حكاية حبك كاملة بقلم الكاتبة توتا الرواية كاملة عبر مدونة دليل الروايات للقراءة والتحميلات (Pdf)
شخصيات رواية حكاية حبك
عائلة الكيلاني:
جاسر الكيلاني :البطل في سن 27عام جسده رياضي شعره بني عيناه زرقاء ابيض البشره ،يدير شركه والده يكره الفتيات بشده.
ياسمينا الكيلاني :اخت جاسر 19سنه في تانيه جامعه كلية تجارة انجليش، شعرها اسود عيناها سوداء واسعه روحها مرحه طيبه.
كوثر :والدة جاسر تعشق ابنائها بشده طيبه.
---
عائلة ياسر
جوري ياسر: البطلة في سن 22عام شعرها اشقر عيناها فيروزيه بشرتها ناصعة البياض روحها مرحه تحب الخير طيبه بشده.
ريهام :والدة جوري تحبها بشدة وتخاف عليها.
الفصل الأول "1" من حكاية حبك بقلم توتا
في شقة إل ياسر :
في صباح يوم جديد داعبة اشعة الشمس جفونها لتفتح عيناها الفيروزيه وتنظر في ساعتها لتجد الساعه السابعه لتقوم من الفراش بتثاقل وتذهب للمرحاض الخاص بالغرفة لتأخذ حماماً دافئاً وتتوضئ وتخرج لتأدية فرضها ومن ثم تفتح دولاب ملابسها وتختار جيبه زرقاء طويله وبلوزه بأكمام من اللون الابيض الناصع وطرحه من اللون الازرق وشنطه تجمع من اللونين وخرجت إلي الصاله لتري والدتها تضع الافطار علي السفره ساعدتها لتكمل وجلسن كي يتناولان الافطار
جوري:ماما انا انهارده معاد الانتيرفيو ادعيلي.
ريهام:بدعيلك ليل نهار ياجوري والله ،يارب تتقبلي يابنتي يارب.
جوري :يارب ،ماما انا همشي بقي عشان معادي هناك 8 عشان الحق.
ريهام :ماشي ياحبيبتي ربنا معاكي.
جوري :سلام.
ريهام :مع السلامه ياحبيبتي.
ذهبت جوري إلي الشركه التي ستقدم فيها الانتيرفيو دخلت الشركه
---
في شركة الكيلاني :
ظلت جوري تنتظر دورها إلي ان قالت السكرتيره :جوري ياسر .
جوري:نعم.
دلفت معها السكرتيره إلي مكتب وخرجت بعد ذلك اشار لها جاسر ان تجلس جلست جوري وهي متعجبه هو حتي لم يرفع عينه عن شاشه (اللاب توب) الخاص به لينظر لها بعد صمت دام عشر دقائق زاد فيهم توتر جوري بشده قال وهو يتفحصها بسخريه :اممممم ،اسمك ،وسنك ودَارسه ايه ، و اللغات إللي معاكي ؟
جوري بأحراج من نظراته :اسمي جوري ياسر 22 سنه متخرجه جديد ،درست تجارة انجليش ،ومعايا لغات انجليش ،وإلماني ،وفرنساوي ،وتركي .
جاسر بأندهاش :معاكي كل اللغات دي وانتِ لسه متخرجه جديد ؟
جوري بثقة:ايوة، لأني كنت في اوقات فراغي بحب املي وقتي فكنت مع كل إجازه اخد كورس لغة .
جاسر بهدوء :تمام ،السي في هيفضل معانا واستني مكالمه من السكرتيره.
قامت جوري وخرجت من الشركه.
الفصل الثاني "2" من حكاية حبك
امام شركه الكيلاني :
خرجت جوري من الشركه وهي شارده في نظراته لها
جوري في نفسها :هو ليه بيبصلي كده ،بس نظراته دي غريبه ؟
افاقت جوري من شرودها علي صوت ابواق السيارات فأوقفت تاكسي وركبت به وذهبت إلي منزلها
---
في شركة الكيلاني :
لم يتغير حال جاسر عنها كثيراً فكان كلما رأي فتاه تدلف بعدها ويري ملابسها الفاضحه ومكياجها الصاخب يستغرب اكثر
جاسر في نفسه :ايه مالك ياجاسر بتفكر في ايه هما كلهم واحد اصلا وهمهم في الاخر الفلوس بطل تفكر فيها بقي.
