قسوة قلبك البارت السابع والثامن -بقلم هاجر العفيفي

رواية قسوة قلبك الفصل السابع 7 والفصل الثامن 8 بقلم هاجر العفيفي

رواية قسوة قلبك الفصل السابع "7"

فى احدى المستشفيات

كانت جيانا وكاميليا واقفين قصاد غرفة الكشف مستنين الدكتور يخرج علشان يطمنهم على كريمه
وبعد وقت من الانتظار خرج الدكتور وجريوا عليه
جيانا بقلق : خير يادكتور طمنى على ماما
الدكتور : اطمنى هى الضغط على عندها شويه واحنا لحقناه
كاميليا : يعنى هينفع تخرج معانا ولا ايه
الدكتور : اه ينفع بس ياريت تبعد عن اى انفعلات تتعبها لان لو الضغط على تانى ممكن لقدر الله منلحقهاش
جيانا : ينفع ادخل اطمن عليها
الدكتور : اه طبعا اتفضلوا
كاميليا : شكرا لحضرتك جدا
الدكتور : على ايه ده شغلى عن اذنكم وسابهم ومشى وهما دخلوا لكريمه
جيانا بدموع جريت على والدتها وحضنتها : ماما انتى كويسه
كريمه بشرود : اه يابنتى متعيطيش
كاميليا بقلق : ماما انتى بخير
كريمه بدموع : انا مقهوره اووى على ابنى الوحيد
جيانا : والنبى ياامى اهدى الدكتور قال انك مش عايزه انفعلات هو غلط ويتحمل نتيجة غلطته
كريمه بدموع : ليه يعمل كده ليه ويقهرنى عليه الله يسامحك يابنى الله يسامحك
جيانا : اهدى بقا علشان خاطرنا احنا محتجينك والنبى
كاميليا : اه والله كلنا محتجينك ان شاء الله كل حاجه هتتحل
كريمه : يااااارب ياااااارب
جيانا : يلا ياحبيبتى علشان نروح سنديها معايا ياكاميليا وبالفعل سندوها وخرجوا من الاوضه ومن المستشفى باكملها وركبوا تاكسى ومشيوا
*****************************************
فى المساء

فى فيلا الجارحى
وبالذات فى اوضة قصي

كان قاعد ماسك الفون وفاتح فيسبوك وكان بيدور على الاكونت بتاع جيانا باى طريقه وبالفعل بعد وقت لاقاه وفضل يدور فيه ويعرف معلومات عنها اكتر وبعد كده رن على معاذ
معاذ بنعاس : يانعم
قصي : ايه ياض انت نمت
معاذ : ليه كائن فضائى اه بنام والله زى الناس
قصي : خلاص ياخفيف ده هو سؤال هتفتح حوار
معاذ : اشجينى
قصي : انا ليه حاسس ان بكلم خالتى ماتتعدل ياض
معاذ : اتعدلنا نعم
قصي : انا عايزك تجيبلى كل المعلومات عن البنت ال كانت عندى الصبح عنوانها عايشه فين مرتبطه ولا لاء بتشتغل ولا بتدرس كل ده عايزه بكره
معاذ بتساؤل : ليه هتعملها بطاقه ولا ايه
قصي : ماتعمل ال بقول عليه وانت ساكت ينفع
معاذ : حاضر ياسيدى ماانا خدام الداخليه وانت كمان
قصي : يلا اخلص سلام
معاذ : سلام
قفل معاه واتاوب وقال : بكره بقا ابقا اعمل ال قولت عليه ده عايز دماغ وذهب فى ثبات عميق
******************************************
فى مكان ما

كانت ميرا واقفه مع شادى وبقيت الشله
شادى : مالك ياميرو كده ماتفكى
ميرا بقلق : خايفه لحد يشوفنى اصل اول مره اخرج من ورا بابا وابيه قصي
شادى : يابنتى عايزك تنسى خالص وتدخلى معانا فى المود كده اشطا
ميرا : اوك
شادى : خدى اشربى
ميرا : بس انا مش بشرب
شادى : ايه ده هتكسفى حبيبك خدى ياميرو ميبقاش دماغك ناشفه كده
ميرا بتردد : ه هات واخدت منه وشربت ولاول مره تشرب
ميرا بامتعاض : ايه ده طعمه وحش اووى
شادى : هههههههههههه علشان مش متعوده عليه ياقلبى اشربى اشربى خدى واشربى مره واحده
ميرا اخدت منه وشربت تانى وفضلت تشرب وكلهم سهروا ورقصوا
******************************************
فى فيلا الجارحى

