Ads by Google X

رواية فرصة استثنائية الفصل الثاني 2 - بقلم دودو محمد

الصفحة الرئيسية
رواية فرصه استثنائية البارت الثاني 2 بقلم دودو محمد

الفصل الثاني "2" من رواية فرصة استثنائية

وصل مراد وعلياء الفيلا وهو زين نايم على كتفه ندهت علياء بصوت عالى وقالت

علياء :- سعديه يا سعديه
سعديه :- جت تجرى وقالت ايوه يا مدام علياء حمدالله على السلامه
علياء :- الله يسلمك يا سعديه خدى زين من استاذ مراد وحطيه فى اوضه
سعديه :- حاضر واخدت زين من مراد وطلعت بيه فوق
مراد :- ممكن اطلع بس اشوف منار
علياء :- اه طبعآ اتفضل
مراد :- طلع اوضة منار وفتح الباب ودخل قعد جمبها على السرير بتاعها وباسها براحه من خدها ومشى أيده على شعرها وقعد يبص ليها وهى نايمه بحب
منار :- فتحت عينيها وشافت مراد قاعد جمبها قامت قعدت ودعكت عينيها وقال بابا واترمت فى حضنه وقالت واحشتينى أوى أوى
مراد :- وانتى كمان واحشتينى اوى يا روح بابا وطبطب على ضهرها وقال عامله ايه فى المدرسه يا حبيبتى
منار :- الحمدالله يا بابا انت هتنام معايا هنا
مراد :- لاء طبعآ يا حبيبتى انا جيت اشوفك وماشى علطول
منار :- علشان خاطرى يا بابا خليك نايم جمبى النهارده
مراد :- مينفعش يا بنتى بصى انا مش همشى غير لما انتى تنامى ماشى
منار :- ماشى بس انام فى حضنك
مراد :- بحب قال بس كده غالى والطلب رخيص وفتح دراعه وقال تعالى يلا نامى فى حضن بابا
منار :- نامت فى حضن مراد وقالت انزل تحت شويه يا بابا علشان اعرف انام
مراد :- حاضر ونزل لتحت شويه وقعد يمشى أيده على شعر منار وبمرور الوقت نامت منار فى حضن مراد ومراد عينه راحت فى النوم من غير ما يحس
علياء :- فتحت الباب ودخلت واتفاجئت أن مراد لسه موجود و واخد منار فى حضنه و نايمين راحت قعدت على ركبتها على الارض وقعدت تبص على الاتنين وهما نايمين وابتسمت بحب وبعد مرور الوقت قامت وقفت وظبطت الغطا على منار وراحت حطت الغطا على مراد وهو نايم
مراد :- حس بأيد علياء وهى بتغطيه فتح عينه وبص على منار لاقها نامت قام قعد ودعك عينه وبص لعلياء وقال صممت أن انام جنبها علشان تنام ومش عارف نمت ازاى
علياء :- خليك كمل نوم جنبها
مراد :- لاء طبعآ مينفعش وباس منار من خدها وبص لعلياء وقال تصبحى على خير
علياء :- وانت من أهله
مراد :- خرج من الاوضه وروح على بيته
علياء :- خرجت من الاوضه وقفلت الباب براحه وراحت على اوضتها ونامت

بقلم الكاتبة دودو محمد

فى فيلا أدم

رجع أدم الفيلا بعد يوم طويل و مرهق طلع فوق وراح عند اوضة عمر وفتح الباب علشان يطمن عليه بس اتفاجئ بوجود سلوى ونايمه جمب عمر على السرير دخل عندها وقعد يبص علي ملامح وشها وهى نايمه وبعد وقت خبط براحه على كتفها وقال

