U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قسوة قلبك الفصل الخامس والسادس - هاجر العفيفي

رواية قسوة قلبك الفصل الخامس "5" والفصل السادس "6" بقلم هاجر العفيفي

رواية قسوة قلبك الفصل الخامس "5"

فى قسم الشرطه

وقفنا لحد ماامجد فقد الوعى وجيانا صرخت باسمه
جيانا : امجدددد
قصي : خرج دول بره ياعسكرى وانت يامعاذ تعال سنده معايا
معاذ راح قدامه وسندوه ونقلوه على الاريكه وابتدو يفوقوه
جيانا كانت بتعيط جاامد ومنهاره
معاذ : اهدى ياانسه هيكون بخير متخافيش
جيانا بدموع : هو مش بيفوق ليه
قصي : ممكن تهدى بقا
جيانا سكتت بدموع
وبعدها بشويه امجد ابتدا يفوق بس كان مش قادر يفتح عينه خالص
جيانا جريت عليه : امجد انت كويس
امجد بتعب : الحمد لله انا اسف ياجيانا
جيانا بدموع : متتاسفش ياحبيبى
قصي : معاذ لازم يتعملوا تحليل مخدرات حالا
معاذ : تمام
جيانا : تعملوا ايه ليه يعنى اخويا مش مدمن
قصي : ممكن تسيبينى اشوف شغلى وتبطلى تدخلى فى ال ملكيش فيه
جيانا : ايوه ماانا لازم افهم تعملوا ده ليه
قصي : اخوكى ياانسه كان فى مكان تجار هيروين وانتى اظن شايفه شكلوا عامل ازاى لازم نعرف
جيانا بصدمه : هيروين ! ايه ال وداه هناك
قصي بسخريه : السؤال ده اسالهولك انا انتى كنتى هناك بتعملى ايه
جيانا : سورى بقا وانت مالك انت
قصي بعصبيه : برضوا هتطولى لسانك تانى
امجد بتعب : انا تحت امرك يابشا
قصي : تمام يلا يامعاذ خدوا انت والعسكرى وابعتلى النتيجه
معاذ : اوك يلا ولسه هيخرج هو وامجد
جيانا : انا جايه معاكم
قصي ببرود : لاء
جيانا بصتله بنرفزه : وانت مالك يااخى
قصي بجمود : هى كلمه واحده قولت لاء امشى يامعاذ يلا هما خرجوا
وجيانا اتعصبت وقامت ولسه هتخرج قصي مسك ايدها
قصي : انتى عنديه ليه
جيانا : سيب ايدى وبعدين اقعد معاك فى مكان واحد بمناسبة ايه
قصي بسخريه : هحب فيكى هشاهد جمالك فى محضر هيتفتح وتشوفى اخوكى ولا ايه مش عايزه تطمنى عليه
جيانا بعصبيه : هتنيل اقعد يارب نخلص
قصي بصلها ببرود وسكت وراح قعد على مكتبه يشوف شغله وهى قعدت على الاريكه بتزمر
وبعد وقت من الصمت طلعت فونها لقته مقفول وفاصل شحن قالت فى نفسها : يلهووى زمان ماما رنت وكاميليا وبعدين النهار خلاص هيطلع فكرت شويه وكانت متردده بس لازم تعمل كده
جيانا بتردد : احم لو سمحت ممكن الفون ثانيه
قصي ببرود : ليه
جيانا : فونى فصل وعايزه اكلم صحبتى
قصي على نفس بروده : خدى اهو
جيانا قامت تاخده منه وجت تمد ايدها وتاخده من ايده هو مسك ايدها ونظر فى عينيها نظره طويله بس بعدها جيانا فاقت واخدت الفون بسرعه وسحبت ايدها بسرعه وهو كمان رجع يشوف شغله
جيانا راحت وقفت فى الشرفه وطلبت رقم كاميليا

