U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية عشقتها ولكن الفصل 13 و14 الثالث والرابع عشر - دينا دخيل

الفصل الثالث عشر 13 والفصل الرابع عشر 14 من رواية عشقتها ولكن بقلم دينا دخيل
رواية عشقتها ولكن كاملة

رواية عشقتها ولكن البارت الثالث عشر 13 بقلم الكاتبة دينا دخيل

دخلت إسراء مكتبها مع أمل وهي منهاره واكتر حاجه جرحاها كلام ريان وإنها قدامه مش أد الثقه ومهمله
امل: طب ممكن تهدي كدا
اسراء بعياط: اهدي ايه يا امل
انتي مسمعتيش قالي إيه

أمل: يعني لما تعيطي وتقعدي كدا كل حاجه هتتحل

اسراء: يعني في أيدي ايه أعمله

امل : في أيدينا نفكر ....ونشوف ايه اللي حصل
,
اسراء: انا دماغي تعبت وتفكيري اتشل خلاص
انا متأكدة إن كتبت الايميل صح والارقام مظبوطه ومراجعه الايميل وبعدها بعتوه محدش شافه خالص حتي ريان نفسه
ومستحيل يبقي مدحت اللي عمل كدا ...دا شغله

أمل: إيه التعقيد دا ياربي .....هيكون اتعمل كدا لوحده

إسراء بعياط : اللي مزعلني أن كد قدام ريان فاشله ومهمله
وكمان لو مدحت مكنش راجع تاني كانت الشركه هتخسر كتير اووي وبسببي يا امل

امل حضنتها : اهدي عشان خاطري
مش قادره اشوفك كدا ....كل حاجه وليها حل أن شاء الله

اسراء: بس دي ملهاش......لازم كل حاجه تتعاد تاني ومش انا اللي هشتغل فيه ودا هياخد اسبوع علي الاقل غير شغل العمال
واحنا اصلا لينا مده محدده
كل حاجه باظت بااااظت 😩

أمل: لا حول ولا قوه الا بالله
انا حتي مش عارفه افكر
ايه عفريت اللي عمل كل حاجه واتبخر

إسراء: يا امل كلام ريان كدا معناه مش هيقدر يثق فيا في أي مشروع تاني

امل: ليه بس بتقولي كدا

إسراء: عشان دا فهمته من كلامه
قالي أنه لو حد غيري كان طرده

امل: بت جاتلي فكره

اسراء : ايه بسرعه

امل : كاميرات المراقبه بتاعت مكتبك
كل مكتب فيه كاميرا

اسراء بيأس: لا .... بتاعي مش فيه

أمل: ازاي

اسراء: عشان النقاب وإبقا براحتي
طلبت أنهم يشيلوا الكاميرا من مكتبي ومكنتش اتوقع دا يحصل

أمل: ياربي بقاا
انا قلت خلاص اتحلت وكنا نشوف لو حد لعب فيهم

اسراء: انا مخنوقه اوي يا امل

أمل: اهدي يقلب امل
طب اممممم...حاولي تفكري معايا
انتي عارفه لو مثلا كنتي بعتي الايميل لبشمهندس ريان كنا ساعتها هو شافه وعرف أنه اتلعب فيه

اسراء: يا بنت الايه
انا ازاي كنت ناسيه دا

امل باستغراب: ناسيه ايه

اسراء : تقريبا لاقيت حل بس يارب الاقيه
وطلعت موبايلها

امل: انا مش فاهمه حاجه....فهمينااااي

اسراء : ثواني بس
وقعدت تدور في موبايلها لحد ما ...

