رواية تحت شعار العشق الفصل الثامن والعشرون والاخير 28 - بقلم سلمى محمد شعبان
دخلت كاميليا المستشفى وسالت موظفة الريسبشن على اوضة يحيي الموظفة دورت فى بيانات المرضى على الكومبيوتر
الموظفة : يحيي بيه موجود فى اوضة رقم 255 الدور الثاني
كاميليا : شكرا
كاميليا طلعت على السلم بسرعة لحد ما وصلت لدور التاني لاقت غيث وليلى واقفين قدام اوضة يحيي
كاميليا بقلق : غيث يحيي فين واى اللى حصله
غيث : كان سايق وهو سكران وعربية اتقلبت بيه.
كاميليا : ايييه طب وحالته
ليلى : مع الاسف ايده ورجليه اتكسرتوا وفى جروح فى وشه و دماغه اتفتح بس الحمد الله قدرنا نوقف النزيف فيها وهو لسه نايم من تأثير البنج.
كاميليا : انا عايزة اشوفه
ليلي : مش هينفع هو دلوقتي محتاج للراحة
كاميليا : لا انا ادخل اشوف واكون معاه راحته هتبقى فى وجودي جنبه
دخلت كاميليا اوضته بسرعة وقفلت الباب وتجاهلت غيث وليلى اللى بيندوه عليها.....اقربت منه لاقت فى قناع متوصل بانبوبة اوكسجين ومحطوط على وشه مش مبيين من وشه غير عينيه وجبينه.....ودراعه ورجله متجبسين.....وفى أسلاك محطوطة على صدره متوصلة بأجهزة لقياس نبضات القلب.....ودماغه ملفوفة بشاش وكدمات فى وشه......قعدت جنبه قلبها بيتقطع على حالته......ماسكت ايديه بين ايديها وباستها بوسة طويلة بعمق وعشق ومسحت على شعره
كاميليا بتهنيدة : ليه اللى بنعمل فى نفسنا دا ليه بنوجعنا بعض بأيدينا وفى اخر اهى دى نتيجة....ليه بنكابر مع قلبنا ليه.....مع الاسف كنت فاكرة انه بكلمة حكايتنا هتنهى بس طلعت غبية اوى....مهما حاولت ابعد عنك برجع ليك تانى كل ماحاول اقسي قلبى عليك بحن ليك من تانى كل ماحاول انساك بلاقيك اخد تفكيرى......واقربت من قلبه وباست اسمها محفور عليه وكملت : سجنك بالنسبة ليا هو جنتى ودينتى وزى ماخرجتى نفسي منه هرجعله من تانى وهنساه كل حاجة ونبدأ من جديد اوعدك مستحيل اسبيك بس المهم انك تفوق وترجعلى يا روحى انا بحبك اوى يا يحيي
كاميليا فضلت قاعدة جنبه بساعات وماحستش بالوقت مستنية أنه يفوق فى ايه لحظة لحد ماغلبها النوم ونامت.
***************بقلمي سلمى محمد شعبان
الساعة 1 بعد منتصف الليل
كاميليا بدات تصحها من النوم وفتحت عينيها بنعاس بصت حواليها ثوانى وقامت من مكانها وفقت على السرير بفزع لما لاقت نفسها فى اوضتها هى ويحيي.
كاميليا باستغراب : ايه دا اللى جابنى هنا.....انا اخر حاجة فاكرها انى كنت فى مستشفى ويحيي.....سكتت شوية بدأت تجمع أحداث وكملت بغيظ : يانهارك اسود يا يحيي طلعت بيشتغلنى و عملت عليا فيلم دا عمرك ماهتغير الكدب و الخدع ماشين فى دمك......وانا استاهل ضرب الجزمة انى صدقتك وجيتلك وخوفت عليك انا هبلة كل مرة بيتضحك عليا واصدقه.