بقلم هاجر العفيفي

فى منزل كاميليا

كانت قلقانه جدا وفجاه فونها رن برقم غريب
كاميليا ردت : الو
جيانا : الو ياكميليا
كاميليا بلهفه : جيانا انتى فين قلقتينى عليكى وفونك مقفول ليه
جيانا : هفهمك بعدين بس اهم حاجه اول ماتيجى الساعه 8 تجيلى القسم
كاميليا بصدمه : يلهووووى قسم ليه
جيانا : قولتلك هافهمك بعدين بس والنبى متتاخريش
كاميليا : حاضر والله مش هتاخر بس قولى العنوان
جيانا : استنى ثانيه
وبصت لقصي وقالت : لو سمحت هو احنا هنا فين ممكن العنوان
قصي بصلها ببرود وقال العنوان
جيانا : كاميليا العنوان ..........
كاميليا : حاضر والله مش هتاخر
جيانا : بس اوعى ماما تعرف خبر عن حاجه
كاميليا : لاء متخافيش طبعا مش هقوله
جيانا : تمام مع السلامه
كاميليا : سلام
قفلت معاها وقامت تتوضا علشان تصلى الفجر وتدعى ربنا ان يعديها على خير
******************************************
فى قسم الشرطه

جيانا خلصت مكالمتها وراحت ادت الفون لقصي
جيانا من غير نفس : اتفضل شكرا
قصي ببرود وسخريه : يارب يكون خدامتنا عجبت حضرتك
جيانا : حضرتك بتتريق والله انا ولا عجبنى المكان ولا الخدامات ولا اسلوبك انت شخصيا
قصي : برضوا رجعتى تطولى لسانك
جيانا : والله انا لسانى مش طويل وعادى انت ال فاكر الناس كلها زيك
قصي ببرود وثقه : ياريت الناس كلها زى
جيانا بسخريه : وافتكر ده ثقه ولا غرور
قصي : والله تفتكريها زى ماتفتكريها انا حر واقعدى بقا بطلى دوشه عايزه اكمل شغلى
جيانا : ممكن اطمن على اخويا
قصي : لاء
جيانا : هو ايه ال لاء انا عايزه اطمن عليه
قصي : اخوكى محتفظين عليه لحد مالنتايج تطلع وبعد كده نقرر هنعمل ايه معاه
جيانا بخوف : هو انتوا ممكن تعملوا معاه ايه
قصي ببرود : يعنى طلع بيتعاطى هيتحبس ويتحكم عليه طلع مش بيتعاطى هيتحقق معاه على ان راح مكان زى ده زى ماهيحصلك كمان شويه برضوا
جيانا بعدم فهم : انا
قصي : اممم انتى ناسيه انك كنتى هناك يعنى لازم يتحقق معاكى
جيانا راحت قعدت فى صمت تفكر فى الحيره ال هى فيها
قصي بصلها بطرف عينه وابتسم بسخريه
******************************************فى فيلا الجارحى

كان الجميع بيتناول الفظار

محمود : اومال قصي فين منزلش يفطر
سميه : مش عارفه سنيه ياسنيه
سنيه الشغاله باحترام : نعم ياهانم
سميه : اطلعى نادى لقصي علشان ينزل يفطر
سنيه : قصي بيه ياهانم خرج امبارح الساعه 12
سميه باستغراب : راح فين ده
ميرا : تلاقى وراه شغل يامامى مش اول مره يعنى
سميه : صح خلاص ياسنيه روحى انتى دلوقتى
سنيه : امرك ياهانم
محمود : ماهو انتى لو مركزه شويه مع البيت والولاد وسيبتك من الندوات والخروجات كنتى عرفتى بيروحوا فين ويجوا منين
سميه : لاء والله هما اولادى انا بس ماتاخد بالك منهم انت كمان
محمود : يعنى اسيب شغلى وافضل اشوفهم
سميه : يعنى انا ال سيب ال ورايا
محمود وهو يقف : لاء الكلام مش بيجيب معاكى فايده انا ماشى
سميه : انت كده علطول
محمود خرج وسميه زفرت بضيق
ميرا : معلش يامامى متزعليش
سميه : مش عارفه علطول ينكد عليا الله يسامحه
ميرا : خلاص متزعليش ياقمر
سميه : انتى ال علطول مريحانى كده اخوكى طالع زى ابوكى علطول نكد
ميرا : انت حبيبى بقولك يامامى انا كنت عايزه مبلغ كده صغير
سميه : عايزه كام ياحبيبتى
ميرا : احم يعنى 2000 جنيه
سميه : هتعملى بيهم ايه
ميرا بارتباك : ه ه هاجيب بيهم حاجات ليا وكده
سميه : ماشى هطلع اجبهوملك
ميرا باستها : حبيبتى يامامى
سميه : انتى ال حبيبتى ياقلبى وطلعت تجبلها الفلوس ونزلت اديتهوملها وميرا اخدتهم وخرجت من الفيلا ركبت عربيتها وطلعت على الجامعه
******************************************
عند كاميليا