اسراء : الحمد لله يارب الحمد لله....اتحلت يا مولهههه

أمل: طب ممكن افهم ازاي

اسراء: افهمك
فاكره أيام الكليه لما كان في كرونا بقا وكدا وعملنا أبحاث

امل : اه .....دا ايه علاقته بالايميل

إسراء: هفهمك ....... ساعتها كانوا بيقولوا ممكن نعمل البحث علي اللاب ويختلف شكله لما يتفتح علي الفون ويبوظ أو تعمله علي الفون بس لو اتفتح علي اللاب يبقي مش متظبط

فأنا طبعا بكتب الحسابات والايميل وكله علي اللاب ف قولت افرض اللي فتحه فتحه من علي الفون
كدا هيبقي مش متظبط والمشروع هيبوظ
ف بعته علي الإيميل بتاعي قبل ما ابعته لأستاذ مدحت وفتحته علي الفون وإتاكدت أنه كدا هيتفتح مظبوط لما يتبعت سواء علي لااب أو كمبيوتر او موبايل

فأنا كنت ناسيه دا .... ولما انتي قولتي لو بعتوا لريان مثلا
فأنا افتكرت بقا

أمل: الحمد لله يارب
بس انت يسطااا ذكي أقسم بالله حلوه الفكره دي
واهي نفعتنا
ودلوقتي روحي لبشمهندس ريان ولما يشوفه هيعرف أن العيب مش منك في الارقام اللي اتبدلت دي

اسراء: بس خايفه ميصدقش بردو
ممكن يقولي : حتي لو صح بس ممكن وانتي بتكتبي اللي بعتيه لمدحت اتلغبطتي

أمل: بت ....بطلي تشاؤم ...يالا روحي
وان شاء الله هيصدقك

عند ريان قاعد متعصب ومعاه مالك

مالك : يبني اهدي وكل حاجه هتتحل .... إيه العصبيه دي

ريان : مااالك ....انت عارف مبحبش غلطه في شغلي

مالك : علي فكره انت طريقتك دي هتخلي اسراء تتجنبك بعد كدا

ريان : مالك انت صاحبي من زمان وعارف إن لو مين ما كان غلط كدا كانت هتبقي دي رده فعلي
غير كدا ..حد غيري كان طردها

مالك : طب ما هو مدحت لحق الدنيا اهوو ومفيش خسائر

ريان: يبني المشروع هيتعاد من تاني ودا هياخد وقت
واحنا معانا مده محدده ومش هنلحق

اسراء خبطت ودخلت

اسراء: لا هنلحق يا بشمهندس وقبل المده ما تخلص كمان

ريان : إسراء روحي علي مكتبك
وانا قلتلك انتي مش هتشتغلي في المشروع

اسراء : وانا مش هشتغل فيه
هو خلاص جاهز يتبعت

ريان : قصدك علي اللي اتعمل
ما قولت الأرقام بايظه ولا انتي لسه مش مستوعبه

اسراء: بشمهندس ريان انا لما خلصت الايميل بعته لنفسي الاول علي الإيميل بتاعي قبل ما ابعته لأستاذ مدحت
ولو حضرتك شوفته دلوقتي هتلاقي كل حاجه فيه مظبوطه ومختلف عنه اللي اتبعت لأستاذ مدحت

ريان : وريني كدا

وصلت اسراء موبايلها بلااب ريان وقعد يراجعه
لاقي كل الارقام مظبوطه والمساحات ممتازه جدا هي والحسابات ولاحظ أن الايميل دا نفس اللي اتبعت لمدحت بس مختلف الارقام بس
ودا فعلا معناه أنه حد قصد يبوظ شغلها

ريان : اه المشروع دا كدا الصح

اسراء: دلوقتي حضرتك اكيد هتقولي ممكن بردو انا اللي غلطت في اللي اتبعت لمدحت
بس حتي لو كدا اعتبر مفيش حاجه اتبعتت واللي في ايد حضرتك جاهز

ريان : لا يا إسراء
انا كدا اتاكدت إن حد لعب فيهم فعلا
وانا واثق في كلامك وعارف انك مش بتكدبي
واكيد متأسف علي اللي حصل بس مكنش حد مذنب قدامي غيرك

اسراء: حصل خير يا بشمهندس
بس مكنش لازم حضرتك تهزئني والشركه كلها تتفرج عليا

ريان : اسراء انا ....

