الفصل السابع عشر 17 والفصل الثامن عشر 18 من رواية عشقتها ولكن بقلم الكاتبة دينا دخيل
رواية عشقتها ولكن البارت السابع عشر 17 بقلم الكاتبة دينا دخيل
عبدالرحمن مع سالم ومحمد وريان في القاعه بيتابعوا العمال
سالم باستغراب : هي القاعه دي مش صغيره يا عبدالرحمن
عبدالرحمن: لا يا بابا
عشان دي للرجاله بس
محمد : اومال البنات والستات هيبقوا فين
عبدالرحمن: في القاعه اللي جمب دي وفي باب بينهم
مالك عامل دي مفاجأءه لأمل عشان عارف إنها مش بتحب الافراح المختلطه ف حجز قاعتين عشان تبقي خطوبه إسلامي
سالم : الحاجات دي مكلفه عليه اووي
محمد : فعلا يا سالم بس واضح إن مالك شاري امل وبالغالي ..... ربنا يسعدهم
سالم : يارب يا محمد
عبدالرحمن: المعازيم زمانهم علي وصول هاتروح تجيب العرسان انت يا ريان صح
ريان : اه يا عبدالرحمن.... انا خليتهم يزينوا العربيه عشان اجيبهم بيها
عبدالرحمن: ماشي
وانا هنا مكانك علي ما تيجي وهروح اجيب امي ومرات عمي
ريان: تمام
عند ريان وصل لمالك
وكان لابس بدله زهري وكان زي القمرر
ريان بفرحه : إيه الحلاوه دي يا مالك
ربنا يحميك يا حبيبي
مالك بهزار : هااااا ايه دا بتعاكسني كدا ويوم خطوبتي
دي أمل تقتلك
ريان : هههههه انت رايح خطوبتك وبردو لسه ما عقلتش
مالك : انا فرحان اووووي يا ريان
ريان : ربنا يسعدك يصاحبي
ويالا بقا نروح نجيب العروسة وبنت عم العروسه
مالك : عقبال ما تبقي مكاني
ريان : قريب إن شاء الله
مالك : يا واثق انت يا جامد
ريان : هههههههه يالا يا بني بقا
عند اسراء وامل كانت خلاص جهزت وكانت لابسه فستان زيتي وكان واسع وطويل جدا وخمار زيتي درجه افتح من الفستان وتاج ورد علي الخمار وكانت زي القمر
اسراء: بسم الله ما شاء الله
ايه الحلاوه والقمر دا يا امل
امل: بجد يا إسراء
اسراء: بجد يا قلب إسراء.... عسل اوووي
ربنا يحميكي من العين يروحي
امل قامت حضنتها
انا مبسوطه جدا يا سووو
عقبالك يرروحي
اسراء: حبيبتي تسلميلي
ويالا شكل عريسك وصل
ودخل مالك الكوافير وشاف أمل ووقف مكانه وهو بيبصلها ومش بيتحرك ولا يتكلم
امل: احم ..... مالك
مالك : إيه القمرررر دا يا أمل
ربنا يباركلي فيكي
امل كانت مكسوفه جدا ووشها احمر ودا زاد جمالها أكتر
مالك : لا وحياتك كل ما تتكسفي تحلوي اكتر وانا مش هستحمل
امل بكسوف : مااالك انت بتقول ايه
مالك: عيون مالك
اسراء : نحن هناااا يا بشمهندس
مالك: ههههه منورة
اسراء: بنورك يالا بينا ولا ايه
مالك: اه يالا
وطلع مالك وأمل ومعاها اسراء اللي خطفت قلب ريان اول ما شافها
وكانت لابسه فستان أسود رقيق اووي وواسع وعليه نقاب وخمار كشمير
