رواية خطيئة خيال الفصل التاسع والعشرون 29 والأخير - هايدي الصعيدي

"لا قدر يا قلبي تحبي اوريكي عمل إيه كمان بابا مش الملاك اللي انتي متخيلاه جواه شرير ..

لوسي حطت إيدها علي بؤها و دموعها نزلت حنين بصت لها بصدمه و مش قادره تستوعب اللي خيال بتقوله بتهينه و تدمر صورته قدام بنته

خيال محستش غير بك*ف هارون اللي بينزل علي و*شها وهو بيزمجر بإسمها بحده :

" خيااال".

خيال من الخوف و الصدمه و التعب جسمها و أطرافها بردت و بصت علي رجليها و برجفه و خوف :" حنييين "

حنين شهقت وهي بتصوت لما شافت د*م نازل منها : اتصل بالدكتور بسرعه يا هارون، البنت بت*نزف يالهوووي خيااال.

هارون كان واقف مغلوب علي أمره حس أنه اتهد من كلامها و من اللي عمله فيها و من اللي بنته سمعته كان

جواه مشاعر كتير بتخبط في كيانه لوسي شافت ابوها واقف متحركش جريت علي تحت

و بخوف و دموع : " يا تيته يا تيته رني علي الدكتور بسرعه، خيال... خيال بت*نزف و تعبانه أوي بابا بابا ض*ربها ".

كريمه وقفت بصدمه و خوف و جريت علي التليفون الأرضي طلعت رقم الدكتور و رنت عليه :" أيوووة يا دكتور علي محتاجينك هنا ضروري مرات ابني بت*نزف

عروسه جديده ماشي ماشي سلام ".

و قفلت و حضنت لوسيندا المنهارة :" اهدي يا حبيبتي متخافيش هتبقي كويسه روحي انتي أوضتك و أنا رايحه اشوفها "

هارون أخيرا اتحرك وهو حاسس أن رجليه مش مسعداه  وشالها حطها علي السرير و بص لها و عيونه كلها حزن و كسرة خيال أول مره تشوفها و دموعها نزلت غصب عنها و انهارت في بُكي حاد حنين مقدرتش تسكتها.

هارون سمع بكاها و خرج من الأوضة بغضب و نزل علي تحت شاف الدكتور جارهم داخل مستعجل و هو

ماسك شنطته في إيده : "خير يا أستاذ هارون"

هارون بقوة واهيه :" خير يا دكتور اتفضل معايا "

و وقف بيه قدام الأوضة : "ثانيه واحده"

و دخل بص لحنين اللي قَعده و مسكه إيد خيال : " قومي لبسيها حاجه زي الناس الدكتور واقف بره "

خيال بحده :" أنا مش عايزه دكاتره و مش عايزه منك حاجه أخرج براااا "

هارون فكه اتصلب و حرك رقبته بغضب و قرب منها مسك فكها و بحده خافته : " صوتك ميطلعش يا بنت انتي شكله الدلع بوظك وقلة الأد*ب معاكي خدت

حدها أخرسي خالص، و مش عايز أسمع صوتك

نهائي الدكتور بره هيدخل يكشف عليكي و ماشي

و أنا خارج و مش عايز أشوف وشك اصلا "

و سابهم وخرج حنين كانت واقفه ساكته و مصدومه من اللي بيحصل قدمها و قامت جابت لها فستها واسع بكم و لبستها بهدوء و خيال دموعها نازله و كل شوية تمسحهم

بضهر إيدها زي الأطفال اللي مش قادره تمنع غصتها

حنين فتحت الباب :" اتفضل يا دكتور ".

الدكتور دخل و مكنش محتاج يكشف عليها ركب لها محلول و ضرب فيه حقنة توقف النزيف و كتب لها

علاج مرهم و برشام و ساب الروشته و خرج بهدوء

الوضع حساس و مينفعش فيه كلام كتير.

هارون كان واقف مستني الدكتور بره خد من الروشته و حاسبه و نزل معاه من غير كلام و هو علي باب الڤيلا :" شكرا يا دكتور تعبناك"

: "لا شكر علي واجب يا أستاذ هارون ده واجبي"

هارون رجع الڤيلا بعد ما ادي الروشته لواحد من الأمن يجيبها و راح المشغل بتاعه

***

حنين كانت قَعده جمب خيال بتمسح علي شعرها ببطء

خيال بغصه :" انتي مدافعتيش عني ليه "

