U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية عشقتها ولكن الفصل الخامس 5 والسادس 6 - دينا دخيل

الفصل الخامس 5 والسادس 6 من رواية عشقتها ولكن بقلم الكاتبة دينا دخيل
رواية عشقتها ولكن كاملة

رواية عشقتها ولكن الفصل الخامس 5 للكاتبة دينا دخيل

وصل ريان بيته عشان العزومه اللي هو اصلا مش طايقها

ريان : سلام عليكم

سميره / ساميه : وعليكم السلام

ساميه : ازيك يحبيبي اخبارك ايه وحشنا والله

ريان : الحمد لله ي طنط... انتي كمان وحشانا اوووي
( بيقولها من تحت ضرسه هو مش طايقهم أصلا 😂)

الهام بدلع : وانا ي ريان..... مفيش وحشتيني ي لولو
( يخربيت رخامه اهلك 😂 سوري نرجع )

ريان بضيق : ازي حضرتك ي انسه الهام

الهام بدلع: بخير ي روو

ريان بقرف : روو !!

ساميه مامتها: بدلعك ي ريان يبني

ريان ف نفسه : دلع زفت زيها
معلش قوليلي ريان افضل

وقعدوا ياكلوا والهام بتحاول تلفت نظر ريان باي طريقه
بعد الاكل

ساميه بخبث: صحيح يا ريان يبني .... كنت عايزه الهام تشتغل معاك هي شاطره اووي

ريان كان بيشرب العصير وشرق

سميره : حبيبي براحه

ريان : نعم تشتغل معايا

الهام : اه أنا متخرجه من سنتين ومش بعمل حاجه ف قلت اشتغل بقا واكيد مش هلاقي غيرك يدربني ع الشغل

ريان ف نفسه : أصل أنا طايقك الساعتين دول لما تتنيلي تشتغلي معايا

بس يعني ي طنط انا مش محتاج موظفين

سميره بحده : مفهاش حاجه يعني لو دربتها وشغلتها معاك يعني تشتغل مع الغريب وانت موجود

ريان بضيق : حاضر ي ماما
وبيبص ل الهام : تقدري تيجي من بكرا الساعه ٩
عن اذنكم وطلع اوضته

سميره : ادينا عملنا حجه الشغل عشان تبقي معاه ع طول ورينا شطارتك بقا

الهام : بس انا مبحبش الشغل ي طنط أصلا

ساميه : كله يهون يقلبي عشان ريان

الهام : هههههههههههه اه طبعا
وقعدوا يضحكوا عشان خطتهم ف توقيع ريان في حب الهام وميعرفوش أنه ريان بيبدا يقع في حب واحده تانيه

عند ريان ف اوضته بيكلم مالك

مالك : هموووت مش قادر 😂

ريان : اضحك اضحك وهما عملين رباطيه عليا
انا مش عارف هطيق البت الملزقه دي في المكتب ازاي

مالك : امك قديمه اووي 😂

ريان : والله غلطان أن بكلمك أصلا
بس ماشي مش هي عايزه تشتغل توريني بقا هتقدر ع شغل ريان الاسيوطي ازاي

مالك : اوعاااا دا هتموت انت متعرفش ابوك ف الشغل
انا مش عارف اسراء شغاله معاك ازاي البت شكلها كيوت وانت وحش 😂

ريان مش عارف ليه اضايق منه لما مدح فيها : ما تتلم يبني اي كيوت دي

مالك بخبث. : الله .... وانت مالك اتضايقت ليه

ريان بتوتر : لا مضايقتش ولا حاجه عادي ...... انا هنام بقا سلام

مالك : سلام يبيبي هيهيهييهيهيهيهيهي

ريان : يبني اعقل شويه سلام
وقفل ريان مع مالك وافتكر اسراء لما شافها وقعد يفكر فيها لحد ما نام
أما بطلنا الثاني مالك قعد يدور علي البروفايل بتاع امل وبعد وقت لاقاه وقعد شافه كله وعرف تقريبا كل حاجه عنها وبتحب ايه

