رواية ذكرياتنا في رمضان الفصل السادس 6 - بقلم سلسبيل احمد
- انا عارفة اني غلطت يا مراد.. بس كنزي اختي واكتر ومش من حقك على فكره تقولي اني مليش دعوة بيها
" فضل ساكت شوية اثر جملتها الى طلعت بتلقائية.. الى خلته يلمس زعلها فيها.. من بدري وهو عارف ان ليان حساسه تجاه موضوع انها طفله وحيده.. وعلشان كده علطول قريبة من كنزي و ندي "
بصلها بهدوء: انا مكنش قصدي الى فهمتيه
رفعت كتافي: لا كان قصدك..
- ليان ممكن تفهمي بس حاجه بس صغيره انتوا كلكوا بنات ومفيش راجل غيري.. محدش مسؤول عنكم كلكو غيري انا عمي مسافر ولحد ما يرجع انتي و مرات عمي مسؤوليتي فاهمه ده؟؟ المسؤولية دي مينفعش تروحي ترميها على حد غيري مينا صاحبي انا مش صاحبكم انتم يعني غريب عنكم فاهمه ده
هزيت راسي بهدوء: فاهمه.. انا بس كنت خايفة عليك ومش عايزه الموضوع يكبر.. ولا كنزي تفقد ثقتها فيا
خد نفس عميق ورجع بصلها: انا مش صغير.. متخافيش.. عمري ما هتصرف بتهـ ـور عشان عارف ان فيه ناس في رقبتي..
ليان بأستسلام: طيب.. انت معاك حق وانا غلطت.. بس ممكن تعديها.. مش احنا الاتنين اخواتك برضو
ابتسم على الكلمه وبصلها بتأكيد: اخواتي.
- طيب.. هتصالح كنزي؟
= هشوف
" مسك الكيكه وقطم منها وبعدين بصلها وهو بياكل"
- مش حلوة
ليان ضحكت علشان عارفه انه بيكدب: كداب عموما انا مفيش احلي من كيكتى
مراد بصلها بخبث: اه.. بس كيكة الفانيليا.. الى جبتيهالي واحنا صغيرين دي كانت احلي
ليان وشها احمر بسرعه: ءءء اي اه.. أءء
" معرفتش انطق وقتها لتاني مره قدامه لما يجيب سيرة الموضوع.. لفيت عشان اتحرك من غير ما ابص وكنت هتكعبل بس الحاجات على الأرض لكن هو لحقني بسرعه اوي! "
- على مهلك!
= أ.. طيب هنور الكشاف ...
" فتحت فلاش موبايلي بسرعه و نزلت "
>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
' "اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي '
|| في البيت | بليل ||
" مراد لما طلع من الورشة كان بيدور على كنزي.. مازال مضايق ومش قادر حتي يعاتبها لكنه جه على نفسه و دخل اوضتها "
" كنزي اتوترت لما شافته "
- بتعملي ايه
= مش بعمل حاجه..
" اتنهد وحط موبايلها قدامها "
- امسكي موبايلك..
كنزي مخدتهوش وبصتله: انا مش عاوزاه..
بصلها بعدم فهم: يعني ايه
= مش عاوزاه تاني
" مراد فعلا مكنش فاهم بتعمل كده ليه فا قرب ناحيتها "
- عايزه تقولي حاجه؟
" عينيها دمعت وسكتت فا اتكلم بتمثيل "
= انتي عارفه اني مش بحب العياط.. اتكلمي
رفعت راسها وبصتله: مش حاسة اني هبقي كويسة لو مسكته تاني.. انا لسه خايفة
" بصلها بعدم تصديق "
- انتي اتجننتي؟ هي ندي او ماما مقالوش ليكي انا عملت ايه؟
= قالو.. بس انت متكلمتش معايا.. انت تجاهلتني.. موقفك بالنسبالي هو الى مخليني لسه خايفة انت مش مصدقني ولا واثق فيا
مراد مسح على وشه وحاول يهدي: كنزي هو انتي فعلا متخلفه؟ انا لو مش مصدق مكنتش هعمل الى عملته!!! انا تجاهلتك بسبب غلطتك !! انت كلمتي واحد غريب
