رواية الحب المفاجئ الفصل الرابع عشر 14 - بقلم امل بكر
-انا مضايق علشان همس ممكن تتخطب حاسس بنار جوايا والي قايدها اني مش عارف اعمل اي واوقف الي بيحصل ده ازاي
ضحكت بفرحه كنت متأكده بصلي وهو بيعقد حواجبه بغلب ،
-انتي بتضحكي علي اي بس !!!
نفيت براسي ،
-مفيش كمل بس
-انا كلمتها مرتين من كام شهر علشان كان فيه حد بيضايقها وبيمشي وراها كام مره وانا شوفتها صدفه والراجل ده وراها وانا كنت عارف همس انها بنت عمي علشان سُليمان انتي عارفه صاحبي وكده وكنت لمًا بستنا تحت البيت بشوفها طالعه او نازله وبنسلم علي بعض عادي فا هي رفضت تقول لاي حد من اخواتها علي الراجل ده علشان خايفه ليحصل مشاكل فاقلقت عليها هي زي اختي واخد رقمها علشان اعرف منها ان كان بيمشي لسه وراها
واظنه ممشاش تاني من يوم لما وقفته عند حده ،
حسيت بالذنب وروحت كلمت سُليمان علشان حطيت نفسي مكانه لاني كلمت اخته يعتبر من ورا حتي لو كان بهدف حاجه انا اول لما قولتله كلمت اختك يومين هو مسمعش الباقي انفعل واتعصب ومن يومها واحنا مش بنتكلم زي مانتي شايفا وانا مقدر
اتكلمت وانا عيني مدمعه بتأثير ،
-طب وانت بتحبها ؟!!
هزلي راسه بتوهان ،
-انا مش عارف بس انا متعصب جذاً من حكايه العريس ده
-طب وبعدين هتسيبها كده
قفل عينه بتعب واضح ،
-معرفش معلش اقفلي النور عايز انام
مردتش اجادل لانه شكله محتاج هدوء شويه قولت هكلمه بعدين طلعت قعد في الصاله لوحدي ماما وبابا كانو في الاوضه الجو كان عادي والشاشه مقفوله وانا عماله افكر في حل
مفيش عشر دقايق بالظبط ولقيته طالع من الاوضه ورايح يفتح باب الشارع
-انت نازل !!
-اه شويه وراجع
هزيت راسي وهو نزل مسكت الموبايل واتصلت علي همس قولتلها نطلع نقعد شويه فوق السطح وهي وافقت لبست الاسدال وطلعت وشويه وهي كمان طلعت قعدت جمبي
اتكلمت بهدوء وانا ببصلها،
-اي علاقته بعلاقتنا ممكن تفهميني !!!؟
بصتلي باستغراب وهي مش فاهمه حاجه ،
-علاقه اي ؟
-انك بتحبي يزن بعلاقته بينا
اندهشت اتصدمت اتفأجات سكتت شويه واكيد مش عارفه تقول اي مثلاً
-انتي عرفتي ازاي ؟!
-منه من يزن تصدقي انا زعلانه علشان مقاليش من الاول بس بعدين بكلمه انتي دورك بقي دلوقتي لي خبيتي وشيلتي زعلك لوحدك
اتنهدت وردت،
-مكنتش عايزاكي تشوفيني وحشه مع إني معملتش حاجه بس طبعاً غلط من البدايه مع علينا موضوع ملهوش لازمه
باستغراب من كلامها الي اتغير ،
-بس قولتيلي انك بتحبي !!! مش كنتي تقصدي يزن؟؟
-بيري خلاص ده كلام قديم وانا مكنش ينفع اقول كده
-همس هو اي الي حصل يعني حصل سوء تفاهم وسُليمان السبب في كده اصلاً
-لا هو بس انصدم فيا مش اكتر
-همس يزن حكالي الحكايه من اولها ماشي ياستي لو انتي غلطي انك عطيتي رقمك ليزن بس ده كان لغرض حمايتك وانك كنتي خايفه تقولي لاخواتك علشان مايحصلش مشاكل او كده بس سُليمان عمل اي !!! مسمعكيش ومسمعش يزن كمان واول لما قاله انه كلمك علشان يصارحه لما حس بالذنب ان خبي علي صاحبه سُليمان اتعصب ومسمعش بقيت الحكايه
بصتلي وقالت،
-ايوا وهو بيتهمني ان انا مقولتش لسُليمان الحقيقه او الي حصل وانا زي زيه برده سُلميان مسمعنيش هو شكله زعلانه علشان خسر صاحبه مش اكتر مفيش ولا حب ولا نيله
سكت شويه وانا مش عارفه اقول اي في الحكايه الملاعبكه دي
-طب وهو قالك الكلام ده امتي اقصد يزن
ردت وهي بتلف طرف الطرحه علي ايديها بمضايقه واضحه من تصرفاتها ،
-لمًا كنا مسافرين قالي انتي متكلمتيش ولا قولتي اي كلمه ونا رديت عليه وقولت هو مسمعنيش قالي انا مكلمتكيش بهدف حاجه واول لما قال كده اتعصبت جداً وقولتله وانت اخر راجل افكر احبه قالي ومين قالك اني هحبك اصلاً .. بس كده
خلصت كلامها وهي بتمسح دمعتها الي نزلت
قربت عليها وانا باخدها في حضني وبطبطب عليها
-طب خلاص بلاش عياط انتي دلوقتي هتعملي اي
-ولا حاجه يعني
افتكرت العريس الي قاله اعته بعدها عني ،
-ثواني والعريس الي متقدم !!
