Ads by Google X

فرصة استثنائية الفصل الثالث 3 - بقلم الكاتبة دودو محمد

الصفحة الرئيسية
رواية فرصه استثنائية البارت الثالث كامل بقلم الكاتبة دودو محمد

الفصل الثالث "3" من رواية فرصة استثنائية 

فى فيلا علياء

دخل مراد مع علياء الفيلا وبص بعينه فى الفيلا يدور على منار ملاقهاش بص لعلياء وقال

مراد :- شكل منار فوق فى اوضتها
علياء :- خلاص اطلع ليها فوق على ما الاكل يجهز
مراد :- ماشى واداها زين وطلع على فوق وخبط على باب اوضة منار ودخل لاقها بترسم راح قعد جمبها وقال حبيبت بابا بتعمل ايه
منار :- قامت بفرحه واترمت فى حضنه وقال بابا حبيبى انا فرحانه اوى انك جيت النهارده
مراد :-ضمها فى حضنه وباسها وقال واحشتينى يا روح بابا
منار :- بعدت عنه وقالت شوفت انا رسمت ايه
مراد :- أخدها منها وقال ورينى وبص فيها وقال الله حلوه اوى يا مونى شطوره يا حبيبتى
منار :- بفرحه يعنى عجبتك هيييييييه
مراد :- ابتسم ليها وقال ايه رأيك ننزل تحت عند ماما
منار :- ماشى يلا بينا
مراد :- شالها ونزل تحت
علياء :- كنت لسه هنادى عليكم يلا الاكل جاهز وقربت من منار وباستها وقالت واحشتينى اوى يا قلب ماما
مراد :- راح قعد على الكرسى وقعد منار على رجله
زين :- جه يجرى علشان يقعد على رجل مراد
علياء :- بصت ليهم علشان تشوف مراد هيعمل ايه
مراد :- ميل وشال زين وقال حبيب بابا تعالى يا روحى
علياء :- ايه ده طيب انت هتاكل ازاى والاتنين على رجلك
مراد :- متشغليش بالك انتى كلى يلا
علياء :- طيب هات منار وخلى معاك زين وقامت وقفت وقالت تعالى على رجلى انا يا روح ماما
منار :- لاء انا عايزه بابا
علياء :- طيب تعالى انت يا زيزو
زين :- لاء
مراد :- قولتلك سبيهم روحى انتى بس كلى ومتشعليش بالك بأى حاجه
علياء :- بصت ليه وابتسمت وقالت ماشى ورجعت قعدت مكانها وبدء مراد ياكل الاتنين وعلياء متابعه
مراد :- ممكن تاكلى بقى
علياء :- حاضر حاضر وقعدت تاكل وهى بتتفرج على مراد وهو بيأكل الاتنين
علياء :- مدت ايديها وقالت خد كل دى انت مأكلتش حاجه خالص
مراد :- هخدها ازاى وانا ماسك الاتنين
علياء :- قربت منه بكسوف وقالت ا.ا افتح بؤقك
مراد :- بصلها بصدمه
علياء :- ا.ا.افتح يلا
مراد :- فتح بؤقه
علياء :- حطتها ليه فى بؤقه بكسوف
مراد :- بدء ياكل فيها وقال بحب الله احلى واجمل حتة فرخه اكلتها فى حياتى
