رواية القاسي والمجنونه الفصل التاسع والعشرون 29 - بقلم شهد احمد

القااسي و المجنونة .. الحلقه التاسعة و العشرين ♥️

* لم تعرف السعادة طريقي الا بدخولك في حياتي يا من ملكت قلبي ♥️ *

صباح يوم ملئ بالبهجه و السعادة علي الجميع فهو يوم زفاف ابناء الدمنهوري و السيوفي و الحناوي و ... كان يعم قصر السيوفي السعادة .. كانت تقف نور امام الخزانه الخاصة بها لكي تختار ما سوف تدرتديه لكي تذهب مع الفتيات الاوتيل التي سوف تتجهز به .. فوقع اختيارها علي دريس من اللون الأبيض به لون آخر من اللون السيماوي وارتدت طرحه من اللون السيماوي ولم تضع اي شئ علي بشرتها .. فاحست بشخص يحضتنها من الخلف فكان صقر ويدفن راسه في عنقهاا

نور بابتسامه / انت صحيت .. صباح الخير يا حبيبي

صقر بحب / صحيت من اول ما قمتي من جمبي .. صباح الفل يا حوريه قلبي

نور بابتسامه / طب يلا بقا خلينا نجهز عشان متاخرش علي البنات

صقر بضيق / حبيبتي انتي تعبانه لي تروحي خليكي و روحي الفرح

نور بضحك وهي تتعلق برقبته / صدقني انا كويسه والله

صقر بحب / اتمني كدا طب يلاا خليني اوصلك

فابدل صقر ملابسه الي بنطلون چينز و عليه قميص من اللون الأبيض و كوتشي من نفس لون القميص وامسك يديها بين يديه و خرجوا متجهين الي الاوتيل الا موجود به الفتيات و الشباب ..

بعد القليل وصل صقر و ذهب مع نور واوصلها امام باب الغرفة فكانت علي وشك الدخول ولكن اوقفها صوت من خفق قلبها له ..

صقر / نور

نور بحب / عيون نور

صقر بضحك / بلاش كلامك دا والنبي بدل ما اخدك ونروح تاني

فضحكت نور بخفوت ..

صقر بتحذير / مش عاوزك تحطي حاجه علي وشك انتي فاهمه

نور بضيق / و حياتي يا صقر هحوط حاجه خفيفه اوووي مش هكتر

صقر بضيق / لا برضو

نور بابتسامه / طب عشان خاطري بقاا متبقاش رخم دا انا حتي محضرالك مفاجأة النهاره

صقر بابتسامه / طيب يا مغلباني بس حاجه خفيفه عشان لو كان كتير هخليكي تمسحيه كلو

فتقدمت منه نور بسرعه وقبلته / يسلملي هالعيون

ودخلت الي الغرفة بسرعه شديده اما عن صقر فنظر في اثرها بحب شديد وضحك و ذهب الي غرفه الشباب ..

في غرفه الفتيات .. كانو يجلسون جميعا ياكلون .. فنظرت لهم نور بصدمه

نور بصدمه / يخربيتكوا اي الا انتو مهببينوا دا

نهله والاكل في بوقها / الله بلاش ناكل

نور بقرف / هششش اسكتي انتي وكلي بسكوت

ساره بمرح / ما احنا ناكل دلوقتي عشان نعرف نكمل اليوم يا نور باشا

نور بضحك / والنبي دا شكل عرايس كل واحده ماسكه في ايديها علبه بيتزا ونازله حش

روان بمرح / والنبي جاعنين يا ختي

نور بغمزه لحوريه / اهلاا بمرات اخويااا الا معزمتش عليا بقطعه بيتزا حتي

حوريه بخجل / احم اسفه و و ا ا

نور بمقاطعه وضحك / بس بس أي كل التوتر دا عشان بقولك مرات اخويا .. وبعدين يا ستي انا جايبه اكل كتير معايا اصللا مكنتش اعرف انكوا هتجيبوا وتاكلوا من غيري يا واطين

فرح بضحك / معلش يا صاحبي يلاا كلي عشان تبدا وصله المحاره

فانفجرت الفتيات ومن معهم من متخصصين في تزين العرائس ضاحكين .. وحلست نور علي كنبه كبيره وامسكت كيس كبير به الكثير من الطعام وجلست ترسه علي الطربيزه تحت دهشه الفتيات

نور باستغراب وهي تاكل / مالكوا بتبصولي كدا لي !