ضحكت وهي بتمسك دموعها ،
-اي ده انتي عرفتي ؟!
بتكشيره ،
-اه صح وانتي لي مقولتيش
-طبعاً كنت هقولك بس مكنتش مفوقه
-اكيد مش هتوافقي مش كده
رفعت كتافها،
-مش عارفه هفكر لسه هيجو بقي معرفش امتي
-همس انتي بتهزري مش كده هتوافقي فعلا
-لا لسه هشوف وهوافق
-بلاش عند صدقيني مش ده الحل ابداً دي حياة يعني لازم اختاري صح
-ومين يعرف يمكن يكون ده الشخص الصح
اتنهد بحزن عليها ،
-همس علشان خاطري بلاش عند في المواضيع دي تمام
بعد يومين بالظبط قاله ان العريس هيجي انهارده ويزن واضح انه مضايق نزلت من العصر لهمس اجي بليل ووصلو ومحستش همس ابداً متوتره بالعكس كانت عيونها في حاجه تانيه
مرات عمو اجت قالت نطلع علشان مامت العريس عايزه تشوف همس طلعنا فعلاً ودورت بعيني ملاقتش يزن بابا قرب عليا ونا واقفه علي جمب
اتكلم بعصبيه من يزن ،
-فين اخوكي بقالي ساعه برن عليه تلفونه مغلق
-مش عارفه والله يابابا طب حاول تاني
بصلي بعصبيه ،
-مانا بحاول اهو مفيش رد
-طب خلاص حضرتك اقعد وانا هحاول
-انا مش فاهم اي الحركات دي !
خلص كلامه راح قعد مكانه جمب عمي وسُليمان وأحمد جمبهم حاولت اتصل علي يزن وتلفونه مقفول اتنهد عليه بحزن انا مش فاهمه هو مش هيعمل حاجه!!! مش معقول بجد هيسيبها كده انا خايفه لهمس توافق عند فيه
بعد الكلام المعتاد مشو وقالو هيكلمو عمو ويقولو الرد عمو وبابا نزلو وأحمد وسُليمان كمان نزلو
ومرات عمو وماما فضلو قاعدين في الصاله وهمس دخلت اوضاعا وانا دخلت وراها قلعت الطرحه ورمتها علي السرير لفيت وشي وهي قلعت الفستان ولبست بيجامتها وغردت شعرها وقعدت علي السرير قدامي
-اي حسيتي بحاجه
-ولا اي حاجه
-مرفوض يعني مش كده
-لا هفكر مش يمكن يطلع كويس
بنفاذ صبر منها ومن طريقتها ،
-همس انتي بتقولي مش حاسا يبقي لي
رفعت عينها وهي بتبصلي؛
-بيري حبيبتي هو لو كان عايزني كان اجي انهارده وعمل اي حاجه كان مثلاً قال لبابا هي ليا ياعمي اي حاجه لكن اي ؟!! مجاش اصلاً
-هو دلوقتي يمكن مخنوق متعصب مش قادر يشوفك مع غيره
-اديكي قولتي يمكن مفيش اكيد وانا مش هستني حد يجيلي هو قالهالى ومين قالك اني هحبك اصلاً
-ياهمس دي كلمه في ساعه مضايقه كان رد علي كلمتك انها مش هتحبي راجل زيه
بضيق ضاق علي نفسها ،
-وهو مين الي بدء الكلام م هو اكيد مش هسكت وبعدين ده يمكن اعجاب مش بموت فيه يعني
كنت هتكلم بس ماما ندهت علينا وطلعنا قاعدنا معاهم ماما سألت همس
-اي رائيك ياحبيبتي عليه موافقه ؟!