حاول جاسر ان ينهمك في عمله وينسي امرها.
---
في شقة إل ياسر :
دخلت جوري الشقه وبحثت عن والدتها فلم تجدها فتوقعت ان تكون في السوق او عند احد جيرانهم . دلفت إلي غرفتها وابدلت ملابسها وتوضأت وادت فريضتها وجلست علي سريرها وشردت من جديد بعد مده ليست بقصيره دلفت والدتها إلي غرفتها وحدثتها
ريهام :احضر الغدا ياجوري ؟
جوري :...............(شارده ولا ترد)
ريهام :جوري ،يا جوري!
جوري وقد انتبهت :ها ،ماما انتي جيتي امتي ؟
ريهام :من بدري يا جوري انتِ كنتي سرحانه في ايه ؟هو في حاجه حصلت في المقابله ؟
جوري :لا ياحبيبتي متخافيش تعالي نحضر الغدا .
ريهام بتنهيده : حاضر ياحبيبتي يلا .
وذهبا إلي المطبخ سوياً .
--
في شركة الكيلاني :
أنهي جاسر عمله في التاسعه وركب سيارته ووصل بها إلي الفيلا الخاصه به
---
في فيلا الكيلاني :
وجد والدته واخته فذهب لهم
جاسر :مساء الخير ياأمي ،مساء الخير ياياسمينا .
والدته وياسمينا :مساء النور .
والدته :اعملك تتعشي؟
جاسر :لأ شكرا يأمي اكلت بره .
جاسر وقد وقف :عايزين حاجه هطلع انام بقي عشان مش قادر .
والدته وياسمينا :تصبح علي خير .
صعد جاسر إلي غرفته وابدل ملابسه ونام
---
في شقة إل ياسر :
كانت جوري في سريرها تحاول النوم ،لكن جفاها النوم وصورة جاسر امام عيناها لا تفارقها .
جوري في نفسها :اووووف بقي ،هو مش هيخرج من دماغي بقي .
ثم وضعت وسادتها علي رائسها علها تستحضر النوم .
الفصل الثالث "3" من حكاية حبك
في شقة إل ياسر :
تسللت اشعة الشمس إلي السماء معلنه يوماً جديد علي أبطالنا تململت جوري في فراشها وقامت من علي الفراش ودلفت إلي حمامها وتوضأت وأدت فريضتها ومن ثم ارتدت بيجامه بيتيه وخرجت إلي والدتها لتجدها انتهت من تحضير طعام الافطار
ريهام:لسه كنت دخلالك اندهلك.
جوري بمرح:ماشي ياستي انا حسيت بيكي بقي فـجيت انا.
ريهام بضحك :ماشي ياست الحساسه ،يلا عشان ناكل.
جوري :يلا .
وجلسن يتناولان افطارهن.
---
في بيت الكيلاني :
قام جاسر من سريره مبكراً واخذ شاور وأرتدي بدلة انيقة من اللون الكحلي ووضع عطره المفضل ونزل من غرفته وجد عائلته تتناول الافطار فذهب لهم
جاسر :صباح الخير عليكوا .
كوثر وياسمينا :صباح النور ياجاسر .
كوثر :اقعد ياحبيبي افطر.
جاسر :شكراً ياحبيبتي ،انا هروح الشركة.
كوثر :ماشي ياحبيبي خلي بالك من نفسك وافطر ومتنساش نفسك في الشغل .
جاسر :حاضر ياحبيبتي سلام.
كوثر :سلام.
ركب جاسر سيارته وذهب إلي شركته
---
في شركة الكيلاني :
وصل جاسر الشركه ومر في ممر الشركه وهو يسمع همهمات الموظفات ومغازلتهم له ويزداد سخريته منهم ،دلف إلي مكتبه وجلس علي كرسيه
--
في مكتب جاسر بـشركة الكيلاني :
وجد من يدلف بدون ان يطرق الباب نظر له بضحك ثم قال:انت يابني مش هتبطل عادتك دي؟!
احمد :لا ،انا بحب كده.
جاسر:اهبل طول عمرك.
