Ads by Google X

رواية حب ممزوج بكره الفصل الأخير

الصفحة الرئيسية

رواية حب ممزوج بكره البارت السابع 7 والأخير بقلم هدير محمود

رواية حب ممزوج بكره كاملة

رواية حب ممزوج بكره الفصل الأخير

- ايه مالك مصدوم كده ليه.. ايه وحشه ولا مشبهاش 
= انتي بتتكلمي على ايه وايه اللي انتي عاملاه فى نفسك ده!!! 
- مالي.. ما انا زي الفل اهو... ايه فيها زياده عني.. هي حلوه وانا كمان حلوه.. ايه اللي فيها يجذب اي حد.. ليه دايما اشتياق هي البنت اللي مفيش منها عند الكل 
"كانت لابسه لبس خادش للحياء.. فضلت تقرب وانا ابعد.. مش مستوعب ايه اللي بيحصل لغايه دلوقتي.. زقيتها وقعت على رأسها واتجرحت" 
- استنى يا محموووود رايح فييين.. فاكرها مستنياك.. هههه متحلمش.. هي دلوقتي لا طيقاك ولا طايقه تشوفك... انت ملكي انا وبسس ساااامع اناااا وبس.. صدقني هتلف تلف وترجعلي 
" سيبتها ومشيت.. انا اول مره أتعرض لحاجه زي ديه.. ازاي قدرت تعمل كده ديه طول عمرها محترمه ولا شوفت منها اي تصرف سئ.. اكيد هي اللي كرهت اشتياق فيا وعشان كده اشتياق فى الحاله ديه بقالها كام يوم" 
" فضلت ماشي مش عارف رجلي وخداني لفين بس الاكيد مش لشتياق معنديش اي كلام اقوله أو مش عارف اصلا المفروض لما اشوفها اقول ايه.. روحت ابات عند واحد صاحبي واتصلت بحازم اطمنه عشان ميقلقش عليا "
* تاني يوم *
دق دق دق دق 
- ايووه جايه مين اللي بيخبط كدا 
يالهوي روااان ايه اللي عمل فيكي كده يا بنتي جرالك ايه 
= الحقيني يا طنط... ال.. الحيوان.. هو.. هو 
- اهدي يا ضنايا.. اشتياااق الحقيني يا اشتياااق 
" سمعت صوت ماما من برا بتصرخ.. جريت عليها لقيتها واخده روان ف حضنها.. وروان مفحومه من العياط ووشها وارم كأنها واكله علقة مووت.. وايدها متجبسه وحالتها مزرية اوي"
- اييه ده مالك يا روان ايه اللي حصل يا حبيبتي 
" كانت مش قادره تاخد نفسها ولا عارفه تتكلم.. خدتها على اوضتي هديتها وماما جابتلها عصير وسابتنا لوحدنا "
- ممكن تهدي بقى وتحكيلي ايه اللي حصل 
= لو حكيت مش هتصدقيني 
- اخس عليكي يا روان من امتى كدبتك فى حاجه 
= محمود يا اشتياااق 
- محمود!! ماله 
= هو اللي عمل فيا كده 
- نعم!!! انتي عبيطه يا روان 
= مش قولتلك مش هتصدقيني 
-طب خلاص اسفه كملي 
= امبارح لقيته جاي ومعاه ورد وشكولاته ورحبت بيه قولت اكيد عايزني فى حاجه مهمه أو جاي يتقدملي مثلا بس بابا وماما كانوا مسافرين انتي عارفه 
-اه كملي 
= قولتله جاي ليه وكده.. لقيته اتحول مره واحده يا اشتياق وقالي انه هيتجوزني بس لما اسلمله نفسي.. صرخت فيه وفتحتله الباب عشان يمشي بس زقني وفضل يجري ورايا في الشقه كلها اتهجم عليا وضربني فضلت اصرخ محدش سمعاني لغايه ما سمع حد من الجيران جاي راح هرب قبل ما حد ييجي 
" اكيد اللي بسمعه ده مش حقيقي مستحيل محمود يعمل كده لا لا اكيد معملش كده لا.. انا عارفه محمود كويس... محمود!.. ازاي وليه.. ازاي يطلع كده مش قادره أصدق لا" 
- اشتياااق.. اشتياق انتي مصدقاني صح لو مش مصدقاني انا مستعده امشي حالا ومتشوفيش وشي تاني.. يارب اموت لو بكدب عليكي 
= متعيطيش يا روان خلاص مصدقاكي يا حبيبتي عمرك ما كدبتي عليا ف حاجه.. طمنيني ملحقش يأذيكي صح 
- ايوه الحمدلله ربنا ستر 
= انا اسفه يا روان لو كنت السبب فى اللي حصل ده 
-لا يا اشتياق انتي ملكيش ذنب فى حاجه كان لازم هشوفه حتى لو مش قريبك.. انا اللي اسفه 
"خدتني فى حضنها وفضلت تطبطب عليا وتعيط لدرجه ان دموعها غرقتني.. متعرفيش انا مستمتعه ازاي وانا سامعه دقات قلبك وهي عاليه كده.. قد ايه صوت روحك وهي بتنازع طاربني.." 