أدم :- سلوى يا سلوى
سلوى :- وهى نايمه قالت بس يا ماما لسه بدرى على الشغل وكملت نوم تانى
أدم :- ابتسم على كلامها وخبط تانى على كتفها وقال انتى يا بنتى اصحى يلا
سلوى :- سمعت صوت أدم فتحت عينيها بصدمه وقامت بسرعه من على السرير وقالت ا.ا استاذ أدم ا.ا ااسفه والله ومش عارفه نمت ازاى
أدم :- لو حابه تفضلى نايمه جمب عمر النهارده خليكى
سلوى :- ها لالالا مقدرش انا لازم اروح دلوقتى زمان ماما قلقانه عليا عن اذنك ولسه هتمشى
أدم :- طيب تعالى اوصلك الوقت أتأخر ومش هينفع تمشى لوحدك فى وقت زى ده
سلوى :- ملوش لزوم حضرتك تتعب نفسك خليك وانا هركب اى عربيه وهروح
أدم :- مش هينفع امشى يلا
سلوى :- بصت ليه بتوتر وقالت ح.ح.حاضر ونزلت اخدت شنتطها وخرجت مع أدم وركبت العربيه جمبه
أدم :- ساكنه فين
سلوى :-فى (.....)
أدم :- اوك وشغل العربيه ومشى بيها
سلوى :- بصت من الشباك بتوتر وسمعت صوت أدم بيكلمها بصت ليه
أدم :- عمر نام من بدرى
سلوى :- ا.اايوه أكلته ونام وكنت ناويه امشى فى ميعادى بتاع كل يوم بس نمت جمبه من غير ما احس لحد ما الوقت أتأخر كده
أدم :- حصل خير وزود السرعه وبعد وقت وصل عند بيت سلوى
سلوى :- بس هنا البيت شكرآ لحضرتك
أدم :- العفو
سلوى :- نزلت وقالت من الصبح بدرى هكون عند حضرتك
أدم :- أن شاءالله
سلوى :- ابتسمت ليه ومشيت
أدم :- بصوت عالى سلوى
سلوى :- بصت ليه وقالت نعم
أدم :- نزل من العربيه وطلع فلوس من جيبه وقال خدى
سلوى :- بصت على الفلوس اللى فى أيده وقالت ايه ده
أدم :- فلوس
سلوى :- ما انا واخده بالى أنها فلوس بس بتاعة ايه
أدم :- خديهم مكافئه منى ليكى
سلوى :- اه انت تقصد صدقه صح علشان يعنى شوفت منظر البيت من بره وكده بس شكرآ جدآ لحضرتك انا مش بقبل صدقه من حد عن اذنك وسابته وطلعت على بيتها
أدم :- بص عليها وهى ماشيه بأستغراب ورجع تانى على العربيه وشغلها وراح على الفيلا بتاعته ودخل اوضه غير هدومه ونام على سريره وقعد يفكر فى سلوى لحد ما عينه راحت فى النوم
---
اشرقت شمس صباح يوم جديد بنورها الساطع فى سماء القاهره لتبدء علياء بفتح عيونها على صوت تليفونها مدت ايديها ومسكته وبصت فيه لاقته مراد قامت قعدت على السرير وردت عليه وقالت

علياء :-السلام عليكم
مراد :- وعليكم السلام ورحمة الله وبركاته صباح الخير
علياء :- صباح النور خير يا مراد فيه حاجه
مراد :- لاء بس لاقيتك كل ده مجتيش الشركه قلقت عليكى لتكونى تعبانه ولا حاجه
علياء :- اتأخرت على الشركه ليه هى الساعه كام
مراد :- الساعه عشره
علياء :- يا نهارى ده انا راحت عليا نومه نسيت أن النهارده اول يوم هنزل الشركه انا جايه حالا
مراد :- أهدى يا علياء وتعالى على مهلك انا حضرت مكانك لحد ما تيجى
علياء :- شكرآ يا مراد
مراد :- العفو قومى يلا اجهزى باى
علياء :- قفلت مع مراد وقامت تجرى دخلت الحمام اخدت شاور وخرجت بسرعه لبست هدومها ونزلت تجرى لاقيت زين بيلعب باسته وقالت حبيب مامى
زين :- باى
علياء :- لاء مش هينفع باى دلوقتى انا متأخره يا روح مامى ولسه هتمشى زين قعد يعيط شالته وقالت مالك بس يا حبيبى مش ناقصه تأخير هى وقالت سعديه يا سعديه
سعديه :- ايوه يا مدام
علياء :- خدى زين
سعديه :- اخدته منها وهو عمال يعيط
علياء :- مشيت شويه ورجعت اخدته وقالت هاتيه هخده معايا وباسته وقالت بس يا حبيب مامى خلاص هخدك معايا وخرجت حطت زين فى المكان المخصص ليه وركبت هى كمان وشغلت العربيه وراحت على الشركه
---
فى شركة عمر