علياء :- احم ا.ا.انا قولت يعنى ع.ع.علشان العيال وكده
مراد :- ابتسم ليها بحب وقال تسلم ايديك
علياء :- ش.ش.شكرآ وكملت اكلها
ومراد قعد ياكل الاولاد وبعد وقت انتهوا وقاموا من على السفره
مراد :- امال فين سمر منزلتش اكلت ليه
علياء :- نايمه فى اوضتها و مرضتش تنزل تاكل
مراد :- مش ناويه ربنا يهديها وترجع لمهند بقى الولا قلبه اتشحتف عليها مهند بيحبها بجد ورافض يكمل حياتى مع اى واحده غيرها
علياء :- حاولنا كتير انا ومياده معاها بس رافضه
مراد :- ربنا يهديها عليه
علياء :- يارب دى حتى النهارده عيد ميلاده ورافضه تحتفل بي مبقتش سمر بتاعة زمان اللى حصلها كسرها اوى ومش فى ايدى حاجه اعملها ليها والله
مراد :- اللى مرت بي كان صعب وخصوصآ أن مهند طلقها من قبل حتى ما يلمسها
علياء :- بصت ليه بوجع وحاولت تغير الموضوع وقالت انت المفروض هتسافر امته علشان الصفقه اللى هتمضيها بره دى
مراد :- المفروض اخر الاسبوع بس انتى ناويه تسافرى معانا
علياء :- مش عارفه علشان الولاد مش هقدر اسيبهم وبعدين قالت بأستغراب معانا تقصد مين تانى رايح معاك
مراد :- ساره هتيجى معايا لأن انا هحتاجها معايا هناك فى الشغل
علياء :- بغيظ وهو مفيش غيرها اللى بتفهم فى الشغل ما تاخد معاك اى حد تانى غيرها
مراد :- فيه اكيد كتير بيفهموا فى الشغل بس ساره نشيطه جدآ وهتنجز معايا هناك وبما انك مش جايه معانا خدى انتى بقى بالك من الشركه لحد ما ارجع
علياء :- ومين قالك أن انا مش رايحه معاكم
مراد :- بأستغراب انتى بأمارة ما قولتى مش هتقدرى علشان الاولاد
علياء :- غيرت كلامى وهروح معاكم والأولاد معاهم خالتهم سمر هتاخد بالها منهم وفيه سعديه كمان
مراد :- اوك مفيش مشكله يبقى جهزى نفسك على اخر الاسبوع
علياء :- بغيظ ماشى
مراد :- وقف وقال هروح انا بقى عايزه حاجه
علياء :- وقفت وقالت خليك قاعد شويه
مراد :- بصلها بأستغراب
علياء :- اقصد يعنى لو حابب تقعد شويه مع منار وزين
مراد :- مش قادر افتح عينى هروح انام علطول
علياء :- اتنهدت وقالت ماشى
مراد :- باس منار ومهند وابتسم لعلياء وقال تصبحى على خير
علياء :- وانت من أهله
مراد :- خرج ووقف تاكسى وروح على البيت
علياء :- اتنهدت بغيظ وقالت محسسنى أنها السفيره عزيزه وعمال يمجد فيها هوف وطلعت على اوضتها