احمد :المهم ياسطا، بوص كده هما دول احسن 5 سكرتيرات شوف كده واختار ؟
جاسر وهو يتفحص الورق:اممممم . كان افضل (CV) هو الخاص بجوري لفت نظره اسمها فكان رقيق بشده .
جاسر بشرود في صورتها:ده افضل Cv اتصلوا بيها وخلوها تيجي بكره وخلي رئيسة مكتبك تعلمها لما تيجي .
احمد :من عنيا ياباشا عايز حاجه؟!
جاسر :شكراً ياحبيبي ،بقولك وانت خارج خلي عم سيد يعملي قهوه .
احمد :انت كلت عشان تشرب قهوه ؟!
جاسر بأرهاق وهو يضع يده علي رأسه :لأ بس ،خليه يعملي قهوه .
احمد :مستحيل اخليك تشرب قهوه وانت علي معده فاضيه هبعت اجيب فطار ونفطر سواً علي حسابك.
جاسر بضحك :يخربيتك ده انت داهيه ، ماشي ياعم روح جيب.
احمد وهو يجري للخارج :فوريره.
ظل جاسر يضحك علي تصرفات صديقه ، وعاد للشرود مره اخري في ذات العيون الفيروزيه.
---
في شقة إل ياسر :
كانت جوري تشاهد التلفاز إلي أن رن هاتفها نظرت إلي شاشته بسرعه وجدت الاء هي من تهاتفها ردت عليها بحزن حاولت الا يظهر في صوتها جوري :الو يالولو ازيك ياحبيبتي عامله ايه؟
الاء :ايه ياجيجي انا الحمدلله ،مبتسأليش من امبارح ليه!؟
جوري :ابداً ياستي كان عندي انتيرفيو في شركه.
الاء :ان شاء الله هتتقبلي وبطلي التوتر الانتي فيه ده .
جوري بأندهاش :انتي عرفتي منين اني متوتره؟
الاء :عيب عليكي يابنتي ده انتي اختي المخلفتهاش امي يابت ده انتِ حياتي .
جوري :ربنا يخليكي ليا ياحبيبتي يارب وميحرمنيش منك.
---
في مكتب جاسر بـشركة الكيلاني :
عاد احمد من المطعم ودخل لجاسر
احمد :اتصل بقي بـرئيسة المكتب وقول لها علي السكرتيره وانها متدخلش حد .
جاسر :اوك.
واتصل بـرئيسة مكتب احمد واخبرها بما تفعل .
وجلسا يتناولان ويتحدثان سويا وبالطبع لم يخلو الامر من مزاح احمد.
---
في شقة إل ياسر :
اغلقت جوري مع الاء بعد وقت طويل وذهبت وأدت صلاة العصر وظلت تدعي كثيرا قامت من علي سجادة الصلاة فوجدت هاتفها يرن نظرت علي شاشته وجدت رقماً غريباً ردت بهدوء
جوري :السلام عليكم.
إمراءة ما :انسة جوري معايا ؟
جوري :ايوه انا جوري.
الامرأه :انتي اتقبلتي في وظيفه شركه "الكيلاني"وظيفة السكرتيره هتيجي بكرا الساعه 8 في مقر الشركه الرئيسي .
جوري بفرحه شديده :شكراً جداً ليكي انشاء الله مش هتأخر .
واغلقت الخط وهي سعيده بشده فأخيراً سوف تعمل لتسدد ديونهم.
الفصل الرابع "4" من حكاية حبك
في شقة إل ياسر :
مر الليل سريعا يعقبه نهار جديد ،قامت جوري من سريرها مبكراً وتوضأت وادت فريضتها ومن ثم فتحت دولابها واخرجت منه بنطال اسود فضفاض وقميص ابيض فضفاض وجاكت اسود ولفت طرحة من اللون الابيض وبندانة من اللون الاسود وحذاء اسود ذو كعب عالي كما تحب وخرجت لوالدتها
جوري بحركه مسرحيه :ايه رأيك صاحبة الشركه مش كده ؟
ريهام بضحك :واحلي كمان ده انتي قمر ،اقعدي بقي ياحبيبتي عشان نفطر .
جوري وهي تجلس من عنيا:ياست الكل ،امممم تسلم ايدك .
ريهام :تسلمي من كل شر ياحبيبتي.