نزلت من بيتها وركبت تاكسى وراحت على العنوان ال اديتهولها جيانا وصلت وطلعت تجرى بس خبطت فى شخص وكانت هتقع وهو لحقها
كاميليا بارتباك : ا ا سفه ش شكرا
عمر بتوهان فى عينيها : ولا يهمك انا ال اسف
كاميليا بصت لايده ال سندها وقالت : احم عن اذنك
عمر بتوهان : ها
كاميليا : ع ع عايزه امشى
عمر وقد استوعب مايحدث بعد عنها : اه اسف اتفضلى خلى بالك بعد كده
كاميليا : ح حاضر شكرا تانى وسابته وطلعت تجرى
عمر سرح شويه لحد ال طلعه من شروده
معاذ : عمر ياعمر عمرررررر
عمر : ايه يارخم
معاذ : مالك ياعم النحنوح انت
عمر : مفيش
معاذ بغمزه : اومال ايه خلى بالك بعد كده وانا ال اسف وقصة العشق المفقوع ال كانت حاصله دى
عمر بصدمه : انت هنا من امتى
معاذ : من ساعة ا ا سف
عمر : طب غور ياض من وشى علشان مدخلش الحجز بسببك
معاذ : وانا مالى يابنى
عمر بشرود : بس هى واحده زيها كده ايه ال يجبها القسم ده باين عليها بنت ناس
معاذ بتفكير : اممم مش عارف مش باين عليه فعلا انها وش اقسام بس مايمكن جايه تبع ال فى مكتب قصي شكلها بنت ناس برضوا
عمر باستغراب : هى مين فى مكتب قصي
معاذ : يااه انت متعرفش هاحكيلك وقص عليه ماحدث من ساعة ماراحوا المهمه لحد دلوقتى
عمر : طب وهو مخلهاش تمشى ليه او كان استجوبها وخلاها تروح
معاذ : انت عارف صحبك عندى قولتلوا مشيها هى شكلها ملهاش ذنب قالى ملكش فيه ده شغلى مقدر البت ياعينى فوق من بليل
عمر : ده دماغة ناشفه كويس ان هو منزلهاش الحجز مع المساجين
معاذ : ههههههه ده قصي يابابا يعنى ممكن يعملها
عمر : طب اطلع شوفوا كده وانا هاعمل كذا حاجه واروحلوا المكتب اشوف الحكايه بالظبط
معاذ : تمام وسابه ومشى
******************************************
فى مكتب قصي

