قصة عبد الرحمن البارت الأول
انا عبد الرحمن طالب في الصف الأول الثانوي حكايتي غريبه شويه متيجوا نشوف
بابا:قوم يا زفت
انا:بابا صباح الخير
بابا:صباح الزفت على دماغك يا ابن ألبومه
انا:يا بابا قولتلك مية مره ملكش دعوه بامي الله يرحمها اشتمني انا ملكش دعوه بامي
بابا:حساس اوي بروح امك طب قوم يلا ورانا شغل
(ابويا مسيو محمد مدرس فرنساوي عمره ما حبني وبيعاملني وحش من ساعه امي الله يرحمها ما ماتت )
انا:اتفضل يا بابا القهوه
بابا:قهوه زفت من غير وش زي وشك غور من قدامي
انا:حاضر يا بابا
بابا:خد هنا ياض
انا:نعم يا بابا
بابا:انت كبرت وبقيت في أولى ثانوي وانت عارف ابوك مدرس وبيدي دروس تمام انا اشتريت شقه جديده عشان ادي فيها دروس انت عليك انك لما البنات ييجوا هنا تاخدهم على الشقه التانيه تمام
انا: ازاي يا بابا بس مينفعش دول من سني انا اتكسف اوديهم
بابا:انت هتستعبط يا روح امك
انا والدموع تسيل من عيني: مالها امي بس بالموضوع
بابا:بومه خلفتك ليا عشان تقرفني اهي غارت في داهيه عقبالك
انا: بس يا بابا برضه دول بنات من سني مينفعش امشي معاهم في الشارع
انا:متخافش مش من حلاوتك يعني هيعاكسوك دا انت حتى شبه ألبومه امك
انا:حاضر يا بابا الساعه كام الدرس
بابا:الساعه تلاته بس عارف لو بنت اشتكيتلي منك وقالتلي انك دايقتها اقسم بالله اخليك تحصل امك
انا:يا رب عشان ارتاح
بابا:يارب يا اخويا بس متخافش مش هموتك دلوقتي انا هتفنن في تعذيبك هموتك بالبطئ يلا غور من وشي استنى البنات وانا هروح على الشقه التانيه استناهم
انا:طب يا بابا مع السلامه
بالفعل استنيت البنات لغاية ما جم
انا:يا انسه انتي وهيا الدرس اتغير مكانه اتفضلوا معايا
انا: السلام عليكم يا حج جبتلك البنات زي ما قولت عايز حاجه تاني
بابا:يلا غور اقعد في البيت لغاية ما اجيلك اوعى تخرج يا اما اقسم بالله اخلي الخرطوم يسلم على جسمك
انا حسيت باحراج شديد قدام البنات خصوصا انهم بيضحكوا روحت البيت البيت وانا منهار قعدت على سريري وفضلت ابكي لغاية ما فوقت على أدان المغرب
اتوضيت وصليت المغرب و دعيت ربنا انه يهدي ابويا ويحنن قلبه عليا
خلصت صلاه لقيت نفسي جعان بس خوفت اكل لأحسن بابا يضربني
فضلت قاعد مستنيه الساعه جت 12 وهو لسه مجاش قلقت عليه
بس سمعت صوت الباب وهو بيفتح جريت عليه عشان اسلم عليه بس ايه دا دا مش لوحده دا معاه واحده ست وبنت صغيره باين عليها بنتها
بابا:سلم على ماما يلا
انا:مين دي
بابا: دي من هنا ورايح ماما انا كنت متجوزها من بدري بس كنت مداري عليكم عشان خايف على مشاعر ألبومه امك الله يرحمها
ساره:بابي يا بابي فين اوضتي
بابا:اللي هناك دي يا حبيبتي
انا:دي اوضتي ازاي الكلام ده
بابا:اخرس صوتك ميعلاش انت من هنا ورايح هتنام في الصاله
انا:حاضر يا بابا ممكن انزل بس افك شويه
بابا:لا اترزع هنا مفيش خروج
مرات ابويا:سيبه يا محمد يخرج انا مش طايقاه
بابا: تحت امرك يا حبيبتي يلا غور يا ابن ألبومه من هنا
خرجت من البيت وطلعت اجري على البحر اشكيله وابكي واطلع اللي في قلبي
كنت ببكي بحرقه ونفسي صعبانه عليا سرقني الوقت ومحسيتش بنفسي غير والفجر بياذن رحت المسجد اصلي الفجر واستنيت الناس يمشوا من الجامع عشان عايز اتكلم مع الإمام ...حتى الإمام أخد باله من كده
