U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية عشقتها ولكن الفصل الخامس عشر 15 والسادس عشر 16

الفصل الخامس عشر 15 والفصل السادس عشر 16 من رواية عشقتها ولكن بقلم الكاتبة دينا دخيل
رواية عشقتها ولكن كاملة

رواية عشقتها ولكن الفصل الخامس عشر 15 للكاتبة دينا دخيل

بعد مرور أسبوع علي أبطالنا
إسراء اللي اتاكدت إنها بتحب ريان لما قعدت طول الاسبوع بتفكر فيه ومش عارفه تخرجه من تفكيرها

ريان اللي عرف جدته إنه بيحب إسراء وبيحكيلها كل حاجه بتحصل وهو فرحان جدا

إلهام وسميرة اللي مش بيبطلوا يفكروا عشان يخلصوا من إسراء

أمل اللي بتعامل مالك كموظفه ومدير مش اكتر حتي بعد كلامه وتلميحاته ليها بس كانت فرحانه ونفسها يبقي تفكيرها صحيح بس دا جواها

مالك اللي ما زعلش من طريقه أمل بالعكس هو كدا عرف أنه اختار صح لما قلبه حب أمل

عند اسراء وامل في البيت

أمل: اسرااااااااااء عملتي كيكه .... عبدالرحمن بيحبها

اسراء: اه عملتها ...... وعملت بردو حلويات تانيه عشان ماما

امل : طب كدا كويس اووي
رتبنا البيت كله وعملنا اكل وكله كدا تمام
هما علي وصول أصلا

إسراء: ماما وبابا وحشوني اووي

امل: وانا والله ماما وبابا وحشوني جدا واللي وحشني اكتر عبدالرحمن

اسراء: طب يالا نقوم نحضر باقي الأكل علي ما يجوا

( اشرحلكم البيت ازاي ... عشان ميبقاش في تفكير ازاي عايشين العيلتين مع بعض وفي شاب منهم كمان والمفروض أنهم ملتزمين
البيت بتاعهم عباره عن شقتين كبار مفتوحين علي بعض بس اللي بيفصلهم باب عشان يبقوا براحتهم
واسراء وامل لما كان اهلهم مسافرين كانوا قاعدين في شقه واحده
دلوقتي بردو مع بعض بس في باب فاصل بين الشقتين )

جرس الباب رن وجريت اسراء وأمل فتحوا الباب وكان اهلهم رجعوا
حضنوهم وسلموا عليهم كلهم و ...

عبدالرحمن: وحشتيني يا مولتي يقمر

امل: وانت اكتر يا بودي.... وعايزه اقعد ارغي معاك زي زمان

عبدالرحمن: ارتاح بس واعملك اللي انتي عايزاه

امل : اشطاا

ليلي ( أم امل ) : عاملين ايه يحبايبي وحشتونا خالص

اسراء: احنا كويسين اووي يا عمتو والله

سالم ( ابو امل ) يارب دايما يحبايبي .... صحيح ايه اخبار. الشغل

أمل: الحمد لله كويس اووي يا بابا

حنان ( ام اسراء ) : يعني مرتاحين فيه

اسراء : اه يا ماما الحمد لله

محمد ( أبو إسراء) : جبنالكم معانا بقا هدايا كتير

سالم: اه يارب تعجبكم

امل: هنشوفهم كلك متقلقوش .... بس قوموا يالا غيروا هدومكم وارتاحوا شويه علي ما نحضر الاكل

ليلي : طب انا وحنان هنغير ونيجي نحضر معاكم

اسراء: يا عمتو ارتاحي انتي
وبعدين معاكي اسراء وامل احلي طباخين في مصر 😌 ولا ايه يا موله

