U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية عشقتها ولكن الفصل الثالث والرابع بقلم دينا دخيل

الفصل الثالث 3 والرابع 4 من رواية عشقتها ولكن بقلم الكاتبة دينا دخيل
رواية عشقتها ولكن كاملة

رواية عشقتها ولكن الفصل الثالث 3

قامت إسراء وأمل يستعدوا لأول يوم شغل ليهم
وارتدت اسراء فستان اسود منقوش بالورود وعليه خمار ونقاب أسود
أما بطلتنا الثانيه أمل قد ارتدت فستان موف وعليه خمار من نفس اللون درجته أغمق من درجه الفستان
وركبوا تاكسي للشركه

عند ريان
كان واقف قدام المرايه وكان قد ارتدي بدله رمادي مناسبه له ورش البرفيوم الخاص به
ونزل ريان وشاف جدته

نجوي : صباح الخير ي ريان

ريان : صباح الورد ي قلب ريان
عامله ايه

نجوى: انا بخير يحبيبي
رايح شغلك ؟

ريان : اه .... محتاجه حاجه اجبها وانا جاي ؟

نجوي: لا يحبيبي مش محتاجه حاجه
بس هو فين مالك

ريان : هيقابلني هناك في الشركه

نجوي : ماشي
ربنا يسهلك حالك ويفتحها في وشك

ريان بابتسامه : دا اي الدعوات الحلوه اللي علي الصبح دي

نجوي : هو انا عندي اغلي منك

سميره : خلصتوا وصله الغزل بتاعتكم

ريان بضيق : طب حتي قولي صباح الخير

سميره : صباح الخير.... حلو كدا
المهم كنت عايزاك

ريان : خير !؟

سميرة : انا عازمه ساميه صحبتي وبنتها الهام علي الغدا

ريان : اه وانا داخلي ايه .... ما براحتكم

سميره : تخلص شغل بدري وتيجي تتغدي معانا

ريان : انتي وصحبتك وبنتها ايه لازمتي انا ..... وبعدين عندي شغل كتير

سميره بنرفزه : انا قولتها كلمه تيجي ع الغدا يعني تيجي
انا قلت للناس انك هتبقي هنا
فاهم

ريان بضيق : ربنا يسهل
سلام ي نوجا انا ماشي
ومشي ريان علي شركته

نجوي : ايه اللي ف دماغك من العزومه دي ي سميره

سميره : مفيش حاجه ي حماتي

نجوي : لا والله
اصرارك أنه يحضر وكمان الهام يبقي في حاجه
بس عايزه اقولك أن الهام مش مناسبه لريان ولا هو بيطقها أصلا

سميره : بكره يطيقها ويحبها كمان متقلقيش

نجوي: براحتك ....بس انا قولتلك الصح وانتي حره

عند اسراء وامل
التاكسي عطل بيهم

_ للاسف التاكسي وقف خالص

امل : يعني ايه...مش هتعرف تكمل للشركه

_ انا متأسف بس مش هيتحرك
ممكن تاخدوا تاكسي تاني بقا والمسافه مش بعيده

اسراء: ماشي شكرا ....اتفضل

الراجل وهو بياخد الفلوس : شكرا

ونزلت اسراء وامل يستنوا تاكسي بس ملقيوش خالص

امل : اووف بقا هنتأخر كدا

اسراء :والنهارده كمان اول يوم

مالك كان راكب عربيته للشركه وشاف أمل واسراء اللي افتكرهم لما عمل معاهم الانترفيو ووقف ونزل من عربيته وهو لابس بنطلون جينز وتيشيرت أبيض وجاكت ازرق

مالك : مش انتو اللي قدمتوا للوظيفه امبارح واتقبلتوا
اي موقفكم كدا

امل : أصل كنا راكبين تاكسي ووقف
ف مستنين تاكسي تاني وشكل مفيش

مالك : طب لو كدا انا ممكن اوصلكم معايا

اسراء : يعني هووو.....

