رواية ذكرياتنا في رمضان الفصل الرابع 4 - بقلم سلسبيل احمد
- انتي ايه الى كان موقفك مع مينا ؟؟
= ءءء ايه؟ أنا ؟؟
- اه انتي ! واقفة معاه ليه ؟؟
= موقفتش معاه
بنرفزه: هو انتي بتكلمي واحد اعمي يعني ؟؟؟
ما تنجزي كان هنا ليه ؟؟
بصتله بدهشه: فيه ايه يا مراد ما توطي صوتك!!!
مسح على وشه بعصبيه: طب اطلعي فوق
" زعق قبل ما اتكلم تاني وقالي اطلع وانا طلعت وانا مرعوبة يروح يسأل مينا ويقوله..
وشوية ولقيت ندي بترن عليا "
- الو؟
= ايوه.. بقولك انتي فين
- فيه ايه في البيت
= طب انزلي
" نزلت وفتحت لي وبعدين دخلنا اوضة كنزي ولقيتها باين عليها العياط "
ندي بحيره: الهانم راجعه من بره قالبة وشها ومش راضيه تتكلم.. وماما تحت عند تيته
اتنهدت وبصتلها: مالك يا كنزي؟
- مفيش متخانقه مع صحبتي
رديت وانا بطمنها: طب متخافيش كل حاجه هتبقي تمام خلاص؟ تعالي يلا اغسلي وشك
" اخدتها و روحنا عند الحمام واتكلمت براحه "
- الموضوع خلص خلاص.. واتحل.. بس احنا لينا كلام والى حصل ده مش هيعدي..
" دخلت بصمت غسلت وشها و بعدين طمنت ندي الى كانت شاكه ان فيه حاجه.. حاولت اطمنها عشان متقلقش طنط كوثر.. وانا كنت عاوزة الى يطمني ان مراد مش هيدبـ ـحنا كلنا.."
>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
'«وَلَمَن صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ» سورة الشورى'
|| في الشارع | تحت بيت ياسين ||
" ياسين نزل بيفرك في عينه بأرهاق "
- خير يسطا انا لسه يسطا مخلص شغل
وطلعت اتخمد شوية
= فيه حوار.. وقولت الاغيك
- حصل حاجه؟
= حصل حاجات
" مينا فضل يحكي له "
- وبعد لما صْربته خدت منه موبايله الناس قعدت تحجز وبتاع و الموضوع كبر لحد ما ناس كبيره ادخلت وقالو هيعملوا قاعده وبتاع الواد اصلا جبان وانا خوفته وقولتله هسجـ ـنك ومش هسيبك.. من هنا لهنا بقا عمك ناصر عبدالله ادخل
= ازاي هو ايه علاقته ؟؟
- يعرف صاحب السنتر الى الواد شغال فيه وقعد يقولي مينفعش نعمل مشكله للسنتر وتعالي بليل هنقعد والموضوع في رقبتي.. انا سيبته بس موبايله معايا ومفروض هاروح له على بليل ولازم اعرف مراد
= انت لازم تعرفه دلوقتي فعلا..
الى هو حالا انت عارفه
- ما علشان عارفه قولت اقولك انا بفكر اللم الحوار الاول واعرفه عشان ميروحش يرتكب جنـ ـاية
= لا انا رأيي تعرفه دلوقتي.. يا اما بعد الفطار
- خلاص.. هرن عليك تنزل معانا
=خلصانه..
>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على نبينا محمد '
'«وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ»
سورة النور'
|| داخل ورشة مراد ||
- انا خلصت الى ورايا و نزلت..
