رواية عقدة الانتقام الفصل الثاني 2 - بقلم مصطفى جابر

إيه ده يا عصام فين شقى عمري فين جِهاز بنتي الشقة قلبت خرابة ليه في ليلة

نور بهدؤء: اهدى يا بابا الموضوع مش كدة العفش طلع فيه سوس والشركة جت خدته عشان يلحقوا يعالجوه ويرجعوه

سليم بغضب: سوس إيه يا نور إنتي بتستغفلي أبوكي العفش ده أنا مستلمه بإيدي ومفحوص حتة حتة انطق يا عصام وديت العفش فين

عصام بغيظ مكتوم: يا عمي نور قالت لك الحقيقة مش معقول هنكدب عليك في يوم زي ده العفش فيه عيب ورجعناه  وكام يوم وهيرجع تاني

سليم قرب منه ومسكه من هدومه: يرجع اي دي قلة أدب وخيانة أمانة أنا هحبسك يا عصام القايمة اللي إنت ماضي عليها توديك ورا الشمس والله ما هسيبك تتهنى بمليم من اللي سرقته

عيسى أبو عصام دخل في النص وزق ابنه بعنف: إنت فاكرنا بريالة يلا أنا عارف حركاتك النص كم دي وبت سليم دي بنتي ولو إنت فاكر إنك هتاخد حقها تبقى بتحلم

عصام بتوتر: يا بابا أنا هجيب لها أحسن منه والله هعوضها بس اصبروا عليا شهرين

عيسى طلع دفتر شيكات من جيبه ورماه في وش عصام: مفيش شهرين إنت هتمضي دلوقت حالاً على شيك بمليون جنيه لسليم ضمان لحق بنته لحد ما العفش يرجع وإلا وربي لأتبرى منك وأرميك في السجن بإيدي 

عصام بصدمة: مليون جنيه ؟ يا بابا إنت بتكسرني قدامهم أنا معيش المبلغ ده أصلاً

سليم بسخرية: معكش ده إنت لسه بايع العفش وقابض تمنه غير الرصيد اللي في البنك اللي أنا عرفت عنه بالصدفة

نور بذهول: رصيد في البنك رصيد إيه يا بابا عصام قالي إنه مديون وقالي إن الفرح اتعمل بشق الأنفس ومعهوش مليم يكمل جهازه

عصام رد ببرود وهو بيمضي الشيك: خلاص يا نور ملوش لزوم التمثيل ده دلوقتي أيوة معايا فلوس ومعايا كتير كمان بس كنت بشوف معدنك وبصراحة طلعتي أصيلة وصدقتي حوار الدين ده بسرعة

نور بكسرة: يعني إنت كنت بتختبرني وإحنا في ليلة دخلتنا بتكذب عليا وتسرق حاجتي وإنت معاك فلوس إنت إيه يا أخي إنت شيطان

عصام بتمثيل خبيث: يا عمي افهمني بالله عليك أنا عارف إن الحركة كانت تقيلة بس أنا كان لازم أتأكد... أنا شفت نماذج كتير لبنات أول ما بيحصل أزمة مادية بيسيبوا البيت ويخربوا الدنيا كنت عاوز أعرف نور شارية عصام ولا لا

سليم بغضب: تختبرها في ليلة دخلتكم إنت واعي للجنون ده

عصام بدموع تماسيح: يا بابا عيسى إنت عارف إن طموحي كبير وأعدائي كتير كنت خايف أتجوز واحدة تبيعني عند أول مطب ونور طلعت ست بـ 100 راجل لما قولتلها أنا مديون مسحت دموعي وقالت لي أنا جنبك وبسبب موقفها معايا ده كنوز الدنيا ما توفيهاش حقها

عيسى بشك: والعفش يا عصام عفش البنت فين

عصام بثقة: العفش في المخزن يا بابا والله العظيم موجود وزي ما هو أنا بس طلبت من العمال يشيلوه ليلة واحدة عشان أشوف رد فعلها والفلوس اللي في البنك دي كنت شايلها مفاجأة ليها كنت ناوي أسفرها ونتفسح ونقضي شهر عسل حلو بس كنت لازم أطمن ليها الأول

نور بذهول ودموع: يعني إنت مكنتش بتسرقني يا عصام إنت كنت بتختبرني؟ 

عصام راح ناحيتها ومسك ايدها: والله يا نور عيني كنت بشوف غلاوتي عندك حقك عليا أنا غلطان بس دلوقت أنا مطمن إني اتجوزت أحسن واحدة في العالم أنا تحت رجلك والعفش هيرجع النهاردة وفوقيه هدية طقم دهب يليق بيكي

سليم بدأ يهدا: والله يا ابني دخلتك علينا كانت وحشة بس كلامك فيه منطق لو فعلاً نيتك كدة بس الشيك ده هيفضل معايا لحد ما أشوف العفش راكب مكانه

عصام بابتسامة: حقك يا عمي وانتي يا نور سامحيني يا حبيبتي أنا كنت مجنون بس من حبي فيكي