امل :احم .... اسفين لحضرتك بس مش هينفع نركب العربيه معاك

مالك : يعني هتفضلوا واقفين في الشارع

امل : اكيد لا
ممكن يجي تاكسي دلوقتي

مالك: مفيش اي تاكسي هنا
طب طالما مش عايزين تركبوا معايا
هطلبلكم أوبر يجيلكم ومش هيتأخر

أمل: بس كدا تعب لحضرتك... مالوش لزوم

مالك وهو بيبص لأمل : تعبكم راحه ... متقوليش كدا
وطلب مالك الاوبر واستني لما وصل

مالك : اتفضلوا الاوبر وصل

امل : متشكرين جدا لحضرتك

مالك : العفو سلام
وحاسب مالك السواق من غير ما ياخدوا بالهم
وركب مالك عربيته
ومشي الاوبر للشركه

أمل : محترم اووي مستر مالك

اسراء : فعلا والله

امل : وذووق اووي ....شوفتي مرضاش يمشي غير لما الاوبر وصل ....شوفتي كدا قبل كدا

اسراء: وايه كمان يختي
ما تتلمي ابت

أمل: يخربيتك فصلتيني
سكت اهوو
ووصلت امل واسراء
وجات أمل تحاسب السواق
_ الاستاذ اللي اتصل بيا حاسب حضرتك

امل باستغراب : بجد حاسبك ؟

_اه يفندم ....كله تمام

امل : اوك ....شكرا

امل : دا حاسب كمان السواق
اي دااااااا بقا

اسراء : في ايه 😂

امل : أصل يبنتي الناس اللي بيبقوا أغنياء مش بيبقوا بالاخلاق دي ف مستغربه.

اسراء : كل حاجه فيها الحلو والوحش
يالا نطلع

وصل مالك قبلهم
هناء : صباح الخير يفندم

مالك : صباح الخير ي هناء
ريان وصل

هناء : اه مستر ريان وصل

مالك :. تمام انا هدخله

ودخل مالك عند ريان

مالك : صباح الخير

ريان : صباح النور ي مالك
الموظفين الجداد وصلوا؟

مالك : هو وانا جاي حصل .....
وزمانهم هيوصلوا دلوقتي

ريان : ومن امتا الشهامه دي ي مالك

مالك : طول عمري 😌

ريان : عليا بردو ....ماشي
اهم حاجه ميتأخروش عن ميعاد الشغل والا هيتخصم لهم

مالك : هما كانوا لحقوا عشان يتخصم منهم
ميبقاش خلقك ضيق كدا

ريان : انت عارفني في الشغل معرفش امي

مالك : بخصوص سميره اخبارها ايه 😂

ريان : قال اي عازمه صحبتها وبنتها الهام علي الغدا وعايزاني اروح .... ومش فاهم ليه

مالك : دا مشروع جواز 😂
اسمع مني ....امك عايزه تجوزك

ريان : انا يوم ما اتجوز هتجوز الهااام دي بت ملزززقه اصلا

مالك :😂 هتدخل قفص الزوجيه يبيضه

ريان : نفسي تتعامل معايا أن صاحبك مش ابن اختك

مالك : معلش 😂

والباب خبط

ريان : ادخل

هناء: البشمهندسه اسراء وامل وصلوا دلوقتي

ريان : دخلي البشمهندسه اسراء

هناء : تمام

مالك : اطير انا بقااا
وطلع مالك
اتفضلي ي بشمهندسه امل اعرفك علي باقي التيم بتاعنا

امل : تمام

ودخلوا اوضه باقي البشمهندسين
مالك : اعرفكم بالبشمهندسه أمل معانا جديده

مي : اهلا بيكي انا مي وسلمت عليها

امل : اتشرفت بيكي ي مي

سامح : وانا سامح زميلك بردو وبيمد ايده يسلم عليها

امل : سوري مش بسلم علي رجاله

سامح بخبث هتكسفي ايدي يعني

مالك بعصبيه : ايه ي بشمهندس سامح .... ما قالتلك مش بتسلم مش شغلانه هي
وياريت محدش يضايق البشمهندسه
مي هتفهمك نظام الشغل بتاعنا

امل : تمام
شكرا لحضرتك جدا وان شاء الله اكون عند حسن ظنك حضرتك

مالك : متأكد انك قد المسؤولية
عن اذنكم اسيبكم لشغلكم
وشرحت مي ل أمل طريقه الشغل
وسامح كان قاعد ومتغاظ من الموقف اللي حصل

عند اسراء دخلت ل ريان

ريان : حضرتك هتشتغلي معايا ي انسه اسراء وانا في الشغل جادي جدا
وعشان كدا هتاخدي الملفات دي وتخلصيها قدامك ساعتين

اسراء بذهول : ساعتين!!!!
بس الملفات كتيره اوي

ريان : اكيد انتي عارفه أن الشركه اسمها كبير مش صغير وفي شغل كتير ف لازم تتعودي علي الكميه دي
اتفضلي

واخدت اسراء الملفات وطلعت علي مكتبها وهي مضايقه من ريان ومن الملفات دي كلها
وقعدت تخلص فيها

