الفصل الحادي عشر 11 والفصل الثاني عشر 12 من رواية عشقتها ولكن بقلم الكاتبة دينا دخيل
رواية عشقتها ولكن البارت الحادي عشر 11 للكاتبة دينا دخيل
بعد مرور ثلاثة أيام
رجعت إسراء وأمل الشغل
أمل دخلت مكتبها لقت عليه
بوكيه ورد أحمر كبير اووي ومكتوب عليه حمدالله على السلامه
مسكت بوكيه الورد وفرحت اووي بيه بس مكنتش عارفه مين جابه وبعدها دخلت مي ومستر مالك وأحمد
مالك بفرحه : نورتي مكتبك
أمل: ربنا يخليك ي بشمهندس
مي : وحشتيني ي موله
أمل: إنتي أكتر ي ميوش
مالك: دا البشمهندس أحمد ي أمل
مي : اه هيشتغل بدل سامح
أمل لما سمعت إسم سامح جسمها اترعش وحست بخوف اووي
ومالك لاحظ دا وبصلها بصه كأنه بيقولها متخافيش
مالك : أحمد بشمهندس شاطر جدا وان شاء الله هيبقي معانا وهو أخو واحد صحبي
احمد: احنا تلاميذك ي بشمهندس
امل من طريقه احمد وشكله عرفت أنه محترم وحمدت ربها علي كدا
أمل: تمام ..... وشكرا على الورد .... جميل جدا
مي : دا مستر مالك اللي ...
مالك : المهم دلوقتي نبدأ شغل ي بشمهندسه
أمل: اكيد
وانا بعتذر عن غيابي
مالك : مفيش مشكله
يالا وروني شطارتكم
وقعدت أمل وبدءات شغلها
( مالك قاطع مي في الكلام لانه مكنش عايز أمل تعرف أنه هو اللي جاب الورد بس لانها ممكن ترفض تاخده
انما لما تعرف أنه من التيم كله هتفرح وتقبله )
عند إسراء دخلت لريان اللي حس بفرحه غريبه اووي وقلبه بيدق جامد
ومستغرب ليه بيدق لما يشوفها قدامه
ريان : الشركه نورت ي بشمهندسه
إسراء: شكرا لحضرتك
انا طبعا كنت اجازه يومين بس اشتغلت في البيت علي كل الملف كأني كنت موجوده وهو جاهز دلوقتي
ريان: كويس .... هاتي أمضي
إسراء: طب مش هتراجعه
ريان : لا ....... واثق من شغلك ي بشمهندسه
وكانت إلهام دخلت المكتب وفي نفسها
أما نشوف الثقه دي هدوم ولا لا
إسراء: تمام ي بشمهندس هكتب دا في إيميل وابعته ليهم
عشان العمال يبدؤا من بكرا فيه
ريان : اوك
اتفضلي
وإسراء اخدت الملف وخرجت
ريان : خير ي إلهام
إلهام: شركه ..... بعتت إيميل دلوقتي
ريان : تمام .... إبعتيهولي اشوفه وأشوف البنود بتاعته
إلهام: حاضر
وخرجت تشوف شغلها وترتب هتوقع إسراء إزاي
عند أمل خلصت المشروع ودخلت لمالك وكان معاه صاحبه خالد
مالك : تعالي يا أمل
أمل: اتفضل ي بشمهندس...... كدا واقف علي إمضة حضرتك
مالك : اوك ومضي عليه واخدته .....اتفضلي وتابعي الدنيا ووصليلي كل الشغل
أمل: حاضر
عن اذنك
وخرجت
خالد : يالهوي علي القمرر
مالك : نعم يرووح أمك
خالد : نعم ايه.... ايه البت المزه دي
مالك بعصبيه : احترم نفسك ي خالد
وإلا أقسم بالله هزعلك .... وإياك تقرب منها
خالد : يبني أنا توبت خلاص
مالك : اه ما هو واضح
خالد : اه والله..... المهم قولي بقا تعرف عنها إيه
مالك : ليه إن شاء الله
خالد :أصل خلاص ناويت اخش دنيا وهتقدم للقمر دي
مالك قام وخبط علي المكتب بإيديه وقال بعصبيه
نعممممممممم ...... تتقدم لمييييين ...... دا انا اللي هخرجك من الدنيا
خالد : إيه يبني في إيه.....مالك متعصب كدا ليه
بدل ما تفرح لصاحبك وحبيبك