بقلم دودو محمد

فى اوضة سمر

فتحت سمر عينيها على صوت تليفونها اتنهدت بغيظ وقالت

سمر :- هو فيه ايه النهارده الواحد مش عارف ينام ليه كده يا التليفون يا الباب وبصت فيه لاقيتها انجى ردت عليه. قالت عايزه ايه ياللى تنشكى فى معاميعك
انجى :- بدموع الحقينى يا سمر
سمر :- قامت قعدت بسرعه على السرير وقالت بقلق فيه ايه يا انجى
انجى :- بدموع لوجى تعبانه اوى وعماله تعيط وتقول عايزه خالتو سمر ابوس ايديك تعالى ليها بسرعه
سمر :- بقلق حاضر انا جايه ليها حالا وقفلت السكه وقامت تجري لبست هدومها ونزلت ركبت العربيه وطلعت تجرى على بيت انجى وبعد وقت وصلت هناك ورنيت الجرس بطريقه هيستريه وفتحت ليها انجى الباب دخلت تجرى وقالت فين لوجى ولسه هتطلع تجرى على اوضتها اتفاجئت ب لوجى جايه تجرى عليها وهى فرحانه شالتها وحضنتها وباستها وبصت لانجى وقالت ما الحمدالله لوجى كويسه اهى
انجى :- وهى بتضحك قالت لوجى كويسه الحمدالله ومفيهاش حاجه
سمر :- بغيظ وحياة امك
انجى :- كان لازم اعمل كده علشان تيجى انا عارفه أن لوجى غاليه عندك اوى ومش هتتأخرى عليها لو طلبتك
سمر :- تصدقى انا غلطانه أن بصدق كلام واحده عبيطه زيك ولسه هتمشى
مهند :- انا اللى قولتلها تعمل كده
سمر :- بصت اتجاه الصوت بصدمه وقالت مهند انت بتعمل ايه هنا
هيثم :- كل سنه وانتى طيبه يا سمر مكانش ينفع يعدى يوم مهم زى ده من غير ما نحتفل بيه
سمر :- حتى انت يا هيثم
انجى :- مهند متفق معانا من الصبح أننا نعمل ليكى المفاجئ دى بس انتى طلعتى غلسه وبوظتى المفاجئ وعملنا موضوع لوجى ده علشان نعرف نجيبك
سمر :- متشكره ليكم كلكم بس انا مش عايزه احتفل بعيد ميلادى ولسه هتمشى
مهند :- طلع يجرى ومسكها من دراعها وقال سمر استنى
سمر :- لو سمحت يا مهند سبنى امشى
مهند :- لاء يا سمر مش هسيبك تمشى النهارده اسعد يوم فى حياتنا كلها اليوم اللى جات فيه اغلى ما فى حياتى اللى هو انتى يا سمر
سمر :- بصت لمهند وقالت كفايه اللى انت بتعمله ده ارجوك انا مبقتش سمر بتاعة زمان اللى تفرح بعيد ميلاد ولا هديه حلوه جايه ليها ولا تضعف من كلمتين حلوين يتقالوا ليها أنا واحده تانيه خالص شايفه الحياه بعيون ميته وقلب مجروح ضحكه مكسوره وراها مليون صرخه مبقاش ليها نفس لأى لذه فى الحياه متتعبش نفسك كتير ومتحاولش لأن اللى اتكسر جوايا صعب يتصلح تانى
مهند :- اتنهد بوجع وقال حاسس بيكى وعارف اللى جواكى ومش هرتاح غير لما اطيب جروحك وارجع ضحكتك تانى على شفايفك من جديد واحشتنى اوى البنت اللمضه ام لسان طويل يا سمر
سمر :- وواحشتنى انا كمان والله بس مستحيل ترجع تانى
مهند :- ادينى فرصه وانا هرجعها تانى للحياه
سمر :- اتنهدت وبصت الاتجاه التانى من غير ما ترد عليه
مهند :- قرب منها اكتر ورفع وشها ليه وبص فى عينيها وقال وغلاوة سمر عندى ما هرتاح غير لما أرجعها تانى صدقينى
سمر :- بصت فى عينيه وسرحت فيهم
مهند :- قرب منها ولسه هيبوسها
انجى :- دخلت عليهم وقالت ايه يا عم انت وهى ايه جو العشق الممنوع ده اكمنكم سمر ومهند هتعيشوا الدور بجد ولا ايه لا بقولكم ايه البيت ده طاهر وهيفضل طول عمره طاهر
سمر :- ضحكت على كلام انجى وقالت مجنونه اقسم بالله
مهند :- فصيله بس جدعه
انجى :- تشكرات تشكرات يلا بقى انا بطنى صوتت وهموت و اكل واحلى بالتورته بقى
سمر :- والديت يا انجى
انجى :- انتى عارفه سألت نفسى النهارده التزمتى بالرجيم قالت لاء اديتها يومين فرى لانها مكذبتش عليا أبدآ امشى يا اختى مش وقت دايت خالص
سمر :- قعدت تضحك ومشيت معاهم ودخلوا اتجمعوا على السفره وقعدوا ياكلوا
انجى :- تسلم ايدى والله الاكل زى العسل
