رواية أحببت معلمة ابنتي الفصل التاسع 9 - بقلم امولة

الصفحة الرئيسية

 رواية أحببت معلمة ابنتي بقلم امولة الفصل التاسع 9 بقلم امولة عبر دليل الروايات للقراءة والتحميل

رواية أحببت معلمة ابنتي كاملة

رواية أحببت معلمة ابنتي البارت التاسع 9 

مراد :الو يامنى
مني :مراد بيه ملاك حرارتها عالية جدا وتعبانة لازمها دكتور
هب مراد واقفا قائلا :ايه.. طب اقفلي وانا جاي حالا
حسين :ايه يبني في حاجة
محمد :في ايه يا مراد
مراد :انا اسف لازم امشي عشان ملاك تعبانة
رائد :طب استني واحنا جايين معاك
محمد :طيب عن اذنكم. سلام
فاطمة :سلام وابقى طمني عليها يا مراد يبني
مراد :اكيد ياطنط.. بسرعة يا رائد
ونزلوا من بيت إسراء واتجه رائد لإحضار الطبيب ومراد ومحمد للفلة وما ان وصلوا صعد مراد بسرعة لغرفة ملاك
مراد وهو يجلس بجانب ملاك النائمة :مالها يمني
مني :انا طلعت اشوفها صحية ولا نايمة لقيتها بتخرف وسخنة جدا
مراد باستغراب :بتخرف؟؟!
مني :اه كانت بتقول متزعليش مني و والنبي تحضنيني يا مس
*وصل رائد بالطبيب *
بعد أن كشف عليها الطبيب قال :هي فعلا حرارتها عاليه شكلها اكلة حاجة او ملغبطة في الأكل اما التخاريف دي بسبب حاجة حصلت معاها زعلتها وهيكون احسن لو متزعلهوش ودي روشتة بالعلاج ده تاخدوا بعد الفطار وبعد الغدا وبعد العشا لحد ما الازازة تخلص وبعدين تجيلي إعادة بقى
رائد :ماشي شكرا يادكتور *وذهب مع الطبيب للخارج ثم عاد مرة أخرى *
محمد :قوم يامراد روح هات آية
نظر له مراد بمعنى "مش فاهم"
محمد :ايه انت مسمعتش الدكتور قال ايه لازم متزعلش روح يا مراد وانا متأكد انها هتيجي معاك
مراد :وايه اللي مخليك متأكد
محمد :يلا يا مراد عشان ملاك
مراد :ماشي يا بابا
★وذهب مراد متجه لمنزل آية★
___
في منزل آية تجلس في ريسبشن البيت تشاهد التلفاز دق جرس منزلها نزلت لفتح الباب وجدت مراد
مراد :انا جاي ومش طالب غير انك تيجي معايا.. ملاك تعبانة جدا وعايزكي
... كان مراد يتكلم والكسرة في صوته ...
آية بسرعة :ملاك.... طب خدني ليها بسرعه
مراد :طيب
آية :انا هركب عربيتي وامشي وراك
مراد :ايه؟؟!!
آية :اظن مينفعش اركب معاك لوحدنا
مراد :ماشي
☆وركب مراد و آية خلفه بسيارتها ☆
وصلوا للفلة وصعد مراد وخلفه آية لغرفة ملاك
♡في الغرفة ♡
آية :السلام عليكم
محمد :وعليكم السلام انت مس آية يابنتي
آية :اه... ممكن اقعد جمبها
محمد وهو يقف من جنب ملاك :اكيد طبعا اتفضلي
آية :شكرا
وجلست بجانب ملاك ومسكت كف يدها وهي تمسح عليه
ملاك بتخاريف:مش تزعلي مني انا اسفة... انا بحبك يا مث آية
قامت آية باجلاسها وهي مازالت نائمة وظلت تحرك فيها حتى استيقظت
ملاك :مث آية
آية:نعم يا لوكا
ملاك :انتي زعلانة مني
هزت آية رأسها بمعنى "لا"
ملاك :طب ليه مكنتيث بتكلميني
آية :كنت تعبانة شوية يالوكا
ملاك وهي تضع اصبعها في فمها :يعني احضنك