مالك لنفسه : هو انا بعمل كدا ليه..... ومن امتا وانا بتصرف زي المراهقين كدا ....وايه يهمني في اي اللي بتحبه ولا لا
انا مبقتش فاهم نفسي
ودخل مالك ينام

عند اسراء وامل بيكلموا اهلهم من ع اللاب

اسراء : وحشتونا خالص والله
هتيجوا امتا ي بابا

_ أن شاء الله قريب يحبيبتي

امل : أن شاء الله ي عمي
وقعدوا كلموا اخواتهم وامهم وابوهم وضحكوا معاهم وقفلوا

اسراء : وحشوني جدا

امل : اه والله قريب هنشوفهم

وقعدت امل ع الفيس بوك وشافت بالصدفه قدامها بروفايل مالك وعليه صورته
(وطبعا فتحته كأي بنت مصريه بتشتغل عند واحد قمرر زي مالك 😉😂)

اسراء : بت ي امل انت مالك مبتسمه كدا ليه للحياه
انا شاكه فيك ي عبصمد 😂 بتعملي ايه

امل : فصلتيني يبنتي
دا دا دا ....

اسراء : انتي علقتي ..... وريني بتنيلي ايه
وشافت الفون .....اااه قولتيلي بقا مش دا مستر مالك بردو

امل : اه يختي هو ..... شفته بالصدفه ف فتحته

اسراء : امممم صدفه اهههه

امل : هاتي ابت الموبايل وخليكي في المعقد اللي بتشنغلي معاه
مش عارفه مستحملاه ازاي

اسراء بضيق : لا يختي مش معقد
دا طلع محترم اوووي عارفه دا اتأسفلي تاني أنه دخل وشافني من غير النقاب
وقالي أنه من بكرا هلاقي المكتب ف اوضه وإبقا براحتي

امل 😳 مستر ريان

اسراء :اه يختي مستر ريان
شوفتي كدا 🤤

أمل: وبعدين انتي بتدافعي عنه كدا ليه

اسراء : عادي مفيش حاجه.....بس قلت احكيلك
ويالاا ننام في شغل كتير بكره

امل : اه فعلا يالا تصبحي ع خير

اسراء : وانتي من اهل الخير يحبيبتي
وناموا وقاموا الصبح راحو الشغل وكل واحده دخلت مكتبها

امل دخلت
صباح الخير

مي : صباح النور يحبيبتي

سامح : صباح الورد والفل والياسمين

امل اضايقت من طريقته بس طنشته وقعدت تشوف شغلها وبعدين مالك طلب منهم يروحوا مكتبه

الكل : صباح الخير ي بشمهندس

مالك : صباح الخير
كنت عايز منكم توروني شغلكم اللي بدءاتوا فيه ونتناقش في الميزانيه بتاعت المشروع

امل جابت اللاب بتاعها وبداءت تشرح
ومي وسامح نفس الكلام
بس كانت طريقه امل اسهل ووضحت كل المشروع في اقل من ربع ساعه

مالك وهو منبهر من شغلها : برافو عليكي ي بشمهندسه

أمل: شكرا يفندم

خلاص تمام سامح تنزل الموقع ومعاك العمال
مي تشرفي ع الكلام دا
وأمل هتدريسي كل دا وتتابعي معاهم وتبعتيلي كل دا ع الايميل

الكل : تمام ي بشمهندس

مالك : اتفضلوا ع مكاتبكم وبالتوفيق واثق فيكم

وطلعوا كلك وكانت أمل لسه خارجه وبتلم اداواتها

مالك : احم ..... امل

أمل: نعم ي بشمهندس في حاجه تانيه اعملها؟

مالك : لا ....احم .... يعني

أمل باستغراب : في ايه حضرتك

مالك : أصل بصي روحي الحمام اعدلي خمارك

امل باستغراب خمارها معدول وفي بالها ماله دا ....بس قالت
تمام عن اذنك

وراحت أمل الحمام وهي مستغربه بس بصيت في المرايه لقيت شعرها باين شويه منه من الخمار من الحركه والشغل
ف ظبطته
وطلعت وهي مبتسمه من تصرف مالك وراحت مكتبها

( الواد حمش يشباب 😉 )

عند اسراء
كان وصل مالك في مكتبه واسراء دخلت عنده تراجع معاه الشغل و...