كانت سميه قلقانه لان بنتها اتاخرت ولو محمود ولا قصي عرفوا ان هى خرجت من وراهم هيعملوا مشكله
سميه : اتاخرتى ليه كده ياميرا ومسكت فونها وطلبتها بس كان الفون مغلق هى ليله مش فايته
وفى الوقت ده نزل قصي
قصي : ايه ياماما واقفه كده ليه
سميه بارتباك : ها ل ل لاء عادى مش جايلى نوم قولت انزل شويه
قصي بشك : بس
سميه بارتباك : ا ا اه بس ا ا انت ايه ال مصحيك مش وراك شغل ولا ايه
قصي : لاء ورايا بس نازل اجيب مايه وطالع تانى اه صحيح هى فين ميرا كنت عايز اكلمها
سميه بتوتر اكتر : م ميرا تلاقيها ن ن نامت
قصي لاحظ توترها الواضح : ايه ياماما فى ايه ميرا فيها حاجه مالك متوتره كده
سميه : م مفيش
قصي : لاء فيه هى فين ميرا انا هطلع اشوفها وطلع وسميه فضلت تنادى عليه
سميه : قصي يابنى اصبر ياخبر وحطت ايدها على وشها
قصي نزل : ميرا مش فى اوضتها هى راحت فين
سميه بتوتر : ياابنى اهدا بس
قصي بعصبيه : مش هتزفت فين ميرا
سميه : خرجت مع اصحابها قالت انها مش هتتاخر مش عارفه اتاخرت ليه كده
قصي بعصبيه اكتر : الساعه 3 الفجر والهانم لسه مجاتش ومقرطسانا ممكن اعرف مقالتلناش ليه
سميه مسرعه : هى قالتلى
قصي بعصبيه : وحضرتك مقولتلناش ليه قوليلى دلوقتى الناس هيقولوا علينا ايه لما يشوفوا الهانم بنتك راجعه وش الصبح بطلوا اهمال بقا لما تيجى ليها حساب معايا
محمود نزل على صوت قصي : ايه ده ايه ده فى ايه
قصي بصوت عالى : الهانم بنتك خرجت ولسه مجتش لحد دلوقتى
محمود بدهشه : خرجت واخدت الاذن من مين
سميه بارتباك : منى ا انا
محمود بعصبيه : واحنا ملناش لازمه
قصي : طب اروح ادور عليها فين دلوقتى
وفى الوقت ده دخلت ميرا وكانت بتغنى وبتضحك
كلهم بصولها بدهشه وصدمه
ميرا باستغراب : مالكم واقفين كده
قصي راح عندها ومسكها من شعرها : كنتى فين يابت ردى وكمان سكرانه ده انتى ليلتك سوده
ميرا زقت ايده وبدون وعى : اوعاااا متمسكنيش كده ايه يعنى لما اخرج وانبسط ماانت علطول بتخرج وتسهر حد بيسالك رايح فين وجاى منين
قصي بصدمه : انتى بتقارنى نفسك بيا انتى اتجننتى صح وضربها بالقلم على وشها
سميه شهقت وجريت على بنتها وحضنتها : خلاص بقا ياقصي
محمود بزعيق : سيبيه يربيها دى تستاهل القتل بنتك فقدت ياهانم
ميرا بصراخ ودموع : انت بتضربنى انا بكرهك ياقصي بكرهك وهفضل اكرهك
قصي اتنرفز اكتر راح شدها تانى من حضن والدتها وطلع بيها على فوق وهو متعصب وسميه جريت وراه علشان عارفه انه متهور
قصي وهو مسكها بعصبيه : انا هاوريكى تكرهينى ازاى والله لاربيكى من اول وجديد ودخلها اوضتها وزقها وقال ادخلى والله ماهتشوفى الشارع دلوقتى خالص ومفيش جامعه تانى وعربيتك هتتاخد منك هاتى المفاتيح
ميرا بدموع : لااااء مش هتاخد حاجه
قصي شد شنطتها واخد المفاتيح وضربها بالقلم تانى وزقها وخرج قفل عليها بالمفتاح واخد المفتاح حطه فى جيبه
سميه : انت بتعمل ايه يابنى
قصي بعصبيه : مفيش خروج من اوضتها ولا من الفيلا ومحدش يدخلها مفهووم
سميه : لاء مش مفهووم انت بتمشى كلامك عليا ولا ايه ياولد انت
قصي : ااااه والكلام ال قولته هيتنفذ وسابها وراح اوضته
سميه راحت لجوزها : شوفت ال ابنك بيعملوا
محمود : يابرودك يعمل ال يعملوا اخته وبيربيها وسابها برضوا ومشى
سميه بعصبيه : لااءا بقا كده كتير
*****************************************
فى صباح اليوم التالى

