رواية القاسي والمجنونه الفصل الثاني والعشرون 22 - بقلم شهد احمد

القاسي و المجنونة .. الحلقه الثانية و العشرين ♥️

*‏قال النبي ﷺ:"إذا أصاب أحدَكم غمٌّ أو كَربٌ فليقُلِ : اللهُ ، اللهُ ربِّي لا أُشرِكُ به شيئًا💛").*

بدايه يوم جديد يختلف كالعاده عن باقي الايام .. كانت تجلس بفرح شديد و حماس كبير تنتظر قدوم خاطفهاا التي سوف يذيقها الوان العذاب ... ولكن هي كالمخبوله ترسم في أفكارها احلام ورديه مع خاطفها ... !

ساره بفرحه / اخيرا يا ساره حد غيرك و خطفك اخيرا هتعيشي قصه حب ياااه .... 

ولكن قاطع أحلامها هذه فتح الباب ... فنظرت له فشاهدت شخص يدخل يرتدي بنطلون جينز اسود و تيشرت اسود و جاكت اسود ويضع نظاره سوداء .. فنظرت له باستغراب من ملابسه هذه .. !

ساره باستغراب / البقاء لله يا عم الحج

الشخص بخبث / في مين !

ساره بجهل / معرفش والنبي بس اكيد حد قريبك عشان كتله السواد الا انت مزروع فيها دي !

الشخص وهو يقترب بخبث شديد / امممم بس انا مليش قرايب .... !

ساره باستغراب وبعض الحزن / امال انت لابس اسود لي دا حتي لون كئيب و وحش .. !

فنظر لها هذا الشخص بخبث شديد وظل يقترب بشده .. فكان لا يفصل بينهم الا بعض سنتيمترات ..

الشخص بخبث / علي حياتك .. اها و بنصحك تحبي اللون الاسود دا عشان هيبقا لون حياتك يا قطه

ساره بمرح / هتتجوزني امتي بقا !؟

الشخص باستغراب شديد / اتجوزك !!!!

ساره بفرحه / ايوا مش انت خطفتني و حققتلي حلمي كمل جميلك بقاا واتجوزني ونعيش في تبات و نبات

فنظر لها والي فرحتهاا بشده .. اهي مجنونه ام ماذا ...! سعيده لخطفهااا ! يالهي كم انت مجنونه ... !

ساره بمرح / ياااااا عم انت اسمك اي !

الشخص بصوت كالفحيح / اسد العراقي ابن ياسر العراقي الا ابوكي قتله ..

ساره باستغراب ونفي / انت اهبل ياض انت ابويا مين الا يقتل دا ابويا الدنيا كلها كانت بتحبه ومكنش ليه كلام مع حد وبعدين عمي ياسر دا كان انتيمه ومستحيل يعمل كدا دا لما اتوفي تعب

اسد بسخريه / ههههه امممم طيب يا بنت الراجل المحترم .. بلاش كلمه تانيه .. اتنيلي اتخمدي ومش عاوز اسمع صوتك انتي فاهمه

ساره بنفي / لا مش فاهمه و متفتكرش اني هخاف منك عشان شويه العضلات الا عندك دي

اسد بخبث وغمزه / الله وانتي شوفتي عضلااتي فين !

ساره بمرح / واد عيب هه وبعدين يلا سبني انام بقا عشان خلاص جعانه نوم

فنظر لها من فوق لتحت / اهلاا بيكي في عريني يا انسه ساره .. !

وخرج بهدوء أما هي فظلت تفكر في كلامه .. هل والدها قتل والده حقااا ! ام ماذا ولكن لماذا والدي يقتل صاحبه ! مع أنه كان يحبه بشده ! ولماذا هذا الأسد يختطفني هنا ! هل سوف ينتقم مني في خالي ام ماذا ! يالهي سوف اجن .. ! فاستسلمت للنوم لكي تهرب من جميع الأفكار هذه ...!