سمر :- هو تسلم ايديك وكل حاجه بس براحه شويه على نفسك ما صدقنا انك خسيتى
انجى :- وهى بتاكل قالت مش عارفه والله نفسى مفتوحه اوى اليومين دول وباكل اكل الحمير فى النجيله
هيثم :- بألف هنا وشفا عليكى النجيله يا قلبى اقصد الاكل يا حبيبتى
انجى :- هه خفه
وبعد وقت انتهوا وقامت انجى وقفت وقالت ميعاد التورته بقى
سمر :- نهارك اسوح هو انتى عندك مكان فى بطنك فاضى لتورته
انجى :- اه وربنا ده المكان واسع وشرح وبرح كده وياخد بدل تورته واحده ياخد الف
مهند :-استر ياللى بتستر ادخلى علينا بالتورته اخلصى
انجى :- جابت التورته وحطتها على السفره وقالت نحط كام شمعه كده
سمر :- اذكى اخواتك احنا مش قد بعض
انجى :- اه صوح يبقى عشرين شمعه صح
هيثم :- يا اختى نغه مكسوفه تقولى انك عندك سبعه وعشرين سنه
انجى :- لاء بجد سبعه وعشرين سنه اه يا فجرة شبابى طلعوا يجروا زى النسمه هوا كده محستش بيهم اهئ اهئ اهئ
مهند :- أداء اوڤر اوى يا انجى
سمر :- اتنهدت وقالت سبعه وعشرين سنه اتعلمت فيهم دروس صعبه اوى وللاسف المقابل تمنه غالى اوى
انجى :- مش عجبك الأداء الأوفر اشرب بقى الدراما الحزينه اللى ما يعلم بيها الا ربنا
مهند :- بس يا سمر من النهارده مفيش احزان مف
انجى :- قطعته بغنى وقالت مفيش احلام من النهارده قلب وحيد يا زمان اه وحيد يا زمان سورى يا جماعه بس مقدرتش امسك نفسى من الافيه ده وقعدت تضحك
سمر :- بت يا انجى انتى مالك اتهبلتى على كبر كده
انجى :- انا اصلا طول عمرى هبله
هيثم :- اتفق من يوم ما اخدك وانتى هبله فاكره يوم فرحنا طلبتى ايه
انجى :- احم عيب يا هيثومتى البرستيج العام يا حبيبى
سمر :- احياة بنتك يا شيخ لتقول كانت طالبه ايه
هيثم :- كانت طالبه نلعب استغمايه تستخبى واقعد ادور عليها مش دى المشكله
سمر :- وهى بتضحك قالت امال ايه المشكله
هيثم :- المشكله ان ايامها كانت انجى جسمها مليان اوى ودخلت استخبت فى الدولاب واتزنقت جوه وقعد طول الليل بحاول اطلعها من جوه
سمر :- ااااه قلبى مش قادره وقعدت تضحك
هيثم :- ومن يومها وانا أتأكد أن عيلتها كان فيها حد اهبل
انجى :- احم كنت بلعب عادى الله
مهند :- سيبك منهم العيله دى مجنونه اصلا ركزى معايا انا
سمر :- بصت ليه وقالت نعم افندم
انجى :- طيب تعالى يا حبيبى نلعب دور استغمايه جوه لحد ما يخلصوا سهوكه
هيثم :- وهو بيضحك قال امشى يا آخرة صبرى ودخلوا جوه
مهند :- طلع علبه من جيبه وفتحها وطلع منها سلسله وقال كل سنه وانتى طيبه
سمر :- بصت لسلسله بأعجاب وقالت وانت طيب
مهند :- ارفعى شعرك
سمر :- رفعت شعرها واديته ضهرها
مهند :- بص لرقابتها واتوتر وبلع ريقه بصعوبه وغمض عينه علشان يهدا وفتحها تانى ومد أيده بالسلسله ولبسها ليها وقال متقلعهاش من رقابتك ابدآ يا سمر
سمر :- رجعت شعرها تانى ولفت ليه وبصت على السلسله وهى فى رقابتها وابتسمت ليها وقالت لمهند شكلها حلو اوى ورقيقه
مهند :- انتى اللى زوديها جمال يا سمسمه
سمر :- شكرآ يا مهند وقامت وقفت وقالت انا لازم امشى دلوقتى انا نزلت من غير ما اقول لحد
مهند :- وقف وقال تعالى اوصلك
سمر :- لاء خليك انت هنا براحتك متشغلش بالك
مهند :- مقدرش مشغلش بالى بيك انتى كل حياتى يا سمر
سمر :- احم م.م.ماشى يلا بينا وخرجوا الاتنين بره
انجى :- ايه ده رايحين فين مش هنطفى الشمع
سمر :- معلش يا انجى لازم امشى انا مقولتش لحد فى البيت أن انا خارجه اصلا من الخضه ولو علياء دخلت الاوضه وملاقتنيش هتقلق يلا تصبحوا على خير
انجى :- ماشى يا حبيبتى وأنتى من أهله وسلموا على بعض وخرجوا الاتنين ركبوا العربيه وشغلها مهند ورجع على الفيلا