نور بإبتسامة: خضتني يا عصام كنت فاكرة إني ضعت خلاص يا بابا طالما كان اختبار وعدى أنا مسمحاه المهم إنه بخير ومفهوش حاجة

عيسى بضيق: ماشي يا عصام لم الدور ورجع كل حاجة مكانها وبلاش حركات العيال دي تاني سليم يلا بينا نسيبهم يلموا الليلة دي والصباحية الجاية تكون أحسن من دي

بعد شوية عند ريهام عصام دخل هو والعمال

ريهام بدلع: إيه يا عصومي أخيراً جيت العمال دول جايين عشان يفرشوا أوضة النوم الجديدة اللي اتفقنا عليها ولا هتشيل الصالون الكئيب ده وتجيب لي المودرن اللي ورتهولك

عصام ببرود: شيلوا كل حاجة يا رجالة مش عاوز حتة خشب واحدة تفضل هنا كل ده يرجع شقة نور حالاً

ريهام بذهول: نعم إنت بتقول إيه يا عصام إنت اتجننت إنت جاي تاخد حاجتي بعد ما فرشتها يعني إيه يرجع لنور

عصام بزعيق: يعني أبويا وأبوها كبسو علينا في الشقة يا ريهام أبوها كان هييسجني وأبويا خلاني أمضي شيك بمليون جنيه إنتي فاهمة يعني إيه يعني لو العفش ده مرجعش مكانه النهاردة أنا هضيع وإنتي هتضيعي معايا

ريهام بغضب: وأنا مالي أنا مالي بتمثيلياتك الفاشلة دي أنا ما صدقت إن الحاجة دي بقت عندي إنت وعدتني إنها ليا إنت عاوز تصغرني قدام نفسي وترجع الحاجة للمحروسة بتاعتك

عصام قرب منها وعينه بطلع شرار: المحروسة دي دلوقت هي الستار اللي مخبي بلاوينا لو العفش مرجعش الشيك هيتصرف وساعتها مش هلاقي مليم أصرف بيه عليكي ولا نتجوز أصلاً اهدي بقى وبطلي شغل العيال ده

ريهام بعناد وغل: مش هيحصل يا عصام العفش ده مش هيخرج من هنا غير على جثتي اطرد العمال دول برا وشوف لك أي كدبة تانية تقولها لأبوك أنا مش هسيب جهازي يروح لواحدة تانية

عصام بغيظ: جهاز مين يا روح أمك ده جهازها هي وفلوسها هي إنتي هنا بمزاجي والعمال دول هيشيلوا الحاجة غصب عنك أنا مش ناقص قرفك وقرفها في يوم واحد

ريهام بذهول: إنت بتزعق لي يا عصام عشان خاطرها إنت كنت بتقول إنك بتكرهها

عصام وهو خارج وبيمسح وشه بتعب: بكرهها وبكرهك وبكره كل حاجة دلوقت نفذي اللي بقوله وإنتي ساكتة لو عاوزة الجوازة دي تتم يلا يا رجالة همة مش عاوز مسمار يفضل هنا

بعد شوية دخل ل نور والعمال وراه

نور بلهفة: مش مصدقة يا عصام الشقة ردت فيها الروح بجد أنا كنت حاسة إني في كابوس تسلم لي يا حبيبي 

عصام بتمثيل: قزلت لك يا نور ده كان اختبار ومكانش ينفع يطول المهم إنك مش زعلانة

نور بكسوف: طب ينفع أطلب منك طلب أنا كنت محتاجة مبلغ عاوزه أجيب حاجات ناقصة للمطبخ ومصاريف كدة إنت عارف أول الجواز

عصام طلع محفظته ورمى لها رزمة فلوس: خدي يا نور دول 20 ألف جنيه مش عاوزك تحرمي نفسك من حاجة انزلي اشتري اللي يعجبك النهاردة عيشي حياتك

نور طارت من الفرحة باست راسه ودخلت اوضتها تغير هدومها وهو تليفونه رن

شريف بإبتسامة: يا ابن اللعيبة يا عصام انا متصل اقولك مبروك يا عريس عملتها إزاي دي يعني اتجوزت نور وخدت جهازها فرشت بيه شقة ريهام ومن غير ما تدفع مليم إنت مدرسة في النصب يا صاحبي والله أحييك

عصام بغيظ: تحييني على إيه يا زفت الخطة باظت وأبويا كبس عليا ومضاني على شيك بمليون جنيه واضطررت أرجع العفش لـ نور تانى عشان ألحق نفسي من السجن

شريف بصدمة: إيه رجعته طب وريهام دي أكيد قلبت الدنيا

عصام: تتحرق ريهام على نور أنا دلوقت في ورطة الشيك ده سيف على رقبتي وعاوز أخلص من القرف ده كله بضربة واحدة تخليني مليونير بجد وأهرب من البلد دي

شريف: بجد طب ازاي؟ 

عصام بغل:  هبيع نور ل عصابة من بتوع الأعضاء وهاخد من وراها ملايين تخليني مش محتاج لحد طول عمري

شريف بصدمة

: