيد فيه حاجه"
- صباح الخير
= صباح النور يا دكتور عامل ايه
- بخير وانتي
= مش بخير خالص
- ليه كده سلامتك
= اصلي متضايقه مني عشان يعني اتكلمت معاك بأسلوب مش لطيف
- مش لطيف بس؟
= ورخم وقليل الزوء
- حصل
= فا انا جيالك ورقبتي قد السستمة وبقولك انا اسفه متزعلش مني
- لا لا انتي اكيد سخنه.. اشتياق هانم جايه تعتذر بنفسها
= يوه طب ليه طيب كده خلاص انا رجعت ف كلامي
- متتعصبيش زي الأطفال كده.. عموما اسفك مقبول
= حلو اوي.. حيث كده بقى يلا عشان تفطر معايا انا وعمتك
- لا انتي هتاخدي عليا ولا ايه
= خلاص خليك انا اصلا قولتلها مش عايزاه يفطر معانا بس هي اللي أصرت
- لا والله.. طب هنزل بقي بالعند فيكي
= وهات حازم معاك يا شرير.. يلا متتاخروش
**
- تسلم ايدك ي عمتي
= تسلملي ي حبيبي.. انا والله ما صدقت نفسي واشتياق بتقول هتطلع تصالحك وتقولك تفطر معانا
- اه ما هي قالتلي 
" كنت بشرب مايه وهما بيتكلموا.. تفيتها على وش حازم من كسفتي" 
• ايه ده ينفعع كده يا شوق 
= سوري يا حازم مقصدش والله 
" لقيت محمود باصصلي وكاتم ضحكته اللي هتطق من عروقه.. اتكسفت وقومت دخلت اوضتي" 
- راحه فين يا اشتياق مش هتشربي الشاي 
= لا يا ماما بالهنا انتوا
**
- فهمتوا هتعملوا ايه 
= اه فهمنا 
- اشتياق هتعدي من تحت الكوبري بكره  الساعه 5 ف الوقت ده تطلعوا بالعربيه وتضربوها.. بس خلو بالكوا لازم تكون باينه انها حادثه بالظبط مش حركه مقصوده 
= ممكن سؤال 
- ها ارغي 
= ايه الي ضمنا أنها هتعدي ف الوقت ده بالذات 
- مش شغلك انت تنفذ اللي اتقال وبس مفهوم 
- مفهوم
google-playkhamsatmostaqltradent