الباب خبط وقصي اذن للطارق بالدخول كان العسكرى بيبلغوا بوصول كاميليا
قصي : خليها تدخل
العسكرى : اوامرك يافندم
وخرج دخلها ومشى
كاميليا دخلت تجرى وجيانا قامت حضنتها
جيانا بدموع : شوفتى ال حصلى ياكاميليا شوفتى امجد وصلنى لايه
كاميليا بدموع على صديقتها واختها : انا اسفه يقلبى انا ال خليتك تعملى كده معلش
قصي : ممكن بقا افهم انتى كنتى هناك بتعملى ايه
كاميليا انتبهت لصوت وبصت بصدمه : انت !!
قصي بسخريه : ايه انتى كمان استغربتى يعنى
كاميليا : لاء ولا حاجه بس صدفه غريبه شويه
جيانا بضيق : لاء ورخمه كمان
قصي ببرود : هنرجع تانى لطولة اللسان
جيانا بضيق : هووووووف مش هنخلص بقا النهارده
كاميليا باستغراب : بس انتى هنا صحيح بتعملى وفين امجد
كاميليا : هابقا احكيلك بعدين المهم عايزه امشى من هنا
قصي : اتفضلى اقعدى خلينا نفتح المحضر
جيانا : انا مش عارفه ايه لازمة المحضر
قصي : ده شغلى ولازم يتنفذ
جيانا : اتفضل قدينى قعدت
قصي : اعرف كنتى هناك فى المكان ده بتعملى ايه
جيانا : قصت عليه ماحدث انها كانت بتراقب اخوها وكده ولسوء حظها البوليس جه وكاميليا شهدت على كده
قصي ببرود : وانا ايه يضمنلى كلامكم انتوا الاتنين مش يمكن بتكدبوا
جيانا قامت وقفت بعصبيه : نكدب عليك ليه يابنى أدم انت هستفاد ايه
قصي بجمود : مايمكن كنتى راحه لمزاجك
جيانا بصدمه : والله انت مجنون
قصي بعصبيه : انا حذرتك كتير بس والله كلمه تانيه وهابيتك فى الحبس مفهووووم
كاميليا : اهدى بقا ياجيانا خلينا نخرج من هنا على خير
جيانا : سكتنا يامسهل
بعد شويه من الوقت دخل معاذ وكان معاه نتيجة تحليل امجد
قصي : ها عملت ايه
معاذ : النتيجه اهى اتفضل شوف
قصي فتحها وقراها بتركيز جدا
جيانا وكاميليا كانوا قلقانين ونفسهم يطلع كله تمام وبعد وقت قفل قصي الورقه
جيانا : ها خير
قصي : اخوكى ياانسه مدمن هروين ومش من دلوقتى لاء ده بقاله 4 شهور يعنى لازم يروح مصحه حالا علشان حالته كده هتسوء جامد
كاميليا وجيانا بصوا لبعض بصدمه
جيانا بصدمه : مدمن ومصحه
******************************************
فى كلية الاعلام

عند ميرا كانت قاعده فى الكافيتيريا لوحدها
جه صوت من وراها
شادى : الجميل ماله
ميرا بابتسامه : مفيش ياحبيبى بس تالا مجتش النهارده كنت زهقانه شويه
شادى بخبث : ياخبر زهقانه وانا موجود يلا ياقلبى وانا اخرجك
ميرا : هنروح فين انا ورايا محاضرات
شادى : اشطا خليها بليل هقابلك وهسهرك سهره ملوكى متحلميش بيها
ميرا : بس ممكن مينفعش
شادى بزعل مصطنع : ليه بس
ميرا : بابى مش هيرضى وكمان لو ابيه قصي عرف ممكن يتخانق معايا ويمنعنى من الخروج
شادى بخبث : مش مامى هتساعدك برضوا ولا ايه وبعدين مين هيقول لباباكى واخوكى يعنى
ميرا : تفتكر اخرج من غير مااقولهم لاء لاء طبعا مقدرش
شادى : مجتش على يوم ياميرو علشان خاطر حبيبك
ميرا بتفكير : ماشى هاحاول
شادى : اشطا وهتوافقى وانا واثق بس تعملى حسابك ياقلبى انتى ال هتصرفى انتى عارفه الحاله صعبه اليومين دلوقتى
ميرا : اوك
شادى بخبث : بحبك ياقلب شادى
ميرا بابتسامه : وانا كمان ياحبيبى

يتبع

الفصل السادس "6"