الهام : صباح الخير ي رووو

ريان ف نفسه: الله يخربيتك ع ام دا اسم

وقال بضيق : صباح الخير ي انسه الهام اظن ان قلت اسمي ريان وبالنسبه لهنا البشمهندس ريان
وحضرتك جايه الشغل متأخر ساعه وتلت وانا مبحبش التأخير
ودخلتي من غير ما أءذن ليكي انك تتدخلي
احنا في مكان شغل مش نادي

( الواد مخنوق منها بقاله كتير وما صدق يطلعه بقا 😂نرجع )

الهام بضيق : سوري

ريان لإسراء اللي بتتفحص الكائن اللي قدامها اللي هي الهام من طريقتها ولبسها ومارتاحتش ليها

ريان : اسراء

اسراء : نعم ي بشمهندس

ريان : الانسه الهام جايه تتدرب عشان هتشتغل معانا
فهميها شغلنا بما انك فهمتي كل حاجه بسرعه

اسراء : ف نفسها ( وانا هستحملها 🙄)

تمام ي بشمهندس
اتفضلي معايا ي انسه الهام

الهام بدلع : ايه دا هو مش انت اللي هدربني ي ريان

ريان بنفاذ صبر : بشمهندس ريان
واه البشمهندسه اسراء معاكي وفي تيم كمان لو احتاجتي حاجه هيساعدك

الهام بضيق : تمام
وطلعت الهام واتصلت ب سميره
شوفتي ي طنط ابنك ....وكمان مش هو اللي هيدربني وأنا جايه عشان افضل جمبه

سميره : وايه يعني
ما انتي بردو معاه ف المكتب .... اتشطري انتي بس

الهام : ماشي ي طنط ...هروح بقا اشوف البتاعه اللي هدربني دي

سميره : سلام يقلب طنط

وقفلت الهام معاها وراحت لإسراء اللي قعدت تفهمها وهي مش مركزه أصلا معاها وكل شويه تعيد تاني ومش فاهمه

اسراء بعصبيه : ي انسه الهام ركزي معايا شويه حرام عليكي بقالي ساعه ونص بفهمك وانتي مش مركزه معايا أصلا
وانا ورايا شغل تاني

الهام بزعيق : انتي بتتعصبي عليا كدا ليه .... انتي مجرد شغاله هنا وبعدين انتي اللي مش عارفه توصليلي كلامك بطريقه افهمها

وطلع ريان ع صوتهم
ايه اللي بيحصل هنا دا

الهام بدلع وحزن مصطنع : شوفت ي ريان.... بتزعقلي أن مش فاهمه وهي اصلا اللي مش عارفه تفهمني كويس
وبعدين مش طنط بعتاني ادرب يعني اكيد هاخد وقت ع ما افهم

اسراء : حضرتك ي بشمهندس هي اصلا مش مركزه وانا ما شرحتش حاجه صعبه أنها تاخد ساعه ونص والانسه متفهمهاش غير أن مزعقتش. ..... انا بس طلبت منها تركز

ريان كان عارف أصلا أن الهام مستهتره وكمان هو شاف طريقه شغل اسراء وعارف أنها ممتازه

ريان : خلاص ي إسراء هفهمها انا وخلصي انتي شغلك

ابتسمت الهام بنصر ودا اللي كانت عايزاه ( متعرفش اللي هيحصلها 😂🤫)

وقعد ريان وشرحلها كل حاجه بطريقته وكانت هي سرحانه أصلا فيه ولما خلص اديته اشاره أنها فهمت وهو عارف انها مش فاهمه حاجه اصلا