______________________________________

🤍💙

ٳن الله يعلم القلب النقيّ.. ويسمع الصوت الخفي.. فإذا قلت يارب.. فإما أن يلبي لك النداء، أو يدفع عنك البلاء، أو يكتب لك أجرًا في الخفاء..

من الله الضماد..من الله الجبر المتين .. !

في شركه الدمنهوري .. كان يجلس فهد علي مكتبه ينظر إلي اوراق ما في يديه .. ثواني وكان يطرق الباب فأذن للطارق بالدخول فدخلت سلمي باحراج

سلمي بتوتر / مستر فهد في اجتماع الساعه 5 مع شركه الدمنهوري

فهد بهدوء / تمام يا سلمي جهزي الدنيا علي ما المعاد يجي

سلمي وهي تخرج / تمام ماشي عن اذنك

فهد / سلمي استني

فلفت له سلمي بتوتر / احم نعم يا مستر !

فهد بابتسامه / كلمتي والدتك واخوكي !

سلمي بتوتر / ايوا

فهد بابتسامه سرقت قلب هذه المسكينه / وقالوا اي !؟

سلمي بتوتر / هه ب بص ه هما

فهد باستغراب وابتسامه / يا بنتي اهدي في اي مالك متوتره كدا لي .. خلاص عرفت انهم وافقوا جهزي نفسك هاجي انا و بابا وماما النهارده نطلبك رسمي

سلمي بتسرع / مهو مش هينفع

فهد / هو اي الا مش هينفع ما تتكلمي بوضوح شويه يا سلمي .. !

سلمي بتوتر / بص حضرتك انا مامتي مش موافقه انا كلمتها وهي رفضت خالص وانا معرفش اي السبب ومقدرش اقول كلمه بعد كلامهاا فياريت حضرتك تنسا الموضوع خالص وتعتبره محصلش اصلاا ..

فهب فهد واقفااا بغضب / نعمممم مش موافقه !!!! ودا لي أن شاء الله !! اي هي مش عارفه انا مين ولا اي ؟

فنظرت له سلمي بسخريه / لا طبعا عارفه حضرتك كويس هو حد ميعرفش فهد بيه .. عن اذنك يا فهد بيه ... 

فقالت اخر كلامهاا بعتاب وسخرية شديده .. وخرجت دون اعطاء كلمه أخري بينما نظر فهد في إثرها بغضب شديد و ندم من تسرعه من كلامه هذا ... ! ولكن ماذا يفعل فهو حقا غضب كثيرا عندما علم برفض والدتها له .. ! فلماذا رفضتني .. ! هل سوف تجوز ابنتها لشخص آخر هي تريديه ام ماذا !

فهد بغضب / برضو مش هسيبك من اول مره شوفتك فيها وانتي انكتبتي علي اسمي خلاص و غضب عن الدنيا كلها هتجوزك يا سلمي

توقعاتكم ..... ؟!

______________________________________

رزقني الله بك، وآيقنت انك اجمل آرزاقي ادامك الله لي العمر كله .... ♥️

أما في منطقه اخره خالص .. في مكان يحوطه البحر و الشجر و مناظر طبيعيه خلابه كانت تجلس امام البحر تفكر في من سرق قلبها وعقلها .. فهي تحبه للغايه .. نعم قد تخطت الحب بمراحل ولكن لماذا قلبها ليس مطمئن .. ! هل سوف يحدث شئ ما ام ماذا ؟

صقر بحب / الجميل سرحان في اي .. !؟

نور بحب / فيك يا حبيبي

صقر بمرح وغمزه / الله الله دا احنا بقينا نتكلم من غير كسوف بقاا ... اي الحوار

نور بخجل ومرح / كدا يا عبصمد يا خويا تكسفني كدا !؟

صقر بضحك / اخوكي !!!!! اشعال أن احنا لسه متجوزين مش كملنا اسبوعين اي نسيتي ولا اي !