مالك بعصبيه : ولااااااا بطل إستفزاز
خالد : مش عارف مالك
مقولتليش تعرف إيه
مالك : اعرف إنها هتتخطب قريب
ف شوفلك واحده تاني
خالد : يعني لسه مفيش حاجه رسمي
عادي بقا ادخل البيت من بابه ومش هترفض
مالك : دا أنا اللي هكسر باب المكتب علي دماغك
لو فكرت تكلمها بس
دي هتبقي خطيبتي إن شاء الله
خالد: هههههههه مبروووك يسطاا ايوووه بقاا
مالك بيبصله باستغراب
خالد : بتبصلي كدا ليه 😂
انت صدقت إن هخطبها ههههههههه
مالك : نعم
اومال أي كلامك دا
خالد : أصل لما دخلت حسيت بلمعه فرحه في عيونك والإبتسامة المشرقه دي 😂
وانت عرفني في الدقه
فقولت يبقي مالك زيدان وقع خلاص وحب
ولو كنت سألتك مكنتش هتقول
مالك : ياخي عصبتني يخربيتك
بس بصراحه فعلا مكنتش هقول 😂
خالد : صاحبي وعارفك
المهم هي عارفه انك بتحبها ولا ايه
مالك: مش عارف .... حاسس
وبردو خايف يبقي أوهام
خالد : طب ما تعترف لها بحبك وشوف رأيها
مالك : يبني لو عملت كدا من غير حاجه رسمي مش هتيجي الشركه تاني وممكن تقيم عليا الحد 😂
انا عارفها
خالد: ليه دا كله
مالك : ما دي اكتر حاجه شدتني ليها .... احترامها
خالد : ربنا يفرحك ويسعدك
همشي انا بقي وهستني دعوه الفرح
مالك : إن شاء الله
عند إسراء كانت قاعده بتظبط الإيميل
إلهام راحت مكتبها
إلهام: عامله ايه ي إسراء
اسراء باستغراب: الحمد لله
الهام: يارب يحبيبتي دايما
اسراء: بس غريبه
الهام: ايه اللي غريب
اسراء: أصل من ساعه ما جيتي هنا مش دي معاملتك معايا
الهام بكذب : بصي يا إسراء انا طيبه خالص بس مش باخد علي الناس بسرعه
عشان كدا كانت دي معاملتي بس يستي اهو بنتكلم اهوو
إسراء بشك: امممم
إلهام:. قوليلي بقا .... كنتي دفعه كام يمكن نطلع دفعه واحده
إسراء: كنت أزهر
فمعتقدش إن كنا دفعه واحده
إلهام: اهاا
وبقالك كتير لابسه النقاب
اسراء: امممم
بقالي ١١سنه
إلهام: ياااه ليه لابساه وانتي في الحضانه
إسراء: حضانه !
لا لابسه من ٦ إبتدائي
إلهام: اااه ومرتاحه وكدا
إسراء: اه جدا
في إيه يا إلهام انتي ناويه تلبسيه ولا إيه
إلهام: لا لا البسه ايه
انا مش عارفه انتي مستحملاه ازاي
إسراء: ما أنا قولت أن دا رأيك بردو
اومال ايه بقا
الهام: عادي مفيش حاجه قلت ندردش
هروح اجيب نسكافيه وهجبلك معايا
إسراء: دا ايه الكرم دا
ع العموم ماشي
وراحت الهام تجيب النسكافيه وجات وبتدي مج نسكافيه لإسراء وقع شويه منه علي هدوم إسراء وكان دا بقصد إلهام
إلهام : اوووه سووري
مأخدتش بالي
إسراء بضيق : اوووف
الهدوم اتبهدلت اووي ولسه في شغل كتير
إلهام: طب ممكن تنضفيها في الحمام بسرعه
اسراء: ما دا اللي هعمله
هروح الحمام
الهام: معلش بقا مكنش قصدي
اسراء بضيق: حصل خير
ومشيت إسراء للحمام
وإلهام : هههههههههههه غبيه وهتفضلي غبيه
وقعدت علي اللاب بتاع إسراء اللي مفتوح علي الإيميل
وغيرت بعض الأرقام في مساحه المشروع بعد ما إسراء كانت خلصته وراجعته
توقعاتكم 🌚
عشقتها ولكن البارت الثاني عشر 12
إسراء رجعت بعد ما نضفت هدومها رجعت المكتب وملقتش إلهام و...