امل : اكيد احنا جامدين اوي 😌

حنان : هههههههههههه الواحد والله كان مشتاق لهزاركم دا

اسراء : اهو ست الكل هتيجي ترغي ومش هنخلص الاكل بقا 😂

حنان : انا رغايه يا لمضه ... ماااشي

محمد : هههههههههههه سيبيها يا حنان بقا
وبعدين دي حبيبتي متزعلهاش

اسراء : والله انت احلي اب في الدنيا
وراحت باست ايده وراسه

امل : طب فقره العشق الممنوع دي مش هتخلص
يالا قدامي الأكل ابت 😂

اسراء : هههههههههههه اه يالا

ودخل اهلهم ارتاحوا وكانوا اسراء وامل جهزوا الاكل وخرجوا أكلوا
وقعدوا اتكلموا كتير اووي وهزروا وبعدين داخلوا يناموا يرتاحوا من السفر

وأمل واسراء قعدوا يتفرجوا علي الهدايا اللي جابوهالهم
وكانت لبس واكسسوارات وجزم وكلهم ماركه وجمال جدا
وظبطوا كل حاجه وشالوا الهدايا
وبعدين أمل راحت تنام مع اسراء في اوضتها

امل: كويس إن بكره اجازه من الشغل عشان نعرف نقعد معاهم كتير

اسراء: اه
هتعملي ايه في موضوع مالك .....هتقولي لباباكي

امل: مش عارفه.... بس هتكسف اقول لبابا

اسراء: خلاص قولي لعبدالرحمن وهو يتصرف

امل: تصدقي فكره
هقوله بكره وهو بقا يشوف الدنيا

اسراء : ماشي يقلبي تصبحي على خير

امل : وانتي من اهله يحبيبتي
ونامت امل وهي مقرره تقول لعبدالرحمن اخوها بكره وتشوف هيعمل ايه

( ملحوظه.. عبدالرحمن وامل يعتبروا صحاب قبل اخوات وهي بتحكيلوا كل حاجه ومش بتخاف منه وهو بيعاملها كأنها بنته )

تاني يوم الصبح طبعا كأي بيت قاموا صلوا فرضهم وفطروا مع بعض وبعدها اهلهم مشيوا يزوروا باقي قرايبهم وصحابهم

امل دخلت اوضه عبدالرحمن

عبدالرحمن: تعالي يا موله ....اوضتي نورت

أمل : منوره بيك يا بودي

عبدالرحمن: طالما بتتكلمي بأدب كدا يبقي جايه تقولي حاجه وشكلك متوتر 😂

امل: بأدب 😑
هو انا مش مؤدبه

عبدالرحمن: هههههههههههه تعالي بس قوليلي عايزه ايه الاول

أمل رجعت اتوترت تاني
وقعدت جمبه

عبدالرحمن: ها يستي ارغي

امل بتوتر : هووو .....يعني ..... كنت عايزه

عبدالرحمن: هنام جمبك كدا
اخلصي ابت .... وبعدين شكلك متوتر كدا ليه
ولا كأنك جايبه عريس 😂

امل: ايوه هو دا بالظبط

عبدالرحمن: نعم ياروووووح امك

امل : اهدي يسطااا .... هفهمك

عبدالرحمن: هديت ... فهميني يختي

امل : هو يبقي مديري في الشغل و كدا يعني

عبدالرحمن: كدا يعني اللي هو ايه
هو قالك حاجه

امل بسرعه : لا والله مقالش
كل اللي قاله أنه عايز معاد يكلم بابا وكان تلميحات بس مش اكتر
واكيد انت عارف اختك يعني

عبدالرحمن: بتحبيه ؟

امل كانت هتموت من كسوفها وخدودها احمرت اووي وبصت في الأرض

عبدالرحمن: هههههههههههه يالهوي عليكي
طب هاتي رقمه يختي لما اكلمه

امل اديته الرقم وهو رن عليه يكلمه

عند مالك كان في بيته لما موبايله رن

مالك : ألو

عبدالرحمن: البشمهندس مالك؟

مالك : اه .... مين معايا

عبدالرحمن: انا عبدالرحمن سالم ..

