U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قلب من اول وجديد الفصل الخامس 5 - أميرة أبوغابة

الفصل الخامس من رواية قلب من اول وجديد بقلم أميرة أبوغابة
رواية قلب من اول وجديد كاملة
رواية قلب من اول وجديد كاملة

الفصل الخامس 5 من رواية قلب من اول وجديد

تتقابل عيون ليلي مع فارس وف موقف زي ده ليلي كانت المفروض هزقت فارس بس هي معملتش كدا وخليتها مركزة ف عيونه اللي بتقولها كلام كتير وفارس اول ما ركز ف عيونها حب عيونها اوي وحس انها ظالمه عيونها بالنضارة اللي مداريه جمالهم ..

ريم (بعصبيه) : لا دااحنا نجيب اتنين ليمون وشجرة بقه

ليلي تشوف الوضع اللي هي فيه ،تتعدل وتبعد عنه بسرعة :خليت اللي يسوي واللي ميسواش يتكلم ويتريق ، سابته ومشيت

فارس اصلا لسه سرحان ف ليلي اللي مشيت ، مش مركز مع حد غيرها

ريم (بنفس العصبيه) : ممكن افهم ايه اللي بيحصل هنا يا فارس

فارس بهدوء ماقبل العاصفه : انتي تخرسي خالص فاهمه ، ومتتدخليش ف حاجه متخصكيش ابعدي كدا

بعدها عنه ومشي ع امل انه يلحق ليلي بس اختفت كالعادة

"والله يا ليلي هتموتيني ، كل حاجه تهربي بس هتروحي مني فين لازم نفهم حوار العيون الحلوة دي "

ليلي راكبه التاكسي وكل تفكيرها ف اللي حصل من شوية ،بس بتلاقي نفسها كل ماتفتكر نظرة فارس وماسكته لايديها بتملك وشها يبتسم لوحده

"بتضحكي ع ايه يا هبله ،كان لازم تلطشيه حته قلم .. ازاي اقف اتفرج كدا بس بصراحه الواد مز اوي بقه ده مركز معايا كدا .. طب ازاي ، انا ايه اللي بقوله ده دا دا لازم يتادب ، تكمل ضحك برضو لغايه ما السواق يلاحظ ويستغرب"

ليلي وصلت بيتها بس زي مايكون اللي كان ف بالها طلع من دماغها وبقه قدامها ،فارس واقف قدام العمارة حاطط ايده الاتنين ف جيبه واخد رياكشن جد وبيقولها -ما لسه بدري يا هانم !!!

ليلي غصب عنها تضحك ع منظره -انت عبيط يابني

فارس بجديه اكتر -لا اظبطي كدا بدل ماظبطك بطريقتي

ليلي بتريقه -واثق من نفسك اوي بتكلمني ولا كانك جوزي مثلا !!!!

فارس ع نفس الجديه -اها مانا فعلا جوزك

ليلي بتسيبه وتطلع السلالم -لا دي راحت منك ع الاخر

فارس بزعل -هي فعلا راحت مني من يوم ماشوفتك يا ليلي

ليلي تلتفت ليه -انت عاوز ايه يا فارس

فارس -عاوزك .. قصدي يعني نتجوز متفهميش غلط

ليلي -انت تعرفني عشان تتجوزني

فارس والامل بدا يجري ف عروقه -عارفك وهديكي فرصه انتي كمان تعرفيني

ليلي بتعجب من عارفك دي عرفها منين اصلا !!

-عارف عني ايه ؟؟

-عارف اني حبيتك اوي .. بطمن وانا باصص لعنيكي زي دلوقتي كدا ،برتاح وانا قريب منك ليكي حق تستغربي لان انا كمان مستغرب نفسي بس ده اللي حصل ،اديني فرصه وصدقيني مش هتندمي

ليلي تحس بدقات قلبها تسيبه وتطلع من غير ولا كلمه ،وفارس يقف يضحك "برضو لسه بتهرب بعد كدا استناها ف اوضه نومها يعني !!"