ريان لنفسه :يخربيت جمالك ...يالهووي يعني لو خطفتك دلوقتي واتجوزتك هترتاحي بأم حلاوتك دي
ريان كان لابس بدلة سوداء وكان وسيم جدا
ركبت امل ومالك في عربيه ريان وراء
وركبت اسراء قدام جمب ريان وكانت حاسه إن قلبها هيوقف من سرعه دقاته
وريان كان حاسس أنه بيملك الدنيا كلها وهي بس راكبه جمبه وحسم قراره أنه لازم ياخد خطوة في علاقتهم ويريح قلبه
مالك : عاملك مفاجأة علي فكره لما نوصل
أمل: مفاجأة إيه
مالك : شوفي إنتي كان نفسك في إيه لما تتخطبي
أمل: بتفكير .... إن الخطوبه متبقاش مختلطه
بس بتسأل ليه
مالك : عشان انا معنديش غيرك احققله اللي بتحتاجيه
امل بفرحه : قصدك إن الخطوبه إسلامي وحجزت قاعتين
مالك : اه ..... مستحيل يبقي نفسك في حاجه وما اعملهاش
أمل: ربنا يخليك ليا يا مالك
وفي سرها بحبك بحبك بحبك
امل : بس عرفت منين المعلومه دي
مالك : بصراحه في حد ساعدني
امل: حد مين
اكيد إسراء
اسراء: اه أنا يحبيبتي
امل: ربنا يخليكي ليا يا إسراء انتي اجمل اخت في الدنيا
اسراء: ويباركلي فيكي يروحي
مالك: وريان بقا هو اللي عرف يوصل لحجز القاعتين ورتب كل حاجه
أمل: متشكرة جدا يا بشمهندس ريان
ريان: متقوليش كدا.... انتي خلاص تعتبري مرات اخويا
مالك : يااه امتا بقا تبقي مراتي
أمل اتكسفت وبصت من شباك العربيه
والكل ضحك علي كسوفها دا
ووصلوا مكان الخطوبه
وكان عبدالرحمن وسالم ومحمد وحنان وليلي ونجوي واقفين برا مستنينهم ودمعه فرح نزلت من عين عبدالرحمن لما شاف أخته الصغيرة بقيت عروسه
عبدالرحمن حضنها : مبروك يا مولتي
كبرتي وبقيتي عروسه وزي القمر
امل: الله يبارك فيك يا عبدالرحمن ..... تسلملي
مالك بهزار : إيه يعم كفايه احضان
انا راجل دمي حامي وبغير علي خطيبتي
عبدالرحمن: هههههههههههه اسكت يالااا
دي اختي قبل ما تبقي خطيبتك
الكل ضحك علي كلامهم وسلموا وباركوا لبعض وكانوا فرحانين جدا
وبعدها دخلت البنات في القاعه الخاصه بيهم ونفس الكلام للرجاله
وكانت أمل وكل صحابها معاها وفرحانين وبيرقصوا ويباركولها
ونفس الكلام عند مالك وصحابه
وبعدين دخل مالك لأمل عشان يلبسها الشبكه
ف أمل لبست دبلتها وهو لبس دبلته كل واحد لوحده عشان مش يلمسها ولبست الانسيال
وبعدها لبسها السلسه
وبدءؤا يتصوروا مع قرايبهم ويتصوروا مع بعض بعد الشبكه و ...
مالك: مبروك عليا أناا
امل: الله يبارك فيك
مالك : فرحانه
امل: جدااا جدااا
مالك: اعيش واقدر افرحك
ورجع مالك عند صحابه
راحت نجوي ومعاها إلهام وسميرة يباركوا لأمل
نجوي: دي سميره مامت ريان
سميره بتكبر : اهلا يا امل
مبروك
امل: الله يبارك ف حضرتك
نجوي : ودي يا سميره اسراء بنت عمها وبتشتغل مع ريان
سميره اتعصبت لما عرفت إن دي اللي ريان معجب بيها و....