**
- ايه تساافري!!! مستحيل طبعا 
= ماما انا فعلا محتاجه السفريه ديه خليني ابعد شويه يمكن ارجع كويسه زي زمان 
- بس يا اشتياق هتسبيني يا بنتي لوحدي.. غير كده انتي هتبقى لوحدك اخاف عليكي من الغربه يا ضنايا 
= متخافيش يا ماما كلها ٣ شهور وهرجعلك اكون خدت نفس شويه.. ومتقلقيش بابا هيرجع قريب ويبقى معاكي 
" كنت بقنع ماما اني اسافر..بس انا مش هسافر سفر مؤقت انا عايزه ابعد عن المكان ده بكل تفاصيله مش عايزه اشوفه ولا اشوف اي حاجه تفكرني بيه.. طلع انسان قذر زي غيره.. أثناء مناقشتي معاها سمعنا صوت حد بيقع قدام بابنا جرينا نشوف مين.. لقيته هو.. شكله كان مبهدل كان لابس بدله بس باين عليه كان فى حرب.. اكيد الحرب ديه اللي كانت مع روان.. شيفاه اقرف بنى ادم على وش الأرض "
- اسم الله عليكى يا حبيبي مالك مش تاخد بالك 
= معلش يا عمتى غصب عنى 
- ايه ده يا محمود مالك ي ابنى عينك حمرا كده ليه انت منمتش! 
= لا نمت يا عمتى نمت 
" كان باصصلي والبرائه في عينه زي الاطفال.. قد ايه انت ممثل شاطر وشيطان قادر تبقى على أي صوره وتقنع اللي قدامك ببرائتك وصدقك.. منطقتش ولا كلمه وسيبته ودخلت" 
**
" كنت واقفه فى الفجريه فى بلكونتي بشرب قهوة وبتفرج على السحاب وهو بيمشي.. كان نفسي اكون سحابه.. طايره وعاليه لفوووق محدش يقدر يوصلها.. بعيد عننا بكتير.. دايما بتمشي ومبتفضلش فى مكان محدد.. ملهاش لا صديق ولا عدو.. المطر بينقيها والشمس بتنورها وصوت الرعد بيزعجها .. لكن كل ده ميهمهاش بتسيب ده كله وتمشي.. بتختفي وبتظهر على حسب حاله الجو اللي عايشه فيه .. ياريتني اقدر اختفى زيها . 
- شبهك على فكره 
" كان هو كمان فى بلكونته سمعت صوته اللي كان زي نسمه الهوا الرقيقة اللي قادره تلطف قلبي وتبرده من النار اللي فيه.. ازاي قادر بشويه حروف انه يطفي ناري وهو اللي قايدها.. حبيت اتكلم معاه يمكن تبقي ذكرى لطيفه اعيش عليها ايامي اللي جايه وتنسيني بشاعته"
 بصيتله بعدم اهتمام = هو مين 
- السحاب.. انتي وهو بالنسبالي واحد.. ابيض زي قلبك.. نقي وصفي زي روحك.. بيحضن اشعه الشمس ويبعدها عن عنينا ومنشوفش غيره.. وانتي بتحضني قلبي وبتمنعيه يشوف غيرك
" بصيت تاني قدام ومعلقتش على كلامه اللي بقى بالنسبالي كلام مزيف زي حبه المزيف.. فضلنا ساكتين وهو محاولش يكلمني فى اي حاجه قررت ادخل واسيبه وقبل ما ادخل قولتله انا هسافر.. مدتلوش فرصه يرد عليا او حتى يمنعني.. بس كان نفسي اوي انه يمنعني وينده عليا ويقولي لا متسيبينش انا محتاجلك.. بس انا كنت مستنيه ده من محمود اللى حبيته.. مش محمود اللي عرفت حقيقته "
" تاني يوم روحت اخلص إجراءات سفري لهولندا.. حلم حياتي من صغري اني بس المحها.. دلوقتي جه اليوم اللي هعيش فيها أيا كان المده بس الفكره نفسها كانت عظيمه بالنسبالي.. رجعت لقيته قاعد مع امي وبيبكي فى حضنها.. ازاي قادر انه يخلي الكل يحبه بالشكل ده.. ازاي قدر يضحك علينا ويلبس قناع الشرف والصدق والبراءه طول السنين ديه.. لقيت السلام عليهم وكنت لسه هدخل لقيته بيشدني من إيدي "
-متسيبينش يا اشتياق انا بحبك 
" جزء جوايا كان طاير من الفرحه انه اخيرا قالها.. وجزء تاني بيموت مع كل حرف بينطقه كدب وخداع.. شديت ايدي وضربته بنفس الايد بالقلم على وشه.. "
• اييه يا اشتياااق ده انتي اتجننتي 