نهله بذهول / تصدقي انك لو مكنتيش متربيه معايا كنت قولت عليكي مفجوعه

فرح بصدمه / أي كل الاكل دا

ساره بذهول من كميه الاكل / هتاكلي كل دا

روان بمرح / لا مخلااص هي خلصت نصه فاضل نصه بس

حوريه بضحك / خلاص يا بنات متكسوفهاش

نور بمرح / خمسه في عنيكوا انتو الكل الله مش لازم اخذي نفسي ولا أي والنبي ما فيكوا غير حوريه مرات اخويا

فضحك الجميع تحت صدمتهم من هذا الاكل التي قضت عليه نور .. بعد القليل قاموا لكي يتجهزوا تحت المرح و الضحك من الجميع والفرحه التي تملئ عيونهم جميعااا

______________________________________

اما في غرفه الشباب كانو يجهزون نفسهم بمرح وفرحه شديده

رامي بمرح وهو يرقص / النهارده فرحي يجدعان

حمزه بضحك / عاوز كله يبقاا تمام

حسام بمرح / وهتجوز هتجوووز

ادهم برقص / لولولولي عقبال عندك يا ام فاروق

اسد بضحك / يخربيتكوا اي الهبل دا

صقر بضحك / بذمتكوا دا شكل عرسان فرحهم النهارده اخص علي الرجاله .. رجاله آخر زمن

رامي بمرح صوت انوثي / لي بس يا بيبي و يهون عليك تسبني انا وابنك الا بطني

اسد بذهول / يخربيتك ياض يا رامي

صقر بجديه مصتنعه / لا خلاص انا رجعت في رائي مش هجوزك اختي

رامي بسرعه وصوت رجولي / حضالله ما يحصل

فضحكوا جميعااا وظل صقر ينظر لهم في فرحه شديده فهم اصبحوا اصدقاء مقربه بشده .. ودعا ان يحمي الله عائلته الجميلة هذه

______________________________________

يا اجمل ايامي واجمل احلامي وانا بين ايدك♥️

بعد مرور 4 ساعات من تجهيز الفتيات و الشباب .. دخل الشباب الي غرفه البنات لكي ياخذ كل عريس عروسته جنتهم الجديدة .. دخلو جميعا وكل عريس انبهر من جمال شريكه ايامه و حياته .. و ظلوا شاردين في جمالهم هذا .. وكان اول من خرج من شروده هو ..

اسد بحنان و انبهاد / انتي ازاي حلوه كدا

ساره بمرح / مش يغرك يسطا لا دا احنا قاعدنا 3 ساعات نشطب في وشناا عشان نطلع كداا

اسد بضحك / تشطبي اي هي شقه

ساره بضحك / والنبي مش تشطيب بس دي محاره كمان

اسد بغمزه / بس بردو قمر وبطل

ساره بخجل / احم وانت كمان جميل اوووي

اسد بغمزه وضحك / الله الله دا احنا طلعنا بنتكسف اهو وبعدين انا مش اسمحلك تعكسيني دلوقتي .. لا عكسيني لما نروح

فضحكت ساره بخجل .. وصارت معه متجهين الي المكان التي سوف يقام عليه الفرح .. فكانت ترتدي فستان ناصع البياض به حبات من الالماظ الحر .. عاري الكتفين و ضيق من الاعلي وينزل بوسع شديد وله ذيل كبير .. وترتدي تاج علي شعرها فكان يزينه بطريقة جميلة جدا و طرحه طويله جدا فكانت تصل الي الارض فكانت في غايه الجمال

و تصفف شعرها هكذا ..

وكانت ترتدي هيلز لكي تصل الي طول اسد ولكنها فشلت فهو طويل للغايه

وتضع ميكب هكذا

اما عن اسد فكان يرتدي بدله من اللون الاسود و تحتها قميص من اللون الأبيض و بيبونه من اللون الاسود و يضع منديل من اللون الأبيض في جيب البدله فكان شكله وسيم جداا

______________________________________

اما علي الجانب الاخر كان يقف حسام ينظر الي نهله بحب شديد و كان يحمد ربه انها بقت له و وكلها ملكه .. تحمل اسمه .. من اليوم سوف تظل معه و تملئ بيته بالحب والحنان و المرح ففرت من عينه دمعه لم يتحكم في حبسها اكثر من ذلك .. فنظرت له نهله بحب فهي احبته بشده و تقدمت منه بحب شديد فكان لم يفصل بينهم الا قليل .. فرفعت يديهاا ومسحت بيديها الناعمه دموعه بحب شديد و دفنت نفسها في احضانه .. فشدد عليها في احضانه ..

