U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية عشقها الأسد الفصل الثالث - بقلم اسماء محمد

 رواية عشقها الأسد الفصل الثالث بقلم اسماء محمد 

رواية عشقها الأسد كاملة

رواية عشقها الأسد البارت الثالث 3

في ڤيلا اسد
ريم في غرفتها بتعيط وماسكه صوره والديها
ريم بعياط .، شوفتوا اسد عمل ايه ليه سيبتوني ليه ثم حطت ايديها علي صوره امها ماما انتي كنتي بتاخدي حقي من اسد دلوقتي مين هياخد حقي اسد اتغير اوي يابابا اسد عمره ما ضربني اهئ اهئ اهئ

في غرفة اسد
صحي من النوم وأخذ دوش ولبس وحط برفان وهو ماشي سمع صوت ريم بتعيط وقف شويه واتنهد ومشي راح الشركه
في المستشفى
يارا نايمه علي السرير والباب خبط
يارا ، ادخل
سناء .، صباح الخير يا حببتي
يارا بابتسامه .، صباح النور هو احمد صحي
سناء .، لا الدكتوره قالت ساعتين ويفوق
يارا .، ماشي
سناء .، خدي البسي انتي مش شايفه نفسك ولا ايه
يارا بصت علي نفسها .، ينهار اسود هو ايمن شافني كدا
سناء .، اه وهو الي قالي اجيب ليكي الطرحه و همومك
يارا باحراج .، اوف انا ازاي مشيت كده اصلا دا الناس كلها شافتني وانا بهدوم البيت كده
سناء.، عادي يا روحي انتي كنتي خايفه علي اخوكي اكيد ماكنتيش مركزه
يارا .، طيب يا ماما هدخل اغير واجي
سناء .، ماشي يا حببتي
دخلت يارا تغير ملابسها وكانت لابسه فستان موڤ وعليه حزام اوڤو وايت والطرحه اوڤوايت وكانت قمر
خرجت من غرفتها ودخلت غرفة احمد وكان ايمن وسليمان وسناء موجودين
يارا .، السلام عليكم
الكل .، وعليكم السلام ورحمه الله وبركاته
يارا.، فاق
ايمن .، لسه الدكتور قال هيفوق في اي وقت وانا مستني اهو
يارا .، تمام وقربت من احمد وباست رأسه وقالت
حبيب اختك يلا قوم بقا كفايه نوم ومسكت أيده وباستها
يارا بهزار .، دا انت اول اما تقوم انا هقتلك بجد
احمد.، واهون عليكي بردو
يارا بصويت .، اعااااااااااااا احمد انت صحيت الدكتور فين اه دا تحت طب يطلع لا انا الي هطلعه لا ايمن اه ايمن
ايمن بضحك علي هبلها .، رايح رايح
ايمن نزل ينده الدكتور
سناء جريت علي ابنها .، حبيبي كدا تخضنا عليك
سليمان.، حمدالله على السلامه يا ابني
احمد .، الله يسلمك يا بابا ويخليكي ليا كح كح ماما
يارا .، متتكلمش والنبي لحد اما الدكتور يجي
الدكتور جه
الدكتور .، حمدالله على السلامه يا بطل دا انت وجعت قلبنا عليك دا قلبك وقف يجي 7مرات بس الحمد لله انك كويس
ها اخبارك ايه
احمد .، الحمدلله
الدكتور بيشوف نبض احمد ولاقه طبيعي
الدكتور بعمليه .، تمام انت كده تقدر تخرج بعد اسبوع لحد اما نتطمن عليك
احمد.، كتير اوي خليهم يومين
يارا مسرعه .، لا اسبوع واسمع الكلام وبهزار .، دا انت حتي خدت دمي كله
احمد عاقد حواجبه .، ازاي يعني
الدكتور .، بصراحه لولا انسه يارا كنت لقدر الله ميت دي تقريبا مبقاش فيها دم لأنها اتبرعت ليك كتير اوي
احمد بحب وخوف علي اخته .، ليه كدا وبغضب وطبعا زي الحماره مكلتيش حاجه
يارا،. انت اهم عندي من اي حاجه في الدنيا وطبعا بعد ماما وبابا ومستعده اودي نفسي جهنم علشانكوا
احمد .، ربنا يخليكي ليا يارب
ايمن .، حمدالله على السلامه يا كوتش ليك واحشه والله
احمد.، الله يسلمك يا صاحبي
الممرضه .، دا بقا يا استاذ احمد حكايه تانيه دا كان متعصب اوي لدرجه انو مسكني من دراعي جامد وكان هيتخلع في ايده وهو بيسالني عليك
ايمن .، انا اسف والله بس من كتر خوفي عليه ماكنتش عارف انا بعمل ايه
الممرضه.، لا عادي ولا يهمك
احمد .، اومال فين يارا
سناء .، تلاقيها خرجت تشرب ولا حاجه
ايمن .، طب انا هخرج اشوفها
احمد. ،انت يلا متقربش من اختي خليك هنا ولما تكتب الكتاب يبقي اعمل الي انت عايزوا
ايمن .، امتي بس وبعدين دي خطبتي من حقي اكلمها وطلع لسانه وقال مش كده يا عمي ولا ايه
سليمان .، طبعا يا حبيبي
ايمن .، اطير انا بقي اشوفها فين
ايمن خرج ودور عليها في الاستقبال ملقهاش وبيبص يمين وشمال لقها بره في الجنينه
ايمن.، بتكلمي مين
يارا بخضه. ، اااكنت بكلم ياسمين وبطمنها علي احمد
ايمن .، سلمي عليها
يارا بتوتر ، الله يسلمك
(ياسمين صاحبه يارا وبتحب ايمن اوي بس طبعا متقدرش تقول علشان صاحبتها وهي محجبه وطويله وفي نفس سن يارا بس ياسمين في كليه السن
مع العلم يارا ماكنتش بتكلم ياسمين 😅😅)
ايمن.، طيب يلا تعالي احمد بيسال عليكي
يارا .، حاضر