الإمام: مالك يا ابني عايز تقول حاجه
انا: أيوه يا عم الشيخ انا تعبان قوي ونفسي اشكي
الإمام: اتفضل قول اللي في قلبك
انا:طب قولي هو ربنا عادل
الإمام: ايه يا ابني الكلام اللي بتقوله ده طبعا ربنا عادل ده اسمه العدل
أنا: امال ايه اللي بيحصلي ده امي تموت وابويا عايز يموتني بالبطئ ويتجوز واحده ودايما بيضربني ودايما بيشتمني بامي وانا بحب امي
الإمام: يا بختك يا ابني
انا:يا بختي كل دا ويا بختي
الامام:أنت كل اللي انت فيه دا عشان ربنا بيحبك والله بيحبك وعزته وجلاله بيحبك لان اذا احب الله عبدا ابتلاه
انا:شكرا يا عم الشيخ انك سمعتني انا ماشي السلام عليكم
الإمام: وعليكم السلام ورحمة الله وبركاته
روحت البيت الفجر و بفتح الباب براحه عشان محدش يسمعني لقيت بابا مستنيني بالخرطوم خلف الباب وبدأ يضرب فيا لغاية ما بدأت انزف واغمى عليا
مرات ابويا:كفايه هيموت في ايدك هتخش السجن في حتة عيل معفن
بابا:طب قوليلي اعمل ايه في المصيبه دي
مرات ابويا:بص احنا نتصل بالدكتور ونقول ان في شوية عيل ضربوه وعملوا فيه كده
بابا:تمام وهو كذلك
اتصل ابويا بالدكتور
الدكتور: حالته مش مستقره ولازم يروح المستشفى
ابويا:مينفعش يا دكتور احنا حالتنا صعبه اوي والله (مع العلم حالتنا متيسره )
الدكتور: طب خلاص انا هكتبلوا شوية ادويه ياخدهم كلهم وينتظم بالمواعيد تمام عن اذنك
ابويا:تمام اتفضل يا دكتور
فوقت بعدها بساعه
انا:آآآه يا جسمي جسمي متكسر
ابويا:اخيرا فوقت يا حيلتها
بدأت في البكاء
ابويا:انت لسه هتعيط يا روح امك طب تعالى
بدأ ابويا يضرب فيا جامد
مرات ابويا: سيبه احنا عايزينه في حاجات تاني
بابا:عايزه ايه منه
مرات ابويا: عايزاه يكنس الشقه ويمسحها ويوضبها كويس اوي
انا: حاضر هعمل كل حاجه بس عايز اكل انا هموت من الجوع
ابويا:خش جوا على المطبخ فيه عيش ناشف حط عليه شوية ميه واطفح
طلعت اجري على المطبخ عشان اكل بس لمحت بواقي كباب و كفته في الزبالة طلعتهم من الزباله وبدأت اكل فيهم
اختي(من ابويا):انت بتعمل ايه انت بتاكل اكل القطه بتاعتي انت عيل معفن وبيئه
انا:يعني مش حرام اكل عيش ناشف والقطه تاكل كباب و كفته
اختي: يا بابا
بابا:نعم يا حبيبتي
اختي:بكلمه وبقوله ازيك بيقولي غوري من وشي
انا: والله ما حصل
اختي: سامع يا بابا بيقول عليا كدابه
بابا:سامع يا حبيبتي اطلعي انتي بره وانا هتصرف
انا:انت بتعمل ايه يا بابا
بابا:هنرقص دانص يا روح امك
مسك ابويا رخامة المطبخ وكسرهاعلى دراعي
انا:آآآه دراعي دراعي اتكسر
ابويا: طب يلا يا روح امك نطلع على المستشفى نجبسهولك
رحت على المستشفى وجبسته بالفعل
بعد أسبوعين
اختي:بابا
بابا:نعم يا قلب بابا
اختي:صحبتي جابت ايفون ١١ برو ماكس وانا مش اقل منها
بابا:حاضر يا حبيبتي من عنيا هجبلك ايفون ١٢ مش ١١
انا:بابا
بابا:نعم يا زفت
انا: معلش بس عايز عشره جنيه اصور ملازم عشان مش معايا فلوس
بابا:بزمتك مش مكسوف من نفسك تبقى شحط وتتطلب مني فلوس غور من وشي
بعد ساعه
انا:يا بابا مش هتقدملي
بابا:غور جوا هتلاقي ملفك في الدرج غور قدم بكره
انا:حاضر
جه الليل وحان وقت النوم بس سمعت صوت ابويا ومرات ابويا بيتكلموا ويقولوا......
يتبع..