حنين بهدوء :" ده جوزك اختيارك اللي انتي ضحيتي بكل حاجه عشانه لازم تتحملي نتيجة أفعالك و زي ما هو غلطان انتي كمان غلطانه و أوي انتي ازاي تقولي عليه كده قدام بنته ازاي تطرديه و الدكتور واقف بره عمل إيه عشان يوصلك للحالة دي غصبك مثلا "

خيال هزت دماغها بالرفض : " لا مغصبنيش علي حاجه أنا كنت راضيه و مش زعلانه و بعدين مهو لسه ضار*بني قدامك "

حنين بهداوة : " ضر*بك علي أسلوبك الغير محترم و ده غلط طبعا بس ده رد فعل حصل إيه غير كده "

خيال بنرفزه :" صحي الصبح و كان بيعاملني بإسلوب بارد و جاف زي مشاعره "

حنين بصدمه :" هارون مشاعره بارده اتجاهك ده عيونه فضحاه ده اتشل من الصدمه لما شافك بتنزفي، و بعدين كان بيعاملك بإسلوب بارد ليه ما انتي بتقولي كل حاجه كانت بالتراضي أكيد زعلان من نفسه بعد اللي عمله ده كله "

كريمه دخلت عليهم بصنية عليها أكل و عصير : "؛ و ده بالظبط اللي حصل أنا لأول مره من زمااااان جدا هارون

يقول لي أنا خايف خايف يأذيكي أو يجي عليكي في معاملته معاكي عشان كده بعده مش برود لكن خوف

عليكي منه و كان طالع يصالحك بس معرفش انتي

عملتي إيه خلاه اتجنن كده".

حنين بصت لخيال بعتاب و خيال ملامحها اتأثرت لكن رفعت راسها بمكابره ..

كريمه قربت و حطت الصانية قدامها :"  أكلي أختك يا حنين و أديها العصير عشان تقدر تصلب طولها و تعرف

إنها مش متجوزه شب من سنها لسه بيتعلم و هيتعلم

معاها حياته الزوجيه لا ده راجل كبير جرب الجواز قبل كده و عاش أعذب فترة طويله وهو ده إختيارها اللي كلنا قولنا عليه مش مناسب ".

خيال إفتكرت كلام إياد عن الأسد المحبوس و الأرنب الصغير و كأنه كان عارف ان ده هيحصل معاها :" أنا معنديش أي إعتراض علي اللي حصل علي فكرة أنا

مشكلتي في بروده ليه يتعامل معايا كده و أنا

حتي مفكرتش أزعل من اللي عمله عشان أنا

بحبه و مش بقدر علي زعله يبيع و يشتري فيا يعني  يسيبني براحته ويقرب براحته طب فين أنا و دي مش أول مره يعملها "

كريمه مسحت علي شعرها : "طب كفايه عياط و اهدي و أنا هارون ليا كلام معاه تاني"

و سابتهم و خرجت حنين قربت عشان تأكلها خيال رفضت في الأول بس حنين صممت لحد ما خلتها خلصت الأكل كله.

و جت تخرج خيال اتكلمت بخفوت : " حنين بليز متعرفيش إياد اللي حصل "

حنين هزت دماغها بقلة حيله و خرجت و فات أسبوع و حنين مهتمه بخيال و كريمه كل شوية تطلع تطمن عليها

و لوسيندا منعزله في أوضتها و هارون مبيدخلش الڤيلا

اصلا قاعد في المشغل مبيخرجش ولا قادر يواجهم بعد الفضيحة اللي حصلت ...

هارون وقف ببرود من قدام اللوحة اللي بيرسمها و طلع من المشغل عشان ياخد دُش و يرجع تاني

و دخل الڤيلا شاف لوسيندا خارجه من المطبخ وفي إيدها تفاحه بتقطمها، و وقفت متحنطه في مكانها

بخوف و دموعها ملت عيونها ضغط علي اسنانه بقهر ولسه بيقرب منها سابته وطلعت تجري علي أوضتها

هارون طلع بغضب و فتح الباب بع*نف شاف خيال قَعده قدام المرايا  و بتمشط شعرها بشرود قرب منها و بغضب : " تطلعي حااااالا تصلحي الفكره اللي دخلتيها في عقل  لوسيندا ".

خيال قلبها نبض بع*نف وجواها مشاعر كتير متلخبطه و ببرود :  " وإلا؟!!  "

هارون قرب منها بهدوء و سحب شعرها كله بين صوابعه لدرجة حسستها لو ضغط شوية كمان هيك*سر رقبتها و عيونها في عيونه و بهمس : " هوريكي الشرير اللي جوايا  اللي بيغت*صب البنات ".