سميره : اها .... اهلا
ومشيت وسابتهم هي وإلهام وراحوا قاعدوا علي ترابيزه
واسراء ما ارتاحتش لطريقتها ولا نظراتها بس مفكرتش كتير ورجعت تقعد جمب امل
نجوي: معلش .... هي طريقتها كدا مع كله
اسراء: ولا يهمك يا نوجااا
نجوي: حبيبتي
الهام: شوفتي يا طنط هي دي بقا إسراء
نجوي : بيئه اووي شكل العيله كل كدا
والفرح كمان لوكال اووي مش عارفه مالك ملقاش غيرها
الهام: فعلا
شويه ونمشي
سميره: اه احسن
وانتي بقا وشطارتك وتبعدي إسراء عن ريان
إلهام: حاضر.... متقلقيش
عند ريان راح لعبدالرحمن
ريان : مبروك يا عبدالرحمن وعقبالك
عبدالرحمن: الله يبارك فيك يا بشمهندس
ريان : لا قولي ريان من غير القاب
عبدالرحمن: ماشي يا ريان
ريان : كنت عايزك في موضوع
عبدالرحمن: أؤمر
ريان: تسلم
احم .....انا كنت عايز أتقدم لإسراء بنت عمك ....طبعا عارف إن دا مش وقته افتح الموضوع بس قلت اقولك وانت زي أخوها عشان تبقي تفاتح باباها
وكمان عشان خايف تروح من أيدي
عبدالرحمن مبتسم : انت فاجأتني
بس دا شرف لينا
ريان : تسلم يا عبدالرحمن
عبدالرحمن: هههههههههههه انتو علي اخر الزمن شغلتوني خاطبه
ريان : هههههههههههه معلش يعم
عقبالك
عبدالرحمن: يارب 😂
ريان : ما تنساش بقا علي بكرا كدا تقول لعمك وباباك وتبلغني وانا هجيب أختي وجدتي وامي واجي اخطبها
عبدالرحمن: أنت عندك اخوات بنات ؟
ريان : اه ....سما اختي بس هي مسافره بقالها فتره بتكمل دراستها برا
وإن شاء الله هتيجي الاسبوع الجاي
عبدالرحمن: معلش مكنتش اعرف
ريان: لا محدش تقريبا يعرف حتي اسراء وامل
عشان مسافره دايما
عبدالرحمن: تمام
استووووب
سما الاسيوطي تبقي أخت ريان
قصيرة وبشرتها بيضاء وشعرها بني وقصير مش محجبه بس لبسها محترم جدا ودا بأوامر ريان
بتدرس برا في كلية طب
عندها ٢٣ سنه
بتحب اكتر حد في حياتها ريان وهو بالنسبالها قدوة وبتفتخر بيه جدا
وهو بيحبها زي بنته ومش بيخليها تحتاج حاجه
وسميرة بتحبها اووي وفرحانه أنها هترجع مصر وتفضل جمبها
خلصت الخطوبه وريان ومالك وصلوا الكل لبيتهم
والكل طلع يرتاح
في اوضه امل وإسراء
امل وهي بتبص لدبلتها
هيييييح أخيراً دبلته بقت في ايديا
اسراء: هنبدأ وصله المحن بدري 🙂
امل: بكره اما تتخطبي ابقا اسمعك يختي
اسراء: لما بقا 😂
ويالا ننام دا في شغل بكرا الواحد كان مرتاح بقاله اربع أيام
مش عارفه كانوا ادونا بكره اجازه كمان عشان الخطوبه دي
امل: دا مالك بيقولي حالي هيوقف بسببك
إسراء: دلوقتي بقا مالك كدا من غير بشمهندس 😉
امل: اه مالك حبيب قلبي
اسراء: طب انا هنام عشان مرارتي
امل: هههههههههههه تصبحي ع خير
امل: وانتي من اهله
وأمل كان مالك بيكلمها واتساب يعرفها أنه وصل
مالك : ها هتيجي الشغل بكره
أمل: اه أن شاء الله
انا اصلا هموت وانام
مالك: بعد الشر عليكي من الموت
خلاص هسيبك ترتاحي
امل:. تصبح على خير🌼
مالك : وإنتي من اهلي☺️🧡