عدي ايام وليلي بتجهز برضو للخطوبة بس كل عقلها مع فارس ودي كانت حاجه مضيقاها جدا ،انه قدر ينجح ف انه يشغل تفكيرها .. اما فارس فكان كل تفكيره ازاي يوقف الخطوبة دي وكان لازم يوقفها وجاتله الفكرة اللي هتخرب الدنيا خالص

بقلم الكاتبة أميرة أبوغابة


يوم الخطوبه وكله ماشي مظبوط وليلي عند الميكب ارتيست مع مامتها وصحابها ماعدا ريم طبعا

-ليلي افردي وشك ده شوية ،خالتك زمانها جايه ولو شافتك كدا هتزعل

-افرد وشي ازاي يا ماما ،اضحك كدا لوحدي زي الهبله

-اها يا حسرتي ف بنتي بقه ده شكل واحدة خطوبتها النهاردة

-خليكي زني كدا هتخليني اقوم امشي والله !!!!

-شايفين يا بنات صحبتكوا بتعاملني ازاي ،حد بيعامل امه كدا فيكوا

-معلش يا طنط توتر بس بسبب الخطوبه خليها ع راحتها

امل بعوجه بوقها -وانا بسال مين صحيح !! اهي خالتك بترن

-عروستنا القمر بقه كدا يا ليلي مداريه الحلاوة دي عننا قمر ربنا يحفظك وحضنتها

-عنيكي الحلوة يا خالتو شكرا

فارس بيستعد وبيلبس ويتشيك ولا كانه العريس
"ماشي يا ليلي بقه بتتخطبي للشبر ونص ده ،داانتي اطول منه .. المهم تعنديني وخلاص بس ورحمه امي لخليه فرجه النهارده المهزء ده داانا هربطه بحبل ف العربيه والف بيه الميدان"

---

يحيي دخل ياخد ليلي -هي فين ليلي يا جماعه

ليلي بتنفخ -انا اهو يا يحيي مش ناقصين هزارك دلوقتي

يضحكوا الموجودين ويحيي يتكسف شوية -بحاول اضحكك يا لولي والله متنشنه ليه كدا

-ياله يا يحيي عشان انا حرانه

-ياله يا اجمل عروسه

ف البيت عند ليلي كانوا عاملين زينه وورد وحاجات حلوة كدا ،عاملين كوشه بسيطه والميزة اني بيت ليلي كبير فكان سايع ناس كتير ..

كل الناس بتبارك ل ليلي ويحيي ،بس ليلي مش مبسوطة مش فرحانة عاوزة تقوم تقف وتصرخ باعلي صوت تقول ده مش مكاني دي مش خطوبتي

-مبروك يا ليلي شكلك مش بطال

-الله يبارك فيكي يا ريم اعبالك وتبقي شكلك بطال

-ههههههه كلك ذوق انا هبقه قمر انا اصلا قمر

ليلي ببرود -طيب

يحيي بفرحه -مبروك يا لولي اعبال الفرح ونكون ف بيت واحد

ليلي بنفاذ صبر -بدري الكلام ده يا يحيي بدري اووي

-ولا بدري ولا حاجه انا جاهز من كل حاجه ناقص انتي وبس يا عروسة

والدة ليلي تزغد ليلي ف جمبها -اضحكي يا ليلي شوية الناس بتبصلك ومستغرباكي داانتي طول عمرك نكد بس مكنتيش للدرجادي جايه يوم خطوبتك وتكشري اكتر ،اضحكي يا اخره صبري

تقوم ليلي فجاءة من ع الكرسي ووالدتها تخاف لتحرجها -هدخل الحمام يا يحيي عن اذنك

تنظر لوالدتها -متخفيش كدا مش هكسفك داخله الحمام عادي ..

مشاغلين اغنيه "يا دبله الخطوبة ... " وليلي باصه ع الدبله ومش عاوزة تمد ايديها تلبس الدبله بس فجاااءه الاغاني تقف ويدخل فارس بطلته البهيه ده احلي من العريس نفسه ،لابس بدله سودا وقميص ابيض ومش لابس كرفته لانه مش بيحب الخنقه ومرجع شعره لورا وريحه البرفيوم اللي ملت المكان وصوت تصفير البنات ع الدنجوان اللي دخل فجاءة وف ايده بنت عمه

فارس يقف بثقه ايد ماسك بيها بنت عمه والايد التانيه حاطتها ف جيبه -ايه يا جماعه مش بداتو بدري شوية

ليلي تبص ليه وهي يبص ليها بس يحيي يقطع تقابل النظرات ده -وقفتوا الاغاني ليه هاتي ايدك يا ليلي عشان البسك ....