مالك بفرحه :. اخو أمل

عبدالرحمن وهو بيبص لأمل : اه اخو أمل

امل اتكسفت اووي وبصت في الأرض

مالك : حضراتكم جيتوا من السفر امتا

عبدالرحمن: جينا امبارح

مالك : حمدالله على السلامه
أكيد امل قالتلك أن عايز معاد اجي البيت

عبدالرحمن: اه قالتلي
بس اتصلت بيك أفهم ليه سبب الزيارة

مالك : عايز أتقدم للأنسه أمل

عبدالرحمن بجدية : بس احنا مش موافقين وامل في عريس متقدملها من فتره

أمل بصت لعبدالرحمن بصدمه وكانت هتعيط

ومالك قام من مكانه : نعمممممم انت بتقول ايه

عبدالرحمن بجدية : زي ما سمعت يا بشمهندس

مالك بحزن : طب يعني اللي متقدم دا احسن مني !! انت لسه متعرفتيش
والله لو لفيت الدنيا ما هتلاقي حد يحب أمل زي ما بحبها ولا حد هيقدرها زيي
وانا مستعد اعمل اي حاجه بس امل تكون من نصيبي

عبدالرحمن: اي حاجه؟

مالك : اه اي حاجه

عبدالرحمن بضحك : هههههههه خلاص هات اهلك كمان يومين وتعالي اتقدم رسمي
كنت بهزر معاك يسطااا

مالك بفرحه: وحيات امك اجي اتقدم رسمي بجد

عبدالرحمن: هههههههه اه

مالك : ياخي ايه هزار البوابين بتاعك دا
انا قلبي وقف

عبدالرحمن: مش اعرف بتحبها بجد ولا لا

مالك : أقسم بالله بعشقها

عبدالرحمن: ما تلم نفسك يبني انت هتسوق فيها
لاحظ إن اخوها

مالك : هههههههههههه خلاص هسكت
يبقي معادنا بعد بكره أن شاء الله

عبدالرحمن: اه إن شاء الله الساعه ٨

مالك : ماشي يا برنس
سلام مؤقت
واتصل مالك بريان علي طول

مالك : رياااااان تحضر أحلي بدلة عندك وتيجي تخطبلي بعد بكره 😌

ريان : ههههههههه اخطبلك
طب فهيمني

مالك قاله الحوار بينه وبين عبدالرحمن

ريان: حبيبي الف مبروك.... عقبال ما يوافقوا

مالك : اكيد هيوافقوا .... انا مالك زيدان 😌

ريان : هههههه.... بس هنروح لوحدنا كدا
هجيب امي وجدتي بردو كلنا عيلتك يا مالك

مالك بضحك : نوجااا ماشي
انما سميره ....سميرة لااااااا ..... دي لو جات هتفشكلي الجوازة وانت عارف ههههه

ريان بحزن : هي اصلا مكنتش هتيجي
هي مش فاضيه غير لصحباتها وخروجاتها

مالك حس بزعل صحبه
مالك : انت هتقلبهالي نكد يبني ولا ايه
يسترك ربنا دا انا فرحان

ريان : ههههههه لا يعم مفيش نكد
خلاص بعد بكره نروح انا وانت ونوجااا

مالك : ربنا يخليك ليا يصاحباااااااي

ريان : وميحرمنيش منك يا مالك

عند أمل

امل : ايه الهزار دا بس يا عبدالرحمن

عبدالرحمن: بشوف ردة فعله هتبقي ازاي عشان اعرف اختي هتبقي مع مين
بس شكله بيحبك وواقع اووي