اول ما كاميليا نزلت من على السرير شهقت وحطت ايديها على بوقها لما لاقت رجليها على طريق مفروش من الورد من اول السرير للباب ومكمل لحد برة......ابتسمت بفرحة مش مصدقة اللى شايفها عينيها حست بفرحة من انه عمل دا علشانها فهمت أنه بيحاول يصالحها بطريقة دى بس برضو مش هتسمحه بسبب كدبه عليها وفيلم اللى عمله وكانت فى نيتها تسيب البيت وتمشى بس فضولها خلها تكمل ابطريق دا علشان تعرف اخره ايه وفضلت تمشى لحد ما وصلت لتراس اول ما دخلت شافت صورتين اول واحدة ليها مع يحيي وهو شايلها ونايمة بين ايديه مش عارفة هم اتصورها امتى أو فين وتانية لنفس الولد و البنت اللى ناهد بعت صورتهم ليها......صورتين تحسوهم واحد لنفس لأشخاص كل حاجة فيها شبه تانية نظرات يحيي ليها ونظرات الولد لبنوتة صغيرة حتى نفس طريقة الشيلة ووشكلها هى و البنت وكل واحدة فيهم نايمة فى حضن تاني واحد كاميليا اخدت بالها من ملامح فى شبه بين يحيي والولد صغير
كاميليا فى سرها : معقول يكون يحيي
خرجت من شرودها تفكيرها بصورة على صوت يحيي جاي من وراءها
يحيي : حكايتنا بدات فى البيت دا من 23 سنة زى انهاردة اتولدت اجمل مهرة فى الدنيا......اتولدت على أيدى واتولد معاها حكاية عشق مستحيل ينتهي اول فتحت عينيها شافتنى وماكنتش بتهدى غير فى حضنى ولا بتضحك لغيرى
اول اسم نطقته اسمى...لما بدات تمشي كنت اول حد ماسك ايديها.......حياتى كانت متركز عليها هى وبس مهرتى عنيدة اللى ماحدش بيعرف يتعامل معاها غيرى......لحد مابعدتها عنى بايدى بسبب غلطة ماكنش لينا ذنب فيها الحقد و الانتقام سيطروا عليا وخلونى زى اعمى ماعرفش افرق بين صح وغلط للدرجة انى حاولت اقتل ومش اى حد كنت هقتل حياتى وعشق عمرى بايديا......فضلت لمدة 20 سنة بحبها و بكرهها فى نفس الوقت بكرهها علشان هى بنت ست اللى دمرت عيلتى و بحبها علشان هى أول حب فى حياتى وهى إللى خطفت قلبى وروحى معاها فضلت عايش بين الناس بس ميت من جوايا طول سنين لحد ما قابلتها تاني بس هى رجعت شرسة وقوية وعنيدة اوى اول ماعرفت أنها هى كنت عايز اخطفها وانساه كل اللى حصل.... بس عقلي و عملته أمها خلاني ادوس على قلبى بمليون جزمة و حاولت أقنع نفسي مش بحبهش ان دا مجرد لعب عيال وخليت فى بالي انها عدوتي عمرها ماهتكون غير كدا وكتمت كل إحساس ومشاعر بحسها ناحيتها.....شيطاني صورلي انى لما هكسرها كدا هاخد حقي وحق امى بس كنت حمار وغبى علشان كنت بكسر نفسي وقلبى قبلها.....انا قلبي كان مليانة بانتقام وكراهية بس حبها فضلت موجود فيه و عاش وسطهم طول سنين دى وهو كان بيزيد اكتر واكتر...... يحيي نزل على ركبته وماسك ايديها وكمل بحب وبأسف : مهرتى انا ظلمتك وظلمت نفسي معاكى بس عايز انا ابدا معاكى من جديد من غير كدب ولا خدع عايزك تكونى امى واختى وبنتى ومراتى وساجنتى وكل حياتي....وطلع علبة من جيبه وفتحها خاتم من الماس مرصع بحجر ازرق اللون .
يحيي : تتجوزيني يا كاميليا
كاميليا رمت نفسها فى حضنه وهى بتضحك و بتعيط فى نفس الوقت من الفرحة : موافقة والله العظيم موافقة
يحيي شالها ولف بيها : ههههههه بعشقك يا مغبلة قلبى
كاميليا: وانا بموت فيك يا حبيبي
***************بقلمى سلمى محمد شعبان
يوم الفرح فى فيلا النميري بليل
يحيي رايح جاي وبيص ساعته وبعدها على السلم مستني صبرى ينزل بكاميليا
غيث بمرح : فى اى يا بوب ماتتقل كدا بدل متقول عليك واقع هههههه
يحيي بضيق : مش ناقص هزارك فاسكت احسنلك بدل ماروحك على ناقلة انهاردة......وبص فى ساعته تاني وكمل بزهق : يوووه كل دا بتجهز و........
