رواية سم هادئ في كأس ذهبي الفصل العاشر 10 - بقلم يارا محمد

شهيرة دخلت الاوضة ورا دليلة و هي حاسة أنها بتخطط لحاجة .

خير دليلة كنت عايزة تتكلمي معايا عايزة اية .

دليلة بصتلها بهدوء و ف لحظة ضربتها قلم قوي من شدته شهيرة اتالمت بشدة و بصتلها بعصبية

شهيرة 

انتي مجنونة ازاي تمدي  ايدك  عليا انتي مش عارفة انا مين و لا أية .؟!

دليلة مسكتها من دراعها و ثبتتها عند الحيطة 

ايا ً كان أنتِ مين مش يحقلك انك تتكلمي معايا كاني خدامة انا بنت البيت ده و بعدين دي اول حاجة تاني حاجة بقي عايزاكِ تتفرجِ ع الفيديو ده و تقولي رايك .

شهيرة مسكت الفون و اتصدمت من محتواه .

كان الفيديو عبارة عن صفوان بيتكلم مع سهر.

صفوان 

سهر زي ما قلت ليكِ لما يتحط الغدا ع السفرة تخلطي الحبوب ف طبق شهيرة مش عايز حملها يستمر .

سهر 

أوامرك يا بيه بس هتديني المبلغ اللي اتفقنا عليه .

شهيرة كانت ثابتة بتسمع الفيديو مش مصدقة اللي حصل بسبب ابو جوزها .

دليلة 

مالك ساكته ليه هي دي الحقيقة تعرفي ف يوم المستشفي رجعت بدري و شوفت سهر بتهدد جدي بأنها تقولهم أنه السبب ف اللي حصل ليكِ و قتلها انتي واحدة مغفلة اوي بتقولي أنه كان بيخطط يكتب حاجة ل ولادك من أملاكه بس العكس حصل اجهضك و استئصلتي الرحم بسببه .

شهيرة كانت بتسمعها بس ف عالم تاني الصوت كان مشوش مجرد تصفير مش حاسة بحد و لا بيها ثانيتين 

و بدأت تبكِ بقهر ووجع ازاي قدر يعمل فيها كده  انتبهت ع صوت دليلة .

دليلة 

تفتكري ابويا حبك و لا لا يا شهيرة  طول سنين جوازكم شفتِ حب منه و لا كان بيعاملك حلو .

شهيرة بتوهان 

عمري ما حبني ابدا كل حبه كان ل امك علشان كده بكرهك .

دليلة 

تحبي تاخدي حقك من جدي ولا لا .

شهيرة بحقد 

انا عايزة اقتل جدك ده و اهينه .

دليلة طلعت ليها دوا زي دول جدها و بصت ليها .

ده دوا جدي بس مستورد الدكتور بلغني امبارح بأنه لازم يغيره بدليهم من غير ما يعرف فاهمة .

خرجت شهيرة وهي مدمرة نفسيا و مش مصدقة أن صفوان ليه دخل ف اجهاضها و حرمانها من الخلف طول العمر دخلت اوضة صفوان بهدوء و غيرت الدوا و خرجت و الكل كان مشغول أما ليليان وصلت البيت بسرعة و خايفة حد يشوفها بس وهي داخلة خبطت ف دليلة .

دليلة باستغراب 

غريبة انتي برة من امتي الكل فاكرك نايمة بالمناسبة مبروك سمعت أن خطوبتك النهاردة .

ليليان بعصبية مفرطة 

ابعدي عني ملكيش دعوة بيا يا متخلفة انتي و بعدين دخلك أية ب خطوبتي ع الأقل هتخطب لواحد بحبه مش زيك عايزين يرموها .

دليلة بهدوء 

اهدي يا ليليان ليه عصبيتك دي انتِ خائفة من حاجة و بعدين انا مش فاضية ليكِ بس لما تحبي تتكلمِ انا موجودة .

ليليان سابتها و طلعت ل فوق بسرعة و قفلت الباب و حبست نفسها .

هعمل أية دلوقتي أنا ف مصيبة هتصرف ازاي ياريتني ما رحت و كنعان هعمل معاه أية اكيد مش هيصدقني .

ليليان نامت و حاسة بألم  أما دليلة ف بطريقة ما اخدت توقيع جدها ع شركة المعادي و حولت نص الاسهم ل حساب دالي الدرياني من غير ما حد يعرف و راحت قابلت شخص  وصلت الكافيه و شافته قاعد .

دليلة بابتسامة اخبارك أية يا عريس خير طلبت تشوفني .

كنعان بهدوء 

انا مش عريس يا دليلة و لا عمري هكون انا مش بحب ليليان و مغصوب عليها انا بحب واحدة تانية و كمان حاسس ان ليليان دي وراها حاجة مش مظبوطة ابدا .

دليلة كانت بتسمعه و ف لحظة بعتت الصور من اكونت فيك ل نفس الصحافة و ل كنعان بهدوء و سلاسة و كنعان اتصدم من الصور و هي بهدوء .

دليلة خير مالك في حاجة ف شغلك مخلياك ساكت .

كنعان يصلها و وراها الصور و عنوان الخبر الأبرز .

مدللة عيلة المراغي جعلتهم ف موقف حرج بالصور و الفيديوز اللي كانوا منشورين و الخبر وصل العيلة زي النار ف الهشيم .

أما عمر والدها شاف الاخبار و خرج بسرعة ساق عربيته علشان يشوف اصل الخبر ده صح و لا حقيقة أما ليليان صحيت مفزوعة و حاسة أن الباب بيتكسر .

كنعان سابها وراح بيت صفوان و دليلة كانت مبتسمة بهدوء سمعت صوت وراها بيمدح دماغها .

دماغك دي مصيبة اكتر مننا انتقامي مروع و بشدة  ڤينسيا .

دليلة بصتله بهدوء و ابتسامة .

ووو يتبع