فى مكتب عبدالرحمن

دخلت مريم عنده المكتب وحطت الملفات ليه وقالت

مريم:- بتعب خد الملفات اهى وقعدت على الكرسى
عبدالرحمن :- قولتلك ريحى الشهر ده من الشغل لحد ما تولدى مرضتيش واديكى اهو مش قادره تتحركى
مريم :- هقعد فى البيت لوحدى اعمل ايه وبعدين الدكتور قالى امشى كتير علشان تسهل معايا الولاده يبقى نزولى الشغل احسن
عبدالرحمن :- دماغك ناشفه
مريم :- شكرآ يا روحى اه صح ماما بتقولى أن سجده حرارتها مرتفعه شويه ونجيب ليها خافض حراره واحنا رايحين نخدها بعد الشغل
عبدالرحمن :- ماشى لو عايزه توديها الدكتور يكشف عليها ونطمن نوديها
مريم :- لاء مش محتاجه هى بس بردت علشان بتنزل معانا الصبح وبتاخد لطشت هوا
عبدالرحمن :- ماشى
مريم :- وقفت بتعب وقالت هروح بقى اكمل شغلى وخرجت من عنده فى المكتب لاقيت آدم ابتسمت لعمر اللى فى أيده وقالت عمر عامل ايه يا حبيبى
عمر :- كويس
مريم :- ازيك يا آدم
أدم :- الحمدالله انتى عامله ايه
مريم :- اهو الحمدالله
أدم :- ايه قربتى ولا ايه
مريم :- اه الشهر ده
أدم :- ربنا يقومك بالسلامه
مريم :- ربنا يخليك محتاج حاجه من هنا
أدم :- لاء انا جيت اسلم على علياء بس لسه مجاتش قولت اجى اسلم عليكى بالمره ابقى سلميلى على عبدالرحمن
مريم :-الله يسلمك هوصله سلامك
أدم :- يلا يا عمر قول لطنط باى وخرجوا الاتنين من عند مريم ورجع عمر الفيلا وراح على شغله
--
عند سمر فى المعمل

دخلت منه صديقتها فى الشغل وقالت

منه :- سمر فيه واحد عايز يقابلك بره
سمر :- بأستغراب واحد ده مين ده
منه :- مش عارفه والله وسابتها ومشيت
سمر :- بصت على منه وهى ماشيه بأستغراب وخرجت تشوف مين واتنهدت وقالت انت عايز ايه يا مهند
مهند :- واحشتينى
سمر :- لاء انت اتجننت رسمى هى وصلت معاك انك تيجى ليا الشغل
مهند :- طيب تعالى معايا
سمر :- اجى معاك فين
مهند :- انتى كلها ساعه ووقتك يخلص مش هيحصل حاجه لو جيتى معايا دلوقتى
سمر :- اقسم بالله انت مش طبيعى امشى يا مهند امشى ولسه هتدخل جوه
مهند :- مسكها من دراعها وشدها ليه وقعت فى حضنه وبص فى عينيها وقال كل سنه وانتى طيبه
سمر :- بصت ليه بتوتر و حاولة تبعد عنه
مهند :- قربها اكتر ليه وقال حبيت اكون اول واحد يقولك كل سنه وانتى طيبه وان شاءالله السنه الجايه تكونى معايا وفى حضنى ويبقى فيه حته منى ومنك يا سمر
سمر :- بصت ليه وقالت احم ش.ش.شكرآ انك فاكر تاريخ ميلادى انا اصلا مش فاكراه
مهند :- انا فاكر كل حاجه تخصك يا سمر ما هو انا مقدرش انسى روحى
سمر :- احم م.م.ممكن تبعد بقى مينفعش اللى انت عمله ده
مهند :- بعد عنها وقال انا نفسى بقى تبقى فى حضنى علطول و متبعديش عنى ولا ثانيه
سمر :- تبقى بتحلم
مهند :- سمر بلاش عند
سمر :- ده مش عند يا مهند ده قرار، انت بس اللى مش راضى تصدق كده امشى يا مهند وياريت بقى تبعد عن سكتى علشان مش كل شويه اللى نقولو نعيده وسابته ودخلت جوه
مهند :- بص ليها وهى داخله وقال وراكى وراكى لحد ما توافقى ترجعيلى يا سمر واتنهد ومشى
---
فى شقة مياده