ضمتها آية قائلة :آه... ويلا نامي بقى عشان اعملك كمادات
ملاك :مين مدات دي
الجميع :هههههههه
ملاك وهي تعدل لها المخدة لتنام :ههه هقولك مين مدات الوقتي
التفتت لهم لتكمل :عايزة طبق غويط فيه ماية ساقعة واي بنطلون او قماشة قطن
محمد :شوفيها يامنى عايزة ايه وخليكي معاها وانت يا رائد تعالي انت ومراد الوقتي
خرج الجميع ثم عادت مني وبيدها ما طلبته آية
ظلت آية تقوم بعمل الكمادات لملاك حتى نامت ملاك
انخفضت حرارتها قليلا
آية :انا همشي انا بقى ياااا. مني صح؟؟
مني :آه
آية :طب ملاك نامت اهي همشي انا بقى يا حبيبتي
مني :ماشي
♡وخرجت آية من الغرفة متجهة لخارج الفلة ♡
لمحها محمد فنادي عليها
محمد :آنسة آية
التفتت آية :نعم
محمد :ممكن بس دقتين من وقتك 
آية :اكيد اتفضل
محمد :ممكن متدخليش ملاك بينك وبين مراد يعني انتي متعرفيش ملاك عانت قد ايه في حياتها...... ملاك وهي عندها 3 سنين كانت بتضرب ضرب اللي عنده 30 سنة ميستحملوش وكان الضرب ده من اقرب الناس ليها او اللي كانت أقرب الناس ليها مامتها...... كانت بتضربها لأسباب تافهه جدا زي مثلا لو كانت جعانة تقولها خلي حد يعملك لما ملاك تقولها مرتين تلاتة تقوم ضرباها وكل ده كان بيبقى من ورانا وفي غيابنا.. وعايزك تسامحي مراد لان برضو اللي مراد شافه من مراته مش سهل...... مراد قالك انك طمعتي عشان ملك كانت متجوزاه طمع هتقولي متجوزاه طمع ليه خلفت منه احنا اكتشفنا انها كانت بتاخذ حبوب منع الحمل بس ربنا أراد وخلفت...... ولما عرفت حولت تنزل الجنين اكتر من مرة لكن برضو ربنا ستر لحد مامراد عرف كل حاجة وطلقها مع ذلك مسبتوش في حاله وخطفت ملاك....يعني عايزك على الأقل متدخليش ملاك
آية :والله يا فندم انا هبلة وعلى نياتي ومش بعرف ازعل من حد واذا كان على ملاك ربنا يعلم انا بحبها قد ايه ومقدرش ازعل منها واذا كان على استاذ مراد انا مش زعلانة منه بس عشان برستيجي وكدا يعني
قالت جملتها الأخيرة بطريقة مضحكة فضحك عليها محمد
آية :عن اذنك بقى عشان مينفعش منظري بالبجامة ده
محمد :ههههههه ماشي اجيب حد معاكي يوصلك
آية :لا انا عربيتي معايا
محمد :ماشي.. سلام
آية :سلام
*وخرجت آية متجهة لبيتها*
♥اليوم التاني♥
★في الفلة★
استيقظ مراد فنهض من مكانه متجه لغرفة ملاك وجد مني تلبسها لبس خروج
مراد :حبيبة بابي بتلبس ليه
ملاك :النهارده الجمعة يا بابي يعني هتفثحني طووووووول اليوم
مراد :يعني هفسحك طوووووووووول اليوم
ملاك :اه وهتأكلني حبوب بالشربة كمان (حمص شام يا جماعة 😂)
مراد :لا طبعا انتي شوفتي كنتي تعبانة ازاي امبارح عشان اقولك كفاية يا ملاك تقوليلي اخر علبة يا بابي لحد ماكلتي 3 على حمص شام يمفترية
ملاك :يابابا اسمه حبوب بالشوربة
مراد :طب ايه اللي انتي لابساه ده الجو برد
ملاك :لا مث حر
مراد :مني لابسيها حاجة تكون تقيلة عشان متتعبش تاني
مني :حاضر.. تعالي يا لوكا
ملاك :اما نثوف اخرتها
👇🏻