ريان : تمام كدا هتروحي مكتبك هتلاقي ع اللاب ملفات
الملفات دي ف غلطات المطلوب منك تعرفيها وتصلحيها
الموضوع سهل
اتفضلي
( مش انا قلت متعرفش اللي هيحصلها 😂)

الهام : ايه ....هو انا هبدا شغل كدا ع طول

ريان بسخريه : اومال جاين نهزر هنا
يالا ي انسه ع مكتبك والملفات دي تخلص وتتبعت

طلعت الهام لمكتبها وهي مضايقه

واسراء شافتها وكانت عارفه أن شخصية الهام مش هتستحمل ريان ف ضحكت لما شافتها طلعت من عنده كدا
تستاهلي عشان تبقي تتبلي عليا وتقول أن زعقتلها
وخلصت اسراء شغلها واستأذنت تمشي وامل كمان مشيت

عشقتها ولكن الفصل السادس 6

عند اسراء وامل بعد ما رجعوا من الشغل

أمل: انتي ساكته كدا لي .... ف حاجه مضايقاكي

اسراء بغيظ : مضايقه .... لا دا انا هطق بس

أمل: هههههههههههه طب براحه فهميني

اسراء : قال ايه واحده كدا بعيد عنك حماره تقريبا قريبه المدير وجايه تشتغل

أمل: وايه مضايقك

اسراء : بت رخمه و... وقالتلها علي اللي حصل

أمل: معلش بقا استحمليها وحاولي تتجنبيها

اسراء : ما دا اللي هعمله
بس انتي مالك انتي كمان

أمل: مخنوقه والله من تصرفات اللي اسمه سامح دا

اسراء : هو عملك حاجه

امل : لا ..... بس طريقته مش مريحاني .... ودايما كلامه معايا غريب ونظراته

اسراء : دا ايه القرف دا .... اكل العيش مرر صحيح ي اوختشي 😂

أمل: هههههههههههه ..... ضحكتيني والله

اسراء :طب يالا ننام بقا

امل : انا مش جايلي نوم دلوقتي....هقعد ع الفون شويه

اسراء : اوك
انا بقا هموت وانام تصبحي على خير

امل : وانتي من اهله يقمر

ومسكت امل فونها تقلب فيه .... فيس بوك واتساب انستجرام
وجاتلها رساله من مالك ع مسنجر

امل استغربت ....فتحتت المسدج
" احم ... اسف لو هضايقك ي امل انا البشمهندس مالك
كنت عايز افكرك انك تبعتيلي الشغل علي الإيميل عشان شكلك نسيتي "

امل لنفسها : ياااربي دا انا نسيت خالص

وردت " تمام ي مستر مالك انا اسفه فعلا نسيت
هبعتولك حالا "
وبعتته

وبعدين بشويه لقيته بيرن
استغربت اكتر وقلبها بيدق جامد اووي ومش عارفه السبب
ف ردت

مالك : انا اسف بجد أن بكلمك في الوقت دا .... بس في كام غلطه صغيره عايز اراجعها معاكي لأن الشغل هيتسلم بكرا

امل : ولا يهم حضرتك ي بشمهندس
ثواني بس هجيب اللاب وابقي مع حضرتك

وطلعت امل برا الأوضه عشان اسراء تعرف تنام

وراحت أمل تجيب اللاب من ع التربيزه وكانت الدنيا ضلمه ف اتكعبلت واتخبطت جامد في رجلها وصرخت والفون وقع منها واتقفل

امل : ااه يااني .... قلت لإسراء كام مره ما تقفلش النور
وقامت فتحت النور وجابت فونها لقيته اتقفل

امل : ياااربي دا اتقفل ومستر مالك كان ع الفون
ف حطت الفون ع التربيزه يتفتح علي ما تحط اي مسكن لرجلها