البارت الثاني
جه الليل وحان وقت النوم بس سمعت صوت ابويا ومرات ابويا بيتكلموا ابويا: انتي مجنونه
مرات ابويا: هو انا قلت حاجه غلط
ابويا:عايزاني أقتل ابني وابيع أعضائه
مرات ابويا: لو مش هتقدر تموته انت هموته انا
بابا:مستحيل دا يحصل
مرات ابويا: طب عارف لو معملتش اللي بقولك عليه اقسم بالله اروح بيت ابويا
بابا:طب اهدي يا حبيبتي تحبي نخلص منه امتى
مرات ابويا:الفجر لما ينام
طبعا انا سامع الكلام ده وانا منهار ومش مصدق وداني دخلت اوضتي بسرعه لميت هدومي في شنطه واخدت معايا فلوس كنت محوشهم وطلعت على موقف الاتوبيس ركبت الاتوبيس وهربت هربت وانا مش عارف نفسي رايح فين هربت من ابويا لانه عايز يموتني وصلت بلد غريبه مش عرفها نمت على الرصيف وصحيت تاني يوم ضميت ركبي وبدأت ابكي بحرقه عشان تعدي ست كبيره وتديني فلوس فاكراني شحات طلعت اجري وراها
انا:يا ست يا امي انا مش شحات
الست:خدها يا ابني خليها معاك
انا: ربنا يخليكي يا امي انا معايا فلوس
الست: الله امي الكلمه طالعه من بوقك حلوه وحشاني اوي الكلمه دي
بصتلها باستغراب وقولتلها: هو انا اعرفك يا ست
الست:ولا انا انت منين يا ابني
انا:من المنيا بس عايش طول عمري في البحر الأحمر
الست: انت بتقول ايه
انا:مالك
الست:طب امك عايشه ولا ميته
انا:امي ميته الله يرحمها
الست: طب انت اسمك ايه
انا:عبد الرحمن محمد حمدي
الست: ابني حبيبي
اخدتني في حضنها واغمى عليها
اتصلت بالاسعاف واخدتها وفاقت بعد شويه
الست:انا فين
انا:انتي في المستشفى
الست:ابني انت ابني والله
انا:اهدي بس يا حاجه
الست: طب انت امك اسمها ايه
انا: **** ********
طلعت الست بطاقتها ورتني البطاقه واسمها
انا:انتي فعلا امي
أخدتها في حضني امي واحشاني انتي مش ميته انتي عايشه ازاي
امي:بص يا ابني انا لما عرفت ان ابوك متجوز عليا واجهته بالحقيقة وأنكر الكلام ده وقالي تعالي افسحك بالعربيه اخدني ورماني في الجبل وطلقني ومشي شاورت لعربيه ملاكي كان فيها راجل وبنته صغيره
وقف وركبني معاه وأقترح عليا اني اتجوزه عشان مينفعش اعيش معاه وعشان اربي بنته خصوصا انها ارمله وبعدها بسنتين الراجل مات
انا:الحمد لله اننا اتقابلنا بعد العمر دا كله
فجأه تدخل بنت جميله الغرفه وهي مفزوعه وتقول
منه:مالك يا ماما حصلك ايه و ايه اللي جابك هنا
ماما: اهدي يا بنتي بس(حكتلها على كل حاجه )
منه:على العموم حمد لله علي سلامتك يا ماما
انا:مين دي
ماما: دي منه بنتي او بنت جوزي الله يرحمها بس بنتي
منه:ازيك يا عبد الرحمن ماما حكتلي عليك كتير
انا:تشرفنا يا منه
منه: الدكتور قال اننا نقدر ناخدك على البيت يلا وبلاش دلع
بالفعل وصلتهم البيت
انا: تصبحي علي خير يا ماما
ماما: رايح فين
انا:هنام في اي حته
منه:لا طبعا مينفعش تعالى اطلع معانا الشقه فوق
انا: لا ميصحش الناس يقولوا ايه
منه: ملكش دعوه بالناس انا اللي بقولك تعالى
انا:حاضر
بالفعل طلعت معاهم الشقه ونمت في اوضه كنت مرهق جدا وصحيت على الظهر
انا:صباح الخير يا ماما
ماما:احنا الضهر يا قلب امك
انا:طب انا لازم انزل
ماما: تنزل تروح فين
انا: هدور على شغل
منه:متقلقش انا بابا سابلي محل ملابس تقدر تنزل تشتغل معايه
انا:متشكر جدا بس فيه مشكله
منه:ايه هيا
انا:انا دلوقتي معايا الملف بتاعي وعايز اقدم على مدرسه ثانويه بس انا معرفش
منه:انت رايح سنه كام
انا:أولى ثانوي
منه: كويس وانا كمان رايحه اولى ثانوى هابقى اخدك معايا المدرسه نقدم انا وانت
انا:متشكر جدا مش يلا نشوف شغلنا
عدى اول يوم شغل بخير الحمد لله
تاني يوم الصبح
انا:صباح الخير يا جماعه
منه و ماما:صباح النور
انا:مش يلا عشان نقدم على المدرسه
منه:يلا
رحنا وانا منه نقدم المدرسه والحمد لله اتقبلنا احنا الاتنين خصوصا ان مجموعي عالي
انا: الحمد لله اتقبلنا
منه:كويس اوي
انا:طب يلا بسرعة عشان نفتح المحل
منه:يلا
رحنا فتحنا المحل وبدأنا الشغل
الحمد لله انا بقى عندي خلفيه عن شغل الملابس
وفي يوم
منه:عبد الرحمن
انا:نعم
منه:احنا بكره اول يوم مدرسه ازاي هنفتح المحل
انا:صحيح دي مشكله كبيره
بس ايه رأيك انا اروح الصبح المدرسه واقعد في المحل بعد العصر وانتي تقعدي في المحل الصبح و تروحي المدرسه في الفتره المسائيه
منه:فكره حلوه بجد
انا:شكرا مش يلا ننام بقا ورانا شغل بكره كتير
منه:يلا
اليوم اللي بعده في الصبح
انا:سلام يا ماما رايح المدرسه
ماما: استنى يا حبيبي خد السندويتشات دي كلها في الفسحه
انا:ههه😂😂 فسحة ايه بس يا ماما انا في ثانوى دلوقتي كبرت
ماما بحزن مصطنع:طب خدهم بس انا كان نفسي بس تاكل من ايدي
انا:حاضر يا ست الكل تسلم ايدك
ماما:تسلملي يلا عشان متتاخرش على المدرسه
انا: حاضر مع السلامه
ماما: مع السلامه
الحمد لله رحت المدرسه وكان يوم جميل خلصت اليوم الدراسي واتجهت للمحل
انا: ازيك يا منه
منه: كويس انك جيت استلم مكانك وانا هروح المدرسه
انا:تمام يلا روحي مع السلامه
فضلت قاعد في المحل لغاية الساعه عشره منه رجعت من المدرسه
منه:سلام عليكم
انا بارهاق: وعليكم السلام
منه:مالك
انا:مرهق شويه
منه:انت شكلك مكلتش
انا:هعمل ايه بقا الشغل يحكم
منه:طز في الشغل انت ازاي سايب نفسك كده من غير اكل
مينفعش الكلام دا
انا:بس يا منه.....