امل بفرحه : بجددد يا عبدالرحمن

عبدالرحمن: هههههههه دا شكله مش لوحده اللي واقع

امل حدفته بالمخده : والله انت رخم
وخرجت برا الأوضه بسرعه وهي مكسوفه

عبدالرحمن: ههههه..... ربنا يفرحك يا امل

عند أمل وإسراء

اسراء : ها عملتي ايه

امل بفرحه : وهي بتطنطط علي السرير
جي بعد بكره يتقدملي يا سووو

اسراء بفرحه : بجدد
مبرووووووووووك يروووحي

أمل: فرحانه اووي اووي 💃

إسراء: هههههههههههه يارب دايما
بس اتلمي دا لسه جاي ومش وافقوا

امل :نزلت من علي السرير : ابت قفلتيني يخربيتك

اسراء: هههههههههههه بقولك كدا عشان تبطلي تطنططي علي السرير هيوقع كدا ومش هنلاقي حاجه ننام عليها
وان شاء الله يوافقوا

امل : يارب يارب يارب
زمان عبدالرحمن بيقول لبابا دلوقتي

اسراء: متقلقيش بقا
فرحانه لفرحتك دي

أمل: عقبال فرحتك اللي بجد
لما ريان يجي يتقدملك 😉

اسراء : اتكسفت
خلينا فيكي دلوقتي
تعالي نشوف هتلبسي إيه

امل حضنت اسراء
ربنا يخليكي ليا يا أحلي اخت في الدنيا

اسراء: حبيبتي
عشقتها_ولكن
دينا_دخيل

عشقتها ولكن الفصل السادس عشر 16 بقلم دينا دخيل

مر يومين وفيهم كان سالم ومحمد وعبدالرحمن بيسألوا عن مالك وأخلاقه وعرفوا أنه شريك في شركه الاسيوطي للعمران وكله شكر فيه وفي احترامه .

وفيهم حنان وليلي واسراء وامل كأي بيت مصري لما يجي عريس بيرتبوا البيت وينضفوه وبيحضروا الاكل والحلويات والمشروبات
وكانوا اخدوا اليومين دول أجازة من الشغل ومالك كان طبعا موافق

ومالك كان بيجهز كل حاجه عشان مقابلته مع أهل امل وكان ريان معاه

حنان : اسرااااااااااء رتبتي الصالون

اسراء: اه يماما رتبته وكل حاجه تمام

ليلي: وانتي يا امل اخبار الحلويات ايه ..... الناس كلها ساعتين ويجوا

امل : كدا كل حاجه جاهزه متقلقوش

حنان : حاسه ان في حاجه ناقصه

امل : يا عمتو كل حاجه والله جاهزه ليه التوتر دا بس

ليلي : انتي لسه هتتكلمي انتي كمان ... بسرعه يالا ادخلي خدي شاور والبسي فستان من اللي جبناهم معانا و ظبطتي الدنيا يالاا

امل: حاضر يماما

اسراء: وهي بتحضن امل متقلقيش يا عمتو انا معاها اهوو وهتبقي اجمل عروسه
يالا بينا يا مولتي في شغل كتير

امل: اشطاا يالااا هاخد شاور علي ما انتي تجهزي الفستان بقا والخمار وكل حاجه

اسراء: ماشي يروحي يالاا
ودخلت إسراء وأمل الأوضه

ليلي : ربنا يخليهم لبعض ويديم محبتهم ويجعلهم دايما سند لبعض

حنان : يارب يا ليلي
يالا احنا نشوف المطبخ علي ما البنات يخلصوا

ليلي: اه يالا بينا

امل خلصت الشاور ولبست فستانها وخمارها بمساعده اسراء وحطت ميكب خفيف جدا مش ظاهر
وكان الفستان لونه رمادي فاتح وكان مزين بورود وحزام أسود... وعليه خمار نبيتي