يحيي سكت لما عينيه جت عليها وهى نازلة بفستانها ابيض اللى باكمام من دانتيل ضيق من عند صدر وواسع من اول خصر لحد رجليها وتاج من الاماس اللى مزين شعرها وميك اب رقيق مخليها زى مهرة بيضاء جميلة جدا يحيي دايما بيتفاجى من جمالها اللى بيزيد فى اى حاجة بتلبسها....وحس بغيرة من الناس اللى هيشوفها الليلة للحظة حس أنه اتسرع لما عمل فرح كبير كدا وعزم كل الناس اللى برة دى وفكر انه يلغيه علشان ماحدش يشوفها غيره.......فاق من سرحنه فيها على صوت صبرى
فستان كاميليا 👇
صبرى وهو بيطبطب على كتفه : مبروك يا عريس
يحيي وهو بيحضنه: الله يبارك فيك يا جدى
صبرى : خلى بالك منها لو فكر بس......
يحيي : عمرى ماهفكر ازعلها ولا ادايقها وهخليها مبسوطة على طول تمام كدا خلاص انا حفظت الوصايا العشر ادينى عروستى بقا مش كفاية بقالى تلات مش عارف اشوفها ولا اكلمها
صبرى بيسلمه كاميليا : هههههه اتفضل دا انت حالتك صعبة اوى
يحيي اول ماسك ايديها شدها لحضنه وحضنها بتملك وعشق لمهرته اللى خطفت قلبه من وهى فى اللفة ودلوقتي بقت مراته شرعا وقانونا ومفيش حاجة هتقدر تبعدها عنه شد على حضنه ليها مش عايز يخرجها منه وعايز يخبيها فى قلبه من الدنيا كلها.......كاميليا حضنته بحب وفرحة ان ربنا عوض صبرها وتعب كل سنين وخلها تفرح بيوم كانت فاكره انها عمرها ماهتعيشه بس اهى بتعيشه وفى حضنه حبيبها اللى ملك قلبها وحياتها و كل ما فيها.
يحيي بعد عنها وبصلها بحب واقرب من جبينها وباسها وهى بتصله بفرحة وخجل
يحيى بحب : مبروك يا مهرتى
كاميليا بابتسامة : الله يبارك فيك يا يويو
يحيي بصوت واطي : قسما بالله لو اقولتى يويو دى تانى قدام حد......
كاميليا رفعت حاجبها بتحدى : هتعمل اى هااا سمعنى كدا
يحيي بحاجب مرفوع ومكر : اسمعك اصبرى عليا كلها كام ساعة هسمعك كلام هيطلع من نفوخك يا كوكى.
***************بقلمى سلمى محمد شعبان
فى جنينة فيلا النميرى
الدى شغل اغنية رومانسيه جدا....يحيي ماسك ايد كاميليا وحط ايديه تانية على وسطها وشدها لحضن و بيرقصوا مع على انغام الاغنية
(وماله & عمرو دياب )
وماله لو ليله تهنا بعيد وننسى كل الناس
أنا يا حبيبي حاسس بحب جديد ..
ماليني ده الإحساس
و انا هنا جنبي أغلي الناس .. أنا جنبي أحلي الناس
حبيبي ليلة تعالي ننسي فيها اللي راح
تعالي جوة حضني و ارتاح
يحيي ضمها لحضنه وشالها ولف بيها بهدوء بخطوات مرسومة وكاميليا لفت ايديها حوالين رقبته وغمضت عينيها ودفنت وشها فى رقبته
دي ليلة تسوي كل الحياة
مالي غيرك و لولا حبك حعيش لمين
حبيبي جاية أجمل سنين
و كل ماده تحلي الحياة
حبيبي ألمس إيديا عشان أصدق اللي أنا فيه
يحيي شبك ايديه فى ايديها وباسها وابتسامة على وشهم وعينيهم بتحكى عن فرحتهم وعشقهم لبعض.
