رواية خاطف مجهول الفصل الخامس 5 - بقلم تقى مصطفى
_غبية ايه اللي خلاها تقرأ صفحة 166!!
فوقت لقيتني في الأوضة الغريبة اللي صحيت
اول مرة و لقيتني فيها كان في اكل وماية جنبي
حطيت إيدي على راسي لقيتها ملفوفة بشاش مقدرتش اقوم من الدوخة اللي في دماغي فا نمت تاني.
صحيت تاني مرة فتحت عيني المرادي كنت احسن شوية فا قومت اكلت و شربت ماية و لقيت الباب بيتفتح ودخلت منة قرينتي الأسوأ دة اللقب اللي طلعته عليها بس المرادي كانت غير كل مرة المرادي كانت داخلة متوترة شوية كإن في حد بيخوفها جت قعدت قدامي بسرعة
_يمنى انتي لازم تركزي معايا في اللي هقوله دة كويس جدا.
_طب هو انتي مش هتخليني امشي بقى؟؟
سألتها ببصيص صغير من الأمل بس هي مكانتش معايا كإنها جاية بس تقول اللي هي عايزاه وتمشي.
_انا هساعدك تعرفي مين الخاطف بس بشرط.
رديت عليها بتلقائية هتوديني في داهية بإذن الله
_قصدك الخاطف المتخلف؟!
استغربت كدة و ملامحها اتجمدت للحظات
_مين؟؟
_لا متاخديش في بالك كملي ايه هو الشرط؟
_انتي هتيجي دلوقتي معايا مكان بس بنبه عيكي اهو مهما شوفتي أو سمعتي متعمليش صوت تمام انتي هتيجي معايا اتفقنا؟
_اتفقنا،بس احنا هنروح فين؟
_انتي مسمعتيش عن فضائل الصبر؟
_لا بصراحة.
_اتكتمي وانتي تعرفي.
هزيت راسي بمعنى "حاضر" ونزلنا اول مرة اشوف البيت منور كدة كان واسع اوي و كان فيه هياكل عظمية كتير اوي مرمية في كل ركن في البيت.
خرجنا للجنينة برة و روحنا ورا البيت كان في شجرة وقفنا قدامها فبصيت لها باستغراب
قلبت عينها من عليا بملل وبصت قدامها وغمضت عينها
وبدأت تقول كلام مش مفهوم و فجأة لقيت الشجرة اتحركت وفتحت الطريق.
دخلنا لقينا أطفال كتير قعدين في شكل دايرة و كان
في حد قاعد في نصهم بس وشة مش باين حاولت
اغمض عيني وافتحها بس برضو مش باين وفجأة
لقيت الشخص اللي في النص مسك طفل من رقبته وقعده قدامه و بعدين طلع سكينة من العدم و قتله في لحظة واحده بصيت على جثة الطفل حسيت اني شفته قبل كدة ركزت فيه لا ثواني مش معقول هي دي جثة آسر اخر طفل اختفى!!
بصيت على البنت اللي شبهي لقيتها مبتسمة ابتسامة كبيرة اوي لدرجة ان سنانها كانت باينة
وانا انا اتصدمت! طب مين دة وايه كل الأطفال دي معنى كدة ان كل دول هيختفو!
قاطع صوت تفكيري البنت لما بصتلي و نطقت بصوت واطي عكس العادة
_دة اللي انا كنت عايزاكي تعرفيه.
اتكلمت وانا تحت تأثير الصدمه
_ازاي يعنيدة اللي حبساني هنا عشان تعرفيهولي!؟
_دة آسر عمره ٩ سنين اظن انتي عافاه،بس مش موضوعنا دلوقتي المهم......
قاطعتها بصوت عالي شوية
_تعرفي تحطي لسانك في بوقك وتسمعي.
عملت علامة السوستة على بقي وسكت فكملت
_انتي هتروحي البيت في العنوان*****.
_وبعدين لما اروح هناك اعمل ايه يعني؟
_لما تروحي هناك هتروحي الدور التالت هتلاقي أوضة بابها كبير عن باقي الأبواب هتقفي قدامة وتقولي بصوت عالي"166 مغامرة ب166يوم ب166 جثة لملك الملوك المجهول".