اسراء: يااااني علي القمرررر

أمل بتوتر : بجد يا إسراء

اسراء: والله قمرررر دا مالك ممكن يخطفك 😂

امل: هو مجنون ويعملها

اسراء: الجرس بيرن ....شكلهم وصلوا

امل : اسراء انا متوترة اووي وحاسه قلبي هيوقف

اسراء : اهدي يحبيبتي.... دا فرحه مش أكتر

وعبدالرحمن فتح الباب وكان مالك وريان ونجوي جدته

مالك : عبدالرحمن صح

عبدالرحمن وهو بيسلم عليه : اه انا .... وانت طبعا مالك

مالك: اه انا مالك زيدان

عبدالرحمن: اتفضل يا بشمهندس

ودخل مالك وريان ونجوي وكان في انتظارهم حنان وليلي وسالم ومحمد

سالم : اتفضل يبني أنا سالم والد امل

مالك : اهلا يا عمي تشرفت بمعرفتك
دا ريان صحبي و اخويا
ودي جدته نجوي

نجوي : وزي ابني بالظبط

محمد : ربنا يديم المحبه يا حجه

ليلي وحنان سلموا علي نجوي

نجوي : لما انتو كدا ما شاء الله
يبقي لازم امل واسراء يكونوا بالاحترام دا

حنان : ربنا يخليكي

ليلي : انا مامت امل

نجوي : تشرفت بيكي يحبيبتي

أمل وإسراء واقفين وراء الستارة بيبصوا عليهم

امل بهمس: دي جده ريان دي عسل

اسراء بهمس زيها : بس ريان اعسل هيييييح عليه وهو لابس كاجول

امل : هييبح وحياتك دا وقتك انتي وريان بتاعك
شوفي مالك قمررر ازاي يالهوووي انا مكسوفه

اسراء : اه يعني هتفضلي واقفه هنا

امل : اه
مكسوفه اطلع وحاسه أن وانا شايله الصينية هوقعها عليه

اسراء: ههههههه هموووت

امل: يخربيتك وطي صوتك هتفضحينااا

اسراء بتحاول تكتم ضحكتها علي شكل امل وتوترها

امل: ماشي ماشي
ليكي يوم وهضحك عليكي فيه

اسراء: بس هو يجي اليوم دا بس

امل : بت بقولك هاتيلي موبايلي

اسراء : دا وقت موبايلك عايزاه ليه

امل:. عايزه اصور مالك من غير ما ياخد باله وتبقي ذكري قراية الفاتحه

اسراء: الحب ولع في الدرة اووي يعني

أمل: مش وقت ألش وحياتك
يالا هاتي الفون قبل ما حد ما يشوفنا واحنا مستخبين كدا وراء الستارة

اسراء : حاضر
اهو يختي خدي

اخدت أمل الموبايل وصورت مالك وهي بتصوره اخر صورة
مالك شافها وغمزلها وهو بيبتسم و..

امل استخبت مره واحده

اسراء : مالك ابت عملتي كدا ليه

امل: احيههههه مالك شافني وانا بصوره وضحكلي كمان

اسراء: ههههههه هههههه ههههههه احسن تستاهلي

نجوي : اومال فين عروستنا الحلوة

ليلي : حاضر هندهلها دلوقتي

ليلي دخلت لقيت اسراء وامل واقفين بيتكلموا وهما مستخبين وهما اتخضوا اول ما شافوها

أمل: عاااا
ايه دا يماما خضتينا

ليلي : انتي واقفه انتي وهي هنا بتعملوا إيه

إسراء: بنتك مكسوفه ومش راضيه تتطلع

ليلي : لا والله
اطلع اقولهم كدا مثلا
وبعدين دا ماشاء الله مالك طول بعرض وقمررر ابت يا امل
هو وصاحبه اللي معاه ريان
مش دا مديرك يا إسراء

إسراء قلبها دق جامد اووي لما سمعت اسمه

اسراء: اه يا عمتو مديري

ليلي : بسم الله ما شاء الله الاتنين حلوين وقمرات وباين عليهم الاحترام

اسراء وامل في وقت واحد بهياام : ااااه جدا

ليلي : نستوني يخربيتكم يالا يا امل هاتي صنية العصير وتعالي ورايا
وانتي يا إسراء بعدها بشويه هاتي طبق الحلويات دا