نهله بحب / انا بحبك اووووي انت الهديه الا ربنا بعتهالي

حسام بحب شديد / وانا كمان بعشقك يا سندريلا

فخرجت نهله من احضانه و نظرت في عينه بابتسامه جميله / سندريلا الله الاسم دا جميل اوووي يا حسام

حسام بعشق / طبعا سندريلا واجمل سندريلا ربنا يحميكي من العين يارب اي الحلاوه دي

نهله بضحك / انت الا جامد اوووي يخي

فكانت ترتدي نهله فستان مقفول وضيق من الاعلي وينزل بوسع جميل وبه ريش من عند الاكتاف و آخر الكم و ترتدي علي شعرها طرحتهاا التي زينت وجعهاا وتضع تاج صغير علي طرحتهاا

و ترتدي هيلز من اللون الأبيض الجميل

وتضع ميكب جميل جدا

اما عن حسام فكان يرتدي بدله من اللون الاسود و تحتها قميص من اللون الاسود و بيبونه من اللون الاسود وبها نقط بيضاء فكان جذاب بشده

______________________________________

اما عند حمزه فكان ينظر لها نظره مليئة بالحب و الاعجاب الشديد و الامتنان انها وثقت فيه و ظلت بجانبه فتقدم منهاا و قبل جبتها بكل حب تحت خجلها الشديد

حمزه بغزل / عيونك دي الا بهدلتني

حوريه بمرح / قصدك جابتك علي بوزك

حمزه يقرف مصتنع / بوزك ! في عروسه تقول لعريسها في يوم فرحها بوزك ! بيئه اوووي

حوريه بمرح وتمثيل / مش عجبك طلقني ... طلقنييييي

حمزه بضحك و غمزه / يا شيخه اتنيلي مش لما اتجوزك الاول وبعدين أبقي اطلقك

حوريه بردح / نعم يا عوووومرري انت ناوي اطلقني ولا اي

حمزه بضحك / متقعديش مع نور ونهله تاني لو سمحت مش عايزك تتهبلي من دلوقتي .. بس أي يا يا الحلااوه دي

حوريه بفخر / أقل ما عندي

حمزه بضحك / دا علي اساس أنه طبيعي ما كله محاره يختي دافع دم قلبي عشان يشطبوكي مش كنت شطبت الشقه احسن

فضحكت حوريه بشده ..

فكانت ترتدي فستان يختلف عن الجميع .. من اللون الأبيض .. كانت قماشته كالحرير كب بدون حمالات باكمام منفصله منفوشه بعض الشئ و ضيق من الاعلي بشده و ينزل بوسع قليل فكانت تختلف عن الجميع و كانت كالحوريه به ..

وتصفف شعرها هكذا ..

وترتدي هيلز من نفس لون الفستان عالي جداااا

وتضع ميكب هكذا

______________________________________

اما عن ادهم فكان يقف ينظر لها بذهول من فستانهاا هذا فهو جميل بشده ولكنه عاري بشده .. ما الذي تريده ان يفعل .. هل تريد ان يقلب هذا الفرح الي بركه من الدماء ام ماذا .. لحظه ادهم ما الذي تقوله .. انت الذي جلبت لها الفستان .. نعم جبلته ولكن لم اعرف انه سوف يكون مغري بهذا فهي جميله حد الفتنه .. اخرجته من الصراع التي بداخله روان

روان بخجل / احم ادهم فينك بقولك يلا اتاخرنا علي الماذون تحت

ادهم بحده / اي الا انتي مهبباه دا

روان باستغراب / مهببه اي ! الميكب هادي جدا

ادهم / الفستان دا يتغير حالاا انتي مش شيفاه عامل ازاي دا عريان خالص

روان بضيق / انت اهبل يا بني اغير اي دلوقتي وبعدين ما انت الا جايبه

ادهم بحده وضيق / ايوا انا الا جايبه بس مكنتش اعرف انك هتبقي كدااا

روان بحنان / حبيبي هي كلها ساعتين وهنروح متنكدش علينا بقاا عشان خاطري ... وتقدمت منه وقبلته من خده 

