الفصل الخامس عشر 15 من رواية احببت فقيرة حبيبه وعمر
رواية احببت فقيرة حبيبه وعمر البارت الخامس عشر 15
ف الصباح ف منزل عم محسن
صفاء . ياساره انتي يازفته تعالي هنا بسررررررعه
ساره. وهي بتفتح وتغمض ف عنيها نعم ياماما نعم
صفاء. ايوه مانتي مش داريه بالي بيحصل وجايه دايخه من الفرح امبارح ونايمالي بالفستان اللي بشئ وشويات اه ياربي اه منك مش عارفه جايبه البرود والكسل دا منين مشششش عاااارفه
ساره. اي ياماما اي العصبيه والنرفزه دي في اي بس
صفاء. تعالي اترزعي جمبي عايزاكي ف موضوع منومنيش الليل تعااالي
ساره. طب هاخد شور واجيلك يا ماما
صفاء. قولت اتزفتي اترزعي يلااااا
ساره . حاضر يا ماما حاضر متشدينيش كدا الله
ف اي بقي اديني قعدت قولي انا جعانه وتعبانه ومخنوقه ومش ناقصه نكد ع الصبح
صفاء. حبيبه ياستي ...
ساره. حبيبه ....مالها دي كمان
صفاء . حبيبه جات امبارح ف نص الليل بشنطة هدومها
ساره . هو عمر بيه طردها ولا اي يكش امال تكون سرقته وجابتلنا الفضايح العاله دي
صفاء بضحكة غيظ سرقته ههه هيا فعلا سرقته .. سرقت قلبه وعقله وجابها امبارح وعايز يخطبها
حبيبه اللي بعتناها تشتغل خدامه عند عمر بيه لعبت عليه وخلته يحبها ويقولي أنه خطيبها وكمان شايلها الشنطه ودخلها الاوضه وبينديها بحبيبتي. ااااه الإله يا تفكيري اللي هيتشل
ساره . وقفت وخبطت ايديها ف بعضها وقالت عمر .. عمر .. عمر دا حبيبي انا بتاعي انا وانا اللي بحبه وبعشه انا داخله اقتلهااااااااا
صفاء. اي بتقولي أي انتي كمان
بتحبيه اي اللي بيطلع من بوقك دا يخربيتك انتي كمان من امته دا وازاي ومقولتليش ليه
ساره. معرفش بقي ياماما معرفش بس مستحيل حد يتزوج عمر غيري مستحيل 😡
صفاء. طيب انا عندي فكره بس خلي اسلوبك كويس معاها ومتخليهاش تحس انك مخنوقه منها
ساره . اي الفكره دي ياماما قولي انا علي اعصابييي
صفاء . هقولك ياستي طبعا انتي عارفه وليد ابن خالتك
ساره. اه طبعا عارفاه بدمه البارد دا انا شوفته ف الفرح كان واقف هو وصاحبه ورا عمر وشفتهم بيزعقوا مع بعض
صفاء. انا هتصل بيه وهخليه يروح معانا انا وانتي وحبيبه نشتريلها فساتين وحاجات خطوبتها بس منغير ما حبيبه تعرف
ساره. اي اللي بتقوليه دا ياماما اي دا انتي كأنك عايزاها تتزوج عمر
صفاء. بضحكة غيظ ههه مانتي وشطارتك بقي عايزاكي تاخدي صوره لحبيبه ووليد مع بعض وانا هوصي وليد يقرب منها اوي😉
ساره. وطبعا هنوصل الصور دي لعمر ويعرف أنها بتخونه 😆
صفاء. بالظبط يا قلبي يلا بقي صحيها علشان تفطر وزي ما اتفقنا عامليها كويس اوي .
فيلا عمر خيرت
الداده. انا حضرتلك الفطار يابني يلا علشان متتأخرش ع شغلك
عمر . انا جاهز بس عايز اتكلم معاكي ف موضوع مهم
الداده . ماشي يابني افطر ونتكلم
عمر . وهو بيفطر ومبسوط اوي وعلطول بقي يسرح بخياله ف حبيبه
يادادا اي رأيك ف حبيبه بجد عايزك تساعديني ف اختيار قلبي دا صح ولا لا
الدادا . والله يابني عسوله وبسم الله ماشاء الله متعلمه وشطوره وهاديه وكلامها خفيف وكفايه أنها بتحبك وكلمة ماما منها حلوه اوي
عمر . حيث كدا بقي اجهزي لانك هتيجي معايا تخطبيهالي وهكلم عم محسن دلوقتى
الدادا . ماشي يا ابني بس انت ابوك عايش ولازم ياخد خبر دا اكتر واحد هيفرحلك وهينبسط اوووو....