اسراء : نعم .... وانا اطلع ليه ما دي قرايه فاتحتها هي مش انا

امل : ههههههه فرحانه من قلبي لروح قلبي 

اسراء : اخرسي ابت

امل : عشان تحسي بيا

ليلي : بطلوا كلام كتير الناس مستنيه
يالا يا امل شيلي الصينيه وخلي ضهرك مستقيم كدا
وبصي في الأرض

اسراء: ههههه عمتو ايه الشغل القديم دا

ليلي : اسكتي ابت انتي كمان يالاا

وطلعت أمل وهي شايله صينية العصير
ومعاها ليلي

مالك لما شافها قام اخد منها صينيه العصير وهو مبتسم وفرحان وهي باصه في الأرض وحاسه أنه سامع صوت ضربات قلبها من علوها

نجوي : تعالي جمبي هنا يحبيبتي

أمل راحت جمب نجوي وسلمت عليها

نجوي : ماشاء الله يا مالك عرفت تختار

مالك : عيب عليكي يا نوجا

ريان خبطه في كتفه

مالك: قصدي يا تيته

نجوي : هههههههههههه ايه الاحترام دا
أصل يجماعه انا معوداهم بقولولي نجوي كدا
ما بحبش الألقاب دي

حنان : ههههه ربنا يباركلك يا حجه

نجوي : تسلمي

ودخلت إسراء بعدها
وريان مقدرش ينزل عينه من عليها ومن جمالها
كانت لابسه إدناء لونه كحلي وخمار ونقاب كحلي وكانت زي القمررر

مالك بهمس : والله وانا جايبك هنا تسبل ولا ايه
وبعدين أهلها هياخدوا بالهم يخربيتك

ريان : فصلتني والله

نجوي : انتي بقا اسراء

اسراء بكسوف : اه أنا

نجوي : ريان حكالي عنك وعن احترامك وشطارتك في الشغل

ريان برق لجدته
ومالك كاتم ضحكته بالعافيه

اسراء اتكسفت : احم .... شكرا يا طنط
دا من زوقك

نجوي : لا انتو الاتنين تقولولي نجوي بلاش طنط والكلام دا هههههه

امل / اسراء : حاضر

ريان : احم بقول نقرأ الفاتحه بقا ولا ايه يا حاج سالم

سالم : إيه رأيك يا عروسه

امل كانت مكسوفه وبصه في الأرض

نجوي : السكوت علامه الرضا

محمد : علي بركه الله نقرأ الفاتحه
وكله رفع ايده يقرأ الفاتحه وهما فرحانين ومالك بيبص لأمل وفرحان

وريان بيبص لإسراء وهي مش واخده بالها وبيتخيل لما يقروا فاتحتهم

وخلصوا وتعالت الزغاريط في المكان
والمباركات وكلهم سلموا وحضنوا بعض والعيليتين بقوا عيله واحده

مالك : ممكن يا عمي اقعد مع أمل شويه

سالم : اه يبني اتفضل

وقاموا وقعدوا علي كرسين في نفس الصالون بردو بس بعيد عنهم شويه

وأمل فضلت مكسوفه وباصه في الأرض

مالك : طب وبعدين هتفضلي تتأملي في سجادتكم كتير ولا ايه

امل بصتله وابتسمت من كلامه

مالك : ايوه كدا وريني القمرر

أمل بصت تاني في الأرض : عيب كدا علي فكره يا بشمهندس

مالك : هههههههههههه بشمهندس ايه بقا
اومال الفاتحه اللي لسه قرينها دي

أمل: احم يعني اقول ايه

مالك بهيام انتي تقولي مالك وبس

امل شاورت بدماغها اه

مالك: صحيح عايز نجيب الشبكه بكره و نعمل خطوبه

امل: ايه السرعه دي

مالك : والله انا لو اطول كنت اتجوزتك دلوقتي وروحنا مع بعض

امل بصدمه : ماااالك

مالك: يالهوي .... أحلي مالك سمعتها في حياتي

امل بصت في الأرض تاني وهي مكسوفه

مالك: ها رأيك ايه
وبعدين عشان نخلص بقا وترجعي الشغل يهانم دا انا كدا هيوقف حالي 😂