ريان بيبتسم وبيكلم نفسه : انا عارف انك هتخلصيهم
باين من عنيكي انك متحمسه وبتحبي شغلك أوي عشان كدا متأكد انك هتخلصي الملفات

عشقتها_ولكن
Dina_Dekhil

عشقتها ولكن الفصل الرابع 4

إسراء قاعده بتحاول تخلص الملفات اللي قدامها
موبايلها رن وكانت أمل

اسراء: ألو ....ايه اخبار الشغل معاكي

امل : الحمد لله اتعرفت علي التيم ومستر مالك خلي واحده منهم تفهمني كل حاجه

اسراء : حسره عليا وعلي المدير بتاعي دا مديني كوم ملفات أخلصه وهي بتقلد صوته
ساعتين وتكوني مخلصه الملفات دي انتي في شركه كبيره
شوفتي يختي انتقام كدا

امل : همووووت هههههههههههه

اسراء : اضحكي يختي اضحكي ما انتي المدير بتاعك شكله طيب

أمل: اه والله طيب اوووي وذوووق اوووي وشكل الشغل معاه هيبقي حلو اووي

اسراء : لا والله
بت انا مش فضيالك ..... هقفل بقا اخلص شغلي وابقا اشوفك في البريك

أمل: تمام .... سلام

اسراء : سلام

وقعدت اسراء تخلص الملفات وراحت بعد ما خلصتهم لريان

ريان : ادخل

اسراء : انا خلصت الملفات ي بشمهندس

ريان : تمام اوووي..... كنت عارف إنك قدها

إسراء: شكرا لحضرتك
اي حاجه تاني

ريان : اه في ايميل هيتبعت دلوقتي من الشركه المتعاقده معانا عايزك تدريسيه كويس وتقوليلي نسبه المكسب فيه قد ايه

اسراء : تمام ي بشمهندس
عن اذنك وخرجت

ريان: اممممم زي ما توقعت خلصت الملفات
شكلها فعلا مجتهده

عند أمل

مي : فهمتي كدا ي أمل

أمل: اه فهمت ..... شكرا جدا ليكي

مي : متقوليش كدا احنا فريق واحد ولازم نساعد بعض

سامح : انتي بقا ي أمل متخرجه بقالك كتير

أمل: معلش ي بشمهندس ممكن تقولي بشمهندسه أمل أو أنسه أمل
بلاش نشيل الألقاب لو سمحت

سامح : يستي خلي البساط أحمدي

امل ف سرها استغفر الله العظيم علي الرخم دا
معلش انا حابه كدا وياريت الألقاب تبقي محفوظه عن اذنك

وراحت أمل ل مالك

مالك : اتفضلي ي بشمهندسه

أمل: شكرا لحضرتك
البشمهمدسه مي فهمتني طريقه الشغل
اقدر اعرف ايه المطلوب مني دلوقتي

مالك : بالسرعة دي
دا انا قلت هتحتاجي يومين ع الأقل علي ما تستوعبي الشغل

أمل: لا الحمد لله أنا فهمت كويس وجاهزه لاي حاجه

مالك بإعجاب: شكلك شاطره
خلاص في ميتينج بعد البريك وهشرح لكم المشروع الجديد ومهمة كل واحد فيكم

أمل: تمام يفندم ..... عن اذنك
ورجعت امل تاني

مالك باستغراب: ف حاجه ولا اي ؟

امل بكسوف : احم.... يعني كنت عايزه اشكر حضرتك علي اللي عملته معانا الصبح وكمان دفعت فلوس السواق

مالك : معملتش حاجه مستاهله لكل دا
اي حد كان هيعمل كدا

امل : بجد ربنا يكتر من امثال حضرتك
و ....اه الفلوس ممكن تخصمها من المرتب

مالك : فلوس اي اللي تتخصم ..... مفيش الكلام دا
واتفضلي بقا علي مكتبك

أمل: بس ....