بقلم اسماء محمد

في الشركه
معتز .، احنا كده محتاجين مدير حسابات جديد
اسد .، شوف انت الموضوع ده
معتز .، في واحد صاحبي كلمني وقالي ان في واحده عايزه تشتغل في الحسابات بس هي في كليه اداب اثار ومحتاجه الشغل بس تعرف هي مين
اسد .، مين يعني
معتز .، انت موافق بس لان غير كده ممكن نحتاجها
اسد .، ما تنجز يا ابني مين
معتز .، اخت احمد سليمان
اسد .، نعم وانت ايش عرفك
معتز .، ما انا بعد اما صاحبي قالي أنها عايزه تشتغل عملت عنها تحريات وعرفت هي مين وكمان مخطوبه لايمن يعني كدا نقدر نمسكهم من ايدههم الي بتوجعهم
اسد بعد تفكير عميييق .، موافق بكره خليها تيجي علشان انا هقابلها
معتز .، تمام هبلغهم

/بقلم اسماء محمد

في المستشفى

احمد.، ياماما روحي بقا انتي تعبتي وانا والله بقيت كويس
سناء .، لا مش همشي غير وانت معايا
احمد .، يا بابا لو سمحت خدها انا كويس والله حتي يارا هتكون معايا
يارا سرحانه
احمد .، يارا يارا
يارا ، ها
احمد.، ها ايه سرحانه في ايه
يارا .، لا ابدا ولا حاجه كنت بتقول ايه
احمد.، هو ايمن فين
يارا .، مشي علشان سايب أخته لوحدها
احمد .، طيب يلا يا حاج بقا خد مراتك واهرب دا حتي البيت فاضي
وغمز
سليمان.، اخرس يا قليل الادب
يلا سناء يلا
احمد ويارا بضحك .، اهرب يا حج اهرب ههههههههه
ومشيوا
احمد من غير مقدمات . ،يارا من غير لف ودوران عملتي ايه انا عارفك
يارا باستهبال.، عملت ايه صدقني معملتش حاجه
احمد .، ماشي بس لو عرفت انك عملتي حاجه والله هيكون اخر كلام بيني وبينك سامعه
يارا ،. نام يا روحي انت تعبان وانا هروح اجيب نسكافيه ليا واجي
احمد. ،انا مش مطمن مش عارف ليه
يارا .، لا اطمن متخافش وراك راجل
احمد .، تبقي عملتي مصيبه
يارا .، لا معملتش ونام بقي وسابته وخرجت
احمد .، هعرف يعني هعرف
يارا خرجت تجيب النسكافيه واتصل بيها شخص
يارا، يعنيوافق
الطرف الآخر .، اه والأخبار الي عندي بتقول أنه عايز يقابلك بكره
يارا .، شكرا جدا ليك انا مش عارفه ارد لك الجميل ده ازاي
الطرف الآخر.، انتي تؤمري بس
يارا .، تسلم
وقفلت مع الشخص

في الفيلا بتاعت اسد

اسد وصل البيت داده سعاد
سعاد ، نعم يا اسد بيه
اسد.، هي ريم فين
سعاد.، من امبارح وهي ماكلتش حاجه يا ابني والله لحد دلوقتي وكل شويه تعيط و من ساعه بخبط عليها مش بترد
اسد بخوف عليها .، مش بترد ازاي وبعدين ما اتصلتيش بيا ليه
سعاد.، هي الي طلبت وقالت انكوا اتخانقتوا
اسد قلبه مقبوض وطلع جري علي اوضه أخته وبيخبط علي الباب
اسد .، ريم ريم افتحي
ريم .،.........
اسد بخوف اكتر ، ريم علشان خطري افتحي
ريم.، .........
اسد بزعيق .، سعاد سعاد يا داده هاتي المفاتيح من علي المكتب بسرعه
سعاد جابت المفاتيح .، في ايه مالها
اسد وهو متوتر .، مش عارف
اسد فتح الباب لقي ريم واقعه علي الارض اسد جري عليها
اسد .، ريم ريم داده سعاد هاتي ميه بسكر بسرعه
ريم علشان خاطري قومي انا اسف والله اسف
سعاد جابت ميه بسكر
سعاد .، خد يا ابني
اسد .، ريم فوقي كده واشربي وبيحاول يشربها اشربي يلا
ريم وهي دايخه بتحاول تشرب
وشربت مره ومره كمان وفاقت شويه ولما شافت اسد عيطت اكتر
اسد خدها في حضنها وشالها حطها علي السرير وحضنها اسف اسف متعيطيش ونامت في حضنه وهو كمان نام

(الناس كلها نامت وانا كمان 😅😅)
يلا عايزه تفاعل كتير
/بقلم اسماء محمد
قد يعجبك أيضا
الاسمبريد إلكترونيرسالة