منه:مفيش بس يلا نقفل
انا:ماشي
بالفعل قفلنا المحل و مروحين
انا:طب اسبقيني انتي للشقه وانا هشتري حاجه واجي وراكي
منه:تمام
بالفعل رحت عشان اشتري شيبسي وبيببسي ولب عشان السهره
وكنت مروح بس وانا طالع سمعت صوت اتنين بيتكلموا ويقولوا......
يتبع..
البارت الثالث
روحت جبت بيبسي وشيبسي و لب وطالع السلم سمعت صوت اتنين بيتكلموا ويقولوا
شخص ١:عرفت اللي حصل
شخص٢:ايه اللي حصل
شخص١:مش البنت منه بنت المرحوم احمد اللي ساكنه فوقينا جايبه شاب للبيت
شخص٢: ازاي ده طب ومرات أبوها
شخص١:يا شيخ اتنيل دي هيا اللي جايباه وكمان بيقولوا انه الشاب دا يبقا ابنها
شخص٢: الله يرحمك يا استاذ احمد مات وساب بنته على حل شعرها
شخص١:طب خلاص غير السيره دي بلاش نجيب في سيرة الناس
انا طبعا سمعت الحوار ده كله واتضايقت بس في نفس الوقت قلت عندهم حق انا لازم من بكره اشوف شقه تانيه عشان كلام الناس وخصوصا اني معايا فلوس كتير بسبب شغلي واقدر على إيجار شقه
طلعت السلم ودخلت الشقه دخلت اديت لماما الحاجه
ماما:يلا ادخل غير هدومك وتعالى عشان السهره
انا:لا يا ماما اعذريني مش هقدر
منه:مالك يا عبد الرحمن
انا:مفيش انا هدخل انام
ماما: ماله الواد ده
منه:معرفش والله انا هدخل اشوفه
الباب بيخبط
انا:ادخل
تدخل منه الاوضه وتقول
منه: مالك يا عبد الرحمن
انا:مفيش
منه:مفيش ازاي وايه اللي مطلع شنطة هدومك كده وايه
انا:لا بس انا مش عايز اعملكم مشاكل
منه:مشاكل ايه انا مش فاهمه حاجه
انا:بص يا ستي وانا طالع على السلم سمعت صوت اتنين بيتكلموا ويقولوا(حكيتلها على اللي حصل)
منه:يا سلام ودا سبب يزعلك مثلا
انا: انا خايف من كلام الناس عليكي والله
منه:ملكش دعوه بكلام الناس ويلا بلاش كلام فارغ رجع هدومك الشنطه وتعالى عشان نسهر شويه
انا:بس...
منه:من غير بس يلا
بالفعل فكيت عن نفسي شويه وخرجت سهرت معاهم شويه
عدت الايام والحمد لله كنت متفوق في دراستي وكنت في تالته ثانوي
(في المحل )
منه:اعمل حسابك هتجيلنا بضاعه جديده النهارده
انا:اوكي
بالفعل نزلت بضاعه جديده ولكن انا لاحظت حاجه غريبه على منه كانت ماسكه فستان معين وبتبص فيه جامد وشكلها زعلانه
انا:مالك يا منه
منه:ها مفيش انا تعبانه شويه انا هروح وانت شويه كده وتقفل اوكي
انا:اوكي
روحت منه وانا اتجهت للفستان شكله جميل بس المشكله سعره غالي انا حسيت ان منه نفسها فيه بس كلو يهون عشان خاطرها اشتريت الفستان وخبيته عشان اديهولها في عيد ميلادها
تاني يوم في المحل
منه:عبد الرحمن فين الفستان الأزرق اللي كان هنا
انا:اتباع امبارح لما انتي مشيتي واهي فلوسه اتفضلي
منه: كان نفسي فيه يا خساره
انا:معلش ربنا هيعوضك يلا عشان متتاخريش على المدرسه
منه:ماشي مع السلامه
عدت الايام وجه يوم عيد ميلاد منه بس المشكله انه كان وقت امتحانات الثانويه العامه كنا مش فاضيين ومكناش بنقعد في المحل كتير امي هي اللي ماسكه الشغل
خبطت على باب اوضتها
منه:انا مش فاضيه بذاكر
انا:ممكن ادخل تشرحيلي حاجه
منه:اتفضل يا عبد الرحمن بس ايه اللي ورا ضهرك دا
انا:كل سنه وانتي طيبه يا منه اتفضلي
منه: متهزرش ايه دا الفستان اللي انت قولتلي اتباع واديتني تمنه بس دا غالي
انا: مفيش حاجه تغلى عليكي ابدا
منه: متشكره جدا جدا وراحت فجأه حضناني
انا مصدوم من اللي حصل بس كان عاجبني الوضع الصراحه😂
فاقت منه من اللي هيا فيه
منه بكسوف: انا....انا ... انا اسفه بجد والله انا مش عارفه عملت كده ازاي
انا:لا ولا يهمك لو كل هديه هجبهالك هتعملي كده يبقى هجيبلك هدايا على طول 😂
منه:يا سلام بقا كده طب امشي اطلع برا وخد هديتك معاك
انا:مالك قفشتي كده ليه كل سنه وانتي طيبه
منه:وانت طيب بس برضه اطلع بره عايز اذاكر
انا:حاضر
(عدت الايام وجه وقت الامتحانات عدت ايام الامتحانات على خير الحمد لله )
منه:انا خايفه اوي يا ماما عبد الرحمن اتأخر وهو بيجيب النتيجه
ماما:اهدي يا بنتي بس زمانه على وصول
الباب بيخبط
منه:افتحي بسرعه دا اكيد عبد الرحمن
تفتح امي الباب
منه:طمني ها جبت كام
انا بحزن: للاسف جبتي.......