ونامت امل وهي فرحانه
عشقتها ولكن البارت الثامن عشر 18 بقلم دينا دخيل
تاني يوم الصبح
وصلت إسراء وأمل الشركة وكل واحده راحت علي مكتبها
عند أمل
مي : عروستنا القمررر .... ألف مبروك
امل: الله يبارك فيكي يحبيبتي
احمد: الف مبروك يا آنسه أمل
أمل: الله يبارك فيك يا بشمهندس....عقبالك
احمد: شكرا
وقعدت امل علي مكتبها تشتغل وبعدين اخدت الملف ودخلت لمالك يوقع عليه
امل: صباح الخير
مالك : صباح الورد
عامله ايه النهارده
امل: الحمد لله
انا خلصت الملف الحمد لله اخيرا
تقدر توقع عليه يا بشمهندس دلوقتي
مالك: امل.....هي ايه اللي في ايدك اليمين دي
امل باستغراب: دبلة خطوبتنا
مالك: ولما انتي فاكره دبله خطوبتنا .... ايه لازمتها بشمهندس بقا
امل: اااه ....لسه علي ما اتعود
مالك : اتعودي بسرعه بقا
امل: بس علي فكره كنت ممكن تقول ان مقولش بشمهندس علي طول
بدل اللفه اللي قولتها دي
مالك: نحن نختلف عن الاخرون 😌
امل: هههههه طب شوف الملف ووقعه يالاا عايزين نشوف شغلنا
مالك : امرك يا باشا
ووقع مالك علي الملف وعطهولها
هروحك انتي واسراء معايا لما نخلص
امل: بس مالوش لازمه
مالك : والله
اومال تتبهدلوا في المواصلات
وبعدين أنا قولت لعبدالرحمن متقلقيش
امل: خلاص ماشي
وخرجت من المكتب
عند اسراء وريان
إسراء: انا خلصت يا بشمهندس كل الشغل المتأخر
ريان بابتسامه: ايه الشطارة دي
كويس اووي يا بشمهندسه
اسراء: بنتعلم من حضرتك
ريان : شكرا علي الثقه دي
انتي خلصتي وهتمشي صح
إسراء:. اه همشي دلوقتي
في حاجه تاني اعملها
ريان : لا مفيش
اه صح في مفاجأة هتعرفيها لما تروحي
اسراء: باستغراب مفاجأة إيه وبخصوص إيه
ريان : هتعرفيها متقلقيش
يالا روحي عشان متتاخريش
اسراء: حاضر
وخرجت إسراء وهي مستغربه وراحت لأمل ومالك وصلهم وطلع سلم علي أهلها ومشي
محمد : اسراء
اسراء : نعم يا بابا
محمد : ريان يحبيبتي متقدملك
اسراء بصدمه : ايههه ...نعم
حنان :. رأيك ايه
عبدالرحمن: هو احنا سألنا عليه وكويس ومحترم جدا
ليلي : وكفايه إنه صاحب مالك
اسراء اتكسفت وبصت في الأرض
وقالت : اللي حضرتك تشوفه يا بابا وطلعت تجري علي أوضتها وهي مكسوفه اووي بس فرحانه جدا وقلبها بيدق جامد اووي
وعرفت معني كلام ريان وإن في مفاجأة ليها
وفعلا مفاجأة واحلي مفاجأة كمان
امل: ايه يعم 😉
شكلنا هنتخطب قريب
اسراء: انا مش بتخيل صح يا امل
امل: لا يا حبيبتي مش بتتخيلي
عبدالرحمن قالي إنه اتكلم معاه وقاله أنه عايز يتقدملك يوم خطوبتي وقاله يكلم عمي
واهو سألك عن رأيك
وكل دا حقيقه
اسراء: تعرفي أنه قالي هلاقي مفاجأة لما اروح
واحلي مفاجأة
بس هو واثق كدا ليه إن بابا هيوافق وانا كمان
امل:هيقول مين يرفض ريان الاسيوطي 😂
اسراء:مغرور بس بحبه
امل: إمسك عندك .... انتي اعترفتي انك بتحبيه
الله الله 💃
اسراء: هههههههههههه اه
بس هو ايه اللي هيحصل بقا
امل: كدا عبدالرحمن هيبلغه الموافقة