ردت وهي بتحاول تدافع عن نفسها: انا مكنتش بقول اي حاجه!! ولا بكلمه هو الى كان بيبعت انا بس كنت برد و
قاطعها بنفي: لا لا لا متستخدميش الاسلوب ده!!! تبريرك حتي اصلا ملوش معني !!! انا مش فاهم انتي متخيله ان ده كده مش غلط؟؟
انتي لو اديته فرصة بنظره منك بس مش مجرد كلام
دي غلطة و حْيانة لثقتنا فيكي و اديكي شوفتي اخرتها ايه!! وعمل ايه؟؟ وكمان هددك !! وخوفك
- انا آسفة
" مراد اتفاجئ من سرعة اعتذراها "
- وانا مش عايز اسف اعمل بيه ايه ؟؟
= حاضر.. وانا مش هكررها تاني عمري مهما حصل انا كنت عارفه اني غلطانه.. انا بس بقولك اني.. ده حصل غصب عني
- مفيش حاجه اسمها غصب عني.. انتي الى رديتي بمزاجك واضحك عليكي.. الكلام ده مش هتسمعيه من حد غيري يا كنزي.. فا اسمعيه وافهميه
لما تسمحي لواحد يتمادى معاكي.. هيفضل يتمادى لحد ما يوقعك في ميت مشكلة عارفه ليه؟ عشان بتكلميه من ورانا!! شافك سهل يضحك عليكي!! ويشوفك بطريقة وحشه كمان لما يعرف انك مخبيا على اهلك.. انتي عارفة ليه ربنا حرم الموضوع ده؟؟
= عشان الاختلاط بالرجالة حرام
- وعلشان بيآذيكي.. بيآذي سمعتك حتي لو انتي كويسه.. بس تضمني منين الشخص الى بتكلميه فالدرا ده يطلع منه ايه؟ وقتها مين هيلحقك وانتي بتكلميه فالسر ومش معرفة حد ؟
ياريت تفهمي اني ضهرك.. بقلمي سلسبيل احمد مفروض تصارحيني مش تخبي عليا! والعيلة نفسها قوة ليكي.. وحماية!
عشان كده الى بيحب واحده وبيبقي عارف ربنا بيدخل البيت من بابه ولو محصلش نصيب بيخرج بأحترامه وينهي الموضوع بأدب مع الأهل مفروض ده الى يحصل عشان البنت تفضل غالية مش اي حد يكلمها وخلاص!
بصتلة بندم: معاك حق.. والموضوع كله غلطتي
- وجبت لك حقك.. كل الى عايزة منك.. اني تبقي قد ثقتي فيكي.. ومتبقيش خايفة منى
= كنت خايفة علشان عارفة اني غلطت اوي
" اتنهد وطبطب عليها "
- بصيلي.. حتي لو الغلطة كبيرة.. عرفيني.. وانا هتصرف انا هفضل علطول جمبك سواء مش غلطانه او غلطانه انا ميهمنيش غير لما تبقي محتاجه حد تلجأي ليا.. وده مش معناة اني عاوزك تبعدي عن ليان.. بس انتوا مسؤولين مني!
= بس دي غلطتي انا.. وانت كلمتها وحش
- شوف بكلمها في ايه وهي فين
ابتسمت: معلش بس بجد ليان مكنش قصدها
= متقلقيش احنا تمام خلاص؟ وانا وانتي برضو تمام ولا ايه
حضنته: أيوه
" حضنها هو كمان ومسح على شعرها.. "
- لمضة..
" الامور هديت بعد لما كلهم اتصافو..! ورجعوا تاني الروح الحلوة في البيت.. البيدج بتاعتي على فيسبوك سلسبيل احمد وده كان مريح فاطمه عشان هي اكتر حد بيكره الزعل والخصام. "
>>>>>>>>>>>>>>>>>>>>>>>>>>>>>>>>>>
'سبحان الله وبحمده سبحان الله العظيم '
' اللهم إن كانت هذه ليلة القدر، فاقسم لى فيها خير ما قسمت، واختم لى فى قضائك خير ما ختمت"، "اللهم بلغنا ليلة القدر، وارزقنا فيها حسن العبادة". '
|| بعد مرور يومين في بيت ليان ||
- انا تعبت يا ليان !!!
= وانا تعبت من صياحك يا ندي !!
- انا مش بصيح ! انا بسأل سؤال منطقي !! هو ليه بارد ! وليه عامل كأنه مش عارفني
= حببتي هو مش هيخدك بالحضن ! يمكن بيحب حد تاني اصلا
- اسكتي
= بصي احلي حاجه عموما انتي عملاها انك مش مبينه حاجه
- منتي كنتي هتفضحيني قدام فريده
= انا فعلا مختش بالي.. بس فريده مش هتقوله يعني
- لا حتي لو دي اخته.. وممكن تقع بلسانها كله الا كرامتي يا ليان
= شاطره تربيتي.. هنعمل ايه بقا حضرتك في الخروجه ؟
- يعني هعمل ايه؟ ماهو فرض علينا
= معرفش ليه تيته طالما ليها كلمه عليهم كانت تقوله يخلينا نخرج لوحدنا
- اهو احسن ما يقعدنا خالص
" شوية ولقينا جرس الباب بيرن وكان مراد "
" ليان بصتله بستغراب "
- فيه ايه؟
= مرات عمي هنا؟
- لا انا وندي بس
" وقف على الباب وطلع علبة القهوه فا ليان عملت من بنها وبصت الناحية التانيه "
- احممم اه يا ندي
مراد: ندي مين؟؟
ندي جت وبصتلهم وشافت العلبة: أ.. ايه يا مراد ياحبيبي ازيك
مراد: اهلا وسهلا ياحببتي ايه ده ؟
ندي بأستعباط: دي احمم دي علبة القهوة بتاعتك
مراد: خلصت! وانا بقالي اربع ايام مقربتش ناحيتها
ندي: لا حول ولا قوة الا بالله..
مراد: ونعمة بالله.. انتي عارفة لو قربتي تاني ناحيتها هدغدغ حصالتك الى مليانه شقي عمرك دي ومش هتشوفي منهم جنيه
ندي ردت بسرعه: ايه ده والله العظيم دي ليان الى بتشرب قهوه مش انا
مراد فتح عينه بدهشه: انتي !!!!
ليان بأستهبال: ايه..! مش انا عملت لك كيكه
مراد: عملتي لي كيكه !!!!! انا خت قطعه ومشوفتش باقي الصينه اصلا !!!!
" الاتنين فضلوا يضحكوا "
مراد بصلها وهو بيستحلف لها: تمام.. تمام
انتوا الاتنين تفو على وشي لو خرجتوا
" نزل وسابهم و ندي دورت وشها بعيد عن ليان "
ليان صْربتها: بتخبصي عليا !!
ندي: هو لغي الخروجه؟
ليان: اه.. وقال لو خرجنا نتف على وشه.
>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| في الورشة ||
" مراد كان سايب الورشة ولما رجع لقي ياسين قاعد"
- يا اهلا
" ياسين بصله وسكت "
مراد بستغراب: ايه مالك
وقف واتنهد: فيه موضوع مش هيعجبك
" مراد ساب الحاجه الى في ايده "
- مش عايز مقدمات يا ياسين
= تمام.. كريم..
" معرفش ليه اول لما نطق اسمه تخيلت كل حاجه.. وكأني حافظ كريم.. عارف هيتصرف ازاي وامتى.. ورغم كده انا مكنتش عارف اسيطر على عصبيتي.. "
- ماله؟
= انت مش مستغرب انه مظهرش بقاله يومين.. عرفت انه شرب سجاير.. حد شافه مع الشلة بتاعت شارع المطبات.. انا قولتلك قبل كده هما مش تمام و انت قولت لي سيبه وانك عارفه مش هيعمل حاجه. خدلد موقف بقا معاه عشان امه لو عرفت حاجه زي كده مش هتستحمل..
" فتحت موبايلي وانا كل ده بحاول احافظ على اعصابي هاديه.. واتفاجئت انه مردش.. "
- مش بيرد..
= تحب نروح لهم.؟
- لا.. انا مش عايزه يعرف اني بدور عليه وهما اصلا عيال مش سالكه مش هيقولوا مكانه لو مستخبي
= هو مش طبعه اصلا يغيب عن البيت ولا يبات بره
- طب هي امه كلمتك؟
= كلمت امي تسألها وكانت قلقانه.. قولتلها هنشوفه ونكلمها طمنيها
" مراد اتنهد بتعب.. "
- طيب.. انا هفوق لك يا كريم..
ياسين: انا هاروح عشان طالبين حاجات.. انت صح اي حوار الخروجه ده؟
مراد: والله انا مش فايق بس هما شغالين زن من اول رمضان عاوزين يخرجوا كلهم سوا وتيته اجبرتني اخرجهم طالما مش موافق يخرجوا لوحدهم
ياسين: طب خلاص اجهزوا واديني رنه..