امل : ههههههه .... خلاص لو بابا موافق ماشي

مالك غمزلها : احبك وانت مطيع
( معلش يا سناجل محدش قالكم تقرؤا روايات رومانسيه )

امل كانت حاسه ان هيغمي عليها من الكسوف وقامت من مكانها وراحت في المكان اللي قاعد فيه أهلها

وهو ضحك عليها وراح وراها

مالك: ها يا عمي
إن شاء الله ننزل نجيب احلي شبكه بكره ونعمل خطوبه

سالم : يبني انت مستعجل كدا ليه

ريان : خير البر عاجله يا حاج
ها إيه رأيكم

سالم : خلاص ماشي
انا بس قلقان مش نلحق نخلص ترتيبات الخطوبه

مالك: متقلقش يا عمي
كل حاجه هتبقي جاهزه
والقاعه اعتبرها اتحجزت وجهزت مش ناقص غير عروستي

أمل كانت مكسوفه من كلامه كدا قدام أهلها

سالم : ههههههه خلاص ماشي

مالك : أن شاء الله هاجي بكره الساعه ١٠ نروح نجيب الشبكه
وبعدها يروحوا علي الكوافير وان شاء الله ربنا يسهل الحال

محمد : ماشي يبني تمام

مالك قام وقف هو وريان
تستأذن بقا يا عمي

حنان : لسه بدري يا جماعه خليكم قاعدين

نجوي : لا بقا كفايه كدا
عشان عروستنا تلحق تجهز نفسها وترتاح

وسلموا عليهم وقاموا يمشوا

ريان : وقفتي ليه يا نوجا

نجوي : انزل مع مالك استناني تحت
وانا هعمل حاجه وجايه

ريان : حاجه ايه

نجوي: بطل كلام كتير
لما اخلص هقولك
ونزل مالك وريان

نجوي : انا نزلتهم تحت عشان بصراحه عايزه أشوف وشك يا إسراء

اسراء اتكسفت واستغربت
ماشي يا طنط قصدي يا نوجا
ودخلت أوضتها ورفعت النقاب

نجوي بفرحه : ما شاء الله تبارك الخلاق
قمررر يحبيبتي

إسراء: شكرا لحضرتك

نجوي : اكيد مستغربه بس من كلام ريان كان عندي فضول اعرفك

إسراء: هو بيقول ايه لحضرتك

نجوي: بيقول كل خير يحبيبتي
علي فكره هو بيحبك

اسراء بصت في الأرض واتكسفت اووي

نجوي: ههههههه ماشي عشان ما اكسفكيش
ان شاء الله المره الجايه اللي هاجي هنا هيبقي عشانك
يالا همشي بقا

اسراء سلمت عليها وهي فرحانه
وكمان حبيت نجوي جدا وطيبتها

عند ريان وهما في العربية

ريان : مقولتليش بقا كنتي بتعملي ايه

نجوي : كنت بشوف عروسة حفيدي

مالك: ما انتي شوفتي امل واحنا فوق يا نوجا

نجوي: هههههه لا مش انت قصدي علي ريان
كنت بشوف اسراء

مالك: هههههههه نوجااا جايه تعمل مصلحه لكله

ريان : زمانها مستغربه يا نوجا وكسفتيها

نجوي: مالكش دعوه بقا
بس الاتنين ادب واخلاق وجمال وأهلهم ناس طيبين
ربنا يتمملك علي خير يا مالك ويفرحك