ياما كان نفسي أقابلك بقالي زمان خلاص وهحلم ليه؟
مانا هنا جنبي أغلي الناس .. جنبي أحلي الناس
حبيبي ليلة تعالي ننسي فيها اللي راح
تعالي جوة حضني و ارتاح
دي ليلة تسوي كل الحياة
**************بقلمى سلمى محمد شعبان
اول ما اغنية خلصت المعازيم سقفوا ليهم وفرحة موجوده على وشوش كل من صبري وغيث وليلى وسهر كلهم مبسوطين وفرحيين ليهم.
بعد ما خلصت رقصة يحيي وكاميليا
سهر اخدت بالها من فونها لاقت باباها اتصل بيها اكتر من مرة بعدت عن دوشة وصوت المزيكا علشان ترد عليه
سهر : ايوة يا بابا.... انا كويسة والفرح يجنن...حاضر يا بابا مش هتاخر.....ماشى يلا سلام
سهر بعد ما فقلت مع ابوها وهى ماشية اتكعبت بسبب الكعب العالى اللى لبسها بس حست بايد على وسطها لحقتها قبل ماتوقع رفعت عينيها لاقت نفسها بين ايد راجل بعيون سوداء وبشرة سمراء بملامح شرقية ورجولية وسرحت فيه وفى عينيه
سهر بهمس : يخربيت حلاوتك
هو : انتى كويسة
سهر فاقت من سرحنها فيه و بعدت عنه بسرعة و باحراج : هاا اه انا كويسة شكرا
هو ابتسم لما شاف وشها اللى بقا احمر من كسوف.....وامد ايديه ليها
حازم : حازم اسامة رئيس حرس يحيى
سهر مدت ايديها ليه: سهر ممدوح صاحبة كاميليا
حازم باس ايديها بنبل و ابتسامة ساحرة مرسومه على وشه : فرصة سعيدة يا انسة سهر
سهر حست بخجل اكتر وحبست ايديها من ايديه بسرعة : شكرا
حازم مد ايديه ليها : تسمحلى برقصة دى يا سهر
سهر : بس انا مبعرفش ارقص
حازم ماسك ايديها وحط ايديه تانية على وسطها واقرب منه وبصلها بنظرات غريبة سهر مش فاهمة معناها
حازم بابتسامة : مش مهم انا هعلمك
حازم بدأ يرقص معاها......وهو حاسس أنه هيطير من الفرحة أنه اخيرا قدر يكلمها.......حازم معجب بيها من ساعة ما سهر بدات تروز كاميليا بعد عزاء سامية وهى ماغبتش عن باله ولا لحظة خطفته بابتسامتها وعينيها وملامحها جميلة وفضل يراقبها من بعيد لبعيد لحد ما عرف كل حاجة عن حياتها كان عايز يقرب منها ويتكلمها معاها بس ماكنش عارف ازاى أو حتى هيكلمها بصفة ايه.....واول ما بدأت تجهيزات الفرح وحرفيا سهر كل يوم كانت بتجي لكاميليا فى الفيلا وكذا مرة حازم بيكون بين أيديه فرصة أنه يكلمها بس كان دايما متردد وبيقول لنفسه بكرة هكلمها وفضل على حال لحد انهاردة...احس أن وقت خلاص بيخلص ولو استمر على وضع دا أنها ممكن تروح منه وفقرر أنه يشجع نفسه ويكلمها انهاردة..ودلوقتي مش مصدق أنها بين أيديه فى كل حاجة حصلت فى اقل من خمس دقايق مافضلش غير أنه يقربها منه وخليه تتعرف عليه........سهر هتدوب من كسوف وخجل نفسها الارض تشق وتبلعها مش عارفة عقلها كان فين لما وافقت ترقص معاه بالنسبة لها اول مرة ترقص مع حد واول مرة راجل يكون قريب منها
سهر فى سرها : ياختااااى اى اللى عملته فى نفسي دا ازاى اوافق ارقص دا حتى معرفش حاجة عنه غير اسمه.......بس الله يخربيته دا مزز اوى اسكتى يا سهر انتى فى ولا فى اى منع لإحراج ليا وليه و اول أغنية تخلص هجرى بسرعة أيوة دا صح.
