رواية صعيدي في محنة الفصل الخامس 5 - اماني عنان

الصفحة الرئيسية

   صعيدي في محنة البارت الخامس 5 بقلم اماني عنان عبر دليل الروايات للقراءة والتحميل pdf

رواية صعيدي في محنة كاملة

رواية صعيدي في محنة الفصل الخامس 5 

سمر ماسكه التليفون وواقفه تصور في المطبخ وهي متكاده ومغلوله عماله تحقد علي مرات اخوها .. هي احلي مني ف ايه عشان تتجوز واحد زي جعفر طول بعرض وفلوس وانا اتجوز جميل المقشف وكمان مش عاجبه ..!
نوح … بيشاور لها انجزي لصفية تنزل 
سمر .. ههههه ماتخافش الهانم قالت ضهري واجعني من الحبل وطلعت علي شقتها 
نوح .. حلو فين امك ؟
سمر .. ليه 
نوح .. عشان يبقي الكلام مؤثر ي غبية وينحرر جعفر شويه لما يشوف امك بتشتغل في البيت ومراته نايمه وسايبه المواعين في الحوض وبواقي الاكل علي الرخامة والدنيا مقلوبة كدا ..
سمر .. هي قالت لي تعبانه وانا لمحت لها أنها حامل ولازم ترتاح 
نوح .. شاطرة في وشها قويها خليها تبعد اكتر عنه وتزود غضبه من غير ماتحس 
سمر .. تعالي نصور امك كمان 
نوح .. فين هي ؟
سمر .. في الغيط بتجمع خط البامية 
نوح … طلع صورها وهي رابطة وسطها وبتجمع البامية مره قاعدة علي الارض من وجع رجلها ومره وهي شايله القفه 
سمر .. كدا تمام يالا ابعت بقي ووريني رده اول ما يقرأ ..
تأليف أماني عنان 
بعت الصور وقال له مراتك من ساعة مانت ساعدتها في الغسيل وهي نايمه ومش بتسأل في البيت ولا ف امك جعفر اتشحن للآخر واتصل بيها ..
التليفون بيرن وصفية نايمه تعبانه فعلا اول شهور الحمل اعياء وإرهاق عام للجسم غصب عنها ..
اتنرفز اكتر ..
جعفر .. شباب انا مسافر قنا الليلة 
منصور .. ليه حصل حاجة ؟
جعفر .. صفية تعبانه شويه 
منصور .. والنبي انت مجلعها قوي ي جعفر 
جعفر .. يظهر كدا 
********  ******** ******* ******
قبل الساعة اتناشر كان واقف قدام الباب 
امه فتحت له ..
جعفر حمدالله ع السلامة مش قولت هتيجي يوم الجمعة لسه يومين 
رد عليها بسؤال .. صفية فين ؟
الام .. نايمة قال تعبانه 
جعفر … هي هتسوق فيها ولا ايه 
الام ..  معلهش ي ولدي خليها تاخد لها يومين 
جعفر .. ماتستاهلش دي حتي مافكرتش تتصل تسأل عليا 
طلع علي فوق بسرعة وهو مش مركز فتحت له الباب :
صفية .. حمدالله ع السلامة 
جعفر .. هتيجي منين السلامة مع واحده تنحه زيك 
صفية .. ليه كدا 
جعفر .. سايبه الموعينات مزبطه ليه ونايمه عايزا امي اللي تغسلهالك ؟!
صفية .. وانت ايه عرفك 
جعفر .. مالك انتي 
صفية .. واضح أن في ناس كتير هنا بتكرهني وبتوقع بينا 
جعفر .. ماتسبيش الموضوع المهم وتقولي كلام ماسخ مالوش لازمة
صفية .. وطي صوتك فرجت الناس عليا 
جعفر شدها من أيدها جامد ..
صفية صرخت وحطت أيدها علي بطنها خافت منه فراحت زقاه جامد ودخل الشيطان اكتر وحس أنها واعره وقاصدة توقعه ..
جعفر انتي بتزقيني ي واكله ناسك والله مانتي بايته فيها 
صفية .. وايه يعني هتخرجني من الجنة
جعفر .. اطلعي والله لاندمك علي كل كلمة قولتيها 
أهله سمعوا صوتهم وكالعادة ماحدش طلع يحوش أو يصلح مابينهم وكأن مرات اخوهم عدوتهم ..
امه .. استهدي بالله ي ولدي 
جعفر مسك القله اللي علي الارج وكسرها بيكيد فيها .. يالا ياك ماتدخليها تاني 
صفية .. انت راجل مخك مش سليم  ابن امك 
حماتها .. أمه ومالها أمه ...؟
اتحولت لفضيحه علني والناس كلها سمعت صوتهم ..
روحت صفية لامها تاني بعد تلت شهور من الرجعه الاولي بس المرة دي بقلب جامد لانها مش حاسه بالأمان مع الناس دي بكلامهم وقسوتهم حست انهم خطر عليها وعلي ابنها ..
_________ #أماني_عنان ______
صفية وهي مروحه خدت تليفونها معاها كان في أيدها رنت عليها اختها فوزية بالصدفه وكأنها حاسه بيها فتحت الخط و هي بتعيط :
فوزية … مالك ؟ ليه باكيه
صفية .. اتخانقت مع جعفر
فوزية .. تاني انتي لحقتي
صفية .. انتي اللي بتقولي أكده امال امك واخوكي هيقولوا ايه ؟! 
فوزية .. بهزر معاكي ايه اللي حصل وفينه جوزك دلوقتي 
صفية .. الخناقة كبيره والمخفي طردني 