فى قسم الشرطه

فى مكتب قصي

كانت جيانا واقفه مصدومه : مدمن ومصحه ازااى ده لو ماما عرفت هتروح فيها يلهوووى يلهووووى
كاميليا اخدتها فى حضنها : يابنتى اهدى بس هنحلها اهدى
جيانا بدموع : انتى مش سامعه ياكاميليا ماما ممكن تروح فيها انا خايفه عليها اووى هنقولها ايه
كاميليا : هنفكر بس اهدى
قصي : لازم تقولوا الحقيقه علشان هو كده هيدخل المصحه وهياخد وقت يعنى هى كده كده هتعرف
جيانا بدموع : طب اجيبهلها ازاى اروح اقولها ابنك الوحيد مدمن
كاميليا : هنحاول نفهمها براحه
قصي صعب عليه حالها بس مبينش ده : طب يلا علشان نفتح محضر
جيانا : محضر ايه تانى مش خلاص
قصي : خلاص ايه المحضر لسه متفتحش اصلا وببرود بس للاسف شكلك هتطلعى منها معلكيش دليل
جيانا بسخريه : وليه للاسف كنت عايزنى اكون مدمنه انا كمان علشان تحبسنى
قصي : اممم هلى الاقل كنتى تتربى على طولة لسانك دى
جيانا : انا متربيه غصبن عنك
كاميليا وجهت كلامها لقصي : لو سمجت يابشا احنا ممكن نمشى عادى ولا ايه
قصي وهو ينظر لجيانا بغموض : والله كان نفسى اخليكم تقعدوا بس خلاص اتفضلوا امشوا
جيانا : طب وامجد
قصي : ماله امجد
جيانا : هيروح امتى
قصي بسخريه : اخوكى هيتعالج والمفروض يتحبس بتهمة تعاطى مخدرات بس هو هيكون فى المصحه تحت المراقبه
جيانا لسه هترد كاميليا شدتها
كاميليا : يلا ياجيانا نمشى دلوقتى ووجهت كلامها لقصي ممكن حضرتك يعنى لو مفيهاش رخامه تدينا رقمك علشان نطمن مش اكتر
قصي ببرود : اوك وكتب رقمه فى ورقه وادهالها
وكاميليا اخدت جيانا وخرجوا من المكتب بس كان عمر داخل وبص لكاميليا اوووى وهى بصتله جيانا لاحظت بس حاولت تسكت دلوقتى ومشيوا
عمر دخل لقصي المكتب
عمر : باشا مصر ايه يابنى معاذ بيقول انك مذنب البت هنا من بليل
قصي ببرود : شغلى
عمر برفعة حاجب : عليا انا
قصي : قصدك ايه
عمر : ولا حاجه وقعد قصاد المكتب واتنهد
قصي : مالك
عمر : مفيش
قصي بصله باستغراب وبعد كده قال : هو فين معاذ
فى الوقت ده معاذ دخل بالهيصه
معاذ : متجمعين عند النبى ان شاء الله
عمر : عليه الصلاة والسلام
قصي : عليه الصلاة والسلام . كنت فين ياض
معاذ : ايه ياعم هو انا مش ظابط زيك ولا ايه ورايا شغلى ولا بتاع ترمس انا
قصي بسخريه : مش متعود الصراحه
معاذ : اتريق اتريق بكره ابقا لواء ومحدش فيكم يعرف يكلمنى
قصي وعمر : هههههههههههههههه
معاذ : تصدقوا بالله انا مش عايز اعرفكم تانى ولسه هيمشى
قصي : استنا ياعم اللواء المهم عملت ايه مع الواد ده
معاذ : خلاص راح على المصحه وعينت عليه حراصه مشدده
قصي : تمام
عمر : اه صحيح ياض عملت ايه مع خطيبتك
معاذ : دماغها ناشفه اووى ياعمر بس على مين
قصي : انا مش عارف بتتعامل ازاى معاهم بحنيه كده
معاذ : علشان ده طبعهم عايزين ال يحن عليهم مش ال يعاملهم وحش افهموها بقا
قصي : لاء خلى الكلام ده لنفسك يااخويا يلا سلام بقا انا همشى وهقفل فونى ومش عايز اشوف حد فيكم غير لما اكلمكم مفهوووم عايزه انام
معاذ : مفهوم ياعم هتضربنا
قصي : اهو انت بالذات مشوفكش
عمر : هههههههههههه
معاذ : محسسنى ان مرات ابوك انا
قصي : اكتر سلام بقا
معاذ وعمر : مع السلامه
ونزل ركب عربيته وطلع على الفيلا
******************************************
عند جيانا وكاميليا