>>>>>>>>>>>>>>>>>>>>>>>>>>>>>>>>>>
' الله اكبر الحمدلله لا إله إلا الله استغفر الله '
'اللهم اعفو عنا واغفر لنا.. ولا مريضًا إلا شفيته، ولا ميتًا إلا رحمته، ولا دعاء إلا استجبته، ولا تائبًا إلا قبلته، ولا فقيرًا إلا أغنيته، ولا مؤمنًا إلا ثبتَّه، ولا طالبًا إلا وفقته، ولا مظلومًا إلا نصرته، ولا حاجة من حوائج الدنيا والآخرة هى لك فيها رضا ولنا فيها صلاح إلا قضيتها ويسرته '
|| في بيت احمد وفريده ||
" كنت قاعده في اوضتي و اتفاجئت بأحمد دخل "
بصتله من فوق لتحت: خير ؟
احمد قعد: مفيش.. احنا هنخرج كده كلنا انهارده
- فا ايه؟
= مفيش.. انا بس عايز اسألك على ندى
- مالها ندى
= مالها يعني ايه؟ متكلمتش عني خالص
" فريده انفجرت ضحك "
- هو انت ايه الثقة الى بتتكلم بيها ياحبيبي دي
احمد قلب وشه: ما تتلمي يا فريده
- ريح يا احمد يحبيبي دي مش امال ولا شمس ولا البنات الهطـ ـله الى كنت تعرفهم
= انا بسألك سؤال اتكلمت عني ولا
- ولا جبنا سيرتك ياحبيبي اصلا انت ليه
واثق اوي كده
= اصلك غبيه.. احنا كنا قريبين زمان
- اديك قولت زمان.. لما كنتوا مجرد عيال دلوقتي ياحبيبي كل حاجه اتغيرت وانت اصلا ملكش مكان زي الاول
احمد اضايق من كلامها فا بصلها بعْل: وانتي الى ليكي مكان هنا اوي؟؟
- على الاقل انا رجعت مكان طفولتي.. وسط صحابنا و بلدنا.. ومبسوطه مش زيك
= مبسوطه بخيبتك! علشان احنا مش هنكمل هنا اصلا مجرد لما الامور تهدي هنرجع تاني الإمارات يا اما بابا هيسفرنا بلد تانيه خليكي عايشة في اوهامك.
>>>>>>>>>>>>>>>>>>>>>>>>>>>>>>>>>>>
|| في بيت فاطمه | بعد الفطار ||
" كانت ليان وندي وكنزي جاهزين عشان يخرجوا ومستنين في بيت فاطمه.. و شوية و هاجر و فريده دخلوا فا وقتها ليان وندي طلعوا يستعجلوا في مراد.. "
ندي: يا مراد يلا!
ليان: اخلص يا مراد بقا كدا كدا شكلك مش حلو بتظبط ايه
"مراد كان هيحدفها بالمشط الى بيظبط بيه شعره"
- ريحوا انا اصلا مليش خلق انهارده
ليان: هي منكده عليك ولا ايه
مراد رد ببرود: اه.. ومش عارف اصالحها
"ليان بصت لندى برفعه حاجب وندي ضحكت"
" ونزلنا بعد لما استاذ مراد خلص فقرة الرخامة بتاعته "
" نزلنا وقفنا قدام البيت كلنا "
ياسين: هنقسم نفسنا على العربيتين ازاي بقا؟
فريده: انا بعرف اسوق انا والبنات هناخد عربية احمد.. وانتوا روحوا في عربية مراد
احمد بصلها: انتي تسوقي عربيتي !!
فريده: خلاص اخد عربية مراد
مراد بجديه: انا مش مستغني عنها
فريده بتعجب: هو ايه ده والله بعرف اسوق!
ياسين: هي بتعرف تسوق ؟
احمد: يعني.. مش اوي
مراد: يعني حتي لو مستغني عن العربية مش هستغني عن ارواح الى فيها..
" ضحكوا كلهم و بعد تصميم من فريده اخدت عربية احمد وركبت هي والبنات واحمد وياسين ركبوا مع مراد في عربيته "
" وصلوا بعدها جنينه كبيرة.. جواها كل حاجه.. وطبعا لأنهم كانوا متفقين مياكلوش على الفطار وياكلوا بره فا اول حاجه عملوها راحوا مطعم وأكلوا سوا.. وفضلوا مقضين طول الوقت مع نفسهم.. وكأن الشباب مش موجودين.."
هاجر: بطلي تخمي يا فريده!
فريده: انتي الى غبيه
كنزي: انا اصلا مش فاهمه اللعبه
ندى: مفروض تتخلصي من الشايب عشان متلبسبش حكم مننا كلنا
ليان: الشايب شكله مع هاجر
" ضحكوا كلهم لما هاجر اضايقت وكان فعلا معاها.. لحد ما لبسته فالاخر وكله حكم عليها "
" شوية وليان لاحظت ان مراد واقف بعيد لوحده "
- ثانيه وهاجي..