عند مالك
اول ما سمعها بتصرخ اتخض
الو ....الو امل ....امل ولقي الخط قفل ورن تاني لقي الفون مقفول واتخض اكتر وافتكر أن حصلها حاجه
ولقي أن الحل يتصل بريان ياخد رقم اسراء عشان يطمن ع امل

ريان بنوم: ايه يبني بترن ليه دلوقتي

مالك بسرعه : ريان ابعتلي رقم اسراء الموظفه الجديدة بسرعه

ريان : ليه ....في ايه

مالك : مش وقته ي ريان الله يخليك
ابعتهولي بس وابقا اقولك

ريان بعتله الرقم وكان مضايق أنه اخده ومش عارف ايه سبب الضيقه دي ....دي موظفه عنده مش اكتر

( الواد دمه حامي بيغيير يجودعااان 😉😂)

اخد مالك الرقم ورن ع اسراء وهي قامت

اسراء بنوم : الو ....مين معايا

مالك : انا مالك زيدان ي بشمهندسه

اسراء : مستر مالك .... خير ف حاجه

مالك : انا اسف بس كنت بكلم امل ف حاجه ف الشغل وفجاءه صرخت والفون اتقفل ف ملقتش غيرك اكلمه

اسراء بخضه : وبصت ع سرير امل ملقتهاش
طب ثواني هطلع اشوفها ف باقي الشقه

وطلعت اسراء ولقت امل بتحط كريم علي رجليها

اسراء: امل انتي كويسه

امل : اه ...اتخبطت بس في التربيزه عشان حضرتك تبقي تخلي الشقه ضلمه تاني
بس استني .... انتي ايه صحاكي

اسراء بتذكر : يالهوي نسيت
الو اه ي مستر مالك هي تمام ...تقدر ترن ع فونها دلوقتي

أمل: بشمهندس مالك وانتي
ف ايه

اسراء حكت لها اللي حصل
بس ايه 😉

امل : ايه يبت

اسراء: يعني مش عارفه ايه ....أصل مش طبيعي اللي بيعمله مستر مالك
بس ماشي نتكلم الصبح عشان عايزه انام
ودخلت اسراء تنام

ومالك رن علي امل تاني
واول ما فتحت

مالك : انتي كويسه ؟؟.... طب. حصلك حاجه؟ صرختي جامد ليه كدا ؟؟
( الواد وقع خلاص 💃😉)

امل : انا تمام ي مستر مفيش حاجه اتكعبلت بس والفون وقع ف اتقفل

مالك : لو حاسه انك مش تمام ممكن متجيش الشغل بكره وارتاحي
( ودا عند مين 🙄 من امتا في مدير كدا 🙄 بس قلنا الواد وقع خلاص ف مدققوش 😂)

امل : لا الموضوع مش مستاهل ... دي حاجه بسيطه
انا جبت اللاب ... ممكن حضرتك تقولي ع الغلطات عشان اصلحها
وقعدوا اكتر من ساعتين يتكلموا في الشغل

امل : أخيرا خلصنا

مالك : هو انا كنت مضايقك اووي كدا

امل : لا والله مش قصدي...بس تعبت مش اكتر

مالك : هههههههههههه يستي متتخضيش أنا بهزر
هسيبك بقا تصبحي على خير

امل : وحضرتك من اهله
وقفلت

مالك حط ايده ع قلبه : اااه انت مالك يعم بدق بسرعه اووي كدا ليه كل ما اكلمها
كانت مكالمه شغل بس احلي مكالمه في حياتي

( تشربوا ايه ي سناجل ي بائسين عشان ملناش دعوه بالكلام دا )

عند أمل الوضع كان أسوأ بس الاكيد انها فرحانه
امل لنفسها : هو ليه اتخض عليا اووي كدا وكلامه معايا بهدوء
رغم أنه بيبقي في الشركه حاجه تانيه .... اكيد دي مش معامله مدير لموظفه عنده
ولا انا بيتهيألي ودا عادي
( لا يختي مش عادي هو في مدير عسل كدا 🙄)