بصيتلها باهتمام عشان تكمل خدت نفس كبير وكملت
_هتدخلي هتلاقي مكتبة كبيرة هتدوري لحد ما تلاقي كتاب مكتوب عليه بخط صغير"الملك166المجهول" هتاخدية وهتغمضي عينك وهتقولي بصوت عالي.....
كانت لسة هتكمل بس لمحنا الشخص المجهول دة بياخد طفل تاني و قتله حركت نظري عليها لقيتها بتبصلي بتوتر و كملت
_مفيش وقت انتي لازم تمشي دلوقتي.
_استني بس انا لسة معرفتش هقول ايه؟
افتكرت و قالت بسرعة
_"يا ملك الملوك يا عظيم العظماء يا مجهول المجهولين لقد تم تنفيذ 166 عملية من أجل رضاك فلتظهر لي و ننهي هذا الحوار ليتسلم الملك المجهول 167وقته لينفذو مهماته، ف سلاما لك على اختفائك المتقن لكن يجب أن ينهى هذا الموضوع اذا"
و قالت كدة واختفت بصيت للمجهول اللي في النص لقيته بيبتسملي و بدأ يقرب مني ويقولي بصوت خافت جدا
_مبروك يا يمنى.
______________________________
فتحت عيني وانا مش فاهمة حاجة من الحلم
العجيب دة مبروك على ايه وايه العنوان دة بصيت
في الساعة لقيتها 6 الصبح والمفروض ان الشغل
بتاعي الساعة 10 قمت اخدت شاور و دخلت
عملت لي كوباية قهوة و بعدين مسكت تليفوني و
رنيت على يونس الرنة الاولي مردش رنيت تاني
فضل لآخر الرنة وبعدين رد بصوت نعسان شكله كان نايم اللي منه لله
_ الو ايه يا يمنى في ايه على الصبح؟
_يونس قوم البس بسرعة عشان عندنا مشوار مهم بسرعة قبل القسم.
_مشوار ايه يا يمنى دلوقتي؟
_خلص بس لما اشوفك هبقى اقولك بس بسرعة.
_اممم طيب حاضر، هي الساعة كام؟
_الساعة 8 خلص بقى.
_ماشي ربعاية وهبقى جاهز.
استنيت لحد ما عدى تلت ساعة و رنيت عليه
مردش عليا رنيت تاني بس برضو مردش فا قررت
انزل اروحله وبما ان يونس شغال معايا في القسم
من زمان فا كنا بنروح لبعض والأهل موجودين طبعا
عشان نحل القضايا بتاعتنا
روحت و فتحتلي مامته ست جميلة كدة وطيبة و انا بحبها جدا بصراحة سلمت عليها وبعدين سألتها بسرعة
_امال فين يونس يا طنط؟
_يونس نايم هدخل اصحيه اهو.
_يا ابن ال.....
_هو انتو مش شغلكو الساعة 10برضو ولا انا غلطانه.
_ايوة يا طنط بس احنا اللي ماسكين قضية اختفاء الأطفال في المنطقة هو يونس مقلكيش ولا ايه؟
_اه قالي بس قالي ان الشغل متأخر شوية برضو.
_ما هو ابنك امبارح يا طنط جبلنا الكلام من اللواء أدهم و خلاه هزقنا فا هنروح مكان كدة عشان القضية ادعيلنا نلاقي دليل بس.
_ربنا معاكو يا حبيبتي ان شاءالله هتلاقو اللي بتدورو عليه.
_يارب أللهم آمين.
و ببص لقيت يونس صحى وطلع من اوضته
_انتي ايه اللي جابك هنا؟
_خلص يلا عشر دقايق والاقيك جاهز خلص.
دخل يجهز ومتأخرش للامانه ونزلنا علطول في العربية و حكيتله كل حاجه من الاول لحد الاخر
_وبس كدة دة اللي شوفته.
دور العربية وقال بسرعة وهو مركز نظره على الطريق
_طب يلا بسرعة نروح العنوان مفيش وقت.
روحنا و الباب كان مفتوح و مفيش حراسة عليه ولا حاجه نظرا لإن دة بيت مهجور من زمان.
انا فاكرة البيت دة كان بيتنا القديم و سبناه وروحنا بيتنا اللي احنا قاعدين فيه دلوقتي بس عمري ما كنت افتكر ان ممكن يطلع منه كل دة.