دودو محمد

فى شقة مياده

نيمت مياده عامر فى سريره ودخلت نامت جمب مروان على السرير وحست بأيد مروان بتلف حاولين وسطها وبيشدها ليه اتنهدت وقالت

مياده :- سيبنى انام يا مروان
مروان :- قرب منها وقال واحشتينى
مياده :- مش قادره يا مروان تعبانه وبعدت عنه
مروان :- قرب تانى ليها وباسها من رقابتها وقال بقولك واحشتينى يا ميزو خلى عندك شوية دم
مياده :- بعدت عنه وقالت ياريت انت اللى تخلى عندك شوية دم وسبنى انام علشان اعرف اقوم الصبح
مروان :- هو فيه ايه هو انا كل ما اجى اقرب منك تقولى تعبانه ومش قادره وانتى بتعملى ايه يعنى
مياده :- اه تعبانه ومش قادره ما انت هتحس ازاى انت بتقوم الصبح تلاقى الفطار وبترجع من الشغل تلاقى الاكل جاهز والبيت زى الفل إنما انا اللى شايله الشيله كلها فوق دماغى اقوم الصبح احمى والبس وافطر وانزل الحضانه واروح الشغل وانا راجعه اجيب من الحضانه واجيب الاكل واعمل الغدا وانضف بيت واغسل وانشر واكل وكل ده ومش بعمل اى حاجه وفوق كل ده بيتشك فيا وبتهان منك كفايه بقى ارحمنى
مروان :- يعنى بتعملى ايه زياده عن الستات ما كل الستات بتعمل زيك وزياده وفوق كل ده بتدى رجالاتها حقهم الشرعى
مياده :-بص مفيش حيل للمناهده معاك تصبح على خير
مروان :- عليا الطلاق ما انتى نايمه يا مياده غير لما اخد حقى الشرعى منك
مياده :- بصت ليه بصدمه وقالت انت بتحلف عليا بالطلاق يا مروان
مروان :- اه انا تعبت وليا حقوق عندك وكل ما اجى اقرب منك تقوليلى المرشح بتاعك ده وهى بقى طلعت فى دماغى اخد حقى منك النهارده
مياده :- دموعها نزلت منها وقالت انت ايه يا اخى جبله حرام عليك اللى بتعملوا فيا ده انت كرهتنى فى حياتى يا شيخ خلتنى ورده دبلانه بعد ما كنت واخدنى ورده مفتحه كسرت كل حاجه حلوه جوايا ليك قولى ازاى هسيبك تلمسنى وانا مبقتش طايقه نفسك حتى
مروان :- شدها فى حضنه وقال طيب أهدى طيب
مياده :- بدموع ابعد عنى يا مروان
مروان :- ششش أهدى يا مياده بقى انا بحبك والله العظيم بحبك
مياده :- مسكت فيه اكتر وقعدت تعيط
مروان :- ضمها اكتر فى حضنه وقعد يبوس فى خدها ورقابتها وقال بحبك يا مياده بحبك وقرب منها و(......)
---
فى شقة عبدالرحمن

دخلت مريم تحضر العشا ليهم ووقفت فى المطبخ وحطت ايديها فى ضهرها بتعب شديد وبعد وقت حضرت العشا وحطته على الترابيزه وندهت على عبدالرحمن بتعب وقالت

مريم :- عبده يا عبده تعالى يلا حضرت الاكل
عبدالرحمن :- دخل وهو شايل سجده وقعد وحطها على رجله وقعد ياكل ويأكلها
مريم :- قعدت علشان تاكل مقدرتش وقفت تانى بتعب وحطت ايديها على بطنها من تحت وقالت ااااه
عبدالرحمن :- ايه مالك شكلك ناويه تعمليها النهارده
مريم :- بتعب ايوه من بدرى عندى طلق على خفيف بس بيزيد مع مرور الوقت
عبدالرحمن :- طيب ايه نروح المستشفى ونلحق وقتنا ولا ايه
مريم :- ااااه مش عارفه يا عبده اااااه
عبدالرحمن :- لاء انا بقول نروح دلوقتى هدخل البس حاجه وننزل علطول
مريم :- ااااه ماشى وهات معاك العبايه بسرعه
عبدالرحمن :- ماشى ودخل الاوضه لبس هدومه ولبس العبايه لمريم واخد سجده فى أيده ونزلوا ركبوا العربيه وراحوا على المستشفى والتعب زاد اوى عليها والدكتور كشف عليها وقال إنها ولاده ودخل يولدها
---
اشرقت شمس صباح يوم جديد بنورها الساطع فى سماء القاهره ليبدء أدم بفتح عيونه على صوت همسات بص لاقه سلوى واقفه فى الاوضه وبتنادى على عمر علشان يجى ليها من فوق السرير عمل نفسه أنه نايم علشان يشوف ايه بيحصل