" مراد كان تحت العربية و رد "
= كداب يا كيمو
- عيب عليك يعم انا فضيت نفسي وجيتلك
= مفيش حاجه اسمها فاضي في ثانوية عامة روح كمل مذاكرتك
- يا مراد انا بقالي ترم بحاله بذاكر نزلني شغل معاك بقا زي ما كنت
= انا متفق مع امك مفيش شغل طول ثانوية عامة ولا عايزني اطلع مش قد كلمتي بقا
" خرج من تحت العربية وقام
بصله وهو بيمسح ايده"
- مذاكرتك دلوقتي اولي.. عشان اخر السنه تلاقي المجموع الى يرضيك.. ويدخلك هندسه زي ما انت عايز
" كريم ابتسم لما افتكر حلمه "
- ونفتح انا وانت ورشة كبيرة..
ونبقي طول الوقت وسط العربيات..
مراد اتنهد: انت لسه الموضوع ده في دماغك
= ايوه.. بعدين انت ادتني كلمه
ولا انت مش قد كلمتك بقا؟
" مراد ابتسم على تقليد كريم لي
.. وحدفه بالفوطه "
- طب اطلع برا يا صايع
كريم ضحك وهو بيتفادي الفوطه ويمسكها:
طب امسك يا نجم
" حدفها له وبعدين خرج.. "
" وشوية و مراد لقي مينا و ياسين داخلين عليه.. اتصرف عادي من غير ما يبين حاجه.. لكنه وقتها فهم ان فيه حوار. "
- مساء النور
" ياسين قعد و مينا فضل واقف يبص لمراد الى كان مكمل تصليح في العربية الى قدامه "
ياسين: ايه الأخبار
مراد بصله: فيه ايه؟
مينا: مفيش حاجه.. انت فاضي بليل هنروح مشوار
- مشوار ايه ده
" وقتها مينا عرف ان ليان معرفتوش لسه.. بقلمي سلسبيل احمد فا قرر يستني شوية ويديها فرصه يمكن تقوله "
مينا بتردد: هكلمك بعد الفطار واقولك
" سابهم وخرج و مراد بص لياسين بشك فا ياسين عمل عبيط "
- طيب انا هطلع بقا... هطلع اشوف احمد اي دنتيه
" خرج هو كمان وقتها مراد كمل شغله بنرفزه.. "
- ماشي يا ليان.. هعرف عملتي ايه..
>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
' فَمَنْ عَفَا وَأَصْلَحَ فَأَجْرُهُ عَلَى اللَّهِ ' سورة الشورى
|| داخل منزل ابراهيم ||
- يعني ايه يا بابا ؟ ما نخلينا قاعدين هنا وخلاص
ابراهيم: هنا فين يا فريده؟ انتي مش شايفه المكان متدني ازاي
- متدني! حضرتك ده بيتنا واتربينا هنا وصحابنا كمان هنا.. لو سمحت يا بابا خلينا هنا انا مش عاوزة امشي
ابراهيم بص لاحمد الى كان ساكت: ما تتكلم
احمد ببرود: مش فارق معايا..
فريده بصتله بغيظ: والله!! انت جايب البرود ده منين
احمد: فريده احترمي نفسك
ايمان: بس انت وهي!!! هتتخانقوا قدامنا؟؟
فريده بزعل: انا مش عايزه امشي لو هتمشوا سبوني انا هنا لوحدي معاهم
ابراهيم: انتي بتتصرفي وكأننا هنقضي بقيت حياتنا في مصر!! انتوا عارفين كويس ان ده ظرف طارق
احمد: بظبط.. احنا حياتنا وشغلنا كان بره مش هنا
" ابراهيم نزل وسابهم و مازال في دماغه يدور بعلاقاته على شغل مؤقت في مصر و برضو بيدور على مكان تاني يسكنوا فيه.. بيدج الفيس بوك بتاعتي سلسبيل احمد "
إيمان اتنهدت وبصتلهم: بلاش نسبق الاحداث ممكن؟ انا هكمل تحضير الفطار.. وكفاية كلام لحد هنا انت وهي
احمد: انا نازل..
" فريده راحت وراه "
- كل الى بتعمله ده ملوش لازمه يا احمد
= تقصدي ايه؟
- انت فاهم قصدي كويس.. اقعد طول حياتك كده ومحدش هيتعب غيرك!