فوزية .. ي نهار ابيض الساعة اتناشر ازاي يطلعك دلوقتي 
صفية … مش جديدة عليه دا راجل وش من بره عيره متدين وأخلاق إنما في الحقيقة أنا بس اللي اعرفه ، كل راجل معاه سر عشرته زوجته بس اللي بتشوفها
فوزية .. ماتزعليش عشان الحمل شوية وهيجي يردك 
صفية .. ادعيلي اعرف اتعامل مع امك 
فوزية .. تعرفي اني بتخانق برضو بس مابرضاش اغضب اصلي هروح فين احنا غلابة قوي ي صفية ومالناش حد بعد ابونا بقينا زي العريانيين في ليل البرد 😔
صفية عيطت ..  ربنا موجود 
فوزية انا هقفل عشان همام   رجع هفتح له الباب  ابقي طمنيني عليكي 
صفية .. ماشي 
______________________
فوزية متجوزه في مصر وجوزها عامل بسيط في مصنع أغذية بيعبي ويشيل كراتين شبسي وكرانشي فتحت له ودخل تعبان ..
فوزية .. حمدالله ع السلامة ي همام 
همام .. الله يسلمك ، الاكل جاهز 
فوزية .. ايوا ادخل استحمي واول ماتطلع هيكون جاهز 
همام .. انا تعبان اووي ونفسي ارتاح 
فوزية ..  من ايه برضو حملت علي نفسك واشتغلت بزيادة النهاردة 
همام .. قعد علي الكرسي وكمل كلامه حاسس اني مش مطول في الدنيا ي فوزية وخايف اوي عليكي انتي والولاد
صحيح هما فين .. وقف مخضوض 
فوزية .. اهدي بس مالك كدا مش طبيعي 
همام دخل بسرعة علي اوضة عياله لمس وش بنته وغطاها وفي السرير التاني كان نايم سعد ابنهم 
فوزية واقفه تبتسم علي الباب .. ربنا يخليك لينا ويحميك ي همام 
همام خدها تحت دراعه ومشيوا 
فوزية جهزت الاكل واتعشوا وناموا..
_________ **** _____ **** 
خبطت صفية علي امها فتحت بعد عشر دقائق ..
كيدة .. بتي .. مالك 
صفية .. اتعاركوا معايا من غير سبب يستاهل وجعفر مسك فيا وطردني 
الام .. تتقطع يده منهم لله مستقويين نفسهم علي ايه .. 
صفية مبسوطة من كلام امها وقلبها ارتاح حست انها اتغيرت وهتوقف جامبها ومادام امها معاها يبقي اكيد فضل هيساعدها ومش هيمشي ورا مراته كالعادة …
بس سؤال " هو ليه الست اللي جوزها بيمرمطها ويهنها بيطلع اخوها حنين وماشي ورا مراته "
دخلت غيرت هدومها وامها نامت وقالت الصبح ابقي اقول لفضل زمانه نايم مع عياله ،اخوها متجوز وعنده بنت 
عدي يوم واتنين وشهر وماحدش جه يصالحها وبدأت المعاملة في بيت اهلها تتغير كانوا فاكرين أنها هتغضب اسبوع ولا اتنين وتمشي خصوصا انها حامل ..
فضل مش بيوجه لها كلام ولا بيسال عنها علي طول مشغول أو طالع يقعد علي القهوة ..أما مراته فهي وش مشاكل وكل شويه خناقات صفية كمان شديدة ومابتسكتش بعد اول خناقة بيت مرات فضل وصفية استنت تشوف رد فعل اخوها وراجلها الوحيد لقته مع مراته ..
رجعت لوار ومشيت من قدام بيتهم ،كان بيت فضل في وش بيت ابو صفية ..
تاني يوم راحت مرات فضل بيت حماتها قابلتها صفية ..
ايه اللي جابك هنا ؟
مرات فضل داخله بيت ام جوزي .. لا مالكيش مكان هنا اطلعي بره 
مرات فضل .. مش كلمتك
كيدة .. في ايه ؟
صفية .. امبارح ابنك نصرها عليا المفروض تخلي في وشها دم وتقتصرني شويه 
مرات فضل .. مش كفاية اهل جوزك مقتصرينك هبقي انا كمان ..!
كيدة بصت لمرات ابنها .. روحي علي بيتك ي سناء وخدي بالك من كلامك 
مرات فضل .. مش هي دي الحقيقة ماحدش طايقها ولا سأل عنها 
صفية .. مش كل الحموات زي امي ولا كل الرجالة زي اخويا 
سناء .. الله اكبر 
بصت صفية لامها لقتها ساكته هي كمان ،، قامت داخله اوضتها وقالت :
دي اوضتي هقفلها وهعيش لوحدي مش عايزا حاجة من حد لا شفقة ولا تلقيح كلام فهمتوا ،سيبوني في حالي الله لا يسئكم مانقصاش هم فوق همي كفاية الحمل وتعبه والغضوبة وحرقت قلبي ..
قفلت الباب وعيطت مش عارفه هتصرف منين بعد ما امها سابت الأرض لاخوها وضيعها صفية كدا بقت ست وحيدة وحامل ومش معاها  ولا جنية غير دبلتها الدهب وحلقها ..
جه فضل عرقان ووشه احمر 
كيدة .. مالك ي فضل فيك ايه ؟
فضل .. مصيبة 
سناء .. ابويا مات 
فضل .. اتلهي أبوكي دا هيخلص علي البلد كلتها 
كيدة .. انطق 
فضل ..  جعفر اا
google-playkhamsatmostaqltradent