U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قلب من اول وجديد الفصل السادس 6 - أميرة أبوغابة

الفصل السادس من رواية قلب من اول وجديد
رواية قلب من اول وجديد كاملة
رواية قلب من اول وجديد كاملة

الفصل السادس 6 من رواية قلب من اول وجديد بقلم أميرة أبوغابة

دخلت هند ع ليلي اوضتها

-ليلي .. انا اسفه بجد ع اللي فارس عمله ده

-متتاسفيش يا هند انتي ملكيش ذنب ف حاجه

-بجد مش زعلانه ..

-لا خالص

هند تحس ان ليلي متضايقه او ف حاجه فيها غريبه

-مالك يا ليلي حساكي مش ع طبيعتك !!

ليلي كانت كتومه جدا ،مبتحبش تعرف اي حد حاجه عن نفسها ،دايما بتحتفظ بمشاعرها واسرارها لنفسها ،ليها صحاب ايوا بس مش عارفين عن حياتها الشخصيه حاجه

-مفيش يا هند اكيد هكون زعلانه من اللي حصل برة يعني !

ليلي مكنتش زعلانه ولا حاجه بالعكس كانت فرحانه جدا ،وكان نفسها تروح ل فارس وتشكره كمان هي مش بتحب يحيي بتحبه كابن خالتها بس ،بس كانت عاوزة تفهم قصد فارس من كلامه ده ،هل هو فعلا صادق ؟؟

هند استاذنت من ليلي -هسيبك ترتاحي وبكرة هكلمك .. اكيد مش جايه الشغل صح ؟

-هاجي يا هند طبعا ..

تخرج هند من غرفه ليلي ،فارس بلهفه ف كلامه ع ليلي تلاحظها امل ( والدة ليلي ) -ليلي كويسة يا هند صح

-انت تسكت خالص يا فارس ،وياله بينا نمشي انا مش عارفه ابص ف وش حد هنا

يلتفت فارس ل امل -انا عارف اني غلطت يا مدام امل ،واكيد حضرتك مستغربه تصرفاتي مفيش حد يعمل كدا مع حد ميعرفوش ولا شافه غير كام برة بس .. بس انا فعلا كل تصرف بيحصل مني بيبقه من قلبي ونفسي ليلي تبقه معايا ولو من دلوقتي ف الحلال

تقاطعه هند -فارس انت بتقول ايه ؟؟

فارس بمشاعر باينه جدا -بقول اني بحب ليلي وعاوز اتجوزها لاني بحبها ،انا من يوم ماشوفتها حياتي اتقلبت .. تقبلي تجوزيني ليلي يا مدام امل ؟؟

امل كانت شايفه الحب ف عيونه بس متقدرش تقول حاجه الرأي ل ليلي ف الاخر -الرأي راي ليلي يا فارس اكيد انت عارف كدا وكمان هجوزهالك ع طول كدا الناس تقول ايه !!

فارس بجديه مختلطه بفرح -افهم من كدا ان حضرتك مواقفه ..

-معنديش مانع يا فارس ،انا معنديش ف حياتي غير ليلي وانا متاكده انك هتسعدها لان حبك باين ف عينيك وكلامك بس الرأي الاول والاخير ل ليلي برضو

-خلاص خليني اقعد معاها ،عشان اقنعها بيا

-هستناك اخر الاسبوع يا فارس ،عشان ليلي تكون ريحت اعصابها شوية لان اللي حصل ده مش سهل ع اي بنت وكمان عشان كلام الناس

-وانا هحترم رغبه حضرتك تطمنيني عليها بس كل يوم

فارس كانت الفرحه مش سيعاها ،خلاص الحلم قرب يتحقق ايوا حلم وكان حلم صعب تحقيقه كمان مش غريبه ان حد من اول مره او من اول نظرة يقع ويحب بجد .. الحب ملوش وقت ولا فترة ،الحب لحظه .. وقت ماعينك تقع ع الشخص قلبك بيكون خلاص حب ،ده الحب اللي بجد ..

اما عند ليلي ..

افتكرت من اول يوم شافت فارس فيه من يوم ماعينه جات ف عنيها هي حبيت نظرته ليها ،ليلي بنت عاديه جدا واقل من العادية مش مهتميه بنفسها خالص لابسه نظارة شعرها يكاد يكون منكوش دايما ،بس فارس مبصش ع ده كله فارس بص ع ليلي من جواها شاف ليلي هي نفسها مش شيفاها ، وده اللي كانت ليلي مستغرباه من فارس ازاي حد بالحلاوة دي والكاريزما دي كلها يلتفت عليها او هي تلفته

والدة ليلي تقطع حبل تفكيرها وتدخل اوضه ليلي

-ليلي انتي كويسة يا حبيبتي

ليلي تستغرب طريقه مامتها اللي دايما بتهزقها وتتعصب عليها -ماما انتي سخنه ولا ايه !! بتكلميني بحنيه وهدوء كدا ع غير عادتك

امل تتعصب تاني -تصدقي انا غلطانه اصلك مهزأه متعودة ع التهزيق

ليلي بضحك -انا كدا اتاكدت انك كويسه

امل بنفاذ صبر -طيب يا اخره صبري عاوزة اتكلم معاكي ف موضوع انا عارفه ان مش وقته بس انا متاكده انك عندك اسئله كتير ملهاش اجابه

-بخصوص ايه يا ماما ؟

-فارس ...

