Ads by Google X

رواية أبن الباشا الفصل الثالث 3 - محمد منصور

الصفحة الرئيسية
الفصل الثالث من رواية أبن الباشا بقلم محمد منصور عبر مدونة دليل الروايات
رواية أبن الباشا كاملة
رواية أبن الباشا كاملة

الفصل الثالث "3" من رواية أبن الباشا

فيذهب عدلي ناحيه رجل ضرير يجلس وسط الحضور ويساعدة علي النهوض ويمسك بيدة ويجعله يقف امام القاضي ويقول

سيدي الرئيس. اعرفك بالحاج عبد العاطي سيد والد نور سكرتيرة فضل اللي ماتت منتحرة بسبب فضل

فيصدم فضل وكل الحاضرين وينظر القاضي لفضل ويقول

هي فعلا نور السكرتيرة بتاعتك ماتت منتحرة

فضل
هي فعلا انتحرت بس مش انا السبب. هي انتحرت بسبب انها غلطت مع موظف عندي في الشركه واتمسكت هي وهو في مكتبها في موضع مخل بالاداب

الحاج عبد العاطي بنرفزة
يا اخي اتقي الله. بنتي ماتت بسبب اللي انت عملته فيها

القاضي
من غير ماتوجه كلامك للمتهم. كلمني انا واحكي لي اية اللي حصل وازاي بنتك ماتت

عبد العاطي للقاضي
انا هاحكي لك يا باشا اللي حصل

فينظر له فضل والحاج عبد العاطي بدا يحكي ما حدث، ،،،،،
ومن داخل شقه علي قد حالها يجلس عبد العاطي والد نور سكرتيرة فضل علي الكرسي الخاص به ويسمع ماتش في الراديو وتخرج نور من حجرتها وفي يدها ملف بي عمليه تجاريه تخص شركه فضل وتذهب ناحيه والدها وتبوس يدة وتقول

عايز حاجه من برة

من تاليفي.
محمد منصور *منص*

عبد العاطي
انتي رايحه فين دلوقتي يا نور ده احنا بقينا بعد العشا

نور
في ملف لازم يكون عند فضل دلوقتي علشان بكرة الصبح هايطلع بي علي الجمارك يخلص شحنه اغذيه جايه من برة

عبد العاطي
وانتي هاتودي له الملف دلوقتي في المكتب

نور
لا يا بابا رايحه الفيلا

عبد العاطي
لا. يانور ماحصلتش يا بنتي تروحي لشاب بيته عشان خاطر الشغل

نور
يا بابا. فضل اولا مش عايش لوحدة ده معه في الفيلا مامته وتاني حاجه هو انسان مهذب جدا ومحترم وبيعاملني زي اخته الصغيرة

عبد العاطي
بس.،،،،،،،

نور مقاطعة له
متخافش علية يا بابا. وبعدين دة شغلي ولازم اعمله.

عبد العاطي
طيب يا بنتي. روحي شوفي شغلك و ربنا يحفظك وماتتاخريش عليه

فتبوس نور يد والدها وتخرج من الشقه، ،،،،،،

وبعدها بكام ساعه وحوالي الساعه 2 صباحا يجلس عبد العاطي علي الكرسي وبجانبه الراديو وقد نام وهو جالسا فتفتح نور باب الشقه وتدخل الي الشقه وملابسها مقطعه وعليها دم فيستيقظ عبد العاطي ويقول

نور. انتي جيتي

ولكن نور تنظر له وتبكي وتدخل الي حجرتها مسرعا فينهض عبد العاطي وهو يتحسس طريقة الي حجرة نوم نور ويدخل عبد العاطي ورائها الي الحجرة ويذهب ناحيه صوت عايطها فيطبطب عليها ويقول

نور مالك يا بنتي

فتنظر له نور وهي تبكي بحرقه فيتحسسها عبد العاطي فيجد الحجاب بتاعها مش علي راسها وملابسها مقطعه فيصدم ويقول

نور مالك ردي عليه يا بنتي

من تاليفي.
محمد منصور *منص*

نور بضيق شديد
انا ضيعت ضيعت. شرفك راح في الارض

عبد العاطي بنرفزة
بتقولي ايه. يعني ايه راح في الارض فهميني أيه اللي حصل

نور
انا روحت لفيلا فضل وسلمت له الملف بتاع العمليه الجديدة ونزلت من الفيلا وركبت تاكسي ولقيت السواق شاب كنت بشوفو ديما عند فضل في الشركه لكني ماعرفش مين ده. ومشينا بالتاكسي وفي حته مقطوعه لقيته وقف وقال لي. معلش يا ابله العربيه عطلت ونزل من العربيه ولف بسرعه وركب جنب مني ورش في وشي بنج وبعديها بفترة صحيت لقيت الشاب دة رابط ايدي في بعضيها وبيقطع هدومي وي،،،،

ثم تسكت وتبكي بحرقه فياخذها عبد العاطي في حضنه ويقول

طيب اهدئي.