و ابتسم بوجع في اخر كلامه خيال خدت نفسها بإضطراب وهي بتشهق بخفه :"  طب أعملي حاجه و أنا و ربنا لهخلي إياد يجي ياخدني "

هارون هز دماغه بالرفض و بصوت عالي فزعها :"  لااااا ما انا مبتهددش يا روح امك "

هارون زق*ها علي السرير  : "بُصي أنا اصلا مش عايز منك حاجة كده كده هما كلمتين هدخل آخد دُش أطلع ألاقيكي مصلحه كل اللي انتي عملتيه سامعه"؟

خيال مردتش وهي جواها خايفه علي مشتاقه علي حزينه علي زعلانه بسبب اللي وصلوا ليه هارون شخط فيها :"  سااااااامعه "

خيال هزت دماغها بخفه و دموعها ملت عيونها هارون فضل باصص لها و نظراته بتتغير من غضب لإشتياق مخفي لوجع و قام عنها ببرود : " يلا "

و دخل الحمام و رزع الباب وراه خيال اتعدلت و مسحت وشها بحزن و عدلت شعرها و قامت تشوف لوسيندا

***

خبطت علي بابها بهدوء و دخلت :" لولي صاحيه "

لوسي مسحت وشها :" أيوة يا خيال تعالي "

خيال قربت منها و مسكت إيدها :" أنا اسفه "

لوسي اتعدلت :" ليه بتقولي كده "؟

:" عشان في لحظة غضب و إنهيار  شوهت في نظرك صورة أحسن راجل في الدنيا دي كلها "

لوسي بحزن :" متحاوليش يا خيال أنا شوفت بعيني "

خيال بخفوت :" اللي شوفتيه بعينك ده كان برضايا  و متضايقتش منه "

لوسي بصدمه : "انتي بتقولي إيه"!

:" انا مبقتش فاهمه حاجه خالص الشخص اللي طول عمري رسمه له صوره مميزه بالحنيه و الحب يكون وحشي للدرجة دي عشان ليه م،يول  "

خيال عقدت حواجبها بغضب و حزن بعد تشبيها لهارون بالوحشي بسبب كلامها :" بصي يا لوسيندا انتي مش هتقدري تفهمي إحساس اللي قدامك طول ما انتي معشتيش اللي عاشه يبقي متحكميش علي أفعاله انتي لو جربتي الحب و ناره و وجع الفراق

ممكن تعذري ... الإشتياق صعب جدا بالذات لما يجي بعد المستحيل "

و خدت نفس طويل :" و عشان تبقي عارفه برضو أنا اللي طلبت منه كده "

لوسي رفعة حواجبها بزهول :" افندم "

خيال مكانتش حبه تعترف بحاجه زي كده عرفتها في نفسها من ساعه ما كانت مع هارون في المشغل بس عشان خاطر تعدل صورة هارون اللي شوهتها قدام بنته عرفتها :" ايوة يا ستي إيه الغريبه انتي واحده بتحبي انك تتعاملي بطريقه كلها حب و رومانسيه و هدوء أنا واحده بحب أتعامل بجنون و هارون مش وحشي هو مجرد راجل بيلبي رغ*بات.. "

و علي ذكر هارون اللي خرج من الحمام لبس تيشرت اسود واسع جدا  و خفيف مبين عضلاته و بنطلون اسود قطن واسع و خد ازازة الكونياك بتاعته  و خرج حافي و شعره لسه بينقطه لوحه عن الإثارة و الفوضوية تجنن ...

طلع سيجاره و لعها و وقف مكانه وهو معدي قدام أوضة لوسيندا بعد ما سمع كلام خيال الأخير و فتح عيونه بزهول من كلامها الجريئ ..

لوسي حطت إيدها علي وشها من الإحراج و من النقطه اللي وصل ليها النقاش : " اوه جااد أنا مكسوفه أووي يعني أنا كده لو زعلت و خدت جمب من بابا هكون مقموصه بسبب علاقته معاكي .. يالهوووي ده أنا حشرت نفسي في نص خصوصيتكم "

خيال هزت دماغها :" بظبط و بصوت نور بالعربي كده يا لوسي ملكيش دعوة نراضي بقي بعض نزعل بعض في الحته دي محدش ليه دعوة أنا وهو حريين "

لوسي ض*ربتها بالقلم علي كتفها بنرفزة :" و أنا كل ده مفكراه ضر*بك أو أغت*صبك منك لله يا خيال علي الإحساس اللي عِشته بسبب كلامك بابا يا ربي أنا كل شويه بزعله مني بجد ده انتي يا زفته "