نور بحب / هو انا أقدر انسي اصلاا

صقر بحب / اممم بردو مش قولتيلي مالك فيكي اي ؟

نور بتنهيده / معرفش يا صقر

صقر بخوف عليها / مالك يا حبيبتي في اي انتي تعبانه ولا حاسه باي

نور بخوف وصوت علي وشك البكاء / انا خايفه اوووي يا صقر قلبي مش مطمن حاسه ان في حاجه هتحصل بس مش عارفه اي هيا ... !

صقر بطمئنه وهو يحتضنها / اهدي يا حوريتي وبعدين ازاي تخافي وانا جمبك ! متخفيش انتي معايا

نور بحب / ربنا يخليك ليا وميحرمنيش من وجودك في حياتي ابدا يا حبيبي

صقر بحب / ولا منك يا حبيبتي ..

فأخذها بين أحضانه بحب شديد فشعرت بالأمان والطمأنينة في حضنه وغطت في نوم عميق علي صدره .. أما هو فنظر لها بخوف من فقدنها فهو الآخر غير مطمئن ولكنه يحاول أن ينفض تلك الأفكار من عقله .... !

صقر بهمس / انا مستحيل اخليكي تتعرضي لاي أذى يا حوريه قلبي .. حياتي دي رهن اشارتك انا عندي اموت ولا اشوف دمعه منك علي خدك يا نوري ..

( ملناش دعوه بيهم دول جرعه المحن ذياده شويه خلينا سناجل احنا كدا 😂😂😂♥️ )

______________________________________

*اللهُمَّ افتح لنا خزائن رَحمتك، وَهَب لنا اللهُمَّ رحمةً لا تعذّبنا بعدها في الدنيا والآخرة، وارزقنا من فضلك الواسع رزقًا حلالًا طيّبًا، ولا تحوجنا ولا تفقرنا الىٰ أحد سواك، وزدنا لك شُكرًا، وإليك فقرًا وفاقة، وبكَ عَمّن سواك غنًىٰ وتعفّفًا💛").*

في فيلاا السيوفي .. كانت تجلس بحزن شديد في غرفتها .. حزينه علي من أحبته فهو لا يثق بها و ينعتها بالخائنه .. ! هل انا خائنه ! ... فظلت تبكي علي ما حدث بالأمس .. ولكن قطع تفكيرها دخول رامي الغرفه التي بهاا .. نظر لها بغموض .. فهبت فرح واقفه بغضب شديد

فرح بغضب / انت اي الا جااابككك هناا ومين الا سمحلك تدخل هناااااا انت اتهبلتتتت

رامي بغضب / انا ادخل في اي حته وقت ما اكون عااايزززز مش هاااخد اذنك انتي فااااهمههه !

فرح وهو تمسكه من هدومه بغضب شديد / لا مش فاااهمهه و اتفضل اطلع برا وطلقني انا مستحيل اقعد ثانيه واحده علي زمتك بعد كداااا

فجن جنونه من كلامتهاا فأمسك ذقنها بغضب جامح وتحولت عيونه وتكلم بصوت كالفحيح/ قولتي اي سمعيني كدا تاني .. !

فرح بشجاعه رغم الالم التي يسببه لها / قووولت طلقني ياا رامي اكيد سمعت

فضغطت رامي اكثر علي ذقنها وأمسك شعرها بيده الثانيه وشده بشده .. فصرخت فرح بالألم وبكت من شده الألم ... !

رامي بصوت كالفحيح / و عاواني اطلقك عشان تروحي للو** دا صح يا محترمه !

فرح ببكااء وجنون كاذب/ ايوااا علي الاقل هو بيحبني وعمره ما هيمد ايديه عليا مش ذيك يا حيوان

رامي بغضب / دا بعينك اني اطلقك !

فرح بغضب وثقه / هطلق وهقوم لصقر و جدو وهيطلقوني ..!

رامي بغضب / قولي بس بردو مش هطلقك

فكت فرح يديه وخرجت من الغرفه تجري إلي الأسفل وهي تنادي علي جدها بصوت عالي وتبكي ويجري وراها رامي بغضب شديد .. مما ادي الا تجمع جميع من في القصر .. !