رجعت مياده من الشغل ودخلت تجرى حطت عامر على الكنبه ودخلت اوضتها غيرت هدومها وخرجت من اوضتها دخلت المطبخ وبدأت تجهز الاكل وفى الوقت ده وصل مروان ودخل عندها المطبخ وقال

مروان :- عملتى الاكل يا حبيبتى
مياده :- بعمل اهو
مروان :- ليه انتى جايه امته
مياده :- لسه جايه حالا
مروان :- بص فى ساعته وقال وايه اخرك لحد دلوقتى
مياده :- المواصلات يا مروان كانت زحمه اوى النهارده وعلى ما روحت جبت عامر من الحضانه يادوب يعنى
مروان :- لاء مش يا دوب كل اللى انتى قولتيه ده ميخدش ساعه انتى متأخره بقالك ساعتين كنتى فين الساعه دى يا هانم
مياده :- بصت ليه بصدمه وقالت تانى يا مروان تانى
مروان :- بص الاتجاه التانى وقال عادى يعنى انا من حقى اعرف الساعه دى كنتى فين
مياده :- قولتلك المواصلات كانت زحمه جدآ وبصعوبه عرفت اركب الاتوبيس
مروان :- نفخ وقال اول واخر مره تتأخرى كده فاهمه المواصلات الزحمه اتصلى بيا وعرفينى وسابها ومشى
مياده :- بصت عليه وهو ماشى واتنهدت وقالت الصبر من عندك يارب وكملت تجهيز الاكل

بقلم دودو محمد

فى فيلا أدم

دخل أدم الفيلا وبص بعينه فى المكان كله على عمر سمع صوت فى الجنينه راح وقف على الباب وشاف سلوى وهى بتجرى وراه عمر وبتلعب معاه وعمر بيجرى وهو بيضحك دخل عندهم

سلوى :- اول ما شافت أدم وقفت وبصت على الأرض وقالت مساء الخير يا استاذ أدم
أدم :- شال عمر وقال مساء النور يا سلوى وباس عمر وقال واحشتنى يا روح بابى
سلوى :- طيب مدام حضرتك رجعت بدرى النهارده اسيبه وامشى انا بقى
أدم :- لاء خليكى معاه انا مش هقدر اخد بالى منه لما ينام ابقى امشى
سلوى :- حاضر عن اذنك ولسه هتدخل
أدم :- لاء خليكى زى ما انتى انا داخل جوه ونزل عمر وسابهم ودخل جوه
سلوى :- بصت عليه وهو ماشى وقالت هييييح هو فيه كده يا ناس امور اوى ابن اللذينه وشالت عمر وقعدت تشم فيه وقالت الله ريحته مسكت فيك يا بختك يا عمورتى وقعدت تبوس فيه وهو بيضحك وتقول عسل يا ناس زى ابوه وقعدت تلاعب فيه
أدم :- كان بيبص عليهم من وراه الستاره وسمع كلامها وقعد يضحك عليه وطلع على اوضه غير هدومه ونام على السرير واتنهد وقعد يفكر فى الكلام اللى سمعه من سلوى
---
فى الشركه