حازم : هى الجزمة حلو لدرجتي
سهر: افندم !
حازم بابتسامة : اصلك من ساعة ما بدأنا نرقص وانتي باصة تحت اقولت يمكن جزمة عجبكي علشان كدا حرماننا من عيون حلوه
سهر: اولا انا حرة ابص مكان منا عايزة ثانيا انت ازاى تكلم معايا كدا
حازم براءة : انا اقولت ايه بس يا جميل
سهر : والله اومال عيون حلوه دى موقعها ايه من اعراب ايه مش شايفها
حازم : موقعها من اعراب ايه جاب سيرة النحو دلوقتي يا بنتى هههههه
سهر : بنتك طب ابعد ايديك دى يا عمو علشان امشي
حازم ضغط بأيديه على وسطها واقربها منه وبيصلها بعمق و حب
حازم : بس انا لسه ماخلصتش كلامى
سهر : كلام اى هو نعرف بعض علشان يكون فى كلام بينا......انت عايز منى اى بضبط
حازم : عايزة الصراحة
سهر : ياريت
حازم : اقولي لحماى انى جاى اشرب معاه شاى بعد بكره
سهر بغباء : نعم حماى مين و بعد بكرة مين
حازم وهو بيبعد عنها : زى ماسمعتى ياروحى هتوخشنى لحد ما اشوفك بعد بكره .....وغمزلها وبعت ليها بوسة فى هواء
سهر بتحاول تستوعب اللى بيحصل : لحظة هو قال اى كدا احيييه استنى يا كابتن هنا حماك مين وروحك اي استنى
حازم مشي وهو بيضحك على شكلها ورد فعلها وسهر واقفة مصدومة من اللى حصل
*****************بقلمى سلمى محمد شعبان
بعد ما الفرح خلص يحيي شال كاميليا وطلع بيها على جناحهم....واول مادخلوه يحيي نزلها وراح يقفل الباب بالمفتاح
كاميليا : بتقفل الباب بمفتاح ليه يا حبيبى
يحيي وهو بيتكلم من تحت ضرسه : هتعرفي دلوقتي يا قلبي
يحيي بدأ يعلق جاكت بدلة وفك كرافت ورمها وبيفتح زارير قميصه وهو بيقرب منها ونظراته ليها كل مكر وخبث وتوعد
كاميليا وهى بترجع لوراء : اى يا يحيي مالك بتصلى كدا ليه
يحيي وهو بيقرب منها بهدوء : مش حذرتك بدل مرة مليون انك ماتسلميش على رجال صح ولا
كاميليا بتبرير: بس دا زميلى فى كلية عادى اسلم عليه وكمان دا مجرد زميل
يحيي بغيظ : وانا قفص بتنجان واقف جنبك علشان تسلمي عليه مش كدا
كاميليا خبطت فى حيطة : لا بص بقا اوعى تفكر انى خايفة منك وعلى فكرة اناااا.....
يحيي سند ايديه على حيطة اللى وراها واقرب منها وايديه تانية بتشيل طرحة الفستان من على راسها
يحيي بمكر : انتى ايه متكملى ولا شبكة واقعة عندك ههههه
كاميليا سرحت فى تفاصيل وشه وعينيه وضحكته وضمت ملامحه بين ايديها واقربت من شفايفه وباسته منها برقة ونعومة و بعد لحظات بعدت عنه وبتصله بحب
كاميليا بعشق :بحبك وبموت فيك عينيا مابتشوف ولا هتشوف غيرك....بالنسبالى مفيش رجال فى الدنيا غير يحيي حبيبي وجوزى وبس
يحيي شالها بين ايديه وراح على بيها السرير : بتثبتني انتي كدا يعنى.....على العموم عقاب لسه موجود وضيفى عليه كلمة يويو اللى اقولتيها قدامى جدى وغيث وعيني امى اللى طلعتيها معاكى طول فترة اللى فات
كاميليا : عقاب لا نزلنى انا غلطانة صدقتك وقال بداية جديدة يا كاميليا ماهو واضح هنبداها بعقاب نزلنى يا ولا
يحيى وهو بيفتح سوستة فستانها بمكر: ولا كمان اغلطي براحتك كل دا بيزود عقابك واوعدك انك هتحبي العقاب اوى يا كوكى.