جوري وهي تقوم بسرعه :انا همشي بقي ياماما عشان المواصلات ،سلام.
ريهام وهي تقوم خلفها :مع السلامه ياحبيبتي .
وصلت جوري إلي الموقف وركبت السياره ودفعت الاجره
---
في شركة الكيلاني :
وصلت جوري إلي الشركه ودلفت وعيون الحقد مسيطيره عليها لجمالها الطبيعي تجاهلت نظراتهم ودلفت إلي موظفة الشركه لتسألها اين ستذهب لتدخلها إلي مكتب ما توجد به إمراءة ميزتها جوري ان عمرها في منتصف الاربعينات
قالت لها الامراءة :انا مدام ميساء مديرة مكتب مستر احمد ،وانا اللي هدربك عشان تبقي سكرتيره مستر جاسر ،يلا نبتدي .
جوري بحماس:يلا .
ظلت تخبرها بـأشياء كثيره عن العمل وبعد ساعات كثيره من العمل انتهت مع البريك .
ميساء :انا كده فهمتك كل حاجه عن الشغل وانتي ما شاء الله عليكي ذكيه وبتفهمي بسرعه .
جوري :شكراً جداً لحضرتك .
ميساء :يلا معاد البريك هي نص ساعه وترجعي مكتبي تاني عشان اوصلك لمكتب مستر جاسر عشان تبدائي شغلك .
جوري :اوك ،استأذن حضرتك.
ميساء :إتفضلي .
خرجت جوري وذهبت لكافتيريا الشركه
---
في كافتيريا شركه الكيلاني:
كانت جوري قد احضرت معها طعامها وبدأت تأكل في صمت إلي ان وجدت فتاه في اواخر العشرون ترتدي جيبه قصيره إلي ما قبل الركبه بكثير وتيشيرت ضيق بشده بنصف كم يبرز جسدها بشده وعاقصة شعرها لأعلي علي شكل ديل فرس وتضع مساحيق تجميل مبالغ فيها نظرت لها الفتاه بسخريه و إستهزاء لملابسها وحجابها
الفتاه بسخريه :انتِ بقي السكرتيره الجديده .
جوري بهدوء :ايوه انا .
ضحكت الفتاه ضحكه خليعه بشده :وانتي لسه يابيبي بتجيبي سندوتشات معاكي من البيت ،ياحرام انتي فقيره للدرجه دي ،ايه انتي مش معاكي فلوس تشتري اكل من الكفيتيريا ؟
وأخذت من حقيبتها 200جنيه ورمتها لها علي الترابيزه
وقالت لها :خدي ياماما اشتري اكل عشان المنظر ده مينفعش في الشركه دي شركه محترمه .
جوري وهي تحبس دموعها بقوه قامت من مكانها واخذت حقيبتها وتركت طعامها
جوري وهي ترمي لها ال200 جنيه
جوري :خلي يا ماما الفلوس دي ليكي هاتي بيها مكياج تدهني بيه وشك انا الحمدلله ربنا رازقني بفلوس .
ومشت جوري بسرعه ذهب إلي ميساء فأوصلتها إلي المكتب وتركتها وذهبت وما ان خرجت ميساء حتي أغلقت جوري الباب ووقفت خلفه تبكي بشده ظلت تبكي بقهر فقد اهينت كرامتها بشده .
ظلت تبكي وتنحب إلي ان سمعت طرقات علي باب المكتب اخرجت مناديل سريعاً وجففت دموعها وفتحت الباب .
لتجد جاسر واقف امام الباب والغضب بادِ علية بشده ولكن تحولت ملامحه إلي الاستغراب والدهشه من اثار بكائها البادي وبشده عليها ،كانت جوري تنظر إلي الارض .
جاسر بصوت حاد :المكتب ده ميتقفلش ويتساب مفتوح وأول ما تشوفيني رايح لمكتبي تروحيلي سامعه يا....؟
جوري بهدوء :جوري اسمي جوري .
جاسر بغرور: اياً كان فاهمه كلامي ؟
جوري بضيق :فاهمه.
خرج جاسر وتنهدت جوري بضيق .