إسراء ببرود : قلت حصل خير

واخدت اسراء الإيميل وبعتته من لااب ريان لمدحت

إسراء: كدا بعته تاني اهوو قدام حضرتك وقدام مستر مالك
عشان ميتقالش أن بحط ارقام عشوائي وان مهمله

عن اذنك يا بشمهندس
وخرجت إسراء ومنتظرتش تسمع حاجه تاني

مالك : شكلك دلوقتي فانله بحماله واحده قدامنا والله 🙄😂

ريان : دا وقت هزارك انت كمان

مالك

مالك: نعم

ريان: هو انا كدا غلطان فيها صح

مالك بشهقه : غلطااان !
هزئتها وبتسأل غلطان
مصدقتش كلامها وبتسأل غلطان
الشركه كلها عرفت انها بوظت المشروع وبتسأل غلطان
انت بتعوم في الغلط يروحي 🙄😂

ريان : يعني كنت اتنيل اعمل إيه

مالك : مش عارف والله
بردو انت كانت رده فعلك طبيعيه بس لو مكنتش بالصوت العالي والزعيق

ريان : ما انت عارفني يا مالك
مفيش هزار في الشغل

مالك : طب وبعدين

ريان ؛ مش عارف
بس طريقه اسراء أنها زعلانه واوي

مالك بخبث : وانت يهمك في ايه
مش قولتلي انك مالكش في الحب ودا اعجاب وبلا بلا بلا

ريان : انت رخم أقسم بالله
يعم بردو ضميري بيأنبني
بس بردو كنت اعمل ايه .... المشروع كان هيبوظ وكنت أبقي هادي ازاي

مالك : اهدي يصاحبي
كل حاجه وليها حل

ريان : طب فكر معايا في حاجه اصلح اللي عملته

مالك : حاضر من عيوني يبيبي هيهيهييهيهيهيهيهي

ريان : هههههههههههه والله انت فظيع دا وقته

مالك : يعم فرفش
كل حاجه هتتحل ...... اعتمد علي العبد لله

ريان : ماشي .... أما نشوف اخرتها

عند إلهام كانت ماشيه فرحانه إنها نجحت في خطتها وقابلت امل واسراء قدامها

إلهام بحزن مصطنع : عرفت إن المشروع باظ بسببك يا إسراء
وقال ايه يعني المدير طربقها فوق دماغك

اسراء لسه كانت هترد بس امل سبقتها

امل : وانتي متعرفيش بقا إن احنا حلينا المشكله وكل حاجه رجعت تمام
والمدير اتأسف لإسراء

الهام بصدمه : نعم .... ازاي

امل: انتي مش فرحانه ولا ايه يا إلهام

الهام بتوتر :, لا اكيد فرحانه أن كل حاجه اتحلت
بس مستغربه مش اكتر

أمل: لقينا نسخه من المشروع وبعتناه
وكدا اسراء تمام اووي ومغلطتش

معلش بقا هنمشي ....عندنا شغل
ومشيوا وسابوها

اسراء: هههههههههههه عاش يصاحبي
إيه الردود دي 😂

أمل: بت مستفزه ....مصدقت أن المشروع باظ
عايزه جنازه وتشبع فيها لطم

إسراء: بس انتي علمتي عليها

امل : تشكرات تشكرات 😌

اسراء : هههههههههههه طب يالا بقا نشرب نسكافيه ولا اي حاجه

امل : اه يالا
ونزلوا الكافيتريا

والهام كانت مصدومه وروحت بيتها بسرعه
وطلعت اوضتها وهي متعصبه وبدءات تكسر في كل حاجه قدامها
الهام : عاااااااا ..... ازاي .... ازاااااااااااي
كل ما اعمل خطه تبوظ
اعمل فيكي إيه عشان تبعدي عنه
وتقريبا كسرت كل اوضتها

(جبتلكم حق إسراء اهوو 😌😂 )

الهام بشر : والله ما هسيبك يا اسراء وربي ما أنا ساكته غير لما تبعدي عن ريان نهائي
حتي لو هقتلللللللك

عشقتها ولكن البارت الرابع عشر 14 

عند ريان وصل بيته ودخل لجدته أوضتها

نجوي : انت جيت امتا يا حبيبي

ريان : لسه دلوقتي

نجوي : مالك يا ريان ..... شكلك مش تمام
تعالي جمبي

راح ريان جمب نجوي وحط دماغه علي رجليها وهي قعدت تمسح علي شعره و...