ردت عليها
-هصلي الاول ان شاء الله
ماما بابتسامه ،
-ربنا يسعدك ماشاء الله عليه عريس ميتفوتش
حطيت ايدي علي وشي ياربي ماما بتغريها وانا بحاول افوقها من اي تصرف تايش ماما طلعت وانا قولتلها اني هطلع وراكي
\\في اوضه همس //
-همس بصي انا مش عايزه اضغط عليكي بس هقولك تاني بلاش عند وفكري بعقلك تمام
-ماشي ممكن تنامي معايا انهارده ؟!
-مش هينفع يعني في اخواتك هنا
الباب خبط ودخل منه سُليمان نقل عينه عليا وقال ،
-خلاص هاجي بعدين
همس،
-لا تعالي
قومت وقفت وانا عارفه انه عايز يتكلم معاها لوحدها ،
-انا هطلع مش عايزه حاجه ياهموسه
-لا يابيري
قرب قعد قدام همس مكاني وانا طلعت وقفلت الباب ورايا سلمت علي مرات عمو وطلعت البيت وبرده يزن مجاش قلقت عليه جداً وفضلت واقفه مستنيا في البلاكونه بس عيني مكنتش قادره وبتقفل لوحدها دخلت نمت بتعب من الواقفه
وصحيت تاني يوم علي زعيق بابا قومت غسلت وشي وطلعت علي الصاله اشوف في اي ؟!!
بابا اتكلم بضيق واضح وهو بيزق يزن في كتفه ،
-انت ازاي تشرب بعد تربيتي ليكي السنين دي كلها
يزن كان واقف قدامه ساكت وانا عقد حواجبي وانا بقول بعدم فهم ،
-هو في اي ؟!!
بابا اتكلم بصوت عالي ،
-اخوكي راجع الصبح ومش علي بعضه وشكله شارب حاجه حتي بصي عليه مش بيرد علي ابوه
فتحت عيني بدهشه مش معقول يزن ميشربش يزن اعقل من كده ومش معقول كمان يشرب علشان موضوع همس اكيد في حاجه غلط
قربت من يزن وانا بسأله،
-يزن صحيح الكلام ده انت شربت
ماما قعدت علي الكنبه بتعب اعصاب ،
-حسن علشان خاطري ممكن تهدي شرب اي بس !!هو شكله مرهق
يزن قعد علي الكنبه وهو بيتنفس بضيق ،
-بابا انا فعلاً تعبان ومش شارب حاجه متقلقش
-وتقدر تقولي لي مجتش امبارح
-كنت في مشوار مع صاحبي واتأخرت
-وتلفونك كان مقفول لي مش ليك اهل تعرفهم تقول اي حاجه بدل ما انت سايبنا قلقين عليك؟!!!
-معلش يابابا مجاش في بالي الموبايل فصل مني
خلص كلامه ودخل الحمام طول جوه وانا قاعده جمب ماما وبسألها،
-ماما انا قلقانه عليه اوي اول مره يبقي بالحاله دي
-وانا كمان انا مش فاهمه اي الي حصل ؟!!!
اتنهد بحزن عليه وطلع من الحمام ودخل الاوضه سيبته شويه يريح وبعدين خبط علي الباب ودخلت بس كان نايم شكله مانمش من امبارح اوحش حاجه لما يبقي حد بتحبه مكسور وانت مش عارف تتحرك
مسكت موبايلي وانا عايزه اعرف رائي همس اي في العريس
-ايوا يابيري كنت هتصل عليكي
-تمام نزلالك
-مستنياكي
لبست اسدالي ونزلتلها بصتلها بعد ماقعدنا في اوضتها،
-هااا فكرتي
-انتي شايفه اي ؟! اوافق
اتكلمت بجديه وانا مش فاهمها،
-همس انتي صليتي استخاره ؟!