يتبع...
البارت الرابع
تابع.؟....
منه:انا خايفه اوي يا ماما عبد الرحمن اتأخر وهو بيجيب النتيجه
ماما:اهدي يا بنتي بس زمانه على وصول
الباب بيخبط
منه:دا اكيد هو افتحي بسرعه يا ماما
تفتح امي الباب
منه: ها جبت كام
انا:للاسف جبتي.......٩٩%الف مبروك يا دكتوره منه
منه:٩٩%بجد والله انا مش مصدقه نفسي يا ماما
ماما:الف مبروك يا بنتي تعبتي وذاكرتي إن الله لا يضيع اجر من احسن عملا
منه:وانت جبت كام يا عبد الرحمن
انا:جبت ٩٨%
منه:الف مبروك انت هتبقى دكتور زيي اهو
انا:لا دكتور ايه انا مش بحب الطب ربنا يوفقك واشوفك دكتوره لكن انا مش عايز ابقى دكتور
ماما:امال هتخش كلية ايه يا بني
انا: هخش كليه حربيه يا ماما
ماما:حربية بلاش يا ابني
انا: ليه يا ماما
ماما:مش مطمنه قلبي مقبوض
انا: متخافيش عليا
ماما: ربنا يجيب العواقب سليمة
منه:على العموم كلها اسبوعين وباب التقديم يفتح هتروح تقدملي وبالمرة اجي معاك عشان اعرف مكانها فين
انا: حاضر ....ايه دا انتو لسه مجهزتوش الغدا اتفضلي يا دكتوره منه انتي وماما حضروا الغدا
منه:حاضر يا حضرة الظابط عبد الرحمن
(وتمر الأيام وتدخل منه كليه طب وانا كليه حربيه وانا بدأت اتعلق بمنه كنت عايز اصارحها بس خايف وفي يوم من الأيام )
انا:يا ماما
ماما: نعم
انا:عايز افاتحك في موضوع مهم
ماما: اتفضل يا بني
انا:انتي عارفه اني كبرت وخلاص من حقي اكمل نص ديني واتجوز
ماما: دا يوم السعد ويوم الهنا لما اشوفك عريس الصراحه انا مش هلاقيلك حد احسن من منه
انا:احبك وانتي فاهماني اهو انا بقا مش عايز غيرها حاولي تفتحي معاها الموضوع براحه
الباب بيخبط
انا:قفلي على الحكايه دي دلوقتي عشان منه وصلت
رحت فتحت الباب
منه:ازيكم يا عسلات
انا: ازيك مالك فرحانه ليه كدا
منه: مش عايزيني ابقى فرحانه يعني
ماما: لا يا بنتي بس قوليلنا على الأسباب
منه:في واحد جاي النهارده عشان يطلب ايدي
انا:واحد واحد مين دا عرفتيه فين وازاي انطقي
منه: مالك داخل سخن وحامي كده ليه
ماما:أهدى يا بني بس خليها تتكلم اتكلمي يا بنتي
منه:اولا دا اخو زميلتي في الجامعه ثانيا هو صارحني كذا مره بحبه وانا قولتله تعالى اتقدملي واهو جاي هتقدملي النهارده
انا:يعني كنتي بتقابليه من ورانا
منه:مالك يا عبد الرحمن متظبط كلامك انا مسمحلكش تشك في أخلاقي انا داخله اوضتي عن اذنكم
ماما: مكنش ينفع اللي عملته على العموم انا ممكن اقنعها انها تسيبه وتتجوزك انت
انا:لا يا امي انا مش بحب كده طالما هيا شايفه انها هتبقى سعيده معاه انا اهم حاجه عندي سعادتها
رحت عشان اصالحها خبطت على باب اوضتها
منه:ادخل
انا:انا اسف على اللي حصل
منه:ولا يهمك
انا: طب العريس شغال ايه
منه:شغال محاسب كبير في بنك
انا:هييجي امته طيب
منه:النهارده الساعه سبعه
انا:كنت عايز اقولك على حاجه
منه:قول
انا:انا بحبك يا منه
منه:انت بتقول ايه احنا اخوات انا عمري ما فكرت فيك غير كده انت مجنون
انا:مجنون بيكي
منه:مش معنى اني لميتك من الشوارع وجبتك شقتنا يبقى هتجوزك
انا: لاحظي ان كلامك جارح اوي
منه: معلش انا اسفه الكلام طلع مني تلقائي
انا:خلاص ويفيد بأيه الاسف ربنا يسعدك يا منه
الساعه جات سبعه والعريس جه
الباب بيخبط
انا:اتفضل يا استاذ محمود
محمود:يزيد فضلك
انا: اتفضل حضرتك اتكلم
محمود:انا محمود محاسب في.........