وهو هيظبط مواعيده ويجي يخطبك في معاد محدد
يعني زي اسبوع ولا حاجه عشان تقريبا ليه اخت مسافره هتيجي
اسراء: اول مره اعرف ان عنده اخت
انتي بتجيبي المعلومات دي منين🙂
امل: مصادري الخاصة 😌
عبدالرحمن بيحكيلي كل حاجه
المهم أخته دي مسافره وهتيجي قريب
اسراء: ماشي
يالا بقا ننام عشان شغل بكره
انا اصلا هتكسف لما اشوفه بعد ما أتقدم
امل: هههههههههههه معلش
اسراء: بتضحكي
يالا نامي يا رخمه
امل: هههههههههههه حاضر
عند ريان دخل البيت وكانت مامته ونجوي قاعدين
ريان : كويس إن لقيتكم هنا
عايزكم في موضوع
نجوي: خير يا حبيبي
سميره: موضوع ايه
ريان : انا ناويت أخطب أن شاء الله
نجوي وعرفت انها اسراء بس
ومين بقا سعيده الحظ
سميره كانت متوقعه يقول إلهام بس انصدمت لما سمعت
ريان : إسراء
نجوي بفرحه : يازين ما اختارت يحبيبي
الف مبروك
سميره: مبروك ايه
اسرااااااااااء مين دي اللي ريان الاسيوطي يخطبها
نجوي: ومالها يعني ادب واخلاق وجمال وأهلهم طيبين وحالتهم كمان كويسه جدا
سميره: بزعيق هي كلمه يا ريان
البت دي مستحيل تتجوزها انت فااااهم
ريان : ليه ....مالها اسراء
سميره: مش عارفه اصلا انت عاجبك فيها ايه
وبعدين بدل ما تقولي اتجوز الهام تقولي اسراء
ريان بعصبية : اااه إلهام قولتيلي بقاا
عشان كدا خليتيها تشتغل معايا
سميره: اه ومالها يعني
قمرر وشياكه وعز وبتحبك
ريان: بزعيق اللي زي إلهام دي بتحب الفلوس وبس
ولو هي اخر بنت في العالم مش هتجوزها
سميره: بعصبية وانا قلتها كلمه اسراء لا
وهتتجوز إلهام
ريان بزعيق ووجع : انتي ليييييه كدا
لييييه بتكرهيني كدا
نجوي : اهدي ي حبيبي
مفيش ام بتكره ابنها
ريان بحزن : مش لما تكون أم أصلا
هي عمرها ما كانت أمي ولا حسستني أنها امي
هي طول عمرها مهمله معاياااا اناااا بس
من يوم ما بابا مات وانا في ثانوي وماتت كل حاجه حلوه هو اللي كان بيهتم بيا
هو اللي كان بيفرحني وبيشجعني ...هي بقا هااا
قوليلي كدا انتي تعرفي عني ايه ولا سألتيني اخبار دراستي ايه في يوم!
كل اللي بيهمك مستواكي بين صحبااااتك
كل اللي بيهمك النادي والحفلات
وبزعيق : حفلاتك ومكااانتك اهم عندك من ابنك
لما كنت بتعب مكنتش بلاقي غير جدتي اللي جمبي
ولا كنتي حتي بتطمني عليا
طول عمرك قلبك قاسي عليا اناااا بس ....... وحتي كان نفسي ادخل كليه اعلام بس انتي صممتي إن ادخل هندسة عشان الشركه
ااااه انااا بعدها حبيتها ونجحت فيها ونجحت الشركه علي ايدي بس بردو مكنتش باختييييياري
وانا علي الاقل خليت سما بعيد عنك وحققتلها حلمها ودخلتها الكليه اللي بتتمتاها
كمان عايزاني اتجوز اللي انتي تقرريها
لااااااا يا مدام سميرة لحد هنا وكفاااايه اووووي
المره دي لااااا وألف لاااا ... لان اسراء البنت الوحيدة اللي حبيتها واللي عمرها ما هتجرحني ولا هتسيبني
ومهما عملتي مش هتجوز غير اسرااااااااااء مهما كانت الخساير