نجوي : مش هتقولي مالك بقا

ريان : غلطت وظلمت موظفه عندي ومش عارف اعمل ايه

نجوي : طب كنت اعتذرلها

ريان : عملت كدا بس بردو ضميري بيأنبني

نجوي: كنت اصرفلها مكفاءة وهي هتفرح
كل الموظفين كدا

ريان : لا ...دي غيرهم كلهم

نجوي بمكر : غيرهم ازاي .... وزعلان اووي انك زعلتها كدا ليه

ريان : مش عارف بس كلامها ليا لما عرفتني أنها مغلطتش في شغلها والجفا اللي كان في طريقه كلامها خنقاني

نجوي ابتسمت : هي دي البنت اللي قولتلي لما تتأكد من قرارك هتيجي وتقولي صح

ريان : عرفتي ازاي إن هي نفس البنت

نجوي : يبني عيب علي سني حتي
بس قولي بقا بتحبها من زمان

ريان رفع دماغه واتعدل
بحبها!!!!!

نجوي : اه بتحبها يا ريان

ريان : لا يا نوجا
انا مش عارف إيه الاحساس دا بس......بس مش حب

نجوي : لا يا ريان يا حبيبي
واللي يثبت دا إنك أول مره تهمك موظفة كدا
وانك حاسس إن قلبك واجعك ومخنوق عشان زعلها
ونفسك لو تعرف تراضيها
فكر في كلامي وشوف احساسك وقلبك هيقولك إيه

ريان كان بيسمعها ومركز في كل كلمه قالتها وسابها ودخل اوضته

فكر في كلام جدته وافتكر إنه كل ما يشوف اسراء قلبه بيدق جامد اووي
وبيحس إنه مش عايزها تمشي وتفضل معاه
واد إيه هو مخنوق إنه زعلها

ريان بتوهان : بحبها ..... ريان يحب في يوم
وابتسم ....بحب إسراء
اه بحبها ....قلبي بيقولي كدا

ورن علي مالك

مالك بنوم : إيه يبني ....انت لسه منمتش

ريان بفرحه : بحبها يا مالك ....بحبها

مالك : هي مين دي يابن الهبله

ريان : إسراء.....بحبهاااااا

مالك بضحك علي صاحبه : اخيرا الحجر نطق 😂

ريان : حاسس إني طاير يا مالك ومتلغبط
بس الأكيد إني فرحان
وفرحان اووي كمان

مالك : وانا فرحان لفرحتك دي
طب وهتعمل إيه

ريان : مش عارف
بس الأكيد لازم أصلح اللي عملته الأول ..... بس إزاي

مالك :طب واللي يقولك ازاي تعمله إيه

ريان : أبوسه

مالك بهزار : عارف إن طول عمرك عينك مني
هيهيهيهيهيهيهي

ريان : هههههههههههه يبني يخربيت هبلك هههههههههههه

مالك : تعالي أقولك بقا

ريان : ها

مالك : بص ...........
ها فهمت

ريان : اه فهمت أوي
تسلملي يصاحبي

مالك : عشان تعرف بس إنك من غيري ولا حاجه 😌
ريااان .... ريااان ... ألو
وبص في موبايله لقي ريان قفل في وشه
قفلت 🙂 ..... اخدت غرضك مني ورمتني اهيئ اهيئ
ماشي يا أبو الصحاب 😂ونام مالك