سلوى :- وهى واقفه بعيد عن السرير قالت بصوت واطى تعالى بقى يا عمر بابا هيصحه من نومه وينيل عيشتنا
عمر :- وهو فوق ضهر أدم قال لاء
سلوى :- طيب تعالى واجبلك حاجه حلوه ابوس ايديك هتسلمنى تسليم أهالى يا ابنى
عمر :- لاء
سلوى :- قربت براحه ليه علشان تشيله من فوق أدم بس وقف على ضهره لالالا بلاش بص هعملك اللى انت عايزه بس انزل احياة عيالك يا شيخ انزل هنتعلق وربنا
عمر :- لاء
سلوى :- طلعت تجرى علشان تمسكه بس طلع يجرى ووقعت فوق ضهر أدم وهى بتحاول تمسك عمر
أدم :- فتح عينه وبص ليها
سلوى :-بصت بصدمه لادم وقالت احيه وقامت وقفت وقالت هو انا لو حلفتلك مكنتش اقصد هتصدقنى
أدم :- قام قعد وقال فيه ايه بتعملوا ايه هنا
سلوى :- بتوتر ع.ع.عمر دخل يجرى على هنا وانا كنت بحاول اخده بره بس هو ده كل اللى حصل وربنا
أدم :- شال عمر وقال عامل دوشه ليه يا عم الشقى
عمر :- شاور على سلوى وقال دى وحشه
سلوى :- ها وربنا ما عملت ليه حاجه
أدم :- روحى انتى وبلغيهم تحت يحضروا الفطار
سلوى :- ح.ح.حاضر وخرجت وقفلت الباب وراها واتنهدت وقالت يخربيت جمالك على الصبح قمر حتى وانت لسه صاحى من النوم ونزلت تحت بلغتهم يحضروا الفطار
أدم :- باس عمر وقال مدوخ سلوى معاك ليه بقى ها ولا علشان البت حلوه ودمها خفيف تعمل فيها كده
عمر :- قعد يضحك على كلام أدم
أدم :- قعد يبوس فيه وقال يلا انزل عند سلوى تحت وانا جاى وراك ونزله من على رجله وضربه بخفه وقال يلا أجرى وبص عليه وهو بيجرى وضحك وقام دخل الحمام اخد شاور ولبس هدومه واده فرضه ونزل تحت لاقه سلوى قاعده بتأكل عمر قعد على الكرسى وبص للاكل وبص لسلوى وقال فطرتى
سلوى :- ها ا.ا ايوه
أدم :- كدابه تعالى افطرى
سلوى :- ها ل ل لاء شكرآ مش جعانه والله
أدم :- كلمه واحده تعالى كلى
سلوى :- بصت ليه بتوتر وقعدت على الكرسى
أدم :- حط قدامها الاكل وقال كلى يلا
سلوى :- مدت ايديها على الاكل بتوتر وبدأت تاكل وتأكل عمر اللى على رجليها
أدم :- بصلها وهى بتأكل عمر وابتسم وقام وقف وقال خلى بالك على عمر فاهمه
سلوى :- ح.ح.حاضر
أدم :- خرج وسأبهم
سلوى :- اتنهدت وقالت هوف الواحد بيتكتم أنفاسه طول ما هو قاعد قصاده ابوك ده عامل زى السكر المحلى اللى محطوط عليه كريمه هيييييح عسل اوى يخربيت كده قال بحق جدتك كانت بترضعه ايه علشان يبقى بالطعامه دى
أدم :- كان واقف وراها وسمع الكلام ده وحط أيده على بؤقه وقعد يكتم ضحكته وقال احم احم
سلوى :- اتصدمت ووقفت وقالت ح.ح حضرتك هنا من امته
أدم :- لسه حالا نسيت الفون بتاعى واخده من على السفره وخرج تانى
سلوى :- اتنهدت وقالت الحمدالله مسمعش حاجه كان زمانى روحت فيها وربنا لو كان سمع حاجه واخدت عمر وراحت قعدت بيه فى الجنينه
---
فى فيلا علياء