و شدتها من شعرها و هي بتقلد خيال :" انا وهو حرييين نينينيني "

خيال حطت إيدها علي شعرها بوجع :" لا دي طلعه من قلبك بقي ... أنا عارفه الغيرة وحشه يا بنتي .. "

وضحكت في آخر كلامها و طلعت لسانها و بآستفزاز : " خدت منك أبوكي هههههههههه "

لوسي زقتها علي السرير :" ده انتي اللي قصداها بقي بجد يا حقوده يا خطافة الأبهات" ... و فضلوا يضربوا بعض بهزار و ضحك

هارون مشي وهو بيهز دماغه بقلة حيله وهو عارف إن كل واحده قالت اللي في قلبها و جابوها في ضحك وهزار و كل واحده بتعلي علي التانيه و هما بيقسموا فيه بس من جواه كان مبسوط إن في قططتين صغيرين زي القمر بيتخانقوا علي حضنه واحده منهم بنته و التانيه مراته.

دخل المشغل و مسك الحطب يرميه في الدفايه لما حس بالبارد بسبب هدومه الخفيفه و شعره الرطب و ولعهم بعد عن الدفايه و صب لنفسه كاس ورجع قعد قدام لوحته من تاني عبارة عن ملامح خيال ..

...

خيال وقفت و عدلت شعرها و مدت إيدها  لي لوسي : " يلا تعالي عشان تصالحي باباكي "

لوسي بلعت ريقها بإحراج :" طب ما تصالحيه بالنيابه عني ".

خيال ابتسمت بتهكم :" والله كان نفسي بس أنا بقالي أسبوع مشفتهوش اصلا و لا سأل فيا كنت صالحته لينا احنا الاتنين "

لوسي حضنتها : "معلش حقك عليا طب تعالي معايا و نصالحه"

خيال محبتش ترفض و خدتها و طلعت شافوا الجناح فاضي راحوا ليه المشغل و هبت نسمت هوي عاليه

خلت جسمهم قشعر و شعرهم طار حواليهم

هارون رفع كتافه لفوق من البرد بسب سقف الورشه المفتوح و قام قعد علي رجليه قدام الدفايه و في ركبه سانده علي الأرض و ركبه مرفوعه و مد إيده نحية النار.

دخلت خيال مع لوسي و شافوه قاعد قدام النار لوسي قلبها رق ليه و خيال قلبها اشتاق يدفيه .

لوسي قربت منه و باست خده وهو علي نفس الوضع : " انا اسفه "

هارون ربت علي كف إيدها اللي علي كتفه : "ولا يهمك يا بابا روحي يلا دفي نفسك من البرد عشان متتعبيش"

لوسي اتأثرت من كلامه و حضنته بحب من ضهره  و بعدت بهدوء وهو بتشاور لخيال و بتشجعها تقرب و سابتهم و خرجت.

خيال بلعت ريقها بصعوبه و تحركت في المشغل وهي مش عارفه تبعد ولا تقرب منه و عيونها وقعت علي اللوحة اللي كان راسمها.

هارون عرف انها شافت اللوحه من خيالها اللي عكسته النار و ضغط علي كفه و بهدوء : "روحي أوضتك انتي كمان يلا"

خيال خدت اللوحه بين إيديها و مردتش علي كلامه و قربت من النار و رمتها جواها و هي بتبص عليها ببرود

: "يوم عايزه امسحه من ذكرياتي انت عامل له تذكار"

هارون مردش علي كلامها و بهدوء وهو علي نفس وضعه و خيال واقفه جمبه بس بعيد عنه :" الكلام اللي قولتيه عنك ده بجد "؟

خيال عرفت انه سمعهم رفعت كتفها لفوق و مردتش عليه هارون غمض عيونه وهو بيحرك رقبته الناحيه التانيه بنرفزه :" يا بنت الكل*ب و سيباني ده كله مبنامش من زعلي و ندمي و أنتي اصلا الموضوع كان علي هواكي "

خيال اتحركت من مكانها :" أنا ماشيه "

و اتصلبت مكانها أول ما النور قطع و ذكري لحظاتهم في المكان ده بنفس الأجواء دي احتلت كيانها و غمضت عيونها بضعف أول ما حست بكف إيده و أنفاسه و بهمس : "أشتاقتي لهارون يا قطتي ".