فى منزل جيانا

جيانا دخلت غرفة والدتها وكانت شايله صنية الفطار
جيانا : الجميل صاحى
كريمه بتعب : اه ياحبيبتى تعالى انا صاحيه
جيانا : عملتلك الفطار ال بتحبيه
كريمه : مليش نفس يابنتى
جيانا : تؤ تؤ مينفعش كده انتى بتاخدى علاج لازم تتغذى يلا بلاش دلع
كريمه : اخوكى وحشنى اووى
جيانا : والله واحشنى انا كمان بس ده النصيب لازم نرضى بيه
كريمه : ضيع نفسه
جيانا : انا هاروح بكره اطمن عليه ان شاء الله
كريمه : ماشى يابنتى وابقى طمنينى والنبى
جيانا : حاضر بس كلى بقا
كريمه : حاضر كلى معايا يلا
جيانا : ماشى يلا وبداؤ فى تناول الافطار
******************************************
فى فيلا الجارحى

فى اوضة قصي

قصي منامش خالص من التفكير وال وصلت اخته ليه بيبص فى الساعه لاقاها 9 قام دخل الحمام واخد شاور وخرج لبس هدومه ورش برفانه وخرج من اوضته ونزل مكانش حد موجود نده لسنيه الخدامه
سنيه : نعم يابيه
قصي : خدى المفتاح ده بتاع اوضة ميرا محدش يعرف ان معاكى جهزى فطار وطلعيه واقفلى تانى وخليه معاكى لحد مااجى تمام
سنيه : تمام يابيه
قصي بتحذير : زى ماقولتلك محدش يعرف تمام
سنيه : حاضر
قصي : اوك سلام
سنيه : مع السلامه
قصي : الله يسلمك وسابها وخرج ركب عربيته وطلع على القسم
****************************************
فى غرفة ميرا

استيقظت من النوم لقت نفسها نايمه على الارض وبهدوم الخروج وشعرها غير مهندم وعندها صداع رهيب ابتدت تستوعب ال حصل
ميرا بصدمه : يلهووووى هو كان حلم ولا حقيقه قامت بسرعه تفتح باب الاوضة مفتحش عرفت ان ال حصل بجد
ميرا بدموع : ياخرابى عقلى كان فين وفجاه سمعت فونها بيرن راحت تجيبه من الشنطه بتبص لقته شادى
ميرا بدموع : الو ياشادى
شادى بتمثيل : ايه ده مالك ياقلبى
ميرا : قصي شافنى امبارح وانا راجعه متاخر واخد منى العربيه وحبسنى ومنعنى من الخروج
شادى : ياخبر يعنى مش هشوفك تانى
ميرا : مش عارفه بقا لازم اشوف حل انا مشهتحبس كده
شادى بخبث : هنشوف طبعا انا مقدرش مشوفكيش هابقا اكلمك كمان شويه ماشى
ميرا : ماشى
وقفلت معاه وقامت دخلت الحمام تغير ملابسها وتاخد شاور وتفكر هتخرج من السجن ده ازاى
****************************************
فى كلية الاعلام

شيرى : يلا فى داهيه هتريحنا منها
شادى : ياغبيه اومال مين هيدينا فلوس دلوقتى
شيرى بالامبلاه : شوف غيرها عادى هى صعبه عليك
شادى : لسه هاجيب وابتدى من اول وجديد دى خلاص واقعه اصلا
شيرى : اومال ناوى على ايه
شادى : بفكره فى فكره جهنميه هتخلينا ناخد فلوس كتير وبعد كده نخلص منها
شيرى : ايه هى
شادى : بصى وابتدا يحكلها هو ناوى على ايه
شيرى : ههههههههههه ياابن الايه دماغ شيطان ابليس يتعلم منك
شادى : ههههههههه عيب عليكى
شيرى : هتنفذ امتى
شادى : من النهارده او بكره بالكتير
شيرى : اشطا
والاتنين ضحكوا فى وقت واحد : هههههههههههههههه