ظل هو ينظر لها بذهول فوافق ان تنزل هكذا

فكانت ترتدي فستان مفتوح من الامام و عاري الظهر و تفرد شعرها علي ظهرها لكي يغطيه و ترتدي تاج يزين راسها فكانت جميله للغاية

تصفف شعرها هكذا

وترتدي صندل من نفس لون الفستان

وتضع ميكب هادي وجميل

فكان يرتدي ادهم بدله من اللون الاسود الجميل

______________________________________

اما عن رامي و فرح .. فاول من رائتها عيناه ذهب لها بسرعه شديده وحملهاا وظل يدور بهاااا كثيرااا تحت تشجيع الشباب و تصفيق البنات بحماس شديد فانزلها ونظر في عيناها بحب شديد وابتسامه ..

رامي بابتسامه / الجمال دا كله بقي بتاعي انا

فرح بضحك / شوفت بقااا

فكانت ترتدي فرح فستان جميل جدااا وتحته بادي بسبب اكمامه المكشوفه و ترتدي طرحه نزينها وعليها شئ مثل التاج

وكانت ترتدي كوتشي فكانت تختلف عن الجميع

و تضع ميكب جميل

اما عن رامي فكان يرتدي بدله من اللون الاسود و تحتها قميص اسود و بيبونه من اللون الاسود

______________________________________

اما عن فهد فكان يتقدم من من خطفت قلبه في حب شديد ..

فهد بحب / اي يا بنتي الجمال دا ربنا يحفظك يارب

سلمي بحب وخجل/ انت كمان جميل اووووي

فابتسم فهد علي خجلهاا المحبب الي قلبه ..

فكانت ترتدي فستان يخطف الانفاس من جماله .. ولكن كانت ترتدي اسفله بادي و عليه طرحه تغطي شرحها بها فكانت ايه من الجمال

وتضع ميكب جميل وهادي للغاية

______________________________________

اما عن هذا العاشق فنظر الي الغرفة الفارغه من الجميع فهم اتجهوا الي الأسفل .. فنظر لها بحب شديد وتقدم منهااا

نور بحب / اي الحلاوه دي يا صقورتي

فلم يدعهاا ان تتكلم مره اخرة فتقدم واخذ شفتياها في قبله يبث لها كل ما يشعر به فهي حقاااا جميلة للغاية .. وبعد عنهاا بعد القليل من الوقت ..

صقر بحب / طول عمرك زي القمر

نور بحرج / احم طب يلا خلينا ننزل عشان اتاخرنا

فكانت ترتدي فستان جميل للغاية فمن يراها يقسم انها عروسه .. وترتدي حجاب يزين وجهاا ويجعلها جميلة للغاية و ترتدي هيلز من اللون الاسود به رسومات من اللون الأبيض من علي الجنب ..

وتضع ميكب جميل وهادي للغاية

______________________________________

اما في الأسفل كان يجلس الماذون و يجلس ادهم بجوار الماذون و كان يمسك بيد أحمد ( اب نور ) فهو وكيلها .. وتجلس روان بجانب أحمد وتسمع ادهم يردد وراء الماذون وهو ينظر بداخل عيناها بحب شديد .. فكانت فرحه بشده عندما سمعت آخر كلامات الماذون

الماذون / بارك الله لكم و جمع بينكم في خير .. الف مبروك

فوقف ادهم بسرعه شديده و جري عليها واخذها بين احضانه وهو يلف بها بشده تحت فرحه الجميع بهم ..

و ثواني وكان يجلس حمزة بجانب الماذون و يضع يديه في يد ابيه فهو وكل نفسه وكيل للعروسه تحت دموع حوريه فهي كانت خائفه بشده من هذه اللحظه ولكن لم يعطيها أحمد الفرصة في التعبير عن خوفها فهو تقدم و وضع يديه في يد ابنه وظل يردد وراء الماذون تحت فرحه حمزه وفرحتها بشده

الماذون / بارك الله لكم و جمع بينكم في خير.. الف مبروك

فتقدم منها حمزه ورفع راسهاا وقبلهااا بحب شديد تحت تصفيق البنات بحماس و تصفقير الشباب .. وبعض الكلمات التي كانت تخجلهاا بشده

وبعد هذا تقدم فهد و وضع يده في يد اخو سلمي وتم كتب الكتاب علي خير تحت فرحه الجميع بهم و فرحت سلمي انها أخيرا بقت له .. تقدم منها فهد وحملها ولف بها بحب وفرحه شديده ....