ابتسم ببرود: انا مش تعبان يا حببتي.. انتي الى كارهه الدنيا وكاره الناس وكاره نفسك كمان
" سابها ونزل وهي عيونها دمعت من كلامه "
" بدأت تفتكر كل الذكريات الوحشه الى عاشتها.... "
فلاش باك #
- چوفوا نظارتها.. ولاّ عاد كشتها! شكلها يضحك وايد
- هاي من وين ظاهرة؟ جنّها من كوكب غير!
- تخيلوا بس! هاذي بتم معانا في الصف؟ مب داشة راسي!
" فضلت فريده تفتكر في الكلام الى اتقال لها وهي طفله في مدرسة جديده في الإمارات! بقلمي سلسبيل احمد Slsbell Ahmed والى مكانتش حتي تعرف معناه..! "
>>>>>>>>>>>>>>>>>>>>>>>>>>>>>>>>>>
' الله اكبر استغفر الله الحمدلله لا إله إلا الله '
' وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ ' آل عمران
" وعلى الفطار كانوا كوثر و كنزي وندي و نورا وليان في بيت فاطمه بيجهزوا كا العادة لأنهم بيفطروا سوا علطول لأن فاطمه لوحدها.. "
" مراد دخل على الأذان علطول وبدأو يفطروا في صمت على غير العادة "
فاطمه: بالهنا والشفا يا ولاد كلوا كويس..
كوثر: مش محتاجين وصاية
فاطمه: بالهنا والشفا عليكم
ما تاكل كويس يا مراد
مراد وهو بيبلع: ده انا ناقص اكل الطبق يا تيته
ليان: احمم.. طيب يا جماعه احنا كنا عاوزين نخرج انا وندي وكنزي كمان ساعتين كده عـ...
مراد بمقاطعه: مفيش خروج بليل
" ليان استغربت انه وجه كلامه لـ ندي وكنزي وبصلهم بس وانه تجاهلها.. وكمان استغربت طريقته.. "
ندي: ماشي بس احنا هنكون سوا يا مراد
مراد: قلت الى عندي
نورا: ياحبيبي هما فرحانين عشان هاجر وفريده
وعاوزين يخرجوا سوا
مراد: يا مرات عمي انتي شايفه الى بيحصل اليومين دول للبنات وخروجهم كلهم لوحدهم حاليا ومصر كلها بتبقي فى الشارع في رمضان
فاطمه: خلاص روح معاهم اخرجوا كلكوا اخوات هاجر و فريده يروحوا معاكم في اي مكان
ندي ردت بسرعه: لاء!.. أءء اقصد يعني دول هيفضلوا على راسنا بقا
فاطمه: لا انتوا لوحدكم وهما لوحدهم
مراد بنهي: ان شاء الله ماشي
" كنزي خلصت اكل في هدوء وطلعت
محدش سمع صوتها "
كوثر بقلق: انا معرفش مالها من ساعه لما رجعت من بره وهي ساكته ومش مظبوطه
نورا: ليه كده فيه.. حد يعرف حاجه يا ولاد؟
" ليان سكتت بتوتر ومراد كان ساكت وبيبص بشرود"
ندى: مش عارفه.. هي قالت لك حاجه يا ليان
- ءءأ انا؟ لاء هي بس قالت مضايقه شوية مع صحابها في المدرسه عادي يعني يجماعه.. هنطلع انا وندي نشوفها
" ليان تجاهلت تبص لمراد لكن هو عارفها لما تبقي بتكدب او مخبيا حاجه.. "
" فضلوا يروقوا و يشيلوا الحاجات وهو خرج وقف قدام باب الشقة وبعدين ندي وليان خرجوا "
- اطلعي انتي يا ندي.