مالك : من غير بس
اتفضلي علي مكتبك ي بشمهندسه

أمل: تمام ....عن اذنك

مالك لنفسه : ايه الرقه دي يخواتي

وراحت أمل لإسراء عشان ينزلوا الكافتيريا بتاعت الشركه ف البريك

أمل: يالا ي سووو

اسراء: مش هعرف يبنتي

امل :ليه

اسراء: انتي ناسيه النقاب هاكل تحت ازاي .... هستني لما اروح بقا

امل : احنا ما فطرناش وكمان هتتعبي كدا
عندي فكره ننزل نجيب الاكل من تحت ونطلع ناكله هنا والمكاتب كلها بتبقي فاضيه ومحدش هيشوفك

اسراء : خلاص ماشي

ريان : ها ي بشمهندسه الايميل اتبعت

اسراء: اه وقربت منه اللاب عشان يشوفووه

ريان حط موبايله علي مكتبها عشان يعرف يشتغل علي اللاب

ريان : تمام اووي كدا فاضل نسبه المكسب

اسراء : اه ي بشمهندس بعد البريك هخلصه واقدمه لحضرتك

ريان : تمام
ونزل تحت في الكافيتريا

اسراء وامل نزلوا جابوا اكل وقعدوا في مكتب اسراء يأكلوا ومكنش في حد خالص ف طبعا اسراء رفعت النقاب عشان تعرف تاكل

عند ريان ومالك

مالك : متقلش في الاكل يقلبييييييي 😂

ريان : ليه يخويا

مالك : انت ناسي عزومه سميره

ريان : انا فعلا كنت ناسي
أما اتصل ب نوجااا تقولي اي الاخبار

اي دا

مالك : ايه

ريان : شكلي نسيت الفون فوق
هطلع اجيبه واجي

مالك : اوك هطلب اكل علي ما تيجي

ريان طلع يجيب الفون من ع مكتب اسراء وكان متوقع أن المكتب فاضي وأنها تحت

وطلع ريان وشاف اسراء من غير النقاب

اسراء شافته يالهووي
وقامت بسرعه ولفت تعدل النقاب

ريان بتوتر : انا اسف جدا ي انسه اسراء والله ما اعرف ان ف حد ف المكتب والا مكنتش طلعت

اسراء بعد ما عدلت نقابها وقالت بضيق : حصل خير ي بشمهندس حضرتك ملكش ذنب
انا اللي غلطانه

ريان : متأسف مره تانيه
ممكن تكملوا اكل انا نازل
ونزل ريان تحت

اسراء: استغفر الله العظيم اهو شافني من غير نقاب ينفع كدا

امل : يبنتي اهدي
دا غصبن عنك مضايقيش نفسك بقا .... يعني انتي كنتي عارفه مثلا أنه هيطلع

اسراء : اووووف بعد كدا ابقا اتنيل اكل لما اروح

أمل: يست اهدي بقا

عند ريان كان سمع كلام اسراء وهو نازل واضايق أنه ضايقها من غير قصد
ونزل ياكل مع مالك
وطول الوقت سرحان في شكل اسراء
ياربي دا عينيها بس بحس أن بنسي الدنيا كلها لو بصيت فيهم بالصدفه وكمان وشها عمري ما شوفت جمال كدا
دا اللي زيها فعلا لازم تلبس نقاب

مالك : ريان ....رياااااان

ريان فاق من تفكيره : ايه يبني بتزعق ليه

مالك : انت سرحان بقالك ساعه
ف ايه هاااا ....

ريان : في الشغل يخوياا
يالا البريك خلص انا طالع

وطلع ريان المكتب وعمل صوت قبل ما يقرب من مكتب اسراء عشان تعرف أن في راجل جاي

ودخل مكتبه وطلبها تيجي وراه

ريان : حددتي نسبه المكسب

اسراء : اه ي مستر .... اتفضل

وشاف ريان الملف وأعجب بطريقه شغلها لأنها ممتازه وبتوفر للشركه

ريان : حلو اووي ي بشمهندسه
برافو عليكي

اسراء : شكرا لحضرتك
عن اذنك

ريان بتردد : احم.... انسه اسراء

اسراء : نعم

ريان : انا اسف جدا بجد علي اللي حصل بس مكنتش اعرف انك في مكتبك
بس عشان ميحصلش كدا تاني مع اي حد
هنقل مكتبك في اوضه جمب مكتبي وتقدري تقفليها ف وقت البريك براحتك

اسراء بذهول : مالوش لزوم كل دا حضرتك

ريان : لا متقوليش كدا
ومن بكرا هتلاقي المكتب في الاوضه

اسراء : انا. مش عارفه اقول لحضرتك ايه
بس بجد شكرا اووي اووي
عن اذنك

ريان : اتفضلي
وفضل ريان مبتسم بعد ما خرجت وبعدين افتكر عزومه مامته وطلع من مكتبه علي البيت .

رأيكم
عشقتها_ولكن
Dina_Dekhil
قد يعجبك أيضا
الاسمبريد إلكترونيرسالة