= سيبني يا ماما لو سمحتي عشان انا خلاص تعبت كفااايه.. كفايه كدب وقرف بقى اييه مبتزهقش.. شايفني ساذجه اوي كده.. ولا ايه عشان واحد ضحك عليا ف قولت اكمل انا عليها.. شهور وانت بتقرب مني وكلام بيسحرني.. خلتني اشوف فيك الجانب الطيب وحببتني فى طبيعتك اللي طول عمري كنت بخاف منها.. ليه عشان ايه ده كله.. انت اكتر واحد عارف اني بسيطه وبحب البساطه.. مكنتش عايزاك تحبني يا أخي على الأقل متكدبش عليا وتعيشيني فى وهم 
" كنت واقف متنح مش فاهم اي حاجه.. كانت بتعيط بحرقه.. كانت هي تعيط وانا اتكوي بدموعها ديه.. سيبتها تكمل" 
= ازاي طلعت مخادع كده وبتقدر ترسم اللطف والحب على وشك.. مش بس كده لا ده انت وصل بيك الحال انك تتحول لانسان قذر.. ده لو مكنتش فى الاصل قذر 
" لقيت كف نزل على وشي من امي.. فضلت أعيط واترميت على الأرض بس مش من وجع قلمها.. من وجع قلمه هو اللي لطم بيه قلبي.. لقيته نزل على الأرض كل همه اني معيطش واكون كويسه كان ملهوف عليا"
- طيب طيب اهدي ومتعيطيش اضربيني زي ما انتي عايزه بس متعيطيش عشان خاطري.. عشان خاطري 
= امشي من هنا انت جاي ليه ها جاي ليه.. عشان تمنعني من السفر
• ااه يا اشتياق جاي عشان يمنعك وجاي عشان يتجوزك 
 = انتي بتهزري يا ماما صح.. هههههه.. ضحكتيني والله.. ده عايز يتجوزني انا.. ولا يعمل معايا زي ما عمل مع روان 
• ايه عمل ايه مع روان!!! 
=المنظر اللي انتي شوفتي روان عليه من يومين ده كان هو السبب فيه.. راح بيتها واتهجم عليها.. كان مفهمها انه بيحبها.. بس كان بيستغلها... كان هيضيع شرف بنت يا امي 
- لا لحد هنا وكفايه يا اشتياق.. انا اقدر اتحمل اي شي ف الدنيا معادا انك تفكري فيا التفكير ده.. انتي فعلا مصدقه اللي بتقوليه ده!!! مصدقه اني انزل للمستوى الحقير ده 
= اااه أصدق ومصدقش ليه.. روان هتكدب وتتبلى عليك ليه
- عشااااان بتحبني يا هااانم ونفسها تكرهك فيااا فهمتي ولا افهمك 
= ههه يا راجل وانا المفروض بقى أصدق اللي بتقوله ده 
- زي ما صدقتيها.. صدقيني 
= ماشي.. همشي معاك لآخر الخط.. طالما انت بتحبني وعايز تتجوزي ليه روحت قولتلها انك بتحبها هي 
- انااا؟!! اشتياااق انا متقدم ليكي بقالي اكتر من اسبوع حتى اسألي عمتي 
• ايوا يا بنتي.. ومعرفتش اقولك بسبب الحاله اللي كنتي فيها 
= انا مش فاهمه.. يعني انت مقولتلهاش كده 
- ايوا والله.. وهثبتلك دلوقتي انها كدابه وهي اللي عملت ده كله 
" لقيته شرب كوبايه مايه وهدي وقعدني وقعد ماما لغايه ما هدينا كلنا.. فتح موبايله واتصل بحد.. لغايه ما رد" 
- اهلا اهلا بالدكتور 
= روان انا عندي استعداد اتجوزك بكره 
" اتصدمت انا وامي من اللي قاله" 
- ازاي يعني يا محمود
= انا عارف اللي انتي عملتيه عشان تكرهي اشتياق فيا وهي صدقتك.. هي دلوقتي متلزمنيش
- وانا ايه اللي يخليني اصدقك
= قابليني بكره فى * مكان ما* وهتلاقيني ومعايا المأذون 
- تمام هنشوف يا دكتور 
" قفل المكالمه ومشي من غير اي كلمه.. بس بصلى بنظرة عتاب ولوم.. ازاي تظني فيا كده.. قطع قلبي وسابني وطلع على شقته.. بعدها لقيته باعتلي مسدج اني اكون جاهزة عشان اروح معاه ويثبتلي الحقيقه" 
* تاني يوم *
- اخيرا وصلتي انا مستنيكي من بدري
= فين المأذون 
- على وصول 
= ممكن اعرف ايه اللى خلاك تاخد قرار زي ده وانت بتحبها هي 
- زي ما قولتلك امبارح انها كدبتني وصدقتك انتي.. بس انتي قولتيلها  ايه يخليها تقلب عليا وتكرهني الكره ده 
= ههههه حيلك حيلك يا دكتور الجواز يتم الأول وبعد كده اقولك 
" لقيت المأذون دخل وفعلا كتب كتابي عليها" 
- اللي انتي عايزاه تم قوليلي بقى 
= عشان بحبك يا محمود.. من أول ما شوفتك وانا بحبك.. هحكيلك.. اللي حصل... 