فجلسوا جميعا يسمعون اغاني هادئه .. ثواني وسمع من صاحب الدچي ان يتقدم كل عريس و عروسته لكي يتشاركوا في رقصتهم الاولي .. تحت اغنيه رومانسيه جميلة توصف ما بداخلهم من مشاعر .. !

ادهم بحب / سامعه الأغنية دي بتوصف حبي ليكي

روان بخجل / ربنا يخليك

ادهم بضحك / يا بنتي هو انا بشحت منك الكلام

روان بضحك / لا مش كدا بس مش عارفه أقول اي

ادهم بمرح / انتي عارفه انا حبيتك من امتي

روان بحماس / من امتي ؟

ادهم بحب / من اول يوم عيني شفتك فيها يوم ما جيتي ليا ودموعك علي خدك بتستنجدي بيا عشان صحبتك وقد اي كان نفسي اخدك في حضني واقولك متقلقيش انا جبنك من يومها وانتي بقيتي في قلبي وعقلي وبقيت اتلكك عشان ارن عليكي واسمع صوتك بقيت اعشقك بجد

روان بخجل/ وانا كمان

ادهم بلهفه / والنبي قوليها نفسي اسمعها منك وانتي كمان اي

روان بتوتر وخجل شديد / احم بحبك

فحملهااا ادهم و ظل يدور بها بحب شديد وهو يصرخ باعلي صوته ويصرح بحبه لهاااا امام الجميع ولم ينحرج منهم .. بل كان يصرح بحبه لها بكل فخر

______________________________________

اما عن رامي كان يضمهااا بشده اليه ..

رامي بحب / انا محدش فرحان قدي النهاردة عارفه لي

فرح بحب / لي !؟

رامي بحب / كنت زعلان اووي لما عمي قال اننا هنتجوز بعد سنه كنت بعد الايام والساعات و الدقائق مكنش حد فرحان قدي وانا سمعه موافق اننا نتجوز معاهم كان هاين عليا اقوم ابوسه والله

فرح بمرح / لا لو سمحت متبوسش حد غيري انا بقولك اهو

رامي بغمزه / بس كدا انتي تؤمري وانا انفذ يا فرحي

فرح بحب / بحب اسم فرحي و فرحتي منك اووووي بيحسسني اني عندك غاليه اووي

رامي بحب / انتي غاليه فعلاا عندي اووووي ربنا يخليكي ليا

فرح بحب / ويخليك ليا يا حبيبي

______________________________________

اما عن صقر فشد نور ورقص معهاا وكان يضع يديه علي خصرهاا ويضمها اليه بتملك شديد .. تحت خجلهاا الشديد

نور بخجل / صقر الرقصه دي للعرسان بس مينفعش كدا الناس تقول اي

صقر بحب وغمزه / طب ما انتي عروسه يا عروسه

نور بخجل / انت بقيت قليل الادب اووووي

صقر بمرح / مش ملحظه انك تخنتي شويه ولا اي يا حوريه قلبي

نور وهي تضيق عيناها/ ايوا يعني مش عجباك

صقر بضحك وحب / وانا اقدر طبعااا .. بس انتي احلويتي اوووي لما تخنتي

نور وهي تتعلق في رقبته بدلال / بجد يا صقورتي

صقر بتوتر / ايوا والله بقيتي عامله زي حته الملبن كداا وبعدين لمي ليلتك واتعدلي مش عاوز اعمل فضيحه هنااا

فضحكت نور بخفه ودفنت راسها في عنقه بحب شديد وهو كان يضمهااا اليه بتملك وحب شديد كما انه يقول للجميع انها ملكي انا فقط ولا يستطيع احد ان يتحدث معاها

______________________________________

اما عن فهد فكان يرقص مع سلمي بحب شديد ..

فهد بابتسامه / يا بنتي بطلي توتر بقاا

سلمي بتوتر / احم م مم ما انا مش م متوتره خالص

فهد بضحك / ايوا ايوا مهو واضح فعلااا

سلمي بضحك / بس بقا انا مكسوفه اووووي ... 

فدفنت راسها في حضنه .. ف فرح فهد بشده انها تحتمي به ..