وتعبت من التفكير في نامت

تاني يوم الصبح في مكتب اسراء
وصل ريان : صباح الخير

اسراء :صباح النور ي بشمهندس

ريان : تعالي ع المكتب ي اسراء ومعاكي ورق المشروع

اسراء : تمام
ودخلت اسراء ل ريان
ومضي الورق ولسه هتطلع

ريان : اسراااء

اسراء حست قلبها دق مره واحده جامد ودي اول مره تحصل كدا لما تسمع اسمها

نعم

ريان بتردد : هو يعني ....

اسراء لنفسها من أمتا دا بيبقي متردد ف كلامه كدا

ريان : انتي معايا

اسراء : اه يفندم ....نعم

ريان : هو مالك كلمك امبارح ؟
يعني قصدي كان عايز ايه ؟

اسراء: وحضرتك بتسأل ليه

ريان : لا عادي بس رن عليا اخد رقمك بسرعه ومقاليش ع اللي عايزه

اسراء : اه
دا كان عايز امل وفونها كان مقفول

ريان بابتسامه: بجد ..... طب تمام

صحيح الهام جات

اسراء : لا لسه

ريان : استغفر الله العظيم
كام مره قلت مش عايز تأخير
ودخلت الهام

الهام بدلع كالعاده: معلش بس كنت تعبانه اووي من شغل امبارح

اسراء لنفسها : شغل !!
هو لعب العيال والملفين دول شغل ... انتي لسه مشوفتيش شغل ريان الاسيوطي

ريان : اخر مره ي انسه
واه عملتي ايه ف اللي طلبته منك ف المشروع

قامت إلهام ووقفت جمبه وفتحت اللاب بتاعها توريه شغلها وكانت بتتعمد تقرب منه بطريقه مش كويسه
بس هو مركز ف الشغل

انما بطلتنا
اسراء واقفه بتطلع ناار من ودانها
وف نفسها : انتي لازقه فيه كدا الله يخربيتك
مفيش كسوف ..... وهو كمان مش واخد باله
ولا يمكن واخد باله وعاجبه الوضع دا وجاي ع مزاجه

فاقت ع كلام ريان
ريان : خلاص ي إسراء روحي مكتبك وحضري نفسك في اجتماع كمان ساعه

اسراء :ايه .... يعني امشي اطلع برا

ريان باستغراب : اه ....في حاجه ولا ايه

اسراء وعينيها ع الهام اللي واقفه جمبه : وقالت بسرعه
طب والهام

ريان ضيق عينه باستغراب مالها

اسراء : ها ....لا مفيش حاجه
وطلعت اسراء وراحت الحمام وهي متغاظه ومش عارفه ليه
البت معاه ف المكتب ولوحدهم ..... وهي ما بتصدق
بتكلم نفسها
طب وانتي مالك .... دا مجرد مدير ...في ايه ي اسراء
وغسلت وشها وظبطت نقابها وطلعت تكمل شغلها

عند أمل دخلت ل مالك

امل اول ما دخلت حست برعشه خفيفه كدا اول ما شافت مالك ببدلته

امل : صباح الخير ي بشمهندس

مالك : صباح النور .... خلصتي الورق

أمل: اه كله جاهز والشغل ف الموقع يبدا كدا من النهارده

مالك : طب الحمد لله.... عايزك تتابعي كل حاجه ي امل
انا بثق فيكي وفي شغلك

امل ماكنتش ناقصه كلام من دا هي اصلا من امبارح متلغبطه وحاسه بحاجات غريبه

امل : تمام ي مستر وطلعت امل وهي بتعرج بسيط عشان وقعه امبارح بتاعت رجلها

مالك : رجلك تمام؟؟ شكلك تعبانه
( ماجراههه ي مالك اتقل شويه 😂)