وهروح اتقدملها الاسبوع الجاي سواء وافقتي ولا لااا
سميره: بزعيق : مش هتتجوزها يا ريان
ريان:, انتي لسه كمان هتتكلمي
ارحميني بقا حرااااام عليكي انا ابنك .....حرام عليكي
وهتجوزها حتي لو هخسر كل حاجه في الدنيا حتي لو انتي شخصيا
وطلع علي أوضته وقعد يعيط لأول مره ريان الاسيوطي يعيط بسبب ظلم وقهر ووجع وإهمال امه ليه
ونجوي عيطت من كلام حفيدها وازاي هو موجوع
وسميرة ولا اتأثرت أصلا
وطلعت أوضاعا وكلمت إلهام
إلهام: ازيك يا طنط
سميره: مش وقته يا إلهام
ريان قرر يتجوز اسراء
إلهام: نعممممممم
يتجوز البتاعه دي
سميره بعصبية : وشكله متمسك بيها وجدا
انا حاولت معاه وزعقت بس هو مصمم
الهام: طب وهنعمل ايه
سميره: مفيش حل غير تنفذي اللي كنا متفقين عليه
وبكرا
الهام: بس دا مش هيقتل اسراء دي حاجه بسيطه
سميره: اااه بس هتقعد في المستشفى وفي بيتها فتره
نكون شوفنا حل ونلغي الجوازة قبل ما تبتدئ
إلهام: حاضر يا طنط
بكرا هعمل كل حاجه وهبلغك
وقفلت سميره مع الهام
هههههههه قال اسراء تبقي مرات ابني قال
نجوم السماء اقربلك يا ريان منها ومن اللي هعمله فيها
ونامت إلهام وهي بتفكر في خطتها
تاني يوم الصبح
وصلت الهام من بدري عشان تستغل الفرصه في أي وقت
ومالك وصل امل واسراء للشركه وراح مشوار للشغل وماطلعش معاهم
وطلعت اسراء وامل كل واحده لمكتبها و....
دخلت إسراء لريان وكان باين عليه الزعل والارهاق
ريان : خدي الورق دا اطبعيه من المطبعه اللي في الدور اللي تحت يا اسراء ٥ نسخ
اسراء: حاضر
هو ....حضرتك كويس يا بشمهندس
ريان بابتسامه باهته : اه يا اسراء الحمد لله
المهم قوليلي عجبتك المفاجأة
اسراء بكسوف : احم .... اظن عبدالرحمن قالك رأيي
ريان: هههههههههههه ماشي مش هكسفك
اسراء: طب انا هروح اطبعهم
ريان :, ماشي
وكانت إلهام سمعتهم وعرفت انها هتنزل تحت المطبعه ومن الطبيعي تاخد السلم مش الاسانسير لأنها أصلا بتخاف منهم وكمان الدور اللي تحت مش بعيد
وراحت إلهام و فتحت ازازة زيت ووقعته كله علي السلم عشان لما اسراء تنزل تتزحلق ورجليها تتكسر
الهام: هههههههههههه وريني بقا هتيجي الشركه تاني ازاي
وراحت دخلت مكتبها ومستنيه تسمع صوت صراخها كمان شويه وهي فرحانه
اسراء طلعت من عند ريان واخدت الورق عشان تنزل تطبعه
وراحت عند السلم و...
امل: إسراء....معلش ممكن تبلغي ريان إن في اجتماع مهم لازم يتعمل دلوقتي بسرعه
مالك قالي كدا من شويه علي الموبايل
اسراء: بس انا نازله اطبع الورق
امل: هاتي هطبعهم انا علي ما تقوليله
اسراء: تمام يحبيبتي
٥ نسخ
امل: اشطا
ونزلت امل درجتين سلم ورجليها جات علي الزيت واتزحلقت
امل: اااااااه
اسراء بصريخ وهي شايفاها بتقع : ااامللللل
رأيكم
عشقتها_ولكن
دينا_دخيل
- عشقتها ولكن الفصل التاسع عشر 19 والعشرون 20 أضغط هنا
- ليصلك شعار بالحلقات الجديدة انضم لنا على تليجرام أضغط هنا