نور
ماكنتش اعرف انه واطي وخسيس وزباله كدة

عبد العاطي
هو مين دة. يا بنتي

نور
فضل

عبد العاطي باستغراب
فضل وهو ماله باللي حصل لك

نور
ماله ازاي. ماهو طلع اللي مرتب كل ده مع الشاب دة

عبد العاطي باستغراب

فضل. طيب ازاي

نور
بعد ما الشاب دة قطع هدومي بدا ياخد اللي هو عايز وانا بقاوم وبحاول ابعدة عني. ومهما اصرخ ماحدش سامعني لغاية ما اغمي عليه لفترة ورجع لي وعي تاني لقيت نفسي مرميه علي الارض والشاب في التاكسي وماسك موبيله وبيكلم فضل وبيقول له انت يا فضل ابن باشا بجد ودماغك دي متكلفه. وسكت شويه وقال الا انبسط ده بت صاروخ. والفلوس اللي اتفقنا عليها هتلاقيها في حسابك ومشي التاكسي وسابني في الحته المقطوعه دي مرميه علي الارض

عبد العاطي بعصبية

يعني فضل. هو اللي متفق معه يعمل فيكي كدة

نور بحرقة وهي لاتزال تبكي

هو. الواطي الجبان اللي عامل فيها انسان متربي، ،،،،

من تاليفي.
محمد منصور *منص*

وفي هذة اللحظة يصرخ فضل من داخل القفص ويقول

دفعوا لك كام يا عبد العاطي عشان تشهد عليه زور

سيف
فضل. سيب الشاهد يكمل كلامه

فضل وهو مقهور

يكمل اية. دة كذب كذب. انا ماعملتش كدة

سيف بحدة
فضل. أسكت خالص.

ثم يقول سيف لعبد العاطي

وبعدين

عبد العاطي
حاولت اهديها علي قد ما قدر لكنها ما استحملتش وراحت ناحيه الشباك بتاع اوضتها ورمت نفسها

وبكا عبد العاطي وقال
هات لي حق بنتي منه يا حضرة القاضي

سيف
طيب اقعد مكانك

ويجلس عبد العاطي مكانه وينظر سيف الي فضل ويقول

وادي كمان تهمه ايه رايك يا فضل

فضل
يا حضره القاضي. ده كداب ده انا اكتر واحد وقفت جنبه وجنب بنته وشغلتها عندي سكرتيرة مع انها دبلوم تجارة وبعدين يا حضرة القاضي طالما انا اللي عملت كدة في بنته ليه ماراحش وبلغ عني البوليس

فينظر سيف الي عبد العاطي ويقول

ممكن ترد علي سؤال فضل

فينهض عبد العاطي مرة اخري ويقول

روحت يا بيه. وحاولت اعمل محضر ضدة لكن ما كانش بيتم

سيف
يعني ايه تعمل محضر ومايتمش

فضل لسيف
علشان هو يا حضرة القاضي قواد. يعني بياع اعراض وماحدش هايصدقه في القسم لانه ممكن يكون هو اللي بايع بنته ولما ماتت افتري علية انا

من تاليفي.
محمد منصور *منص*

فيصدم الحاضرين ويقول عبد العاطي

ايوة انا كنت قواد. لكن ربنا تاب عليه بعد ما عينية راحت في حادثه. وربيت بنتي احسن تربيه وبعد خالص عن سكه الحرام

سيف لعدلي المحامي

هو ده الشاهد بتاعك. يا حضرة المحامي. شهادته ملهاش لزمه بالنسبه لي

عدلي
سيدي الرئيس، انا ماكنتش أعرف انه قواد

عبد العاطي
كنت قواد . وخلاص والله ربنا تاب عليه هو ايه حرام في زمنا ده التوبه. ولا عشان انا كنت قواد ما دورش علي حق بنتي اللي ماتت

سيف
عبد العاطي. شهادة ارباب السوابق غير معتمدة في المحكمه لانك مش اهل ثقه واتفضل اقعد مكانك

عبد العاطي بعصبيه شديدة

يعني ايه حق بنتي راح

سيف بحزم
كلمه تاني بدون اذن مني. هانسي انك معاق وهاحطك في الحبس 24 ساعه

فيجلس عبد العاطي وهو يقول بصوت واطي

ربنا علي الظالم

فيقف عدلي ويقول
سيدي الرئيس. سامحني في اللي هاقوله. بس انا حاسس انك متعاطف مع المتهم فضل وبطريقه مبالغ فيها

سيف بحزم
عدلي. بلاش تجاوز والا هامر بحبسك انا هنا ممثل للعداله ومن حقي اتاكد من كل الادله اللي قدامي وخصوصا اني دي قضيه مش سهله وقضيه غريبه متهم بيعترف علي نفسه بانه قاتل. والمقتول قاعد قدامي في قاعه المحكمه وبيتهمه باغتصاب بنته. ورغم ان الادله اللي معاك كلها ضد فضل لكن ما فيهاش ولا دليل مادي وقوي يساعد المحكمه في أنها تحكم حكم عن يقين

من تاليفي.
محمد منصور *منص*

فضل
حضرة القاضي. انا عندي اللي يثبت صحة كلامي وان اللي في المحكمه ده مش جلال المنياوي ولكنه اخوة التؤام فؤاد

سيف باهتمام
وايه هو دليلك

فضل
اخوة جلال المنياوي. عندة شامه كبيرة في اعلي كتفه الشمال وانا بطلب من حضرتك بانك تأمر بالكشف عن كتف جلال المنياوي الشمال

فينظر سيف الي جلال المنياوي ويقول

يا. جلال اللي قالة فضل حقيقي. فعلا اخوك التؤام عندة شامة في اعلي كتفة الشمال

جلال
فعلا. والشامة دي بتميز اخوية عني

سيف الي جلال المنياوي

طيب من فضلك. اكشف عن كتفك الشمال

جلال
هو انت مصدق اني انا فؤاد. غريبة ان حضرتك تصدقة وتكذبني انا

سيف
واية الغريب في كدة علشان هو انسان بسيط وانت راجل سياسي معروف

جلال
لا. علشان هو كذاب

من تاليفي.
محمد منصور *منص*

سيف وهو ينظر في عيون جلال

اثبت انة كذاب واكشف عن كتفك الشمال

جلال
اوي اوي. عشان بس اثبت لك انه محتال وكذاب واني انا جلال المنياوي

ويكشف جلال عن كتفه الشمال و...
google-playkhamsatmostaqltradent