رواية شاهد قبر الفصل التاسع 9 - بقلم اسماعيل موسى
حضر ناصر فرح اخته، كان شيء داخله تغير، لم يعد بعد ذلك الصبى سريع التغير،ارتدى بنطال وقميص وجزمه ،رفض ناصر لبس البدله ،قال انه لا يشعر بنفسه داخلها على الاقل الان
لم يرقص مع الموسيقى، وقف يسلم على المدعويين عينه على باب الصوان ، ولما وصل فتحى جوز اخته المتوفية نوال وقف ناصر ،قابله على باب الصوان ومنعه من حضور الحفل
ملكش مكان فى فرح اختى يا فتحى ،حاول بعض الناس التدخل لكن ناصر رفض، حتى فتحى نفسه قال ان دا فرح مش وقت حساب لكن ناصر دفعه بعيد عن الفرح
صرخ فتحى دا انا كنت جوز اختك ؟ اسأل والدك ووالدتك انا عملت معاهم ايه ؟ انا ميتعملش معايا كده يا ناصر ؟
ارتفع صوت ناصر انا لسه معملتش حاجه اصلا يا فتحى
لدى فتحى زوجه أخرى وأبناء كبار لم يعجبهم كلام ناصر
ودارت خناقه كبيره وقف فيها ناصر بالمرصاد، تصرف بتهور
مسك عتله حديد واقسم انه سيكسر قدم إى شخص يعبر باب الصوان من عائلة فتحى.
ادفع إلى عليك بقا يا معلم ناصر، طالما انت معلم وكبير سدد ديون والدك.
مش قبل ما تعمل فيها بطل تنضف عيلتك ؟ سيب الحديده دى ووسع خلى المعلم فتحى ينور الفرح وينقط العروسه بقرشين يساعدوها فى ديونها.
وقف ناصر امام أبناء فتحى ولم ينتبه ان واحد منهم يقف خلفه يبتسم بسخريه وقبل ان يرفع يده قيدت حركته
اسمع يا ولا، الكبير هيفضل طول عمره كبير والصغير إلى ذيك هيفضل صبى مهما علي ،بوس ايد المعلم فتحى واطلب السماح يا ناصر.
صرخ ناصر على جثتى، والدة ناصر حاولت تتدخل لكن واحد من اولاد فتحى زقها وقعت على الأرض حاول ناصر يفلت من غير فايده، شلت حركته ونزل اول قلم على وشه قدام كل اهل الحاره، قلم ورا قلم مع تهزيق ومفيش إى شخص تدخل
صرخ وائل ابن فتحى وطى ياد بوس ايد المعلم فتحى
وضغط على رأس ناصر اجبره يبوس ايد المعلم فتحى.
ثم جر على الأرض أمام أهل الحى والقى فى الشارع واجبر المعلم فتحى وأولاده الموسيقى ان تضرب والزغاريد ترتفع
واخذ العروسه بنفسه سلمها لعريسها.
تكور ناصر على نفسه جوار الجدار آمام الصوان عينيه تنز حسره وخزلان ،ثم سحب نفسه تحت عيون أهل الحاره ومشى لبعيد ،بعيد عن الحاره وفى كل مره نظر فيها إلى الخلف تشكلت فكره فى رأسه عندما يعود لن يترك اى شيء للصدفة.
لم يمر سوى ايام حتى بيعت قطعة أرض كبيره داخل الحاره لمالك مجهول، وبعد ايام نقلت إليها معدات ورشه جديده
قطعة الأرض بنيت واصبحت ورشه تصليح سيارات حديثه
ومحل بيع قطع خيار، اشتغل فيها مجموعه من الصنايعيه
وبعد ايام من افتتاحها كانت سيارات غريبه تظهر لتسأل عن الورشه.
بعد شهر ظهر ناصر وصل إلى الحى وقصد الورشه وجلس على مقعد المدير وكل عيون أهل الحى ترصدة
التف حوله عمال الورشه بتقدير وولاء مرحبين بصاحب الورشه وصديقهم.
سأل ناصر عن اخبار الورشه وطلب منهم ان لا ينسو لما حضرو هنا ورأى فى عيونهم ما كان يريده.
اطلق المعلم فتحى دفعه من الدخان على القهوه وسأل النادل مين يا ولا إلى هناك ده؟
دا المعلم ناصر يا معلم بيقولو صاحب الورشه..
ابتسم فتحى هو ليه عين يظهر بعد إلى عملته فيه؟
بقلكم ايه اظن لازم نقوم بالواجب ونبارك لابن حارتنا
ولا ايه ؟
•تابع الفصل التالي "رواية شاهد قبر" اضغط على اسم الرواية