فارس بيقرب منه -لا عيب كدا يا يحيي معندناش حريم تتخطب مرتين ولا ايه يا ليلي ،ومن ناحيه تلبس دي فانت اللي هتلبس يا يحيي بس مش دبله حاجه تانيه هعرفهالك بعدين

والدة ليلي بعدم فهم -هي مين اللي مخطوبة مرتين يابني

فارس يمثل دور الزعل-بقه كدا يا حماتي تنسي يوم قرايه فاتحتي ع ليلي واتفقنا ع كتب الكتاب كمان ،تو تو انا زعلان بس مقدرش ازعل من ليلي حبيبتي

الناس بدات تصدق فارس وتتكلم بصوت واطي والجيران -بقه بيخطبوا البنت مرتين ياعيني عليك يابني واد حليوة زي ده يتلعب بيه كدا !!!!

فارس يستغل كلام الناس ويقرب من والده ليلي -هتخطبهالي ولا اقولهم انها حامل مني كمان !!

والدة ليلي تبرق -انت بني ادم وقح !!!

فارس بزعل -بس بحبها واللي قاعد جمبها ده "يحيي" مبيحبهاش اد مانا بحبها ولا ربع حبي

والدة ليلي وكانها احست بالصدق ف كلامه

يحيي بصوت عالي -انت عاوز ايه يابني ادم انت !! بنت خالتي وبحبها وبتحبي وخطوبتنا النهاردة انت جاي تعمل حوار !!!!

فارس بثقه -قول كلام ع ادك يالا داانا ادفنك هنا وميهمنيش حد الحوارات دي بتاعه النسوان ،واتعدل بدل ما اربيك بطريقتي بس مش هنا ف القسم

والدة يحيي -قسم !!!! يابني الله يرضي عليك انت عاوز ايه دلوقتي دي خطوبه عيالي انت بتعمل ايه هنا

-انا قولت اللي عندي وانا قارئ الفاتحه ع ليلي بس هما بينسوا صح ولا ايه يا حماتي !!!

والدة ليلي بتردد -اها قصدي .. لا ، قصدي ايوا صح

ليلي بعدم فهم -ايوا ايه يا ماما انتي كمان انا البني ادمه استحاله اوافق يكون خطيبي انا مش هتخطب لحد اصلا .. وسابتهم ودخلت اوضتها

المعازيم بداو يمشوا ،متبقاش غير يحيي ووالدته وفارس وبنت عمه وزميله ليلي

يحيي ماسك ف فارس -انت بتعمل كدا ليه انت مين اصلا !!!!!

فارس يبعد ايد يحيي -قولتلك اتكلم ع ادك وايدك دي خليها جمبك عشان مقطعهالكش

والده ليلي -ليلي مش هتتجوز غير اللي هي تختاره وباذن الله مايكونش انت ،بعد فضحتك لينا النهاردة دي مش عارفه هوري وشي للناس ازاي !!

خاله ليلي -بقه كدا يا امل ابني يحصل فيه كدا وبنتك تقول مش مخطوبة خالص انا همشي يا امل ياله يا يحيي كسفتوني مع الناس والمعازيم

امل -بتقولي ايه انتي كمان !! مانتي شايفه الوضع بعينك والبنت اصلا اتوترت من اللي حصل مانتي عارفه ليلي ولولا البني ادم ده كل حاجه كانت مشيت طبيعي

-بنتك لو عاوزة تتخطب ليحيي ي امل كانت كملت الخطوبة مش هربت زي المغصوبه ع الواد ،ع العموم ابني تتمناه ست البنات ياله ي يحيي

فارس بتريقه -خليه يتجوز ست البنات بقه ههههه

بنت عمه -اسكت يا فارس خليتني ف نص هدومي النهاردة انا هدخل ل ليلي اطمن عليها
قد يعجبك أيضا
الاسمبريد إلكترونيرسالة