مالك : يخليكي ليا يا نوجا يا قمر

ريان : انت بتعاكس جدتي قدام عيني

مالك: مش جدتك لوحدك ... جدتي أنا كمان

نجوي: ههههههه ربنا يخليكم ليا يحبايبي

مالك وريان : ويباركلنا فيكي يا نوجااا

عند اسراء وامل

اسراء: بس جده ريان طلعت طيبه جدا

امل: اه أنا حبيتها اووي

اسراء: ولما شافتني فرحت اووي وقالتلي كمان أن ريان بيحبني

امل: اوعاااا ⁦💃

اسراء: ههههههه شكلي هتخطب قريب 😌😌

امل فرحت وقامت حضنتها :هيييييه هيييييه فرحانالك اوووي

اسراء: حبيبتي وبعدين يالا ننام خطوبتك بكره يا عروسة

امل: هيييييح وإبقا بقا خطيبه مالك زيدان
ياااه

اسراء: ههههههه يالا يختي
وكل واحده راحت علي سريرها تنام

وأمل جات رساله لفونها من مالك
" تصبحي علي فرحة يا سبب فرحتي 🌼🧡 "

امل كانت فرحتها متتوصفش ونامت وهي مبسوطه

عند حنان وليلي

ليلي : الحمد لله شكلهم ناس طيبين ومالك محترم اووي وهيقدر أمل

حنان : اه وباين حبه ليها في عينه

ليلي : ربنا يفرحهم
بس مأخدتيش بالك من نظرات ريان لإسراء
وكمان جدته طلبت تشوفها

حنان : ههههه اه اخدت بالي
والشهاده لله ريان قمرين وشخصية ومحترم

ليلي : اه
سالم لما سأل علي مالك شكروا في ريان جدا وقالوا إنه هو اللي ساند مالك ويعتبروا اخوات

حنان : ربنا يجعله من نصيبك يا إسراء يا بنتي

ليلي: يارب
يالا بقا ننام في بكره يوم طويل

حنان : اه يالا

تاني يوم الصبح ( يوم خطوبه أمل ومالك )

قامت أمل والبيت كله من بدري يحضر ويجهز كل حاجه
ومالك وصل هو وريان الساعه ١٠ زي ما اتفقوا عشان يروحوا يجيبوا الشبكه

ونزلت اسراء وامل ومعاهم سالم وعبدالرحمن

وفضل محمد يظبط أمور القاعه
وحنان وليلي بيجهزا ويرتبوا كل حاجه للخطوبه

ركبت امل وعبدالرحمن مع مالك في عربيته
وركب سالم مع اسراء في عربيه ريان
ووصلوا عند الجواهرجي

ودخلوا عشان يختاروا الشبكه
وكان كل اللي في المحل سوليتير
وأمل كانت مبهورة اووي و ...

عبدالرحمن: بس السوليتير غالي يا مالك

مالك بحب وهو بيبص لأمل
مفيش حاجه تغلي علي عروستي
وانا الحمد لله معايا ومش هبخل علي خطيبتي

سالم: ربنا يزيدك يا مالك

مالك : تسلم يا عمي

وقعدوا يتفرجوا علي الدبل ومالك اختار لأمل دبلة وخاتم جمال اووي
وهي عجبها ذوقه وحبيتهم
واختارت كمان انسيال وسلسلة رقيقه وجميله اووي

مالك:. مبروك عليكي

امل وهي مبتسمه : الله يبارك فيك

اسراء : مبروووك يا روحي

امل حضنتها : الله يبارك فيكي يحبيبتي

وبعدها راح مالك جاب دبله فضة وامل ساعدته وهي بتنقي معاه
وسلموا علي بعض كلهم وباركوا لبعض

واخدهم وصلهم عند الكوافير
وراح مالك وريان عشان يجهزوا بردو ويرتبوا للخطوبه

رأيكم

عشقتها_ولكن
دينا_دخيل
قد يعجبك أيضا
الاسمبريد إلكترونيرسالة