رواية حب ممزوج بكره الفصل الخامس 5

الصفحة الرئيسية

رواية حب ممزوج بكره البارت الخامس 5 بقلم هدير محمود

رواية حب ممزوج بكره كاملة

رواية حب ممزوج بكره الفصل الخامس 5

" دخلت اوضتي وقفت فى البلكونه.. اتحرجت جامد والله يعني كان لازم يماما تقولي الكلمتين دول.. شكلي ايه انا بقى دلوقتي" 
- بصراحه شكلك وحش اوي 
" لقيته جاي وف ايده كوبايه شاي ووقف جمبي وسند على سور البلكونه وباصص قدامه وقالي الكلمتين دول.. بصراحه تنحت.. ازاي سمع أفكاري ولا انا اللي كان صوتي عالي!.. لا اكيد صدفه وقال كده من نفسه.. حاولت اتوه على الموضوع "
- ها.. ايه ده هو فيه حد محترم يدخل اوضه  بنت كده من غير ما يستأذن 
= انا مش عارف هخلص من الدبش بتاعك ده امتى.. عموما انا خبطتت كتير ومردتيش وخليت عمتي تدخل تشوفك وشافتك واقفه ف البلكونه عادي ف دخلت.. ها حد محترم بقى ولا مش محترم 
- احم لا محترم يا دكتور مش انا بنت عمتك يبقي لازم تبقي محترم 
= تواضع تواضع يعني مفيش كلام.. بمناسبه الدبش انا زعلان ولازم تعتذري
- ايه هي شغلانه ولا ايه ما انا اعتذرت مره ولا انت استحليتها
= اشتياق هتتكلمي معايا عدل ولا امشي 
- خلاص مقصدش.. بس زعلان من ايه 
= انتي بتكرهيني يا اشتياق؟
- ايه ده ليه بتسأل كده 
= سمعتك امبارح وانتي بتقولى لعمتي انك بتكرهيني وبعدها اتضايقت جدا ف نزلت متنرفز وفضلت ماشي لوحدي شويه وبعد كده شوفت الناس ديه بقى وهي بتضايقك
- طب طالما سمعتني وكنت متضايق ايه الي خلاك تدافع عني بالشكل الجميل ده 
= عشان انتي مهما كان بنت عمتي واللي يمسك يمسني اضعافه.. ولو كنتي بتكرهيني ف ده ميمنعش اني اخاف عليكي وعلى زعلك 
" قد ايه حسيت اني حيوانه اه والله..  ازاي هو باللطافه ديه بجد.. يعني اللي جواه عكس اللي براه خالص.. ازاي قولت اني بكرهه ديه.. بصيت ف الارض بكل ندم" 
- محمود انا اسفه والله.. ممكن تكون طلعت مني وقت نرفزة وغضب.. متزعلش مني عشان خاطري 
= عارفه يا اشتياق شعورنا الحقيقي هو دايما اللي بيطلع وقت الغضب.. بس يا ستي خلاص اعتذارك مقبول.. انا مش زعلان عشان بتكرهيني انا زعلان اني مستاهلش كرهك ده 
- محمود والله العظيم انا..... 
" قطع كلامي صوت ماما وهي داخله الاوضه بتنادي عليا" 
- اشتياق في تليفون علشانك 
= مين يا ماما 
- مش عارفه خدي شوفي 
.... 
- الو السلام عليكم 
• وعليكم السلام الاستاذه اشتياق فريد معايا 
- ايوا انا اتفضل 
• حضرتك كنتي مقدمة على وظيفة فى شركتنا صحيح يا افندم 
- ايوه صح
• طيب احب اقول لحضرتك ان تم تحديد موعد الانترڤيو بكره الساعه 5 اتمنى تحضري فى الميعاد بالظبط 
- تمام ماشي شكرا لحضرتك.. سلام
..... 
- مالك؟ مين اللي كان بيكلمك 
= ديه شركة يا محمود كنت مقدمة فيها عشان اشتغل ف قالولي أن الانترفيو بكره وكده 
- حلو اوي متضايقه ليه بقى المفروض تتبسطي
= أحمد اللي كان مشجعني على الخطوة ديه هو اللي كان مشاركني كل حاجه.. انا مش هروح مش عايزه اي حاجه تفكرني بيه 
- تبقي عبيطه 
= نعم! 
- اه والله تبقي عبيطه يعني شغل كنتي بتتمنيه وجالك لحد عندك تقومي ترفضيه عشان شخص ولا يسوى.. هل ده كلام ناس عاقلين 
= اممم عندك حق.. خلاص هروح يمكن اخرج شويه من اللي انا فيه ده 
- هتخرجي طول ما انا هنا 
= هنا فين 
- جمبك 
"مش عارفه ليه ارتبكت واتوترت.. الجو حر ليه احنا ف عز الشتا.." 