الفصل الثامن "8"

فى فيلا الجارحى

فى غرفة ميرا

كانت قاعده بتفكر ازاى تخرج من سجن اخوها هى عارفه قصي لما بيقلب مش بيعرف حد وفى الوقت ده باب الاوضه اتفتح قامت تجرى على امل انها تخرج لكن لقت الداده هى ال داخله وفى ايدها صنية الفطار

سنيه : صباح الخير ياهانم

ميرا : صباح النور شكرا انك فتحتيلى

سنيه : انا اسفه ياهانم قصي بيه قالى ادخل الاكل واخرح واقفل تانى

ميرا بصدمه : ايه ده يعنى هفضل هنا لاء انا هخرج

سنيه : لاء والنبى ياستى متعمليش ليا مشاكل عن اذنك

ميرا : استنى يعنى هتقفلى

سنيه : اه وخرجت تجرى وسابتها وقفلت الباب بالمفتاح تانى

ميرا بضيق : يووووه ايه ده بقا هاخرج ازاى انا مسكت فونها ورنت على شادى

ميرا : الو ياشادى

شادى : الو ياعمرى

ميرا : انا عايزه اخرج زهقت مش عايزه افضل كده

شادى بخبث : انا فى فكره كده جاتلى وخايف ترفضى

ميرا بلهفه : قول بسرعه

شادى : يعنى هتوافقى

ميرا : قول بس

شادى بخبث : كنت هقولك تهربى معايا ونتجوز وكده

ميرا بصدمه : ايه !!

شادى بتمثيل الزعل : ايه زعلتى

ميرا : ازاى ياشادى اهرب واتجوز من ورا اهلى ده كان ابيه قصي قتلنى

شادى : خلاص خليكى محبوسه كده وتحت رحمته ولما تفكرى ابقى قوليلى بااى وقفل

ميرا مصدومه ومشتته ياترى هتعمل ايه اختيار صعب يعنى تقعد هنا وهتفضل محبوسه وقصي وابوها اكيد مش هيسامحوها بسهوله وهتتذل ولو هربت مع شادى ممكن اهلها يموتوها فضلت فى تشويش افكار

*****************************************

فى قسم الشرطه

فى مكتب قصي

كان قاعد شارد وفجأه الباب فتح ودخل عمر

عمر : باشا مصر جيت بدرى يعنى انا قولت مش هتيجى دلوقتى علشان بقالك تلات ايام مطبق

قصي بتنهيده : لاء انا بزهق من النوم بسرعه ها المهم فى جديد

عمر : لاء يابشا كله تمام انت مش هتسهر ولا ايه

النهارده

قصي بنفى : لاء انسانى اليومين دول مش هينفع

عمر باستغراب : ليه فى حاجه ولا ايه

قصي : لاء مفيش متشغلش بالك اومال فين الواد معاذ

عمر : مستأذن ساعتين يااخويا رايح يقابل خطيبته

قصي : دول الاتنين اجن من بعض

عمر : هههههههههههه والله عندك حق دول بيتخانقوا اكتر مابيتصالحوا

قصي : ربنا يسعدوا بقا

عمر : امين يارب

قصي : انا هاروح بكره المصحه اشوف ايه اخبار الواد الجديد ال لسه قبضين عليه امبارح

عمر : اها ال انت واخته مش بتبطلوا خناق خالص ههههههه

قصي : غريبه انسانه متركبه غلط لسانها اطول منها شوفت هى اصلا شبر ونص ولسانها مترين

عمر : ههههههه بس عسل هى والبنت ال معاها

قصي بغموض : وانت اخدت بالك من البنت ال معاها كمان

عمر بارتباك : ها ل لاء عادى

قصي : امم عليا انا برضوا ياض

عمر : يابنى مفيش حاجه يلا بقا هاطير انا علشان ورايا كام حاجه هعملها كده بااى

قصي : باى

وعمر خرج ورجع قصي لشروده من تانى

******************************************

فى احدى المطاعم

كان معاذ وريتال بيتكلموا

معاذ : ياااربى ياااربى يابنتى هفضل افهم فيكى لحد ماهتشل انا فهمتك فون 100 مره ودلوقتى داخل فى المره 120 ده كله ومش مقتنعه