فهد بحب وهو يضمهاا / انا بحبك اوووي وبحب كسوفك دا اووووي

سلمي بحب / وانا كمان بحبك

______________________________________

اما عن حسام فكان يرقص وهو يضم نهله له بحب شديد

نهله بضحك / يا بني انا مش ههرب منك مسكني كدا لي

حسام بحب / هفضل ماسكك كدا لحد آخر نفس فياا يا برنسيس

نهله بحب / برنسيس !

حسام بعشق/ برنسيس قلبي وحياتي .. حياتي من قبلك مكنش ليها طعم ولا حياه ولم دخلتيهاا بقت مليانه بالحب والهزار

نهله بحب / انا قولتلك اني بحبك

حسام بعشق / انا بقا قولتلك اني بعشقك

______________________________________

اسد و ساره ..

ساره بمرح / اي يا باشا انت مش شلتني ولا لفيت بيا ولا بوستني ولا عملت اي حركه جدعنه منك كدااا

اسد بضحك وغمزه / عاوزاني ابوسك

ساره بخجل / انت قليل الادب لي مسكت في الكلمة دي ومش مسكت في شلتني مثلاا

اسد بضحك / عشان انا قليل الادب يا سرسور

ساره بضيق / اي سارسور دي ما دلعني حلو يا عم الله

اسد بضحك / ملكيش دعوه مراتي وانا حر ادلعها زي ما انا عايز

ساره بضحك / ما انا مراتك يسطا والله

اسد بضحك / يسطاا !! المهم عارفه انا حبيتك امتي

فهزت ساره راسها دليل علي عدم معرفتها

اسد بحب / من تاني يوم خطفتك فيه كنت خاطفك عشان انتقم منك بس مقدرتش اجي جنبك او اذيكي بقيت ادخل كل يوم وانتي نايمه اتكلم معاكي و ابص علي ملامحك زي ما بكون بحفظها واطلع من غير ما تحسي .. عارفه ساعت ما ادهم عرف المكان بتاعنا وقولتلك هنتجوز انا كنت ممكن احلها بس زي ما يكون لقيتها حجه وبقيت اقنع نفسي انك بنت الراجل الا موت ابويا بس عرفت من ناس تانيه ان ابوكي كان صاحبه جامد ومش هو الا قتله من يومها بقيت خايف اعرفك اني عرفت عشان مش تطلبي ترجعي .. حبيتك و حبيت هزارك و هبلك .. حبيت التفاؤل الا جواكي .. حبيت طفولتك مش شوفتك غير طفله قدامي انا بحبك اوووي

ساره ببكاء فحضتنه بشده / وانا كمان بحبك اووووي

اسد بمرح وهو يحملهااا / انا بقول كفايا اوووي الفرح طول واحنا يلاا بينا نمشي ..

فخجلت ساره بشده من عملته هذه ودفنت راسها في عنقه تحت ضحك الجميع ومنهم من يدعي لهم ان يديم الله عليهم حبهم هذا ..

______________________________________

اما عن حمزه فكان يرقص معها بحب شديد

حمزه بحب / بحبك ياللي خطفتي قلبي من نظره واحد .. بحبك ياللي سحرتيني .. بحبك ياللي جذبتيني ليكي زي الطفل الا مجذوب للعبه حلوه .. انا بحبك اوووي

حوريه بحب / بجد بتحبني اووووي كدا

حمزه بحب شديد / بموت فيكي بجد

حوريه بحب / وانا كمان حبيتك اوووي من اول ما جيت وقعدت معايا وسمحتلك بكدا مع ان مستحيل كنت اسمح لحد بكدا

حمزه وهو يحملها / انا بقول بردو ناخد برائي عم اسد ونمشي اصل الفرح طول

فضحكت حوريه بخجل شديد .. وخرج حمزه متجهين الي الفيلااا

______________________________________

كما فعل اسد و حمزه .. فعل فهد و ادهم ورامي وحسام تحت فرحه الجميع بحبهم هذااا ودعاا لهم الجميع بان يديم لهم فرحتهم هذه .. !

______________________________________

ونقول اخيرااااااا خلصت البارت الا من اول امبارح بكتب فيه 🙂😂

حقيقي تعبت اووووي في البارت دا قدروا تعبي واعملولي الفوت او التصويت ..

ومتبخلوش عليا بكلمه حلوه وتقولولي رائيكم بجد في البارت عجبكم ولا في حاجه !؟

اتمني يكون عجبكم بجد و مكونش نسيت حد اصل الزهايمر عندي عالي اوووي 😂🙂