" ابتدت تحكي كل اللي حصل وازاي هي ضحكت عليها وفهمتها اني اتهجمت عليها وطلعتني انسان فى نظرها بشع.. خلصت كلامها وفضلت تضحك" 
• عملتي كده ليه يا روان 
" لقيت اشتياق طالعه من ورا حيطه وبتقول الكلمتين دول.. اتصدمت.. يعني ده فخ هي كده عرفت الحقيقه" 
- اشتياااق!!! 
= ايوا اشتياق يا صاحبه عمري.. اشتياق اللي طول عمرها بتحبك ومستعده تستغنى عن روحها عشانك.. كنتي قولتيلي انك بتحبيه والله كنت هضحي بحبي عشانك.. بس ليه تعملي كل ده 
- ليه!! عشان طيبتك ديه.. طول عمرك البنت المثاليه اللي مفيش منها.. طول عمرك بريئه زي الاطفال.. كل الناس بتحبك.. حتى بما كنا ف المدرسه كان الكل بيسبني ويصاحبك انتي.. طول عمرك واخده مني كل حاجه... اشتياق شاطرة اشتياق جميله اشتياق اشتياق اشتزززفت على دماغك.. دايما اي حاجه بتعجبني بتديهالي بحب كبير.. بس ليه سيبني انا اللي اخد بنفسي دايما بتتنازلي وتحسسيني انك بتضحي علشاني.. كل يوم انام مقهورة منك.. كل حاجه حلوه انتي خدتيها.. جمال وصحاب حتى الإنسان اللي حبيته حبك انتي 
= روااان.. انا انا كنت بحب اشوفك مبسوطه عمري ما فكرت انك ممكن تتضايقي اني بتنازل عشانك.. انتي طول عمرك اختي مش صاحبتي عمري ما اذيتك ولا غلطت معاكي 
- ما هي ديه المشكله.. فيهاااا ايه لما تغلطي... ليه دايما بتبقى الملاك البرئ النقي اللي نازل من السما.. ليه ليه... حاولت اتخلص منك من كذا مره بس معرفتش كنتي زي القطط بسبع أرواح.. انا اللي خليت أحمد يعلقك بيه ويكسرك... انا اللي حاولت اقتلك وانتي راحه فى مقابله الشغل.. انا اللي حاولت اوقعك من فوق العماره واحنا ف الجامعه.. بس انا النهارده قتلتك بجوازي من حب حياتك 
محمود بتصقيفه • بجوازك من مين ههههه 
ديه كانت خطه عشان اخليكي تعترفي.. المأذون ده واحد صاحبي والورق ده كله مزور 
" لقيتها اتحولت لواحده انا عمري ما شوفتها.. شرار وغضب طالع من عينها.. انا مصدقه ومش مستوعبه لحد دلوقتي أن ديه روان صاحبتي وان ده اكيد كابوس هفوق منه.. 
واقفه تايهه مش داريه بحاجه فوقت وهي بتهجم عليها بخشبة مليانه مسامير.. بس محمود زقني ووقعنا سوا.. فضلت تهجم علينا ومحمود يهاجمها لغايه ما ضربها وفقدت الوعي.. جري عليا بخوف "
- اشتياق انتي كويسه 
= اه انت.. انت بخير صح 
- انا كويس طول ما انتي جمبي
"  كنت مسجل كل اللي حصل.. وبلغت البوليس وجم خدوا روان وخدوا الشر من حياتي "
**
- بابا بابا احكيلي حتوته *حدوته *
=بس كده طلبات الأميرة الصغيره أوامر 
- هتقول قثة ايه * قصة *
= هحكيلك قصه الشريرة رواان 
• محموووود.. قولنا ايه 
- سيبني احكي لبنتي قصة حبنا يا شوق والشر اللي كان فيه 
• تعرف انه كان احلى شر فى حياتي عشان جمعني بيك 
- تعرفي انتي.. انا اللي روحي اجتمعت يوم ما بقتي ليا .. تمت رواية جديدة اضغط هنا
google-playkhamsatmostaqltradent