انا:منه حكتلي على كل حاجه طلباتك
محمود:انا جاي وطالب ايد الانسه منه
منه:القرار مش بايدي بأيد منه
محمود:وانا اضمنلك انها موافقه
انا:ثانيه واحده اناديهالك يا منه ادخلي
(تدخل منه بصينية الشربات ولابسه الفستان اللي جبتوهولها في عيد ميلادها )
مقدرتش امسك دموعي
محمود:مالك يا استاذ عبد الرحمن
انا: لا مفيش في حاجه دخلت في عيني المهم موافقه يا منه
منه:موافقه طبعا
محمود:خلاص يبقى كتب الكتاب و الفرح الخميس الجاي
انا:على بركة الله
محمود:إنشاء الله الفرح هيبقى في قاعة اللؤلؤه وهاجي اخدك من الكوافير اللي جمب القاعه
منه:بس انا مش هروح كوافير
محمود:ازاي يعني مش هتروحي كوافير
منه:انا حلوه كده لوحدي مش هروح كوافير
محمود: لا هتروحي دا اسمه شغل استعباط
منه:انت بتعلي صوتك ليه
انا:اهدوا يا جماعه في ايه انتو هتتخانقوا من دلوقتي امال لو اتجوزتوا هتعملوا ايه
محمود:قولها والنبي
منه:وانت مالك يا عبد الرحمن حد قالك اتدخل انا عارف انك عايز تبوظ الجوازه دي وتتجوزني انت بس انا مش هسمحلك ابدا لأني مش بحبك
(انا بقيت في موقف لا احسد عليه دلوقتي عارف لما تبقى في الشتا وجردل تلج يتقلب عليك مره واحده اهو دا احساسي مشاعري انطفت مش قادر احس باي حاجه)
محمود:مالك يا منه هو الراجل قال حاجه تزعلك بس
انا: سيبها يا محمود تقول كل حاجه
منه:انا خلصت كلامي اعمل حسابك يا محمود هننزل نختار الفستان بكرا
محمود: حاضر استأذن انا هعدي عليكي بكره بعد العصر
انا:انست ونورت
دخلت منه اوضتها
وانا اتجهت لامي
ماما:معلش يا ابني انا مش عارف هي اتغيرت كده ازاي
انا:سيبيها يا امي انا مش قادر اقعد في البيت دا تاني انا ماشي
ماما:هتروح فين
انا:انا كنت مشتري شقه وفرشتها عشان نعيش فيها انا ومنه بس مفيش نصيب انا هدخل الم هدومي
ماما: طب استنى اجي معاك
انا: لا مينفعش هتسيبي منه لوحدها بتخاف تقعد لوحدها
ابوس ايدك يا امي اوعي تزعليها
ماما:برغم كل دا ولسه قلبك طيب
انا:هعمل ايه بقا مفيش نصيب
(دخلت اوضتي وقفلت على نفسي لميت هدومي في شنطتي وخرجت الصاله لقيت منه بتتفرج على التليفزيون
قربت ناحيتها)
انا:انسه منه يا استاذه منه
منه: ايه فيه ايه عايز ايه
انا:اتفضلي مفتاح الشقه انا ماشي
منه:ماشي رايح فين
انا: رايح شقه تانيه عشان متقوليليش انك لمتيني من الشوراع
منه:انا اسفه والله ولا اقولك امشي غور في ستين داهيه
انا:انا همشي اهو
مشيت بالفعل
وانهارت منه بالبكاء
ماما: مالك يا بنتي زعلانه ليه دلوقتي مش انتي اللي عايزه كده
منه: انا بحبه اوي يا ماما ومش عايزه اظلمه معايا
ماما:تظلميه معاكي ازاي
منه:انا من يومين روحت لدكتور كنت تعبانه الدكتور عملي تحاليل وآشعه عارفه طلع عندي ايه
ماما:ايه
منه:...