= هت.. هتصل بروان افرحها 
" ضحك على ربكتي وتوهاني ابتسملي ومشي.. وسابني تايهه.. الشرير بيضحك يا حلاوه يا ولاد" 
* تاني يوم *
- ها يا روان البس ده ولا ده 
= خليكي فى الأبيض باين انه فورمال اكتر 
- ماشي.. ما تيجي معايا 
= اجي فين يا بنتي هي فسحه ديه مقابله شغل 
- تعالي وصليني بس.. فيه كافيه جمب الشركه استنيني فيه عشان انا متوتره 
- مش هينفع والله ورايا مشوار مهم.. طب بصي هتخرجي هتلاقيني ف الكافيه هخلص مشواري واجيلك.. بس مش هعرف اروح معاكي 
= ماشي ي بيست تفاح.. يلا من هنا عشان هلبس 
- ههه ماشي هطير انا بقي واشوفك بعد ما تخلصي.. بالتوفيق يا شوق 
= حيااتي باي
............ 
*تحت العمارة *
- اااه 
" اغنيه جايه من بعيد للست .. هوا الشتاء وصوت الرعد.. الوقت وقف للحظات.. مسكها ولحقها قبل ما تقع" 
= انا اسف مخدتش بالي والله يا روان 
- ها.. ولا يمهك يا محمود 
= انتي كويسه 
- ااه.. ايوه
= اومال راحه فين كده 
- كنت.. كنت عند اشتياق وسيبتها تجهز بقى عشان الانترڤيو 
= اه ماشي.. اسف مره تانيه.. بعد اذنك 
" كنت واقفه ف البلكونه بشوف روان وهي ماشيه.. وشوفت المشهد الهندي ده.. دخلت اوضتي متنرفزه.. ايه اللي خلاه يمسكها كده يعني ما كان خلاها تقع عادي.. ديه صاحبتك يا بنتي... وايه يعني صاحبتي يمسكها ليه يعني مسكته عقربه.. وانتي مالك متضايقه ليه.. ها أنا متضايقه؟ هتضايق ليه يعني عادي وانا مالي بس هو يمسكها ليييه "
لبست وخلصت وخرجت عشان أوري ماما شكلي.. لسه بفتح الباب لقيته قاعد ف وشي.. لقيته ضحكلي.. لا لا انا متضايقه منه مش هلين لا... ضحكت زي الهبله على ضحكته 
- ها ايه رأيك.. أنفع ابقى بيزنس وومان 
= زي القمر.. بس انا رأيي انك تداري الحلاوه ديه واقعدي ف البيت احسن 
" هي مالها بردت كده ليه" 
- ها... ماما مامااااا.. تعالي بسرعه 
• ايه يابت بتجعري ليه 
- ايه رأيك حلو كده 
• اه يا قلب امك زي العسل.. روحي يا بنتي ربنا يستر طريقك ويحفظك يا حبيبتي 
- تسلميلي يا ست الكل.. يلا هنزل بقي عشان متأخرش 
= استني هوصلك 
- مالوش لزوم يا دكتور هاخد اوبر من هنا 
= وتركبي مع حد غريب ليه وانا موجود.. يلا اتفضلي هوصلك 
" كتك القرف وانتي قمر كده" 
- بتقول حاجه؟ 
= لا يلا بينا 
# اوه اوه القمر رايح علي فين كده 
- راحه انترفيو يا حازم ادعيلي 
# متقلقيش هتتقبلي.. حد يفرط ف القمر ده برضو 
= ايه يا حازم ما تتلم 
# لامؤاخذه يا دكتور.. اختي بقى وبرفع من روحها المعنوية
= لا مترفعش يا خفيف.. يلا يا اشتياق 
" ضحكت انا وعمتي وغمزتلها.." 
- شكل ابن اخوكي واقع يا دلال 
= ده يبقي يوم المنى يا حازم.. مش هلاقي حد يصونها زي محمود.. ربنا يجعله من حظك ونصيبا يا اشتياق يارب 
..........
يلا يا ستي وصلنا
= لسه يا ابني الشركه الناحيه التانيه اهي
- اه عارف بس عشان الطريق واقف اهو زي ما انتي شايفه ف مش هعرف اعدي وهتتأخري كده 
= خلاص ماشي.. عايز حاجه؟ 
- عايز اسمع أخبار حلوه 
ابتسمت = حاضر.. يلا سلام
" مشيت ولقيته نزل وسند على العربيه مستنيني اعدي" 
..........
-الو.. البنت هتعدي اهو دلوقتي
= حلو اوي.. يلا مستني ايه اتحرك 
..........
لسه بعدي من تحت الكوبري لقيت عربيه كبيره أوي جايه من بعيد بسرعه عاليه جدا.. من خضتي اتمسمرت ووقعت ف مكاني... 
google-playkhamsatmostaqltradent