ليلي سمعت الاسم حسيت برعشه ف قلبها -ماله !!

بدات والدة ليلي تحكي ل ليلي اللي حصل بالتفصيل الملل وانها معندهاش اعتراض ع جوازهم ،ليلي كانت من جواها فرحانه جدا وكانت عاوزة تقوم تتنطط كمان لدرجه انها استغربت فرحتها دي ...

ليلي بهدوء -وانتي رايك ايه يا ماما ؟؟

امل استغربت رده فعل ليلي انها متعصبتش ولا اضايقت بالعكس شكلها عندها قبول ،ده زي كانت مستنياه
-والله يا ليلي انا معنديش اعتراض بس الرأي رايك ف الاخر وده الكلام اللي قولتله ل فارس

-ماما انا عاوزة وقت اجمع فيه نفسي وكويس انك قولتيله ع اخر الاسبوع ،انا مش مؤهله لاي حاجه دلوقتي

-اممممم بس انا شيفاك موافقه يا ليلي ،انا هروح انام لاني مش قادرة اقعد .. تصبحي ع خير يا اخره صبري

ليلي تفكر ف كلمه مامتها "انا شيفاكي موافقه يا ليلي"

ليلي تتنطط من الفرحه بقه فعلا اكون حبيته انا اول مرة احس باللي انا حساه ده ،اكيد ف حاجه غلط لازم استجمع نفسي مش هاخد قرار اندم عليه بعد كدا ،انا معرفوش عشان احبه ،بقه ممكن احب حد معرفوش ..

--------------------

صباح يوم جديد

فارس يبص من شباك غرفته -ياه النهار طلع وانا مش حاسس كدا يا تري والدة ليلي كلمتها ف الموضوع ،طب لو كلمتها يا تري ليلي كان رده فعلها ايه

يشرب قهوته الصباحيه عشان يفوق لشغله ،يجهز ويلبس بدله الشغل وينزل يركب عربيته ويروح شغله يدخل مكتبه

-فارس بيه منورنا يا راجل وشك ولا وش القمر

-ازيك يا وائل عامل ايه

-ايه البرود ده يا اخي بقالك سنه مشوفتكش موحشتكش سهرتنا والمزز والمزاج العالي

-اسكت يا وائل بطل قرف انا منمتش من امبارح ومش فايقلك

-بتعض من ورايا يا فارس اخص عليك

-وائل انا خلاص ولا بقه ف حريم ولا مزاج عالي انا هتجوز

وائل يفتح بوقه من كلمه "هتجوز" فارس اللي كان دايما يقول الجواز مضيعه للوقت و بيقصر العمر هيتجوز ،جري للدنيا ايه !!!

-هتتجوز !! ومسهراك بتفكر فيها اوعي تقولي البت ايها !!!

-مسمهاش بت يا وائل ،باشمهندسه ليلي وبكرة تبقي حرم المقدم فارس الميناوس

-لا دااحنا عاوزين نقعد مع بعض وافهم كدا واحدة واحدة

-مش واقتك بقه دلوقتي بليل ،انا هروح مشوار كدا وهاجي علطول

-طب بسرعه عشان لو حد سال عليك

يتصل فارس ب هند -هند انت بتشتغلي فين قوليلي اسم الشركه والعنوان

هند بعدم فهم -ليه يا فارس داانا بقالي سنه عمرك ماسالتني

-قصري يا هند بتشتغلي فين !!

-.............

ينطلق فارس ل الشركه اللي شغاله فيها ليلي وهند وبقيت الشله

يدخل فارس ببدلته بتاعه الشغل اللي محلياه اكتر ماهو حلو ،يدور بعينه ع ليلي

-بتدور ع حد يا جميل انت

يلتفت فارس لمصدر الصوت يلاقي ريم -جميل !! اها يا ريم فين هند

-وانا اللي قولت جاي تسلم عليا

-انا اعرفك اصلا يا ريم عشان اجيلك اسلم عليكي

ريم تضع ايديها ف ايد فارس -طب ماتعرفني عادي يعني

ليلي طالعه من باب المكتب شافت الوضع ده ،قلعت النضارة يمكن شايفه غلط بس تتاكد انهم فارس و ريم فعلا

فارس ينظر امامه يلاقي ليلي ،بصتله باستحقار ومشيت -ليلي .. ليلي استني انتي فاهمه غلط

اخلصها بسرعه ولا اطول يا بنات ؟؟

مستنيه رايكوا ف البارت 
  • ليصلك شعار فور نزول الفصل السابع 7 انضم لنا على تليجرام أضغط هنا
قد يعجبك أيضا
الاسمبريد إلكترونيرسالة