" اتفاجئت بيه وكنت خايفه "
بصتله: فيه ايه؟
= لاخر مره هسألك فيه حاجه حصلت؟
- بخصوص ايه مش فاهمه
= بخصوص وقوفك مع مينا.. من امتى؟؟ انا مش بخليكي تقفي معايا انا ذات نفسي ولا بوقفك فالشارع بتقفي مع حد غريب ليه؟
- هو انت شايفني ازاي ! انا مكنتش واقفة معاه لتاني مره.. مكملتش دقيقه
= ولا حتي ثانيه !
- ماشي ومكنتش فالشارع انا قدام باب البيت ! بعدين انت مفروض تبقي عارفني
= لا مانا عارفك.. وعلشان عارفك فا هعرف الموضوع بس هتبقي وحشه لو عرفته من خد غيرك
" سابني وخرج.. والله كنت بحاول اتكلم وهو سابقني و مخوفني.. وانا قلقانه من عصبيته مش مخليني عارفه اصارحه !! "
" طلعت وانا حاسه اني عايزه اعيط "
" لقيت ندي بتحاول تخبط على كنزي وهي مش راضيه تفتح "
- فيه ايه؟
= البت دي فيها حاجه على فكره يا ليان
- كنزي.. يا كنزي افتحي الباب
" مرضتش تفتح لنا "
- طب سبيها شوية يا ندي يمكن تخرج هي
= طيب عموما انا بعت على الجروب لفريده و هاجر يجوا نقعد سوا وخلاص مريم مش هتيجي بتقول عندها مشوار مع طنط ماري..
" وفعلا قعدنا وهاجر طلعت وفضلنا نتكلم سوا وبعدها جت فريده.. الى كان شكلها مش مبشر بالخير."
>>>>>>>>>>>>>>>>>>>>>>>>>>>>>>>>>>>
'سبحان الله عدد ما خلق، سبحان الله ملء ما خلق"
|| عند بيت مينا ||
" كان مراد واقف مستنيه لقي ياسين نزل "
- ايه يامعلم
بصله بشك: هو فين النجم بيفطر ولا ايه
ياسين ضحك: ليه لاء
" مينا نزلهم و راحوا على الورشة "
مراد بنفاذ صبر: انا خد بالك انت وهو نازل على اخري انجزوا فيه ايه
مينا: تعرف ناصر عبدالله
مراد: اه ماله
مينا: الحوار عنده مع واد اسمه ادهم سيد..
مراد: تمام ادهم ده عملكم ايه؟
مينا سكت وياسين اتكلم: هو ضايق كنزي
مراد بصله بعدم فهم و وبعدين وقف: كنزي مين؟؟ اختي انا؟
مينا حط ايده ع كتفه: ريح بس يا مراد براحه
مراد شال ايده من عليه: فهموني الحوار ده دلوقتي
ياسين: ما احنا بنقولك اهو.. مينا عرف الموضوع وراح علم عليه وخد موبايله وهو مع عبدالله ناصر دلوقتي مستني نروح نشوف هنعمل معاه ايه
مراد سكت وهو قابض ايده و دمه بيعْلي بص لمينا بهدوء غير معتاد: وانت مين قالك الموضوع يا معلم؟
مدلوش فرصه وكمل: ليان صح؟
- ما تهدي نفسك يا مراد انت بتكلم كده ليه؟ دول اخواتي وانت عارف ده كويس زيهم زي مريم بظبط ولا اكتر ولا أقل.. المشكلة حصلت والنصيب خلاني اعرف وخلاص الموضوع اننتي وادينا بنعرفك متكبرش الحوار
ياسين: هو مرضاش يتصرف من غير لما يقولك عشان ده حقك.. واحنا معاك شوف عاوز تعمل معاه ايه امسك ده موبايله
" مراد فضل ساكت شوية وبعدين بصلهم "
- هو ايه علاقة موبايله بالحوار
" ياسين مسح على مؤخره راسه وسكت ومينا برضو سكت فا مراد سابهم وكان في طريقه للبيت والاتنين فضلوا واقفين مش عارفين يتصرفوا ازاي.. "
>>>>>>>>>>>>>>>>>>>>>>>>>>>>>>>>>>>
|| في بيت كوثر ||
- بس كده.. وكانوا علطول بيتنمروا عليا مكنتش حتي ببقي فاهمه بيقولوا ايه عليا بس بيتكلموا ويضحكوا ومحدش كان متقبلني.. وكنت لوحدي اوي.. انتوا هنا كنتم سوا.. بس انا هناك كنت منبوذه.. فا مش عايزه ارجع كده تاني.. انا حقيقي كرهت كل حاجه بسبب العيشة هناك
هاجر حضنتها بحب: عمرنا ما هنتفرق لو جم يمشوا هنحْطفك صح يا بنات
ندي ضحكت: صح
" قاطعهم دخول مراد البيت فتح بالمفتاح ودخل واول لما شافهم وقف مكانه "
- اطلعوا بره يا ندي
ندي بخضه: فيه ايه!
