رواية فتاة الاشارة الفصل التاسع 9 - بقلم اسماعيل موسى

رفعت تالا حاجبها مستغرقه فى نظرة استنكار حادة، وهمست انت ؟

ثم تأملته للحظه بإرتباك مدفوعه بشعور مختلط بين اللوم والصدمة ،انت ؟ بتعمل ايه هنا؟

انتى متعرفيش انا بحثت عنك قد ايه يا انسه  !!!

رفعت تالا ايدها بعصبيه وتبحث عنى ليه حضرتك؟ عملة عمله ولا سرقت منك حاجه ؟

ارتفعت وتيرة غضب يامان وهمس انا كنت هموت بسبب لامبلاتك، وانا بنازع الموت كنت بستنجد بيكى ،عمال ارفع ايدى واطلب مساعدتك 

وانا خسرت شنطتى بسببك  ،سبتها على الرصيف لما وصلتك المستشفى واتسرقت

بتساوى شنطتك بحياة يامان السويدى ؟ هتكون هتساوى ايه شنطتك ؟

خمسه مليون حضررتك قالت تالا بسخريه  وهى بتنهى الحديث الذى بدا لها ممل جدا وخانق، انا ورايا شغل كتير، افتتاح محل ومش فاضيه لأى كلام، من فضلك اتكل على الله يا استاذ

لما اكلمك تبصى عليه لو سمحتى؟ الاحترام بيقول انك متديش ضهرك لانسان بيتكلم معاك لحد ما يخلص كلامه

تنهدت تالا بحنق واستدارت وعلى وجهها ابتسامه ارغامية واضعه يدها خلف ظهرها، اتفضل ،آمر حضرتك، فيه ايه تانى ؟

صمت يامان شعر بالتوتر وضغط عليه أكثر  لامبلاة تالا وعدم احترامها له ،ثم همس اخيرآ، مكنش ليه لازمه تعاملينى بالطريقه المستفزة دى ،كان ممكن نتكلم ذى اى اتنين ناضجين باحترام.

ياعم أنجز صرخت تالا بصوت رفيع ،الافتتاح اشتتغل وانا المسؤله عن المكان دة ومش فاضيه للحورات بتاعتك ،انت مش عارف تقول كلمتين على بعض؟ 

احس يامان بروحه تختنق ،كان صوت تالا المرتفع جمع أنظار الناس نحوه ،بين نظراتهم شعر بالتقزم والاهانه،

انسحب للخارج وهو بيهمس ،بسنت كان عندها حق ،الايام بتثبتلى انها ادرى بنوعية الناس إلى ذى البنت دى

وفردوس ؟ فردوس خسرت مره اخرى ،اشعل سيجاره وهو يشعر بالحنق، ليس منها بل أكثر من نفسه، انظر كيف ركضت خلفها أكثر من مره؟ هل كان الأمر يستحق كل هذا العناء ؟

قبل أن يرحل عليه ان يمنحها درس، قالت ان حقيبتها تساوى خمسة مليون جنيه، حتى ردودها بارده لعينه مثلها

أنهى يامان سيجارته وتوجه ناحيت المحل  سأل الرجل الجالس خلف مكتب المحاسبه، كم تساوى البضاعه داخل المحل ؟

رفع عبده بصره مندهش ،بتسأل ليه يا استاذ؟

همس يامان لانى عايز اشترى

اشترى يا ابنى ومتقلقش من الحساب، تالا عامله خصومات كبيره بمناسبة الافتتاح عايزه تخرب بيتى

اسمها تالا اذا؟ همس يامان فى سره، انت مش فاهم يا حج انا عايز اعرف تمن البضاعه كلها

سأل عبده ليتأكد ،البضاعه كلها ؟

رد يامان ايوه حتى الى فى المخازن

مش عارف يا ابنى والله تالا هى إلى عارفه كل حاجه بس لحظه الفاتوره هنا

3500000

اخرج يامان دفتر شيكاته وكتب الرقم مضاف اليه المكسب  ووضع الشيك فى يد الحج عبده، قول للناس تاخد إلى هى عايزاه ببلاش يا حج

طيب هو الشيك دة بحق وحقيقى ؟ يعنى دى مش لعبه وهنروج البنك نلاقيه شيك بدون رصيد ؟

انا يامان السويدى يا حج دا عنوان شركتى لو واجهتك إى مشكله شرفنى فى المكتب.

يعرف الحج عبدة شركة السويدى كان يمر أمامها عندما كان لازال بصحته.

قصد يامان سيارته وارتفع صوت الحج عبده، البضاعه كلها ببلاش يا ناس خدو إلى انتو عايزينه الحساب اتدفع.

صرخت تالا مندفعه ناحية الحج عبده ،انت بتقول إيه؟

عايزنا نفلس ؟ مش وقت أعمال بطولية يا عبده

وضع عبدة الشيك فى يد تالا، البيه دفع حساب البضاعه كلها حتى إلى فى المخزن وكمان عليها مكسبنا

بيه مين ؟ سألت تالا بصدمه

البيه إلى هناك وشاور على العربيه التى انطلقت فورآ

أقسمت تالا ان الشيك مزور وان الدنيا خربت فوق دماغها

لكن عبده كان متأكد ان الشيك سليم لانه يعرف عائلة السويدى، قضت تالا ليلتها تتقلب على السرير وعندما فتح البنك ابوابه دخلت الفرع ووضعت الشيك آمام الموظف

الموظف ابتسم ،دا شيك غير قابل للدفع يا انسه

تقصد ايه يعنى مفيش رصيد ؟

فيه رصيد طبعا لكن الشيك محتاج توقيع من يامان بيه السويدى