البارت الخامس
ماما:طب بتعيطي ليه دلوقتي مش انتي اللي عايزه كده
منه:انا بحبه اوي يا ماما ومش عايزه اظلمه معايا
ماما: تظلميه معاكي ازاي
منه:انا كنت تعبانه الدكتور عملي تحاليل واشعه عارفه طلع عندي ايه
ماما: ايه يا بنتي
منه:كانسر يا امي طلع عندي كنسر (وتكشف عن شعرها )
ماما:شعرك راح فين يا منه
منه:وقع نصه يا امي بسبب المرض
ماما:اهدي بس يا بنتي متعمليش في نفسك كده طب والعريس اللي جه وطلب ايدك هيعمل ايه لما يعرف
منه:يعمل اللي يعمله المهم عبد الرحمن ميتظلمش
ماما:خلاص اهدي يا بنتي كل حاجه هتبقى تمام
تاني يوم
موبايل منه بيرن
منه:الو
محمود:ايه يا بنتي كل دا تأخير البسي يلا عشان نطلع نشتري الفستان
منه:معلش نسيت
محمود:في حد ينسى حاجه زي كده
منه: معلش نص ساعه واكون جاهزه
تجهز منه وتنزل لمحمود
محمود:ايه يا بنتي اللي انتي عاملاه في نفسك لابسه الخمار وكمان مش حاطه ميكب
منه:والله هي دي طبيعتي
محمود:طب يلا قبل ما يجيلي شلل
منه:يلا فين استنى انا هتصل بماما تيجي معانا
منه:الو
ماما: الو يا بنتي انتي كويسه
منه:الحمد لله بقولك اقفلي المحل وتعالي معايا عشان اشتري الفستان
ماما:مش هينفع يا بنتي النهارده الشغل كتير في المحل
طب استني هتصلك بعبد الرحمن ييجي معاكي
منه:عبد الرحمن لا بلاش عبد الرحمن
ماما: متخافيش من عبد الرحمن دا ابني وانا عارفاه مش زعلان
منه:خلاص يا ماما اللي تشوفيه
عند عبد الرحمن
انا:الو
ماما:ازيك يا حبيبي انت فين
انا:راجع من الكليه ومروح البيت
ماما: طب بلاش تروح انت دلوقتي تروح لمنه عشان تطلع تشتري الفستان
انا:حاضر يا امي من عنيا
ماما:زعلان
انا:هزعل من ايه يعني كل شئ قسمه ونصيب
ماما:ربنا يبارك فيك واشوفك احلى عريس
انا:عريس ايه بقا ما خلاص العروسه ضاعت مني
ماما:ربنا هيعوضك يا حبيبي لو ليك نصيب معاها هتكمل
انا:طب مع السلامه عشان وصلت
انا: السلام عليكم يا عريس
محمود:وعليكم يا عبد الرحمن
انا:مش يلا يا منتأخرش
محمود:عقبالك يا عم
انا:عقبالي ايه بقا مفيش نصيب اتجوز
ينظر عبد الرحمن في عين منه ويجدها تدمع وتمسح دموعها
منه: كفايه كلام عشان منتأخرش
محمود:اركبوا العربيه
كل شويه يبص في المرايه وعينه تيجي في عينها يلاقيها بتدمع
محمود:ادينا وصلنا اتفضلوا انزلوا
انا:ادخلوا انتوا ولما تخلصوا اندهولي
بعد نص ساعه
محمود:تعالى يا عم عبدو احضرنا يا عم
انا: ايه في ايه بتتخانقوا ليه
محمود:احضرنا يا عم عبدو انا عايزك تشوف اختارت ايه
انا:ماله الفستان يعني حلو وزي القمر
محمود:حلو ايه بس دا شبه لبس الاحرام
منه:دا ذوقي ودا عاجبني
محمود:براحتك انا هروح ادفع الحساب
انا:حساب ايه اللي تدفعه انا دفعت تمن الفستان من بدري
محمود:ليه عملت كده
انا:هو انا عندي كام اخت يعني عشان اجبلها فستان فرحها
تركض منه وهي بتبكي
محمود:مالها دي
انا:دي دموع الفرح
يوم الفرح في القاعه
انا:يلا يا منه عشان اوصلك لعريسك بنفسي
منه:انت بتعمل معايا كده ليه
انا:مش انتي اختي لازم اسلمك لعريسك
اتفضل يا محمود دي امانه حافظ عليها
محمود: متخافش دي في عيوني
انا:كلها نص ساعه والماذون يوصل
بعد نص ساعه
انا:المأذون وصل
محمود:يلا عشان نكتب الكتاب
منه:ماشي
محمود:مالك بتكلميني ليه كده
منه:والله انا حره
محمود:طب هاتي بوسه بقى
تضرب منه محمود بالقلم على وشه لدرجة ان القاعه كلها سمعت القلم
منه:انتي مجنونه
ويقوم محمود ويضرب منه قلم وقبل مايلف يلاقي بوكس في وشه من عبد الرحمن
يسحب عبد الرحمن منه من ايديها ويسوق بأقصى سرعه
منه:براحه هنعمل حادثه
انا:......
منه:براحه يا عبدو
انا:......
منه:حااااااااسب
صوت اصطدام شديد
يتبع.؟..
البارت السادس
يسحب عبد الرحمن منه من ايديها ويسوق بأقصى سرعه
منه:براحه هنعمل حادثه
انا:......
منه:براحه يا عبدو
انا:......