---
الفصل الخامس "5" من حكاية حبك
في شركة الكيلاني (وتحديداً في مكتب جوري ):
ظلت جوري متضايقه بشده من جاسر ومن هذه الفتاه كيف تقدر علي اهانتها بهذا الشكل لولا احتياجهم للمال لديون والدها الراحل لكانت إستقالت من العمل قطع شرودها دلوف نفس الفتاه إلي المكتب صدمت جوري بشده وقبل ان تتفوه ببنت شفه
نظرت لها الفتاه بأشمأزاز وقالت لها :إنجري يا بتاعه انتِ قولي لجاسر بيه اللي مشغلك ان ماريهان هانم بره .
جوري بجفاء :اولاً انا ليا اسم ، ثم ان بعد اذن حضرتك مفروض تكلميني بأحترام وبطريقه افضل من كده .
ماريهان وقد علت صوتها بحده مقصوده :انتِ يازفته انتِ هتعلميني اقول ايه ؟!ثم انتِ ازاي تعلي صوتك عليا وتمنعيني ادخل ؟ ازاي جاسر يشغل عنده اشكال زباله كده ؟!
جوري وهي تكاد تبكي :لو سمحتي وطي صوتك انا مش عايزه مشاكل ،واكملت بترجي :ارجوكي انا مش عايزة اطرد من الشغل ارجوكي.
جاسر وقد سمع اصواتاً عاليه في الخارج خرج بسرعه والغضب يتطاير من عينيه
جاسر :اية ال بيحصل هنا ،في ايه ياماريهان .
ماريهان وهي تنزل دموع مصطنعه :البنت دي ياجاسر بقولها عايزه ادخل لجاسر بيه قالتلي لأ ومش هتخشي وعلت صوتها عليا وشتمتني من غير سبب .
جاسر بغضب :الكلام ده حصل ياجوري ؟
جوري:................(لا ترد تبكي فقط).
جاسر بغضب اشد وصوت جهوري :إنطقي .
فزعت جوري بشده وقالت وهي ترتعش:انا والله ماعملت كده والله ياجاسر بيه .
مسح جاسر علي وجهه بقوه وقال:غوري علي شغلك والموقف ده ميتكررش لأما هيبقي فيها رفدك ،تعالي معايا ياماريهان .
ذهب جاسر ،وماريهان وهي ذاهبه وقفت امام جوري وقالت لها :شوفتي بقي انا اطلع مين وابقي بالنسبه لجاسر ايه ؟ متبقيش تتعبي نفسك بقي بعد كده وأعرفي بتلعبي مع مين انا ماريهان هانم وانتي مجرد سكرتيره .
جوري ظلت دموعها تنهمر بشده ودقات قلبها ضعيفه وتشعر ان جسدها يتخاذل والرؤيه ضعيفه امامها.
دخلت ماريهان مكتب جاسر وهي تشعر بالشماته في جوري فـهي قد اثبتت لها ان لا قيمة لها وانها مجرد عامله تعمل عندهم .
---
في مكتب جاسر :
عندما وصلت ماريهان وجلست
سألها جاسر :تشربي ايه؟
ماريهان :كابتشينوا .
جاسر :اوك .
ورفع سماعة هاتفه وكلم جوري
جاسر :إبعتيلي واحد كابتشينوا والقهوه بتاعتي .
جوري بصوت مختنق من كثرة البكاء :حاضر.
جاسر :ودخليهم انتِ .
جوري :حاضر .
--
في مكتب جاسر (في شركة الكيلاني ):
كانت المشروبات قد جهزت اخذتهم جوري ودقت باب المكتب ثم دلفت لهم وحينما إقتربت من المكتب شعرت ان الرؤية بدأت تنعدم وشعرت ان الارض تدور بها شعرت بالدوار فجأه وسقطت من يدها الصينيه فـانتبهوا لها وسقطت مغشياً عليها جري إليها جاسر وقال لـماريهان :اتصلي بـدكتور بسرعه .
ماريهان ببرود :انتَ بتصدق بردو حركات الدلع دي؟
جاسر بسرعه :بقولك اتصلي بالدكتور هو ده وقته .
ماريهان بأمتعاض وضيق :ماشي .
وهاتفت الطبيب إما جاسر فحملها ووضعها علي الاريكه ركز في ملامحها لم يلحظ إنها بهذا الجمال من قبل .