إسراء: راحت فين دي
احسن إنها مشيت بوظتلي هدومي
وقعدت علي مكتبها وبعتت الإيميل لرئيس العمال عشان يبدأ يشتغل
ودخلت إسراء لريان
إسراء: خلصت الايميل وراجعته وبعته لأستاذ مدحت ي بشمهندس
ريان : كويس اووي ..... المشروع دا انتي اللي استلمتيه كله وخلصتيه يا إسراء بتعبك ودا يدل إنك شاطره وبتحبي شغلك ودا هيخلي مستقبلك كبير
إسراء : شكرا يا بشمهندس.....بنتعلم من حضرتك
ريان : طب انتي خلصتي كدا شغل النهارده
إسراء: اه يا بشمهندس.....وهمشي دلوقتي
مطلوب مني حاجه
ريان : لا ...كدا كله تمام ..... تقدري تمشي
إسراء: عن اذنك وخرجت إسراء
واخدت شنطتها وراحت ل أمل ومشيت راحت البيت وهي فرحانه إنها خلصت المشروع وفرحانه من كلام ريان
إلهام مع سميره في البيت
إلهام : واستني بس بكره يا طنط وشوفي ريان هيعمل فيها إيه
سميره : هههههههههههه طول عمرك شاطره يا لولو
ومتأكدة إن ريان هيطردها ....إبني وعارفه إنه مش بيتهاون في الشغل وهو تعب في الشركه
إلهام : يارب يا طنط يطردها ..... البت دي مش بطيقها
سميره: متخافيش
مهمتك بقا أول ما تمشي ....تشيلي الشركه كدا كلها وهو لما يلاقيكي شاطره في الشغل وحلوه كدا هيحبك وهيتجوزك وتبقي تقولي طنط عندها حق
وجات عليهم نجوي ف سميره وإلهام سكتوا
نجوي : مالكم سكتوا لما شوفتوني يعني
سميره: أبدا يا حماتي مفيش حاجه
بقولك يا لولو تعالي نطلع اوضتي اوريكي حاجه ونكمل كلامنا
وطلعت سميرة وإلهام الاوضة
نجوي : مش مرتحالكم .... شكلكم بتخططوا لحاجه
ريان : إيه يا نوجااا بتكلمي نفسك
نجوي : بكلم نفسي .... قليل الادب انت
ريان: ههههه ليه بس دا انا ريان حبيبك
نجوي : حبيبي !
قولي أخر مره قعدنا مع بعض واتكلمنا امتا كدا ولا ناسيني خالص
ريان قعد جمبها وباس إيديها ودماغها
انساكي ازاي بس يا نوجااا .... الشغل بس اللي كتير
وبعدين أنا اهوو قاعد معاكي نتكلم للصبح
نجوي : ربنا يقويك يا حبيبي
بس قولي بقا حاساك متغير
ريان : متغير إزاي
نجوي : يعني شويه سرحان
وبقيت بتضحك علي طول مش بعوايدك
ريان بضحك : إيه يا نوجا مش عايزاني أضحك
نجوي : بطل يا ولد ...انت فاهمني كويس
ريان : انا مش فاهم حاجه يا نوجا
نجوي: يعني مفيش بنوته كدا اللي سبب التغير دا
ريان : مفيش حاجه يا نوجا متقلقيش
نجوي : عليا بردو ....دا انا عارفاك أكتر من نفسك
ريان : يا نوجا يا جامد
بصي هو تقريبا في .....لما أعرف احدد وافهم نفسي هحكيلك
صدقيني هاجي أقولك بس مش دلوقتي
نجوي : وأنا مستنيه
ريان : هههههههههههه ماشي ....هطلع أنا بقا أصل هموت وانام
نجوي : ماشي ...قوم إرتاح
وطلع ريان أوضته أخد شاور ونام
تاني يوم في الشركه
ريان في مكتبه وموبايله رن
ريان: ألو .....أيوه يا أستاذ مدحت
مدحت بضيق : أهلا يا بشمهندس
كان بس في مشكله في المشروع
ريان : أني مشروع ومشكله إيه
مدحت : البشمهندسه إسراء بعتتلي الإيميل اللي فيه كل تفاصيل الموقع والمساحه
ريان : طب دا تمام ....فين المشكله
مدحت : المشكله إن الحسابات والمساحه كلها بايظه ومش هتنفع وانا لو مكنتش رجعت الحسابات قبل ما نبدأ شغل
كان هتحصل كارثه والمشروع يبوظ وكنا هنخسر ملايين
ريان قام وقف بغضب : إنت متأكد من كلامك يا مدحت
يمكن غلطت ....إسراء بقالها فتره شغاله معانا وشغلها تمام وممتاز
مدحت : طب انا هقفل مع حضرتك وأبعتلك الإيميل وراجعه تاني وهتصدق كلامي