أمل: لا دي حاجه بسيطه الحمد لله
عن اذنك وخرجت

مالك فضل سرحان في أثرها ومبتسم

عند اسراء

اسراء : بشمهندس ريان ..... الاجتماع جاهز

ريان : تمام انا جاي اهوو

ودخلوا الاجتماع ودا كانت شركه تانيه بتتعاقد معاهم
والمفروض فريق ريان يقدموا عرض للموقع والمشروع

الهام : ريان هو ممكن اقدم انا

ريان : انتي درستي المشروع كويس ؟

الهام : اه واقدر اقدمه متقلقش
عشان تعرف أن بفهم بسرعه

ريان كان قلقان منها بس حاول يقتنع أنها هتعرف تقدم
وبدءات الهام تقدم المشروع بس كلامها ما عجبش الشركه التانيه لأنها رافعه السعر وفي وقت قليل ف طبيعي مش يعجبهم المشروع
واسراء واخده بالها من كل دا بس مش عارفه اعمل ايه

محمود : ايه الكلام دا ي بشمهندس ريان
انتو رافعين السعر اووي وحاطين شرط جزائي كبير

ريان مكنش طايق الهام عشان وثق ف كلامها

بس اسراء أنقذت الموقف

اسراء قامت : لا يفندم مش رافعين السعر ولا حاجه هي بس البشمهندسه الهام معرفتش تقدم كويس
وبدءات اسراء تظبط الدنيا لحد ما المتعاقدين فهموا المشروع وعجبهم جدا

محمود : كدا جميل جدا ي بشمهندس
نقدر نوقع العقد مش كدا ي شاكر

شاكر : اه الانسه اسراء شرحت كل حاجه بطريقه جميله فعلا.

شامين ريحه شياط 🌚 دي الهام بعد ما فشلت واسراء عرفت تقدم المشروع والكل بيمدح فيها
وكانت متغاظه وما صدقت الاجتماع خلص وطلعت برا وهي بتتوعد لإسراء ومش طيقاها

وخرج المتعاقدين وريان معاهم
وكانت اسراء بتلم حاجتها بس

شاكر بمكر : برافو عليكي ي بشمهندسه

اسراء : شكرا .... دا شغلي

شاكر : هو ريان بيقبضك كام

اسراء : نعم !!!! ليه ....معتقدش حاجه تهم حضرتك

شاكر : أصل مستخسر الدماغ دي والقمررر دا يشتغل مع ريان ...... ايه رأيك تشتغلي في شركتي وهديكي ضعف اللي بيديهولك ريان

اسراء : بعصبية: اولا حضرتك احترم نفسك
ثانيا انا مش هسيب الشغل هنا ف شركه مستر ريان
وانا مش بشتغل عشان الفلوس الزياده

ريان كان رجع وسمع عرض شاكر ليها واستني يسمع ردها وابتسم وفرح من كلامها و

ريان : هو انت ي شاكر جاي للعقد ولا جاي تاخد الموظفين اللي عندي

شاكر. بتوتر : أصل ...

ريان : لا أصل ولا فصل ي شاكر شرفت

طلع شاكر وهو مضايق من ريان و
ماشي ي ريان بس مش هسيبك تاخد كل حاجه زي كل مره حتي اسراء
دي عليها عيون تحل من على حبل المشنقه

ريان : اسراء .... انا صرفت ليكي مكافأه على مشروع النهارده ولولا شطارتك كنا هنخسر العقد

اسراء بفرحه :متشكره جدا لحضرتك

ريان فرح لما شاف لمعه عينيها وهي فرحانه

ريان : انتي تستاهلي كل حاجه حلوه

اسراء : احم شكرا لحضرتك. .....عن اذنك

ريان ليه مكنش عايزها تمشي
ليه حاسس أنه عايزها تفضل قدامه
ليه حاسس بحاجه غريبه ف قلبه

( دا الحب بس ريان صعب شويه ع ما يعرف دا)

توقعاتكم
عشقتها_ولكن
قد يعجبك أيضا
الاسمبريد إلكترونيرسالة