كانوا قاعدين فى كافيتيريا وجيانا كانت منهاره من العياط
كاميليا : اهدى بقا خلينا نفكر
جيانا بدموع : نفكر فى ايه للاسف لازم اصارحها وربنا يستر
كاميليا : انا هاجى معاكى ونروح سوا علشان متبقيش لوحدك ماشى
جيانا : ماشى بس انا مكنتش متخيله ان امجد يكون وصلت معاه لكده
كاميليا : الصراحه ولا انا
جيانا : اتجن الله يسامحه بقا يلا يابنتى
كاميليا : يلا وحطت الحساب على الترابيزه ومشيوا
******************************************
فى فيلا الجارحى

قصي وصل ركن عربيته ودخل وكان منهك جدا وتعبان
والده كان قاعد فى الريسيبشن
قصي : مساء الخير يابابا
محمود : مساء النور كويس ان شوفتك كنت عايزك ضرورى
قصي : مينفعش ناجل الموضوع شويه يابابا تعبان جدا
محمود : لاء مش هطول اصل انا مش بشوفك كتير تعال
قصي بقلة حيله : طيب
وراح قعد قصاد والده
قصي : نعم يابابا
محمود : هو انت بتدى اختك فلوس ولا لاء
قصي باستغراب : بديها بس ليه السؤال ده
محمود : اخر مره كانت امتا
قصي : يعنى اول امبارح
محمود : يااه انا عايز اعرف البنت دى بتودى الفلوس دى فين
قصي بتساؤل : ليه بتقول كده يابابا
محمود : يعنى انت بتقول انك اخر مره كانت اول امبارح وانا سامعها الصبح بتطلب من والدتك برضوا عايزه اعرف بتودى الفلوس دى فين
قصي : مايمكن بتجيب بيها حاجات خاصه بيها
محمود : حاجات ايه ال تخليها تاخد كل يومين مبلغ
قصي : طب والعمل
محمود : لازم نعرف هى بتصرفهم فين
قصي : حاضر يابابا بس عن اذنك لان والله حرفيا فصلت ومش شايف قدامى
محمود : اتفضل يابنى بس خلى بالك من اختك ياقصي
قصي : حاضر يابابا عن اذنك وسابوا وطلع
محمود : ربنا يحميكم ياولاد
******************************************
فى منزل جيانا

وصلت جيانا هى وكاميليا وطلعوا فتحوا الباب ودخلوا كانت والدة جيانا قاعده هتموت من القلق على ابنها
كريمه : جيانا كويس انك جيتى يابنتى اخوكى مجاش من امبارح كان بيجى الصبح بس لحد دلوقتى مجاش
جيانا بصت لكاميليا والدموع محبوسه فى عينيها
كاميليا : ازيك ياماما
كريمه : ازيك ياحبيبتى معلش يابنتى والله مااخدتش بالى
كاميليا : ولا يهمك ياحبيبتى بس انا وجيانا كنا عايزينك فى موضوع مهم
كريمه باستغراب : خير يابنتى
جيانا : ماما انا عايزاكى تعرفى ان ده نصيب وعايزاكى تهدى خالص علشان خاطرى والنبى
كريمه بقلق : فى ايه يابنتى حد فيكم يتكلم متقلقونيش اخوكى فى حاجه ياجيانا
جيانا بصتلها باسف وهزت راسها بمعنى اه
كريمه بقلق : يابنتى قولى حرام عليكى متتعبيش اعصابى اكتر من كده
جيانا بدموع واسف : للاسف ياماما امجد امجد
كريمه : ماله
جيانا : مدمن هيروين وراح المصحه
كريمه بصدمه وذهول : امجد مين ابنى
كاميليا : ياماما انا عايزاكى تهدى كله هيتحل
كريمه بذهول : اهدا اهدا ايه ابنى انا مدمن وكمان مصحه يلهووى يلهووى وفجاه وقعت على الارض وفقدت الوعى
جيانا وكاميليا فى صوت واحد وصراخ : ماااااماااااا
******************************************
فى فيلا الجارحى