مراد: بقول برا ! فين اختك ؟؟
" وقتها فهمت انه عرف و روحت ناحيته بسرعه ناحية اوضتها "
- مراد هفهمك لحظه واحده
مراد بنرفزه: انتي تسكتي خالص فاهمه ؟؟؟
ندي بعدم فهم: هو فيه ايه !!! حصل ايه يا ليان ؟؟
مراد رزع على الباب: افتحي الزفت ده يا كنزي !!
" كنزي خافت وبعدت عن الباب وقعدت في اخر اوضتها تعيط "
" وهاجر نزلت بسرعه تناديهم من تحت "
ليان بعصبيه: بس يا مراد !!!! انت بتخوفها !!
مراد: ملكيش دعوة قولتلك !!
ليان بعناد: لاء ليا !!! الموضوع مش زي ما انت فهمته
" مراد مسك ايدها وحركها بعيد عن الباب وهو عمال يخبط فيه بعصبيه "
" كوثر طلعت اول حد وهي مخصْوصْه من صوتهم "
- فيه ايه يا مراد !!!
= محدش له دعوه !!! طلعيهم بره وانزلي يا ماما!!
كوثر بحده: ايه الى بتعمله ده !!!!! كلمني زي ما بكلمك
" هاجر وفريده نزلوا و بعدين نورا طلعت هي وفاطمه و وقتها مراد حاول يسكت ويهدي وليان كانت مصممه متتحركش من عند الباب "
" اتكلمت بصوت واطي من ورا الباب "
- كنزي متخافيش انا هنا!!
فاطمه: عايز تكلم اختك الصغيره وانت بالمنظر ده ؟؟؟ من امتي وانت كده!
مراد جز على سنانه وسكت وبعدين رفع دماغه: من ساعة لما بنت عمي راحت تقول للغريب عن مشكله تخص اختي
ليان سمعته وراحت عندهم: الموضوع مش كده!
وقف قصادها: انتي حسابك معايا بعدين
ليان بتراجع: كنت هقولك
- انتي كدابة!!!
نورا: بس انتوا الاتنين !!
ليان بحده: لا مش كدابة !! والله كنت هقول
- تقولي ولا متقوليش انتي مش حقك اصلا تلجأي لحد تاني !! وفي مشكلة تخص اختي انا !!
بصتله وعينيها مدمعه: يعني ايه كنزي اختي زي ما هي اختك!!! وانا كنت خايفه عليها و.. انا
" دموعي نزلت لأول مره قدامه ومكنتش عارفه اتحكم في اعصابي "
اتلكمت بسرعه وبتردد: عشان.. ءء انا وقتها معرفتش اقولك في ساعتها
مراد بزعيق: يعني ايه !! يعني ايه كلامك الى ملوش معني ده !! دي اختي !!!! انتي مستوعبه؟؟؟ رايحه تقولي لحد غيري !!! ولما بسألك فيه ايه بتكدبي مش هنا ورايح ملكش دعوة بيها نهائي انتي فاهمه !!
•تابع الفصل التالي "رواية ذكرياتنا في رمضان" اضغط على اسم الرواية