ريتال : عااااا وكمان بتتعصب عليا

معاذ : بااااس هتفضحينى انا مش بتعصب خالص ياحبيبتى اهو بس ياريت تصدقينى

ريتال : اه ماانت مش حنين غير مع ناس معينه

معاذ : تانى ياريتال

ريتال : اوعدنى انك متقابلش بنات خالص ولو شوفت اى بنت متبصلهاش خالص ولا تكح قدام بنت حتى مفهووم اوعد يلا

معاذ بابتسامه : اوعدك ياحبيبتى والله

ريتال بشك : بجد

معاذ : اه بجد بحبك

ريتال : طيب

معاذ : حبيبتى انتى فصيله ليه كده

ريتال : ليه بتقول كده

معاذ : نفسى تقوليلى كلمه حلوه انا زى خطيبك برضوا ياشيخه

ريتال : ان شاء الله

معاذ : طيب

ريتال : يامعاذ احنا لسه مخطوبين يعنى برضوا مفيش حاجه تحلل ليا ان اقولك كلام حلو لما نكتب الكتاب ويبقا حلال هزهقك كلام حلو فاهمنى

معاذ بابتسامه : فاهمك يامغلبانى اومال ايه ال مخلينى مستحمل جنانك غير انك عارفه حدودك كويس وبتتعاملى صح ربنا يحفظك يارب

ريتال : امين يارب يلا ناكل

معاذ بابتسامه : يلا

وبداو فى تناول الغداء

**************************************

فى المساء

فى منزل جيانا

كانت قاعده فى اوضتها وشارده فى الحاله ال وصلوا ليها بسبب اخوها وبتفكر فى مسيرهم وكده يعتبر هى ال شايله البيت ومعاش والدها مش هيكفى تعليمها وعلاج والدتها لازم تشتغل مع الدراسه علشان تعرف تكفى بس تشتغل ايه وهى لسه مكملتش 3 سنين فى الكليه ولسه بتكمل خبره وكانت فى حيره مش عارفه تعمل ايه وفى الوقت ده فونها رن برقم كاميليا

جيانا : الو ياكاميليا

كاميليا : الو ياجوجو عامله ايه وماما عامله ايه

جيانا : بخير الحمد لله احسن من امبارح

كاميليا : هو انتى هتروحى ل امجد ولا هتعملى ايه

جيانا : اه هاروح بكره ان شاء الله اطمن عليه بس يارب ميكونشى الظابط الرخم ده هناك

كاميليا : انتى مالك بيه يابنتى وبعدين انا هاروح معاكى مش هسيبك تروحى مكان ده لوحدك

جيانا : طب اوك كويس طمنتينى انا كنت شايله هم المشوار ده اووى

كاميليا : لاء متشليش هم ياجوجو والله انا كان نفسى اجى ابات عندك علشان اطمن على ماما بس انتى عارفه مقدرش اسيب بابا لوحدو

جيانا : عارفه يابت ربنا يخليهولك يارب هو عامل ايه دلوقتى

كاميليا : اهو الحمد لله بخير نايمه شويه

جيانا : دايما يارب والله عايزه ابقا اجى اطمن عليه بقالى كتير مشوفتوش

كاميليا : ابقى تعالى يااختى انا مسكاكى

جيانا : ههههه حاضر هقفل بقا علشان هنام شويه

كاميليا : اشطا ياقلبى باااااى

جيانا : بااااى

وقفلت مع كاميليا ونامت على المخده وهى برضوا بتفكر لحد ماتعبت من التفكير وذهبت فى ثبات عميق

***************************************

فى فيلا الجارحى

وصل قصي وركن عربيته ودخل كان ابوه وامه موجودين

سميه : انت هتفضل حابس البنت كده كتير من غير اكل ولا اى حاجه لو جرالها حاجه مش هسامحك