ميرا وصلت ودخلت كانت الداده واقفه
ميرا : داده هى فين مامى
سنيه : الست الهانم فى اوضتها
ميرا : اوك
طلعت على غرفة والدتها وخبطت ودخلت
سميه : ميرو اتاخرتى ليه ياحبيبتى
ميرا : سورى يامامى كان ورايا محاضرات مهمه
سميه : ربنا يوفقك ياحبيبتى
ميرا : يارب بقولك يامامى كنت عايزه استاذنك فى حاجه صغنونه كده
سميه : ايه ياحبيبتى عايزه فلوس
ميرا : لاء معايا كنت عايزه اخرج مع صحباتى وزمايلى بليل شويه
سميه : حقك ياميرو قولى لبابى اوقصي
ميرا بتردد : ماهو ده ال انا عايزاه منك انك تخليكى معايا لحد مااروح واجى
سميه : ادارى عليكى يعنى
ميرا : امم ياريت يامامى
سميه : بس لو باباكى عرف ولا قصي هتبقا مشكله
ميرا : ومين هيقولهم بس
سميه : ممكن يعرفوا لوحدهم عادى
ميرا : ودى مهمتك ياجميل انك تحاولى تشغليهم لحد مااجى
سميه : ماانتى ممكن تتاخرى
ميرا : لاء متخافيش وبعدين دى ليله يعنى ياسوما مش حوار
سميه : ماشى ياختى ثبتينى بس انا موافقه
ميرا بفرح : بجد ياسوما حبيبتى يامامى ربنا يخليكى ليا يارب انا هاروح اوضتى ارتاح قبل مااخرج بااااى
سميه : باااااى

فى منزل معاذ

كان بيكلم ريتال خطييته فى الفون
معاذ : ياحبيبتى افهمينى بقا دى واحده كنت اعرفها بقالى كتير اووى بس دلوقتى مبقتش اشوفها ولا اعرف عنها حاجه
ريتال : ياراجل هتثبتنى كده مثلا انت مشوفتش يااستاذ يامحترم اول ماشافتك باستك من خدك قدامى عارف يعنى ايه قدامى اومال من ورايا هتعمل ايه عاااااااا نفسى اولع فيك وفيها
معاذ : بس انا صديتها والله انتى مشوفتيش كده وبعدين اهون عليكى ياقلبى تولعى فيا
ريتال : اه تهون لما اتخان عينى عينك اولع فيك وفى الدنيا كلها
معاذ بابتسامه : بتغيرى عليا ياحبيبتى
ريتال : لاء
معاذ : اومال ده ايه
ريتال : لاء
معاذ برفعة حاجب : ده بجد
ريتال : لاء
معاذ : علقتى صح طب بحبك
ريتال بارتباك : و و ا ا انا م مش ب سلام يامعاذ
معاذ بابتسامه : مش قادره تقوليها صح
ريتال : ماانت رخم
معاذ : والله بحبك وحياتك عندى بحبك ان شاء الله اموت بحبك
ريتال مسرعه : بعد الشر خلاصمعاذ : يعنى سامحتينى
ريتال : لاء برضوا
معاذ : طب هفوت عليكى بكره علشان نخرج ونتكلم احسن
ريتال : طيب
معاذ : بحبك
ريتال : سلام وقفلت معاه
معاذ بص للفون وضحك : ههههههههههههههههه مجنووونه بس بموووت فيكى وقام دخل الحمام واخد شاور وبدل ملابسه وخرج نام على السرير وذهب فى ثبات عميق
قد يعجبك أيضا
الاسمبريد إلكترونيرسالة