عند ريان قعد يظبط اللي هيعمله بكرا لإسراء وخلص وكان تعب جدا ف نام وهو فرحان لأول مره من قلبه

تاني يوم في النادي

سميرة: يعني كمان المره دي عدت منها

إلهام بغيظ : اه كانت عامله نسخه للمشروع
انا لو اطول كنت قتلتها

سميره: اهدي بس كدا .... وكل حاجه وليها حل
اهم حاجه نفكر في حاجه نبعدها عن ريان غير إن نبوظ شغلها
لأن كدا ريان هيتأكد إن حد قاصد يوقعها وهيحاول يعرف الشخص دا وكدا هيبقي خطر علينا

إلهام : طب هنعمل إيه

سميره: هقولك .........

إلهام: والله يا طنط إنتي دماغك دي ألماظ

سميره: هههههههههههه أهم حاجه متنفذيش دلوقتي
عشان مش يبقي كله وراء بعضه
استني شويه لما الدنيا تهدي

إلهام: حاضر
همشي بقا أنا عشان الشغل

سميره: باي يا حبيبتي

إلهام: باي
ومشيت إلهام وهي بتفكر في كلام سميرة و ...
هههههههههههه هعمل اي حاجه عشان تبقي ليا يا ريان انت وفلوسك هههههههههههه
وهبقي مرات ريان الاسيوطي اغني أغنياء البلد
وركبت عربيتها في طريقها للشركه

عند اسراء وأمل وصلوا الشركه و...

هناء : في يا بشمهندسات إجتماع للشركه كلها كمان عشر دقايق

أمل: مين اللي عامل الاجتماع يا هناء

هناء : مستر ريان اللي عامله
ومشدد كله يحضره

أمل: أوك يا هناء

إسراء: تفتكري عايز إيه

امل: ممكن في مشروع كبير عايزنا كلنا نشتغل فيه

اسراء: اممممممم
طب هروح المكتب اشوف كام حاجه واجي

امل: وانا بردو
يالا اشوفك هناك

ودخلت إسراء مكتبها : ولقت بوكيه ورد وعلبة شيكولاته جلاكسي كبيره
ومكتوب علي ورقة ( Sorry)

إسراء ابتسمت وأول حد جه في بالها كان ريان

وبعدين راحت الاجتماع
وكانت كل الشركه موجوده ومنها مالك اللي مبتسم وفاهم سر الاجتماع
وأمل وحتي إلهام

ريان : ادخلي يا إسراء
ودخلت إسراء وقعدت علي كرسيها

ريان : طبعا كلكم مستغربين إن جمعتكم النهارده
حضراتكم طبعا سمعتوني وانا متعصب امبارح بسبب الشغل اللي كنت فاكره باظ وكانت إسراء السبب

كله شاور بدماغه أنه عارف كدا
واسراء مستغربه ليه فتح الموضوع تاني

ريان :فأنا جمعكم دلوقتي عشان اعتذر لإسراء قدامكم
زي ما اتخانقت معاها بردو قدامكم

كله متفاجأ إن ريان الاسيوطي يعتذر لحد وكمان موظفه
ومالك فرحان ومفتخر عشان دي فكرته اللي قالها لريان
وامل مبسوطه عشان إسراء
والهام تقريبا بتولع من غيظها

أما اسراء فالنقاب كان ساتر ليها لأنها كانت فاتحه بقها علي آخره ( 😂 )
وعينيها مبرقه من صدمتها
عمرها ما كانت تتوقع إن ريان يعتذرلها وقدام الكل

ريان : انا بعتذر يا بشمهندسه علي سؤء ظني بشغلك
والحسابات صرفتلك مكافأة شهر عشان نجاح المشروع اللي عملتيه ولوحدك

اسراء كانت متلغبطه ومكسوفه وفرحانه
شويه مشاعر فوق بعض ملغبطنها

وردت قالت : احم.... خلاص حصل خير يا بشمهندس ولا يهمك
انا مش مضايقه خلاص وشكرا للمكافأة