نعمان بغضب وصوت عالي ادي الي وقوف فرح و رامي مكانهم / في اي الا بيحصل هنا !

احمد بخوف / مالك يا فرح بتعيطي لي ؟ ومين الا مزرق خدك كدا ودقنك مالها !

فتقدمت فرح ببكااء شديد الي نعمان ... فنظرت له ببكااء وحزن شديد ...

فرح ببكااء / جدو

فربت الجد علي ظهرها بحب لكي يعطيها الأمان ..

نعمان بحب / مالك يا حبيبتي بتعيطي لي ومين عمل كدا فيكي .. !

فرح ببكااء شديد / انا عاوزه اطلب منك طلب يا جدو بس والنبي توافق لو بتحبني

نعمان بحب / اؤمري يا حبيبتي .. اكيد هوافق

فرح بحزن عميق / انا عاوزه أطلق من رامي

فنزلت هذه الكلمات كالصاعقة علي اذنهم مااااذاااا !!!!!! فنظر نعمان الي رامي فشاهده يقف بغضب شديد و عروق رقبته بارزه من شده الغضب ..

نعمان بهدوء / تعالي يا فرح عاوزك في مكتبي

رامي بمقاطعه / يا جدو انا مش هطلقها عشان تكون عارف

نعمان بغضب لرامي / انا قولتلك تتكلم ! ورايا يا فرح علي مكتبي

فدخل نعمان و فرح المكتب .. أما في الخارج كان يقف رامي بغضب شديد ..

احمد بغضب شديد / عملت اي في بنتي يا رامي

رامي بغضب / والله المفروض انت تسال بنتك المحترمه هي عملت اي !

عاطف بغضب / اتكلم مع عمك باحترام يا رامي

رامي بغضب / مش تتكلموااا معايا دلوقتي .. 

فجلس بغضب وخوف داخله من فقدانهاا .. فهل سوف يطلقها جدها منه !!! هل سوف تبعد عنه و تذهب لمن تحبه !

أما في المكتب بالداخل .. كانت تجلس فرح بجانب نعمان ..

نعمان بهدوء / احكيلي كل حاجه حصلت يا فرح

فرح ببكااء / حاضر يا جدو امبارح انا كنت قاعده بكلم نهله صحبتي علي الواتساب وبنهزر وبضحك معاها فدخل رامي الاوضه بتاعتي وانا سبت الموبيل بتاعي و اتكمنا انا ورامي شويه ولقيت رساله جيالي علي الموبيل بتاعي فرامي مسكه لقي رقم غريب بعتلي رساله بيقول فيها بحبك يا مزتي فرامي فضل يزعق و شتمني و يقولي اني بحب صاحب الرقم دا و كسر الموبيل و فضل يضرب فيا ويقول كلام مش كويس واني خاينه والنهارده دخل فضل يزعق برضو و لما قولتله اطلع برا وطلقني مسكني مش شعري جامد وفضل يزعق و بس دا كل الا حصل

نعمان بغضب / تمام يا فرح انا هجبلك حقك كويس اووووي بس انتي عاوزه تطلقي منه ولا بتقولي كدا كعقاب و تهديد بس .. !

فرح بحزن / رامي شك فيا و مش واثق فيا يا جدو وعلي سبب زي دا عمل كدا افرض اتجوزنا و بقا معانا اولاد و حصل خلاف بينا هيطلقني بقا و أفضل انا بعيالي كدا ! لا يا جدو انا عاوزه أطلق مش هفضل ما واحد مش واثق فيا

نعمان بغموض / تمام يا فرح هعملك الا انتي عاوزاه .. اطلعي وابعتيلي رامي

فخرجت فرح بهدوء ..

فرح لرامي / كلم جدو مستنيك

وصعدت للاعلي الي غرفتها ..

فدخل رامي المكتب .. وجلس بجانب نعمان ..