منه:حااااااااسب
صوت اصطدام شديد
(تصطدم عربية عبد الرحمن بعربيه تانيه)
في المستشفى
منه:يا دكتور هو هيفوق امته
الدكتور:هو دخل في غيبوبة نتيجه للاصطدام الشديد اللي حصل هو مش هيفوق دلوقتي تقدروا تمشوا وتيجوا بكره الصبح
ماما: نمشي ايه يا دكتور احنا هنقعد هنا جمبه لغاية ما يفوق
الدكتور :يا حجه مينفعش الكلام دا هو مش هيفوق خالص دلوقتي
منه:اتفضل انت يا دكتور احنا هنقعد معاه متتعبش نفسك
الدكتور: اللي تشوفوه عن اذنكم
ماما: اذنك معاك يبني
منه: انا السبب انا السبب
ماما: اهدي يا بنتي انتي ملكيش ذنب
منه:لا انا السبب
ماما: اهدي يا بنتي وادعيله ربنا يقومه بالسلامه
منه: يارب يا ماما يارب
(تاني يوم الصبح)
ماما:صباح الخي... ايه دا مالك يا بنتي
منه:ها.... مالي ازاي
ماما:شكلك تعبانه انتي منمتيش
منه:لا انا لقيتك نمتي على الكنبه شديت عليكي البطانيه وفضلت سهرانه لحسن يحتاج حاجه
ماما:طيب يا بنتي انا هصلي الصبح جمبك هنا
منه:يا ماما يا ماما
ماما:في ايه يا بنتي قطعت صلاتي بسببك بتزعقي ليه
منه:عبد الرحمن حرك ايده
ماما:بجد طب روحي بلغي الدكتور
منه:يا دكتور يا دكتور تعالى بسرعه
الدكتور:في ايه يا انسه
منه:عبد الرحمن حرك ايده
الدكتور:طب ممكن تخرجي يا حجه انتي والانسه عشان اشوف شغلي
منه:لا انا هقعد هنا
الدكتور: يا انسه مينفعش كدا
ماما:يلا يا بنتي سيبيه يشوف شغله
منه:حاضريا امي
بعد نص ساعه
منه:اتأخر اوي الدكتور جوه انا مش قادره استحمل
ماما: اهدي يا بنتي دلوقتي يخرج الدكتور ويطمننا
منه:لا انا مش قادره استحمل انا هدخل
ماما:يا بنتي اهدي متوجعيش قلبي
الدكتور: السلام عليكم
منه:ها طمني يا دكتور
الدكتور:المريض فاق تقدروا تطمنوا عليه
منه: يلا يا ماما بسرعه
في الاوضه
ماما: حمد لله على سلامتك يا ابني قلقتني عليك
انا:الله يسلمك يا امي
منه:حمد لله على السلامه
انا:الله يسلم حضرتك يا انسه
انا:يا دكتور انا عايز امشي من هنا
الدكتور: مينفعش يا استاذ عبد الرحمن
انا:انا مينفعش مروحش الكليه بكره لازم اروح عندنا تدريبات مهمه
الدكتور:انا هكتبلك على إذن خروج بس على مسئوليتك
انا: تشكر يا دكتور مصاريف المستشفى بعد اذنك كام
الدكتور :*****
انا:ماما فين شنطتي اللي كانت في طابلوه العربيه
ماما:اتفضل يا ابني
منه:انت بتطلع ايه المصاريف عليا انا
انا:يا سلام عشان بعد كده تعايريني انك دفعتيلي مصاريف المستشفى كمان
منه:انا مكنش قصدي
انا:قصدك ولا مش قصدك انتهينا اتفضل يا دكتور الفلوس اهي واديني الاذن بتاع الخروج
الدكتور:اتفضل
انا:شكرا يا دكتور يلا يا امي
منه:استنى اسندك
انا: متشكر جدا بلاش لأحسن تعايريني بدي كمان
منه: طب يا ماما انا ماشيه
(مشيت منه وهي بتعيط)
ماما: مكنش ينفع اللي عملته دا
انا: يعني انا مطالب أراضي الناس كلها ومحدش يراضيني
بقولك يا امي
ماما:ايه
انا:ممكن عنوان الدكتور اللي منه بتابع معاه
ماما:اتفضل
تاني يوم
موبايل امي بيرن
ماما:الو
انا:الو يا امي بقولك الدكتور قالي ان منه مش بتروح عنده ومش متابعه الجلسات يا ريت تاخديها النهارده وتروحي انتي وهي
ماما:بجد طيب ماشي اقفل انت دلوقتي
منه:كنتي بتكلمي مين
ماما: متاخديش في بالك رقم غريب بقولك ايه
منه:ايه
ماما: انا عرفت انك مش بتروحي للدكتور
منه:عرفتي ازاي
ماما:سألت الدكتور وهو قالي
منه: العلاج صعب اوي الكيماوي بياكل في جسمي اكل
ماما: يا حبيبتي يا بنتي معلش يلا بس نروح للدكتور وكل حاجه هتبقى تمام
عند الدكتور
الدكتور: بس كده تقدروا تمشوا وياريت يا انسه منه متتاخريش تاني احنا حالتنا متقدمه والشفاء نسبته كبيره
منه:شفاء ايه بس ما خلاص كله رايح
ماما:متقوليش كده يا بنتي
منه:اتفضل يا دكتور
الدكتور:لا الحساب اندفع
منه:مين
الدكتور:مرضيش يفصح عن هويته
منه:طب عن اذنك
ماما:يلا يا بنتي
(على سلم العماره )
منه:تفتكري مين دفع الحساب
ماما:علم علمك يا بنتي
منه:انا حاسس انك مخبيه عني حاجه
ماما:هخبي عنك ايه يعني
منه:طب عيني في عينك كده
ماما:بطلي عبط يا بت انتي طلعي المفتاح وافتحي الباب
منه:حاضر
(تفتح منه الباب)
منه: مالها الشقه ضلمه ليه انا فاكره اني سيبت النور مفتوح
ماما:طب ثواني اولع النور
انا:مفاجأه هييييي
منه:بسم الله الرحمن الرحيم خضتني يا عم
انا:بقولك ايه من غير لف ودوران انا هخطبك قولتي ايه
منه:.....
انا: السكوت علامة الرضا بس طبعا مينفعش البسك الدبله بنفسي انا جبت المأذون
منه:طب افهم بس
انا:خش يا شيخنا عشان تكتب الكتاب
منه: يا ابني افهم
انا:ايه مش موافقه طب يلا يا عم الشيخ امشي عشان متتعطلش الفرح باظ
منه بزعيق: باااااس ايه كفايه رط بالع راديو على الصبح انا موافقه بس......
يتبع ..