دخل مراد المكتب عند علياء وطلع يجرى عليه زين وشاله وباسه وقال

مراد :- استاذ زين بحاله منور الشركه
علياء :- شبط فيا مهنش عليا اسيبه يعيط جبته معايا
مراد :- احسن حاجه عملتيها وقعد على الكرسى وبص لعلياء وقال الشركه النهارده نورت علشان رجعتى نزلتى من جديد فيها
علياء :- عارف واحشتنى اوى الشركه وحاسه أن اتردت فيا الروح من جديد النهارده لما رجعت
مراد :-ابتسم وقال ده انا اللى ردت فيا الروح لما رجعتى لشغل علشان هشوفك كل يوم زى الاول
علياء :- احم ط.ط.طيب ممكن بقى تشرحلى كل اللى حصل فى الشركه وانا مش فيها
مراد :- عيونى وطلب السكرتيره الخاصه بعلياء علشان تجيب الملفات وتيجى وشويه ودخلت السكرتيره وابتسمت لمراد وقالت
ساره :- الملفات كلها اهى يا فندم
مراد :- اخدها منها وبص لعلياء وقال دى السكرتيره الجديده يا علياء
علياء :- بصت ليها بعدم ارتياح وقالت اسمك ايه
ساره :- ساره يا فندم
مراد :- ساره نشيطه جدآ وهتعجبك جدآ
ساره :-ميرسى يا فندم على ذوق حضرتك
مراد :- تستاهلى اكتر من كده يا ساره يلا روحى شوفى شغلك
ساره :- عن اذنك يا فندم وخرجت وقفلت الباب وراها
علياء :- بصت عليها وهى ماشيه وبصت لمراد وقالت البنت دى مش مريحه
مراد :- ليه بالعكس دى شايفه شغلها كويس اوى ومجتهده
علياء :- والله ومالك بدافع عنها اوى كده ليه
مراد :- لاء عادى والله بس فعلا البنت كويسه
علياء :- شكل غيابى عن الشركه حصل فيها حاجات كتير اوى
مراد :- بصلها بعدم فهم وقام وقف وهو شايل زين وقال عندك الملفات كلها اهى شوفيها وانا هاخد الاخ زين وهنروح نلعب شويه فى المكتب بتاعى مع بعض وخرج وقفل الباب وراه
علياء :- بصت بغيظ لمراد وهو ماشى وقامت من على الكرسى وراحت تفتح الباب علشان تتأكد أن مراد مشى علطول وفتحت الباب لاقت مراد واقف عند السكرتيره ساره وعماله تلاعب فى زين خرجت تجرى من المكتب بتاعها وراحت اخدت زين من ايد مراد
مراد :- بأستغراب قال علياء فيه ايه اخد زين ليه
علياء :- بغيظ كده عايزه ابنى وانت خليك واقف هنا براحتك وبصت لساره بغيظ ودخلت المكتب بتاعها وبصت ليهم بقرف وقفلت الباب
مراد :- بأستغراب مالها دى
ساره :- مش عارفه والله شكلها محبتنيش
مراد :- ليه بس ، تلاقيها بس فيه حاجه مضايقها
ساره :- اممم جايز
مراد :- شوفى شغلك بقى وسابها وراح على المكتب بتاعه
ساره :- بصت ليه وهو ماشى واتنهدت بحب وقعدت تشوف شغلها
علياء :- قعدت على الكرسى بغيظ وقعدت زين على رجليها وقالت شكلها الايام الجايه هتكون ايام ما يعلم بيها الا ربنا وبصت على الباب بغيظ
---
فى فيلا علياء

روحت سمر الفيلا وطلعت على اوضتها ونامت على السرير بتعب شديد وبصت لسقف وافتكرت اللحظه اللى كانت قريبه فيها من مهند وابتسمت بحب وفى الوقت ده تليفونها رن اخدته من جمبها وبصت فيها لاقيتها انجى ردت عليها وقالت