" كنت متوتره وانا رايحه عنده.. بس معرفش ليه كنت عايزه اروح.. "
- احمم.. انت واقف لوحدك؟
= اه.. راحوا يجيبوا قهوه من بره
- طبعا بتدعي عليا بعد لما خلصت قهوتك
= مانا كده ليا عندك واحده وهتعملي كيكه
ضحكت وبصتله: انا حساك مضايق بصراحه.. هو انت مضايق
- لا مفيش حاجه
= ما تقولي!
" مراد بصلها ولسبب ميعرفوش بدأ يحكي لها على مشكلة كريم "
ابتسمت: تعرف.. كنت بغير من علاقتكم.. بس عرفت انك بتعتبره اخوك واكتر.. وبتحبه اوي.. فا بقيت بحب علاقتكم عارفه انه مش مجرد جار او صاحب هو انت فعلا بتعتبره اخوك.. وعلشان كده لما تلاقيه كلمه براحه وفهمه..
- التربية الإيجابية والحاجات دي مينفعش مع الرجالة انا لازم اظبطه عشان يفوق لنفسه
= طب هو انت ليه بتحبه اوي؟
رد بسرحان: بيفكرني بنفسي.. هو شبهي كنت فاكره بيقلدني.. بس هو بيعمل حاجات ميعرفش اني كنت بعملها.. وتفكيره حتي.. عنيد زي فيه حاجات كتير هو شبهي فيها..
- انت حظك إنك شايل مسؤوليات كتير اوي اغلبها مش فرض عليك
بصلها: بتتكلمي عن مين
= عني انا وكريم مثلا هو مامته بتوصيك عليه علطول.. وانا.. علشان بابا مش هنا
- انا عمري ما كنت مضايق.. انا بعتبرك زي كنزي و ندى بظبط وحتي لما عمى يجي مش هتبرا منك يعني.. انتي هتفضلي اختى
" معرفش ليه الكلمة ضايقتني اوي المرة دي بالذات.. بصتله وانا حاسه اني عايزه اقوله ازاي وليه.. "
- مراد.. هو..
" قاطعنا رنه موبايله بص قدامه قبل ما يرد "
- طب روحي انتي بقا
" بصيت قدامي لقيت احمد وياسين رجعوا فا اتنهدت بزهق.. و رجعت عند البنات "
" مراد قفل موبايله وهو حاسس انه عايز يقـ ـتل
قتـ ـيل.. "
" ياسين وصل ولاحظ ملامحه "
- مالك فيه ايه
= يلا نروح..
" وفعلا خدهم و روحوا و على اول الشارع نزل من عربيته وساب المفتاح لاحمد "
- خلي فريده تكمل بيهم عشان فيه مشوار..
" احمد استغرب ومكنش فاهم و مراد مشي هو وياسين "
- حصل ايه يا مراد
= كنت مكلم مينا ولاغيته عشان لو شاف خلقته وقولتله الموضوع قالي دلوقتي انه لقاه في ***** مع شوية الصيع بتوع الشارع
ياسين بدهشه: لقاه هناك !!! فالمكان ده!!!
مراد: انا هـ******
" عند احمد.. خلاه فريده توصلهم زي ما مراد قاله.. هاجر نزلت بيتها وفضل مكمل وراهم.. وبعد لما وصلوا نزلوا من العربية جمبهم.. "
- ندى..
" ليان وقتها كتمت ضحكتها وخدت كنزي "
- احنا هنطلع احنا..
" وخدت كمان فريده معاهم "
" ندي اتوترت وفضلت تبص عليهم وهما طالعين البيت "
- أ.. ايه فيه حاجه؟
= مفيش.. انا بس كنت عاوز اديكي ده..
" طلع من جيبه فانوس صغير.. ندى بصتله بأبتسامه"
احمد بصلها: انا جبته ومكنتش عارف هديهولك ازاي..
ندي بصتله وهي بتحاول متضحكش: زي اول مره ادتني فيها فانوس.. قولت لي اوعي تعرفي مراد..
احمد اتنهد: هو الفانوس الى جبتهولك زمان لسه معاكي ؟
هزت راسها بهدوء: ايوه.. انا.. شيلاه من وقتها..
احمد: بس انا فيه حاجه قولتها ليكي بعدها.. انتي مش فكراها
ندى وشها احمر: ءء.. لاء حاجة ايه.؟
•تابع الفصل التالي "رواية ذكرياتنا في رمضان" اضغط على اسم الرواية