دخلنا كان البيت مفهوش كهرباء و كله تراب طلعنا
على السلالم بهدوء لحد الدور التالت وقعدنا ندور
على الأوضة اللي الباب الكبير عن باقي الأبواب
زي ما هي قالتلي بس ملقنهاش ويونس قالي انا
هروح يمين و هو يروح شمال واللي يلاقي حاجه
ينده على التاني.
_يمنى في واحد مختلف تعالي بسرعة.
روحت له بسرعة لقيت فعلا مختلف كليا وعلى بابه علامة زي علامة الشيطان وليه قرون طويلة من فوق.
دخلنا الأوضة قعدنا ندور لحد ما لقيت المكتبة و لقينا الكتاب و وقفت وجمبي يونس وغمضت عيني وانا ماسكة في ايد يونس و خايفة يحصل حاجه
_"يا ملك الملوك يا عظيم العظماء يا مجهول المجهولين لقد تم تنفيذ 166 عملية من أجل رضاك فلتظهر لي و ننهي هذا الحوار ليتسلم الملك المجهول 167وقته لينفذو مهماته، ف سلاما لك على اختفائك المتقن لكن يجب أن ينهى هذا الموضوع اذا"
و فتحت عيني بس فجأة ظهر صوت غريب من العدم
_حقا هل انتهت مهماتي بهذه السرعة،سحقا.
وبعدين كمل
_حسنا امهلاني وقتا فقط ثلاث ايام و سأظهر لكم نفسي.
مشينا انا ويونس و بعد تلات ايام روحنا تاني بس البيت كان متنضف و منور بشكل مش طبيعي رغم أننا روحناه بليل و طلعنا نفس الأوضة بس كان فيه صوت جوة فتحنا الباب ودخلنا واتفجأت من المنظر إذ بي الاقي واحد شبه اخويا عبدالله اللي مات من خمس سنين و قاعد على السرير
_اهلا بكم لقد وفيت بوعدي اذا ونفذت ما طلب مني.
انا فتحت بقي من الصدمة و يونس واقف جمبي مش فاهم حاجة من اللي بتحصل
_انت مين وليه كنت مختفي و مين اللي كان بيخطف الأطفال؟
سأله يونس باستغراب ورفعه حاجب
_حسنا انا ويليام الملك المجهول 166 مهمتي هي خطف الأطفال دون دليل لقتلهم.
_طب هما فين الأطفال دول؟
تعاليا معي.
طلعنا من الأوضة و نزلنا تحت تلات أدوار و نزلنا كان دور تحت الارض في أوضة ضخمة وكبيرة كان فيها الخمس جثث بتوع الأطفال اللي اختفو فعلا مرصوصين كلهم جنب بعض بترتيب خطفهم
_انت لازم تيجي معانا دلوقتي.
_حسنا ولكن إلى أين سنذهب؟
_تعالى وانت ساكت.
اخدناه وطلعنا في عربيتي يونس ساق لإن انا كنت لسة تحت تأثير الصدمه و اخدناه على القسم و يونس اتصل باللواء وجالنا فورا
_هو دة اللي عمل كل دة؟
دة كان سؤال اللواء بعد ما فهمناه كل حاجه و ويليام كمان اعترف.
هزينا راسنا بمعنى اه و ويليام فعلا تم الحكم عليه واتضح بعدين ان هو كان جن ساكن في جسم البني آدم دة زدة اكتشفناه بعد ما تم إعدام ويليام اللي لسة معرفناش هويته
______________________________
_انهاردة يشرفنا نكرم اشطر اتنين ضباط عندنا اللي قدرو يحلو لغز الخاطف المجهول اسمحولي اقدم الضابط يمنى و الضابط يونس مبارك ليكم.
بصلي يونس و ابتسم و طلعنا اتكرمنا بس لقيت طفلة صغيرة زي اللي في الحلم واقفة بعيد على باب القاعة وقالت بصوت واطي بس قدر ت اميزه واللي كانت بتقول
_مبروك يا يمنى.
وابتسمت لي لآخر مرة واختفت من قدامي.
يتبع الفصل كاملا اضغط هنا ملحوظه اكتب في جوجل "رواية خاطف مجهول دليل الروايات" لكي تظهر لك كاملة
•تابع الفصل التالي "رواية خاطف مجهول" اضغط على اسم الرواية