***

خيال بلعت ريقها و ترعشت من حركته:"  أنا ديما مشتاقه لهارون بس السؤال هنا هارون إشتاقلي!؟ "

هارون  : " أوووف موت "

خيال غمضت عيونها و لفت ليه ولسه هتتكلم هارون حط صوابعه علي شفايفها :" هششش مش عايز عتااب أسبوع بُعد كفايه اوي يعلمنا أخطائنا يا خيال مش عايز أسمع حاجه و لا أتكلم في حاجه انا اسف اسف علي كل لحظة وجع و زعل سببتهالك انا بس كنت خايف أذيك فبعدت مع اني مبقدرش علي بعدك انتي نفسي يا خيال انا عايزك اوي عايز ارجع احس نفس الاحساس و..  "

و قال الاخيره وهو بيجز علي اسنانه حرقت الد*م في عروقه و همس قدامها : "عايزاني زي مانا عايزك و نفسي فيكي يا هارون"

خيال  : " آآه هارون "

هارون سحبها من بين شف وو...

خيال بصت له بصدمه و بتتأمل ملامحه: "وحشتني أوي يا هارون "

و..

خيال :" وحشني موووت أنا اسفه سامحني بليييز"

هارون زفر أنفاسه وهو فاتح بؤه بخفه : " خياال "

خيال رفعت عيونها النعسانه الي خيمت عليهم :" نعم يا هارون"

هارون اتنفس بسرعه  :" تعاالي "

و نفذ أمر مع فعل وهو بيسحبها و..

وفضلوا في جنانهم العنيف لحد ما طلع الفجر..

***

لحد ما طلعت الشمس خيال لفت علي هارون و فتحت عيونها في نفس اللحظه اللي حس هارون بحركتها و فتح عيونه هارون ابتسم : " صباح الخير "

خيال اتنفست بسرعه : "هتسسسسي"

هارون مسح وشه : "شُفيتم"

و ضحك هو و خيال بصوت عالي و قرب منها و هرمون السعاده مالي جسمهم بعد ليلة مشتعله :" بحبك بحبك أوي يا خيال "

خيال عضت شِفتها بفرحه :" مع كل شمس تطلع علينا عايزاك تكون كده دايما حتي لو حصل في يوم و قصرت معاك متتغيرش عن كده ارجوك"

هارون مسح علي خدها : "انا ببقي  مش عايز الشمس تطلع أصلا و تفضلي دايما في حضني يا خيالي"

خيال ابتسمت برقه :" يلا نعيييش في عيون الليل و نقول للشمس تعالي تعالي بعد سنه مش قبل سنه "

هارون ضحك و مسح علي قُصتها و غنوا هما الاتنين مع بعض :" دي ليلة حب حلوه بألف ليلة و ليلة  "

خيال ضحكت بصوت عالي : " اااه بالف ليلة و ليلة بكل العمر "

هارون سحبها بسرعه و قام يلف بيها : "هووو العمر إيه غير ليلة زي الليلة"

و نزل خيال علي الارض و هي بتتنفس بسرعه و لسه الضحكه علي وشها و بصت ليه بشغف : "انا بعشقك "

هارون مسح خدها بخفه و برقه لمست قلبها: " و انا بموت فيكي يا خيال "

و فات سنه أيامهم كانت زي كده علي طول خيال  أُنثي شرسه بالليل و طفله دلوعة باباها بالنهار و فضلت بتروح الكلية مع هارون كل يوم حنين تقريبا هي اللي شايله الشركه و ترجع اخر اليوم تنام في سرير إلياس و لوسيندا رجعت لحياتها و الموضوع ميخلاش من شوية غيره بينهم

***

الساعه 3 الفجر وقفت عربيه قدام الڤيلا و نزل يمشي بخطوات هاديه فتح باب الأوضة بهدوء و دخل وقعد جمبها و مسح علي شعرها بخفه لحد ما فتحت عيونها و بصوت عميق طالع من بين ضلوعه : " هااي ماما "

حنين فتحت عيونها بصدمه و قامت منفوضه و دموعها نزلت : "اليااااااس"

و حضنته بلهفه و رجعت بصت له تاني فيه حاجه غريبه بشرته بقت أسمر من الأول شعره خفيف و عضلاته زادت

و عيونه... عيونه فيهم لمعه اختفت مش مصدقه انه قدامها بقاله ست شهور مختفي بتطمن عليه هي و هارون من إياد حطت إيدها علي فكه :" ايه يا حبيبي ايه يا بابا كنت فيين ده

و لسه هتكمل سمعت صوت صريخ : ": اااه الحقني يا هارون بووووولد"

حنين قامت بسرعه و بقلق : "خيال بتولد ياسين هيوصل بالسلامه"

إلياس فتح عيونه بصدمه :" هو انا خرجت من معسكر مجانين سنه عشان ألبس في جيش علي كبر بسبب ابويا القادر"