بقلم امولة

★في بيت آية★
 استيقظت آية ولأنه يوم الجمعة فانها معتادة على تنضيف البيت وغسل الثياب وأشياء أخرى من التنضيف
قامت بغسل الثياب ونشرها على المنشر ثم بغسل الأطباق ثم قامت بترتيب البيت من كنس ومسح ثم اخذت بعض الأموال متجهة لاحد الزارات لشراء ملابس
___
★في بيت اسراء★
فاطمة :قومي ياشيخة بقى قومي مكنش يوم اجازة
إسراء :اديكي قولتي اجازة يعني مش تقوميني وتقوليلي اعملي وسوي ماشي
فاطمة :لا بقى يحااااااااااااااج.... تعاااااالي.... شووووووف...... بنتك ياحااااااج
إسراء :ايوة ايوة هما الحبتين بتوع كل جمعة وفي الآخر بقوم والجزمة فوق دماغي
حسين :ايه صوتك جايب لآخر للعمارة
إسراء :قولها ياباشا قولها
فاطمة :بقالي سنة بصحي في الطور اللي نايمه دي
حسين :مش صحت؟
فاطمة :اه صحت بس بعد ما سمعت صوتنا للناس... قومي يختي قومي
إسراء :ياماما انام ربع ساعه بس
فاطمة :نامت عليكي حيطة ياشيخة قوووووووومي
إسراء :قومت قومت خلاص
وبعد أن غسلت إسراء وجهها وتوضأت وصلت وقامت بعمل سندوتش واكلته ذهبت لوالدتها
إسراء :ها هبدأ يومي بايه
فاطمة :روحي طلعي الهدوم من الغسالة حوتيهم في التنشيف واعمليها على 5 دقايق وتعاليلي
((سبحان الله امي ياجماعة اقسم بالله امي 😂✋🏻))
___
★في الفلة★
يجلسون على مائدة الإفطار
رائد :الا صحيح انا هخطب امتى
محمد :اه صحيح يا مراد ابقى كلم الحاج حسين وطمنوا على ملاك
مراد :حاضر يابابا
ملاك :مين الحاج حسين يا ميدو
محمد :ده ابو اسراء
ملاك :على اساس اني عارفة اثراء
محمد :إسراء تبقي عروسة انكل رائد
شهقت ملاك
رائد :ايه يا لوكا
ملاك :كذا يا انكل تروح تتقدم من غيري لا كدا قفل معايا
مراد :وايه قفل معايا دي كمان
ملاك :خلصانة انكل رائد مث بيحبني
مراد :خلصانة وقفل معايا الله يرحم ابوكي
الجميع :هههههه
رائد :حقك عليا واحنا بنشتري الدبل ناخذك معانا
ملاك :ايه دبل دي
مراد :يعني خاتم
ملاك :اه عرفت خلاص
مراد :يلا انا شبعت
ملاك :وانا كمان... متيجي معانا ياميدو انت وإنكل مع اني زعلانة منه بث يلا المثامح كريم
محمد :والله فكرة نخرج كلنا
مراد :طب يلا والبسي جاكت البجامة عليكي
ملاك :حاضر
☆وخرجوا جميعا ليقضوا يوم عائلي☆
___
★عند آية في الزارة★
آية للعامل :يافندم مفيش أوسع من كدا
العامل :موجود بس للاسف في الفرع التاني
آية :وده الاقيه فين
العامل :جنب الحديقة العامة
آية :طيب شكرا.... ثم اكملت في نفسها.... عيب اوي امشي من غير ماشتري حاجة... فقالت :طيب انا هاخد الأبيض ده
العامل :ماشي يافندم ثانيه واحده
آية :فين الكاشير
للعامل :عند المخرج
آية :شكرا... وذهبت للكاشير :كام ده
الرحل :***
آية :اتفضل
وأخذته وذهبت للفرع الاخر حسب وصف العامل لها
___
★في بيت اسراء★
فاطمة :تعالي بقى اعملي السلطة عشان الغدا
إسراء :ياماما أقسم بالله كدا حرام
فاطمة :ليه يختي عملتي ايه
فتحت إسراء اعينها وفمها على آخرهم :حتيت الهدوم في التنشيف وكنست الاوض كلها والصالة والانتريه وبعدين مسحتهم وبعدين غيرت ملايات سريري وسرير سارة مع انها مسافرة وغيرت ملاية سريرك انتي وبابا غير البطاطين اللي نفضتها وطبقتها وبعدين طلعت الغسيل ونشرته ونضفت الحمام والمطبخ وغسلت المواعين كل ده عملت ايه انتي ايه ياشيخة
فاطمة :ياحبيبى يا رائد يابني هتجوز حيوان كوالا مش عايز يعمل اي حاجة
إسراء :يختي مين قالك جوزهولي؟!
فاطمة :اخلصي يابت
إسراء :الله يرحمك يا امومة
فاطمة :قولت اخلصي
اسراء:حاضر... حااااااضر
google-playkhamsatmostaqltradent