بصتلي وردت ببرائه ،
-بصراحه لاء مش حاسه اني عايزا هو يعني
-يعني هترفضي مش كده
-ماهو انا مش عارفه برده سُليمان كلمني امبارح وقالي انه كويس وفكري كويس ومش عارف اي
بضيق من الي اسمه اخوها ده،
-سيبك منه وفكري بعقلك انا مش عايزه اضغط عليكي علشان متفكريش اني مش عايزالك الخير بس في نفس الوقت مش عايزاكي تندمي
قاطعني بضيق من كلامي ،
-بس متقوليش كده اكيد لاء يعني
-انا برده مش فاهمه علاقتك انت ويزن بتحبو بعض ولا اي الحكايه بس انا حاسه انه بيحبك !!
بصتلي وكأنها اتمسكن بأكل بس اتكلمت وهي بتنفي براسها،
-ماطنش كده الي بيحب مش هيكلمني بالاسلوب
-خلاص ياهمس مانتي برده رديتي عليه
بانفعال.
-ايوا مااكيد هرد مش هو بس الي بيعرف يتكلم وبعدين هو انتي واقفه في صف اخوكي بقي !!!!
ضحكت علي طريقتها،
-لا والله اكيد مش كده بس انا مش عايزه كده انتو الاتنين واضح انكو تعبانين ومش راضين بالي بيحصل
بصتلي بطرف عنيها وهي بتسأل،
-هو قالك حاجه
-هو مش فاهم نفسه او مش عايز يعترف ولسه راجع انهارده الصبح من امبارح وشكله في حاجه كنت هسأله واشوفه ماله بس نام
-هتلاقي حبيبته سابته ولا اي حاجه من الحركات دي
بضحكه خبيبثه قولت.
-تقصدي انتي حبيبته يعني ؟
بارتباك وهي بترفع كتافها،
-لا اكيد وانا مالي
-امم طيب
بعد وقت طلعت البيت قلعت الاسدال وخبط علي اوضه يزن دخلت وكان قاعد ماسك الموبايل قربت وقعد علي السرير جمبه
-يزن عايزه اتكلم معاك
بصلي ،
-اتكلمي
-مالك اي الي خلاك متجيش امبارح وجاي الصبح كده ؟!!
-أبرار بالله عليكي انا مش ناقص تحقيقات
-مش تحقيق انا بسألك بجد ممكن تقولي يايزن ماهو مش معقول بصراحه لو كنت بتحب همس بجد هتسبها عادي كده!!!
-عايزاني اعمل اي يعني اقولها لاء خليكي !!
-ايوا طالما انتي عايزها اطلبها من عمو اي المشكله
-مش هينفع
-واي الي هيخلي مش هينفع اكيد مش سُليمان الي هيمنع
-اكيد انا مش خايف من سُليمان
-طب امال انت عايز اي دلوقتي
اتنهد بحزن وقال،
-صاحبي هو الي اجي اتقدم وبعد لما مشي اتصل بيا وقالي مكنتش موجود لي
رفعت حواجبي بدهشه ،
-انت مكنتش تعرف
-لا
حطيت ايدي علي وشي وانا بقول ،
-بس انت مش هتسيبها علشان صاحبك مش كده ؟!!
مسح علي وشه بخنقه ،
-معرفش المفروض اعمل اي انا حسيت اني مضايق مخنوق وهو بيقولي انه حاسس انه مرتاح هو صاحبي وحبيبي بس فكره انه معجب ولا مرتاح لها خنقاني بشكل بشع اوي ياأبرار
قربت عليه وانا بضبطب علي دراعه،
-كل حاجه هتتحل والله استهدي بالله
<<بعد يومين بالظبط وهمس قالت لعمو انها مش مرتاحه ورفضته اجي وقت الامتحانات وهيكون الاسبوع الجاي وهمس بعدي بيومين تقريباً
كنت متوتره وخايفه جداً مع إن لسه في وقت بس ولو لازم اخاف ده العادي بتاعي
حسيت بيزن الي كان ارتاح شويه انها رفضت العريس وكمان اتكلم معايا وعايز يفاتح عمي في الموضوع بس مش عايز يحصل مشاكل من ناحيه سُليمان وانه يتكلم او يقول حاجه
ليله الامتحان طلعت فوق السطح علشان ابعد عن اي دوشه قعد علي القعده وحطيت الورق والملازم والكشكول والقلم الي بكتب فيهم
بعد 15m
رميت القلم بعصبيه علي الأرض ،
-يوووه بقي مش عارفه احفظ ليييي!!!!!
-علشان خايفه مثلاً؟؟
لفيت علي الصوت وكان سُليمان الي بيقرب وهو حاطط ايديه في البنطلون شكله لسه جاي من الشغل
•تابع الفصل التالي "رواية الحب المفاجئ" اضغط على اسم الرواية