سمر :- قلبى
انجى :- وجعه فى قلبك فينك يا واطيه مش قولتى هتيجى ليا النهارده علشان نروح على البيت عندى
سمر :- بضحك اوبس نسيت
انجى :- وحياة امك
سمر :- وحياتك عندى يا روحى
انجى :- مليش دعوه تقومى زى الشاطره كده وتجهزى نفسك وتيجى ليا احنا مستنينك
سمر :- وربنا ما قادره اتحرك من مكانى خليها يوم تانى
انجى :- يا بارده يا غلسه يا تنحه ادعى عليكى بأيه وانتى فيكى كل العبر
سمر :- قعدت تضحك وقالت كل ده أهدى يا وليه أنا مش حمل دعوه منك ترشق فيا
انجى :- طيب تعالى ليا حالا دلوقتى
سمر :- يا بنت الناس الطيبه مش قادره والله
انجى :- لاء ما انتى لازم تيجى كل حاجه كده هتبوظ
سمر :- بعدم فهم حاجة ايه دى اللى هتبوظ
انجى :- ها ولا حاجه انتى هتاخدى على كلامى ده انا عبيطه
سمر :- بضحك طيب اقفلى يلا يا عبيطه
انجى :- يعنى جايه
سمر:- لاء
انجى :- عااااا انتى بارده
سمر :- ضحكت وقالت باى يا مزتى وقفلت السكه وحطت التليفون جنبها واتنهدت وقامت قعدت على السرير وقعدت تفكر فى مهند
---
انتهى وقت العمل فى شركة عمر وخرجت علياء من المكتب الخاص بيها وبصت على مكتب ساره ملاقتهاش نزلت تحت علشان تركب عربيتها لاقت مراد واقف مع ساره بصت ليهم بغيظ وراحت عندهم وقالت

علياء :- خير يا جماعه فيه حاجه
مراد :- علياء لاء مفيش حاجه بس بوصل ساره معايا فى السكه
علياء :- والله وهى مش هتعرف تروح لوحدها
ساره :- لاء يا فندم بعرف بس استاذ مراد بيروحنى على سكته علشان بيتنا قريب من بيتهم
علياء :- امممم ايه ده هو انت من نفس الشارع بتاعنا
ساره :- بتاعنا هو حضرتك ساكنه هناك
مراد :- لاء يا ساره هى كانت ساكنه هناك قبل ما تنقل الفيلا
علياء :- تقصد تقول قبل ما انقل الفيلا غصب عنى
مراد :- بص ليها بصدمه وقال بوجع ا.ا اه زى ما قولتلك يا ساره كانت ساكنه فى نفس بيتنا
ساره :- ااااه تمام
مراد :- عايزه حاجه يا علياء
علياء :- لاء وانا هعوز منك ايه
مراد :- اخد ساره ولسه هيمشى
علياء :- مراد
مراد :- بصلها وقال نعم يا علياء
علياء :- ز.ز.زين بيعيط وعايزك
مراد:- بص لزين بأستغراب وقال بس زين ساكت
علياء :- ها ا.ا اه ما هو نده عليك وانت مسمعتهوش وكان لسه هيعيط ممكن تيجى معانا وبالمره تشوف منار وتقعد معاها شويه
مراد :- بص بأحراج لساره
ساره :- روح انت معاها وانا هركب اى حاجه متشغلش بالك بيا
مراد :- معلش يا ساره متزعليش
ساره :- لاء مش زعلانه والله
مراد :- وقف تاكسى وركبها ودفع ليه الاجره ومشى التاكسى بيها وراح مع علياء وركب العربيه وهى ركبت جمبه ومعاها زين وشغل العربيه ومشى بيها
علياء :- ش.ش شايفه يعنى انك مهتم باللى اسمها ساره دى اوى
مراد :- بنت غلبانه ومامتها موصيانى اخد بالى منها
علياء :- والله، بس هى واضح عليها انها واخده الموضوع فى سكه تانيه خالص
مراد :- تقصدى ايه مش فاهم
علياء :- شكلها بتحبك وباين على نظراتها ليك اوى
مراد :- لاء مستحيل دى بتعتبرنى زى اخوها الكبير مش اكتر
علياء :- على فكره انا قدرت افهمها اوى من اول نظره ليها ليك اسألنى انا ست وافهم اللى زى
مراد :- والله مفيش حاجه من دى خالص تلاقيكى بس انتى غلطانه وفهمتيها غلط
علياء :- انت حر بقى تصدق ولا متصدقش دى حاجه تخصك انت
مراد :- بص لعلياء بأستغراب وهز كتافه وراحوا على الفيلا
google-playkhamsatmostaqltradent