رواية شاهد قبر الفصل السابع 7 - بقلم اسماعيل موسى
بعد يومين فتحت الورشه، وقف فيها ناصر بطولة، عرض عليه يحيى ان يحضر من يساعده لكن ناصر رفض
ناصر كان عارف ان الورشه فى البدايه محتاجه وقت عشان تتعرف وتتشهر وان صنعته وايده هما الوحيدين إلى هيعملو كده وهو مش عايز أخطاء.
وكان رأى يحيى استشارى منذ تعرف على الأسطى ناصر
لا أحد يعرف كيف يفكر يحيى ولا كيف يرى ناصر
لكن كان واضح انه ينظر إلى ناصر نظره مختلفه.
كان ناصر يجلس بمفرده وكانت الأعطال إلى بتيجى عنده بسيطه، كاوتش عايز يتنفخ ، دخان زياده ،الفتيس معطش
لمن ناصر كان يطمح فى شيء أكبر، شيء تظهر خلاله موهبته ،وبعد اسبوع من الممل حصلت حادثه فى مكان قريب منه، كان يقودها شاب مرفهه ،مكنش فيه إصابات لكن العربيه اتدمرت، الونش نقل العربيه لورشة ناصر مضطر
لأنها أقرب ورشه، الطريق زحمه والتوكيل مكانه بعيد
الشاب ساب العربيه هناك لحد ما يقول لوالده على إلى حصل ويشوف هيتصرف إزاى.
اسماعيل موسى
وقف ناصر قدام العربيه وعلى وشه ابتسامه كأن أكبر أحلامه تحققت ،قفل الورشه من بره واشتغل فى العربيه بخفه ودقه
احتاج قطع غيار واضطر لشرائها ودا خلاه يفكر لازم يكون موجود قطع غيار كتيره فى الورشه توفير للوقت
اشتغلت يد ناصر بمهاره كريشة فنان ايطالى قديم
فضل ناصر الليل بطوله يتكلم مع العربيه ويسمعها ومع تباشير الفجر كان خلص الأعطال وفاضل معاه السمكره
كجندى يعمل وحيد فى الحرب قام ناصر بكل الأشياء
ثم وقف آمام العربيه يرمقها بدقه وتركيز كانت توافق طموحاته مفضلش غير الرش ،من حسن حظه كل الأدوات متوفره عنده ،لما خلص ناصر العربيه كان منتهى حتى انه نام على الكرسى جوه الورشه ومحسش بأى حاجه ،فتح عنيه على صوت غاضب __ هو يابابا الشاب ده إلى استلم منى العربيه
انت؟ صرخ راجل مهم، فين العربيه إلى آبنى سابها عندك امبارح ؟
شاور ناصر بأيده واقفه هناك __
انت عبيط صرخ الراجل ،هو انا مش هعرف عربيتى ؟
فين العربيه إلى عملت الحادثه ولا أنت بعتها!؟
بقلك هناك، تحدث ناصر باندفاع، عربيتك هناك ،تقدر تاخدها وتمشى !
الراجل قال لأبنه امال بتقول عملت حادثه ازاى ؟
الولد طلع الموبايل ووالده شاف صورة العربيه المدمرة
بعدها وقف قدام العربيه مبهور، شغل العربيه واخد بيها لفه ورجع بيها تانى
انت إلى عملت كل ده؟
ناصر قال ايوه انا
الراجل بصله بأستغراب مش مصدق ان عيل صغير ممكن يعمل كل ده واحده
طيب قلى فين المعلم ؟ فين الأسطى عشان احاسبه ؟
ناصر قال المعلم واقف قدامك وشاور على نفسه
والحساب كذا ؟
الراجل وقف مبلم وناصر افتكر انه هيفاصل فى الأسعار
فبداء يشرح ليه التصليحات وتمن قطع الغيار والدهانات والسمكره
الراجل ابتسم ،المبلغ مكنش ضخم، مبلغ عادل اقل مما توقع
دفع المبلغ وهو بيأكد على ناصر ان مفيش فلوس تانى مطلوبه ؟
دى كانت بداية ناصر فى المنطقه، حتى الورش المنافسه مكنتش مصدقه ان عربيه ممكن تتصلح فى وقت قصير ذى ده، لكن ناصر كان حافظ العربيات ذى اسمه ،مش كده وبس
كان فى عقله جزء خاص بكل نوع من انواع العربيات
الشغل زاد وناصر جاب صنايعيه تشتغل تحت إيده
وانتظر يحيى يظهر لكن يحيى فضل اكتر من ست شهور مظهرش ولما ظهر ناصر قابله على باب الورشه وعاتبة
قعدو مع بعض وناصر سحب دفتر كبير مكتوب فيه الارباح والمصاريف، كان مبلغ ضخم بتاع الارباح ،يحيى الغير مهتم بالمكسب سأله فيه كده مبلغ محطوط على جنب بتاع ايه ده يا معلم ناصر؟
ناصر قال دا بتاع قطع الغيار، انا خصصت مخزن لقطع الغيار فى الورشه، انت مكنتش موجود وانا اضطريت اعمل كده
بعد ما طلع الإيجار واجرة الصنايعيه ناصر قسم المبلغ بالنص
كان خايف يحيى يطمع فيه لكن يحيى اخد نصيبه ومشى
وقبل ما يمشى قال لناصر انه موافق على كل القرارات إلى ناصر هياخدها لمصلحة الشغل وسابلة تليفونه لأول مره
ناصر كسب مبلغ كبير، لكنه كان عايز اكتر ،اشتغل بجد وبلا توقف وكالعاده يحيى سابه لوحده وطلب منه يبعتله الارباح على حسابه فى البنك
وبعد سنة ناصر جمع المبلغ إلى كان بيحلم بيه ولأول مره ساب الورشه ورجع على شقة اهله
دلوقتى يقدر يطلق نوال ويدفع الشيكات ويجيب علاج لوالده ،يقدر يقف قدام فتحى
مكنش قادر يصبر عشان يشوف نوال اخته قبل ما يروح البيت راح على شقتها لكنه لقيها مقفوله
راح على بيته، امه واخته اخدوه بالحضن ووالده قعد يبكى
وبعد ما هديو سألهم عن نوال
الكل صمت، محدش أتكلم، ناصر سأل تانى وعنيه مبرقه نوال فين ؟ شقتها مقفوله
والدته وهى بتقرب منه قالت نوال تعيش انت يا ناصر
•تابع الفصل التالي "رواية شاهد قبر" اضغط على اسم الرواية