ريان : اوك
وبعت مدحت الايميل لريان
وإكتشف إنه في غلطات كتير جدا ولو مكنش مدحت إكتشافها كانت هتبقي أكبر خساره للشركه
غير كدا المشروع هيتعاد تاني وهياخد وقت أطول وهما المفروض ليهم مده محدده يخلصوا فيه شغلهم
ريان بعصبية : كلم هناء السكرتيرة
هناء : ايوه يا بشمهندس
ريان بغضب : تشوفي إسراء فين وخليها تيجي علي المكتب حالا ....فاهمه
هناء بخوف : حاضر يا بشمهندس
وراحت هناء ل إسراء وكانت مع أمل بيضحكوا
اسراء: مالك يا هناء بتجري كدا ليه
هناء : بشمهندس ريان عايزك وقالب الدنيا عليكي وشكله مش طايق نفسه
اسراء: ليه ايه اللي حصل لدا كله
هناء: معرفش .... إنتي لسه هتفكري
يالا روحي بسرعه .... إنتي لسه متعرفيش ريان الاسيوطي وعصبيته
امل: روحي يا إسراء وانا هستناكي مع هناء
ودخلت إسراء لريان
إسراء: نعم يا بشمهندس
ريان بعصبية : انتي حطيتي كل الحسابات بتاعت المشروع ودراستيها كويس
ولا حطيتي عشوائي
اسراء : عشوائي إيه يا بشمهندس
من امتا واحنا بنحطه عشوائي
ريان بزعيق : أنا هنا اللي بسأل مش إنتي
اسراء اتخضت من صوته اووي
اسراء: اه يا بشمهندس درست الحسابات كويس وراجعتها
ريان بعصبية : لا واضح اووي
المشروع كله باظ يا بشمهندسه
والمساحات بتاعت المشروع كلها ملهاش علاقه بيه كأنهم محطوطين عشوائي
شركة الاسيوطي بقالها سنين شغاله
اول مره تحصل فيها غلطه كدا ومن حضرتك
اسراء: يا بشمهندس ازاي اكيد حضرتك غلطان انا متأكدة من شغلي
ريان بصوت عالي: غلطان
كمان دلوقتي هتقولي غلطان .... هو الغلط فعلا إن مرجعتش وراكي
إسراء: يا بشمهندس اسمعني بس
ريان : ولا كلمة زياده
كل دا وتقريبا الشركة كلها اتجمعت قدام مكتب ريان ومش فاهمين في إيه
والهام واقفه وطبعا عارفه إيه سبب العصبية دي وكانت فرحانه جدا إن خطتها نجحت
عند ريان
إسراء: طب ممكن اشوف الايميل اللي اتبعت
ريان بضيق: اتفضلي قدامك علي اللاب اهوو
إسراء: ايه دا فعلا كل الحسابات غلط
ريان : لا والله....وانتي بتشوفيه عشان تقوليلي كدا
اسراء: انا قصدي أنهم غلط .....بس مش انا اللي حاطه الحسابات كدا
ريان : وهو كان في حد غيرك شغال في المشروع يا بشمهندسه
اسراء: لا انا بس
بس أنا متأكدة إن مش دي الارقام اللي أنا حطاها
اكيد في حد لعب في الأرقام دي
ريان بنفاذ صبر: معاكي للآخر
الإيميل اتبعت لحد قبل ما يتبعت لمدحت عشان يتلعب فيه ؟
إسراء:, لا ليه بس
ما دا اللي محيرني
ريان : مفيش حيرة
كل الحكايه ان حضرتك وثقتي في شغلك جامد وخلاكي تغلطي
ومش أي غلطه....دي كانت هتخسر الشركه ملايين
اسراء: بس انا متأكدة من شغلي يا بشمهندس
وعارفه انا حطيت ارقام إيه
ريان بزعيق : خلاص يا انسه
المشروع هيتعاد تاني ومش انتي اللي هتشتغلي فيه
ولو كان حد تاني اللي غلط كدا كنت رفدته من الشركه
اتفضلي يالا علي مكتبك وخرجت إسراء ولقت أمل وكانت فهمت كل حاجه وقعدت اسراء تعيط
وهتتجنن وتعرف ازاي الارقام اتغيرت ومحدش معاه الايميل غيرها
عند إلهام
تؤ تؤ تؤ اسراء بتعيط .... هههههههههههه
ولسه كمان ....مش عارفه هو مطردتكيش ليه
بس بردو هو كدا خلاص مبقاش طايق يشوفك ....فاضل اخليه يشوف شطارتي بقا
توقعااااااااااتكم
- عشقتها ولكن الفصل 13 و14 أضغط هنا
- ليصلك شعار بالحلقات الجديدة انضم لنا على تليجرام أضغط هنا