صحيت علياء من نومها وقامت قعدت على سريرها ورجعت شعرها لوراه واتنهدت ومسكت تليفونها وطلبت رقم مراد وانتظرت الرد

مراد :- بصوت نعسان صباح الخير يا علياء
علياء :- صباح النور انت لسه نايم
مراد :- اه صحيت على صوت تليفونك هقوم اهو اجهز نفسى واعدى على ساره اخدها واروح الشركه
علياء :- ها ل.ل لاء انا عايزاك تيجى تخدنى
مراد :- اخدك ليه مالك
علياء :- م.م.مفيش بس مش هقدر اسوق
مراد :- خلاص ماشى انا جاى اخدك باى
علياء :- باى وقفلت السكه وحدفت التليفون جنبها وقالت معرفش ايه موضوع الست هانم اللى طالع لينا جديد ده وقامت دخلت الحمام واخدت شاور وخرجت لبست هدومها وأدت فرضها ونزلت تحت لاقيت سمر قاعده بتفطر قالت صباح الخير
سمر :- صباح النور يا لولو
علياء :- انتى خرجتى امبارح بليل
سمر :- ايوه انجى اتصلت بيا وعملت فيا مقلب أن بنتها تعبانه وروحت لاقيتهم عاملين مفاجئه ليا علشان عيد ميلادى ومهند كان هناك
علياء :- كل سنه وانتى طيبه يا حبيبتى مش ناويه بقى تحنى على مهند
سمر :- الموضوع ده انتهى خلاص يا علياء
علياء :- كدابه يا سمر انتى لسه بتحبيه بس انتى بتحبى تعاندى نفسك
سمر :-اه بحبه بس مش قادره اسامحه زى ما انتى بتحبى مراد ومش قادره تسامحيه
علياء :- بصت بصدمه لسمر وقالت انا بحب مراد لاء طبعآ مفيش حاجه من دى خالص
سمر :- ابتسمت وقالت لاء بتحبيه بس انتى اللى مش قادره تعترفى بده لنفسك حتى
علياء :- وقفت بتوتر وقالت ا.ا انا ماشيه وخرجت وسابتها
سمر :- ضحكت وقالت بتحبه وحطت اللقمه فى بؤقها
علياء :- خرجت بره لاقيت مراد جاى بالعربيه ابتسمت ليه وركبت العربيه وقالت صباح ال وقطعت كلامها لما شافت ساره راكبه وراه بصت ليها بأستغراب وقالت انتى بتعملى ايه هنا
مراد :- انا جبتها معايا علشان أوصلها معانا الشركه
علياء :- بغيظ اه ماشى وبصت من الشباك
مراد :- زين نايم
علياء :- اه
مراد :- شغل العربيه ومشى بيها على الشركه
علياء :- بصت وراه لساره وقالت وانتى بقى مش مخطوبه ولا متجوزه
ساره :- لاء لا ده ولا ده
علياء :- امممم ربنا يكرمك بأبن الحلال
ساره :- بصت بحب لمراد وقالت يارب
علياء :- بصت على مراد بغيظ وقعدت تهز فى رجليها بغيظ وقالت مراد مراد :- ايوه يا علياء
علياء :- ها لاء خلاص ولا حاجه
مراد :- كنتى عايزه تقولى ايه قولى يا علياء
علياء :- ها لاء ولا حاجه خلاص وبصت لساره ورجعت بصت تانى من الشباك
مراد :- بصلها بأستغراب وبص لساره وراه
علياء :- بصت لمراد لاقيته بيبص وراه لساره قالت بغيظ ممكن تبص قدامك بدل ما تتقلب بينا
مراد :- مالك يا علياء عصبيه ليه
علياء :- مالى ما انا كويسه اهو ولا عصبيه ولا نيله بس اخلص بقى وامشى بسرعه
مراد :- هز راسه بأستغراب وسرع العربيه وراح على الشركه
google-playkhamsatmostaqltradent