قصي ببرود : طيب وسابهم وطلع

سميه بعصبيه : شايق ابنك واستفزازه سايب البنت ازاى وانت بتتفرج

محمود ببرود : عادى خليها تتربى

سميه قامت وقفت بعصبيه : لاااء انتوا الاتنين بقيتوا لاتتطاقوا كده كتيييير وسابته وطلعت هى كمان

محمود ابتسم لانه عارف ان ابنه مش هيهون عليه اخته واكيد بعتلها اكل وهو واثق ان ابنه بيتصرف صح علشان كده سايب كل حاجه عليه

فى غرفة ميرا

كانت قاعده هتتجن من التفكير سمعت صوت الغرفه ال جمبها بتتقفل عرفت ان قصي وصل واتغاظت

ميرا بغيظ : يعنى حتى معبرنيش وجه يطمن عليا

يوووووه هعمل ايه بقا وفضلت تفكر فى كلام شادى ليها وخلاص قررت ومسكت فونها وطلبت رقم شادى

شادى : ايه ياميرووو فكرتى

ميرا بتردد : ف فكرت

شادى بخبث : وايه رايك

ميرا : م موافقه

شادى بانتصار : اشطا ياقلبى اجهزى بكره ان شاء الله وانا هكلمك بكره افهمك هتعملى ايه

ميرا : اوك

شادى : سلام

ميرا : سلام

وقفلت معاه ونامت على السرير وهى بتفكر هتهرب من الفيلا ازاى

****************************************

فى صباح اليوم التالى

استيقظت جيانا من النوم وقامت دخلت الحمام اخدت شاور واتوضت وخرجت لبست وادت فرضها

وخرجت فطرت والدتها واديتها العلاج ونزلت ركبت تاكسى وراحت على بيت كاميليا

كاميليا : صباح الخير ياجوجو

جيانا : صباح النور ياكامي يلا علشان منتاخرش

كاميليا : اوك وركبت معاها وطلعوا على المصحه

*************************************

فى قسم الشرطه

عمر : انت رايح فين ياابنى

قصي : انت عندك زهايمر يابنى قولتلك رايح المصحه اشوف الواد ده تعال معايا يلا يامعاذ

معاذ : ورايا شوية شغل يابشا مش هعرف

عمر : انا مش ورايا حاجه هاجى معاك انا

قصي : تمام يلا

ونزلوا الاتنين ركبوا عربيته وطلعوا على المصحه

***************************************

جيانا وكاميليا وصلوا ودخلوا

وكان فى عسكرى واقف جوه

جيانا : لو سمحت ممكن ادخل اطمن على اخويا ال هو جه هنا امبارح

العسكرى باحترام : مينفعش ياانسه محدش مدينا اوامر ان حد يدخلوا

جيانا : بس انا اخته هطمن عليه بس واخرج

العسكرى : اسف دى اوامر

كاميليا : هتعملى ايه

جيانا بحيره : معرفش انا لازم ادخلوا

كاميليا : طب ماهو مش راضى اهو

جيانا : اوووف بقا

وفى الوقت ده وصل قصي وعمر وشافوهم واقفين

قصي : انتوا ايه ال جابكم هنا دلوقتى

جيانا : جايه اطمن على اخويا فيها حاجه دى

قصي : اه فيها دى مش وكاله اخوكى فى حكم المسجون يعنى مش اى وقت تيجى تشوفيه

جيانا : يعنى ايه بقا ان شاء الله

قصي : يعنى تاخدى صاحبتك كده ومع السلامه ولما ابقا افكر اخليكى تيجى تشوفيه

جيانا لسه هتتكلم كاميليا قاطعتها

كاميليا : تمام يلا ياجيانا دلوقتى

جيانا باعتراض : لاااااء انا عايزه ادخلوا دلوقتى

عمر : معلش ياانسه امشى دلوقتى ووقت تانى اوعدك انك هتدخليلوا

جيانا بصت بتحدى لقصي : ماشى بس والله العظيم المره الجايه مش همشى من هنا غير لما اشوفوا يلا ياكاميليا واخدتها وخرجوا من المستشفى

قصي : يخربيت غرورك ياشيخه

عمر : ههههههه مش غرور يابنى دى ثقه

قصي بشرود : هنشوف اخرة ثقتها الزايده دى هتوديها على فين

عمر بشك : انت ناوى على ايه

قصي : ولا حاجه يلا نشوف ال ورانا

عمر : يلا

• قسوة قلبك البارت التاسع أضغط هنا