يحيي باسها بعشق وجنون وشوق وتملك لمغلبة قلبه واشرس واعند مهرة شافتها عينيه تعبته لحد ماقدر يروضها و فضل صابر شهور لحد ما جت الليلة اللى هيمتلكها فيها بقلبها وروحها وعقلها وجسمها وكل مافيها ماكنش هيصدق ان ليلة هتجى تكون ليه بكل جوارحها......وكاميليا دخلت ايديها فى شعره و باسته وبدلته عشق بعشق وجنون بجنون.......هو دخل سجنها وهى دخلت سجنه مش ماحدش فيهم هيخرج منه هو امتلكها وهى امتلكته و كاميليا بقت ليحيي ويحيي بقى لكاميليا ومفيش حاجة هتبعدهم عن بعض لاخر العمر.
*************بقلمى سلمى محمد شعبان
بعد 4 شهور على شاطى البحر بمدينة مرسى علم
كاميليا وهى بتكلم سهر فى فون:بجد كتب كتابك على حازم أسبوع الجاي
سهر بفرحة :ايوة يا كاميليا بجد انا حاسه انى هتطير من الفرحة
كاميليا بسخرية : هتطيرى الله يرحم اللى كانت بتقول دا مجنون و مش بطيقه وهطفشه
سهر :اه الله يرحمها ياختى ابقى اقريلها الفاتحة
كاميليا : بس كدا من عينيا ههههه
سهر:اضحكى اضحكى ياختي هترجعى امتى عايزكى معايا
كاميليا:هشوف واقولك
سهر:ماشى خلى بالك نفسك ومن البيبى باى
كاميليا:حاضر باى
افقلت كاميليا مع سهر ولمست بطنها بحنية وابتسمت وفجاة حست بايديه بتلف حوالين بطنها وبتقربها ليه وسند راسه على كتفها كاميليا ابتسمت وبصت ناحية البحر بشرود
كاميليا: تفتكر هتكون بنت ولا ولد
يحيي وهو بيوسها من رأسها : اللى يجيبه ربنا كويس بس بصراحة نفسي فى بنت تكون شبهك تاخد ملامحك وحنيتك حلاوتك وكل حاجه فيكى.
كاميليا لفتله وحطت ايديها حوالين رقبته:انا بقا نفسي فى ولد يكون زيك فى كل حاجة شكلك وطبعك بس
يحيي:مايخدش قسوتى ولا انه يشل كراهية فى قلبه ناحية اى حد...... غمض عينيه بحزن وكمل بتهنيدة:أحيانا بتمني ان زمن يرجع بيا ولا انى افكر اكسر قلبك وابعدك عنى واضيع لحظة من عمرى وانتى بعيدة عنى
كاميليا ضمت وشه بين ايديها وبصتله بحنية : يحيي اللى حصل دا كان كابوس وفوقنا منه متفكرش فيه تاني علشان خاطري وماتفضلش تعاتب فى نفسك بسببه ماتفكرش غير حياتنا وابننا او بنتنا اللى جايين فى سكة.....حط دايما فى دماغك انا معاك عمرى ماهسيبك يا حبيبى انت بنفسك اقولتلي مفيش حاجة تقدر تفرق بين كاميليا ويحيي ابدا
يحيي باس ايديها اللى على وشه : ربنا يخليكي ليا يامهرتى
كاميليا وهى بتبوس من جبينه:ويخليك ليا دايما يا حبيبى بحبك
يحيي سند جبينه على جبينها: وانا بعشقك.
النهاية
(تمت بحمد الله)
************
يتبع روايات جديده وحصريه اضغط هنا
•تابع الفصل التالي "رواية تحت شعار العشق" اضغط على اسم الرواية