ريان كان فرحان انها سامحته
وبيبص لمالك ف مالك غمزله وإن الفكره نجحت

وخلص الاجتماع وكل واحد راح علي مكتبه

وأمل كانت مع اسراء في مكتبها
امل بضحك : أول مره اعرف ان المدير لو غلط في حد بيعتذره قدام الشركه كلها

إسراء: قصدك ايه يعني

أمل: مقصديش حاجه خالص 😉

بت استني
مين جايب الشكولاته والورد دول

اسراء بتوتر : احم .....معرفش

أمل: ازاي متعرفيش 😑
هيكون حد جه حطهم ومشي

اسراء: لقيتهم علي المكتب وجمبهم الورقه دي

امل : مكتوب سوري
وتقوليلي معرفش
دا المدير يعنيا

اسراء: اممم

أمل: هههههههههههه ع فكره المدير بيحبك

اسراء بصتلها وبرقت ولسه هتعترض

امل: متقوليش حاجه
عشان انتي كمان بتحبيه .... هسيبك واروح مكتبي بقا

اسراء اول ما امل قالتلها كدا قلبها قعد يدق بعنف
وبعدها مسكت الورقه وبصت للورد
وابتسمت وفرحت اوووي و ....
معقول اكون حبيتك يا ريان
اووووف انا متلغبطه ومش فاهمه حاجه
احسن حاجه اقعد اشوف شغلي ولما أروح أبقي افكر براحتي

عند أمل راحت مكتب مالك

مالك : كدا تمام يا امل .... ظبطتي الحسابات دي وتابعي معايا

امل: حاضر يا بشمهندس
عن اذنك

مالك : امل

امل لفت وبصتله
نعم يا بشمهندس.....في حاجه أضيفها في المشروع

مالك :. لا ...كنت عايزه أسألك سؤال شخصي

امل باستغراب: اتفضل

مالك : هو باباكي هيجي من السفر امتا

امل : وحضرتك عرفت إن اهلي مسافرين ازاي

مالك : ازاي دي هتعرفيها بعدين
بس قوليلي هيجوا امتا

امل : معاد نزولهم الاسبوع الجاي أن شاء الله

مالك بفرحه كويس اوووي

امل : بس ليه

مالك : هتعرفي بعدين
أهم حاجه لما يجوا ياريت تبلغيني وتاخديلي منهم معاد أقابلهم فيه

امل واقفه متنحه ومبرقه وفاتحه بوقها

مالك بضحك : هههههههههههه انتي عامله كدا ليه
شكلك مسخره

امل: هو .... يعني
حضرتك يعني ..... عايز بابا في إيه

مالك : هتعرفي وقتها

امل: انا مش فاهمه حاجه

مالك : مش مهم تفهمي دلوقتي
بس المهم عندكم في البيت شربات أصل بحبه اووي ونفسي اشربه لما اجي عندكم

امل كانت في حاله لا تحسد عليها من سرعه دق قلبها
وكلام مالك اللي مالوش غير معني واحد وهو....

مالك : امل ... انتي نمتي ولا ايه

امل فاقت من تفكيرها ووشها كان احمر ومكسوفه وخرجت برا المكتب بسرعه وراحت علي مكتبها

مالك : هههههههههههه
يالهوي عسل وهي مكسوفه وخدودها زي الطماطم كدا

عند أمل حست إن وشها كله بيخرج حراره وخصوصا خدودها

فراحت الحمام وغسلت وشها وكانت فرحانه اووي

وطول اليوم حاولت متتقابلش مع مالك خالص

ونفس الكلام عند إسراء كانت كل ما تشتغل يجي ريان في تفكيرها ومكنتش مركزه نهائي
بس كل ما تفتكر كلامه والورد تبتسم

وكل دا شرارة حب بتنبت بقلوبهم
ولكنه حبُ حلال وصادق أيضا وليس فيه معصيه للخالق 🔥🧡

توقعاتكم
قد يعجبك أيضا
الاسمبريد إلكترونيرسالة