عمر . باس يادادا بقي انتي قاصده تزعليني انا بكره الشخص بكرهووو ومش مكمل فطاري 😡
سحب عمر الجاكت بتاعه ع كتفه وخرج علي شغله غضبان ووشه بيطلع شرار
رن تليفون عمر الو ازيك يا حبيبه عامله ايه
حبيبه . الحمدلله ياقلبي انا كويسه خالص طول ما انت ف حياتي ربنا يحفظك ليا ياروحي
عمر . تسلميلي يا قلبي هكلمك انا وراج من الشغل
حبيبه طب عايزه استأذن منك ف حاجه ياقلبي
النهارده هنروح انا وطنط صفاء وساره نشتري حاجات من برا فقولت لازم اقولك الاول 😌
عمر . ماشي يا حبيبه بس خلي بالك من نفسك ومتتأخريش
حبيبه. حاضر يا قلبي مع اني حاسه انك فيك حاجه
عمر. لا ياقلبي متشغليش بالك ويلا بقي باي علشان وصلت الشركه وعندي اجتماع مهم
دخل عمر الشركه
السكرتير . ياعمر بيه ياعمر بيه ف واحد مستني حضرتك من بدري وعايز يقابلك
عمر. ماشي خليه يدخل وهاتلي قهوتي
دخل الرجل ع عمر وقاله ازيك يا ابني
عمر انت تاني ياخي حرام عليك كفايه بقى كفايه عايز ايه مني تاني بقيت تطلعلي ف كل حاجه ارد على التليفون الاقيك وف الشارع وف الفرح والبيت وكمان الشغل اروح منك فين كل ما افكر افرح تظهر قدامي حرام عليك اطلع برا بررراااااااه
فوزي انا مش طالع قبل ما تسمعني أو تموتني واطلع من هنا ع نقاله يابني
عمر . ياعم انت مش كفاك اللي عملته فيا وكمان عايز تجبلي تهمه بموتك انت اي مبتتهدش
ولا اقولك اتفضل قول اللي عندك بس دي اخر مره هسمحلك فيها بالكلام انا تعبان ارحمني وسيبني ابوس ايدك
فوزي. ببكاء شديد
يابني انا عارف اني ظلمتك وندمان اوي ع اللي عملته بس منها لله اللي كانت السبب ارحمني يابني علشان خاطر ربنا ارحمني ابوس ايدك دانا كل يوم بتقطع وضميري معذبني
ارحمني انا ابوك وانت ضنايا اللي جاي من صلبي
وقع فوزي ع الأرض من شدة إحساسه بالذنب وفقد الوعي
عمر.. وقلبه يرتعش بابا بابا الحقونييي إسعاف بسرعه الحقوني
جات الإسعاف بسرعه وركب عمره مع ابوه والدموع تنهال من عيونه ولا يقدر ع إيقافها
اي دا معقول اللي انا فيه دا معقول قسوة قلبي دي انا اي اللي عملته دا انا اسف يابابا انا اسف اقول اي لربنا اقف قدامه ازاي لو حصلك حاجه بسببي 💔
وصلت الاسعاف المستشفى ودخل فوزي العنايه المركزه
عمر. بعد خروج الدكتور من العنايه. اي يا دكتور طمني حالته عامله اي طمننني
الدكتور مكدبش عليك يا عمر بيه الراجل دا تعرض لازمه قلب شديد وضربات قلبه غير منتظمة ولازم يفضل هنا يومين تلاته ادعيله عن اذنك.
عمر . اعمل اي حاجه يادكتور ولو فيه مكان رعايه افضل من هنا قولي انا ممكن اسفره برا
الدكتور ياعمر بيه الموضوع مش محتاج غير شوية وقت ودعاء أحبابه بس وخير أن شاءالله
عمر. وهو يبكي وعد مني يارب لو بابا قام بالسلامه هصالحه وهسامحه ويارب يسامحني من قلبه وكفايه تعب وزعل انا من زمان محروم من حضنه بسبب مراته وهو محتاجني جمبه وانا والله يارب محتاجه اوي وهنسي كل حاجه يارب
ف منزل عم محسن
صباح تدخل غرفة ساره وتيقظها من نومها ثم تهتف ف اوزنها قومي يابت صحي الزفته دي وانا هتصل بوليد يجهز نفسه ونتقابل اول شارع المعارض
ساره . تقوم من نومها يلا يا حبيبه عايزين نلحق اليوم من أوله ياعروسه😒
حبيبه. حاضر يا بنت عمي واختي ربنا يحفظك ويسعدك ياقلبي واشوفك انتي كمان احلي عروسه
تجهزوا جميعا وخرجوا وإذا بصوت وليد ينادي علي صفاء
ازيك يا خالتي عامله ايه ورايحين فين وحدكم كدا
حبيب قلبي يا ليدو واحشني ياواد ياواطي يالي مابتسألش انت وامك
وبعدين مش تسلم ع البنات يازوق
اه معلش اسف😌
ازيك ياسوا وانتي يا حبيبه عاملين ايه
ساره . الحمدلله يابن خالتي احنا كويسين الحمدلله
وليد . بس ايه دا هيا حبيبه احلوت اوي كدا ليه دي جامده جمدان السنين وبقيت عود البطل ملفوف ياخالتي ههههههه
حبيبه. لو سمحت عيب كدا واحترم نفسك
وليد. اسف مقصدش بس دا من جمالك اتكلمت
صفاء. بس خلاص ياض وامشي معانا تعالي علشان مش معانا راجل ولا هتسيبنا وتخلع ياواطي
وليد . لا لا ودي تيجي ياخالتي دا انا افضي نفسي علشانكم
بعد خمس دقائق من الحديث
يبتعد وليد وساره منهم بمسافه بعيده ثم يأتي وليد وبيده ايس كريم
حبيبه . هيا ساره فين
وليد . هتجيب حاجه وجايه ورايه علطول
صفاء . يلا يا وليد اعتزر لحبيبه واديها ايس كريم بقي
اقترب وليد من حبيبه بشكل غير طبيعي انا اسف يا حبيبه وخودي بقي مني دي وبجد مكنتش اقصد
حبيبه بأبتسامه خفيفه محصلش حاجه انت زي اخويا وشكرا لزوقك☺️
واذا بساره تلتقط صورتان سريعا لابتسامه حبيبه الخفيفه لوليد ثم تأتي مسرعتأ
اي الضحك دا بقي بتقولوا اي من ورايا
صفاء. ولا حاجه ياستي يلا بقي علشان وقتنا ندخل الاتيليه دا ونشتري احلي فستان لاحلي عروسه
- رواية احببت فقيرة حبيبه وعمر البارت 16 اضغط هنا
- ليصلك شعار بالفصول الجديدة انضم لنا على تليجرام أضغط هنا