رامي / مش هطلقها مش تطلب مني اني أطلق 

ولكن قاطعه قلم علي وجهه من جده .. فنظر له بحزن

نعمان بغضب / هطلقها غصب عنك ما انا مش هسيبهاا مع واحد حيوان زيك همجي مش بيفهم .. ! احنا لينااا اعدااء يا حيوان انت يعني ممكن يكون واحد منهم هو إلا عاوز يفرق بينكواا افهم ... بس بردو هطلقها

رامي بغضب / مش هطلقها يا جدي ولو عامل اني مديت ايدي عليها فأنا عارف اني غلطت بس مش عرفت امسك نفسي لما القي رقم غريب بيقولها بحبك و اسالها تقولي معرفش غيرت و الغيرة عمتني بس مش هطلقها وبعدين انا اي عرفني أن دا عدو لينا

نعمان بغضب / يبقا تعرفلي مين دا بقا الا بيحاول يلعب معانا .. وانا اقولك أن الشخص دا ناوي يدمرنا وانت ماشاءالله اديته الفرصه بضربك ليها برافو عليك .. اطلع برا

فنظر له رامي بحزن / انا اسف يا جدي انا هعرف أصلح الا عملته دا وهعرف مين ابن **** دا و هندمه

فخرج رامي متجهاا الي الخارج يبحث عن هذا الشخص ..... !

توقعاتكم يحبايبي ؟

_____________________________________

استغفر الله العظيم عدد خلقه ورضا نفسه وزنه عرشه ومداد كلماته🌸

أما في شركه الدمنهوري كان يجلس حمزه ينظر في الأوراق التي أمامه .. فدخلت نهله بضيق ..

حمزه بمرح / مالك يا وليه

نهله بضيق / بس يا عم انا مدايقه دلوقتي

حمزه بمرح / مالك يا حزينه

نهله بغضب / عاوزه اروح المراجيح مليش دعوه هه وديني المراجيح يا حمززززه

فانفجر حمزه ضاحكاا علي منظرها هذا فهي غاضبه بشده و تطلب أن تذهب الي المراجيح مثل الاطفال !

حمزه وهو ينهض / قومي يا طفلتي هوديكي المراجيح

فهبت نهله واقفه بفرح شديد وتقدمت منه وقبلته من خده / ربنا يخليك ليا يا حبيبي

حمزه بحب / لا انا بقول نتجوز بقاا عشان كدا كتيرر

فضحكت نهله / يلا بقا وديني المراجيح ..

فمسك يديها ونزل وركب سيارته وبجانبه نهله وانطلق الي الملااهي .. واشتري لها غزل البنات و فشار و عروسه .. فكان يتعامل معاها اكنها ابنته وليست حبيبته .. ! 

( اوعدنا يااارب 🙂😂 )

_____________________________________

مساء الخير .. 

سيُغيثك الله قريبًا بالفرج ويغسل معه كُل ندبات الحُزن التي عاشت فيك ويمحو الليالي التي لم تنم بها قلقًا .. فاستبشروا .

أما في بيت متوسط الحال كانت تجلس روان تفكر في ساره و خائفه بشده علي صديقتها .. ! فأمسكت الهاتف ترن علي ادهم الشرقاوي ..

ادهم بصوت رجولي / الوو

روان بتوتر / الو ازي حضرتك يا ادهم

ادهم بفرحه / اهلااا يا انسه روان

روان بهدوء / في اخبار عن ساره

ادهم / والله احنا بندور وبنعمل الا علينا بس مفيش اي حاجه توصلنا ليها

روان بخوف / يعني اي

ادهم بطمئنه / اهدي يا روان أن شاء الله خير وهنلاقيها

روان / يارب .. سلام

ادهم بإعجاب / سلام يا قمر

فاحمرت وجهه روان بشده وأغلقت بسرعه شديد ...

روان بهدوء وهو تضع يديها مكان قلبها / اهدا كدا مالك بدق كدا لي !