رواية قدر كتب لنا الفصل الثاني 2 - بقلم ساميه عبد القادر

قومت لقيت نفسي فـ اوضه ، لحظه دي مستشفي ايه جابني هنا ؟!

تذكرت كل الـ حصل ، وإن دكتور زين هو الـ جابني اكيد ، حسست ع وشي اتأكد من وجود النقاب ، تنفست بإرتياح بعد ما لقيته زي ما هو ، ودي فايده وحيده لـ النقاب الماليزي ، أنه بعد الشقلبه دي كلها لسه زي ما هو

دخل دكتور زين بعد ما خبط وازنت له

حمدالله على السلامه يـ أنسه مريم

الله يسلمك يـ دكتور ، مش عارفه اشكر حضرتك ازاي والله ، لولاك كان زماني انا والبنت ، لحظه هي فين ؟

متخافيش هيّا فـ الأوضه الـ جنبك ، لحقناها فـ الوقت المناسب الحمدلله وعرفنا أهلها وهما عندها

الحمدلله ، والعصابه ؟

اتقبض عليهم وكل الـ شغالين معاهم

كل ده حصل امتي ، هو انا نايمه من زمان ؟!

نايمه بقالك 8 ساعات

رديت يخضه :

8 ساعات ، امي زمانها قلقت عليا ، لازم امشي

والدي الدكتور محمود بلغها متخافيش ، زمانها جايه

رديت بصدمه اكبر :

حضرتك زين ابن الدكتور محمود ؟

ايوه ، الكلام أخدنا ونسيت ان الظابط بره وعايز اقوالك

دخل الظابط ومعاه واحد كمان وقعد جنب السرير

هـاا يـ أنسه مريم ، محتاج انك تحكيلي كل الحصل بالتفصيل

حكيتله كل حاجه من وقت م كنت فـ صيدليه لحد ما وصلت هنا

تمام يـ انسه مريم شكراً ع وقتك ، بعد كده متمشيش مع حد أنتِ مش عارفاه أنتِ مش طفله

نداء الواجب يـ فندم وكنت بادي وجبي

خدي بالك بعد كده ومتثقيش فـ حد بسهوله ، يلا سلام عليكم

دكتور زين اخده وطلع وبعدين دخلت ماما وعمو محمود

يـ امي والله انا كويسه ده بس اغمي عليا

مش بتسمعي كلامي يـ مريم ، أنتِ طيبه وهبله طول عمرك ، وبتصدقي اي حد

مش هكررها تاني والله

اتكلم عن محمود :

الحمدلله انك بخير مش مهم حاجه تانيه

دخل زين هو والدكتور عشان يطمن عليا ويطلع إذن بالخروج

طلع عمو محمود هو وماما عشان يوصلها ، وفضل الدكتور والدكتور زين

بدأ الدكتور بالكلام وهو بيشيل المحلول من ايدي :

قلقتينا عليكِ ، خدي بالك بعد كده

هو بيكلمني كدَ ليه ومين ده أصلا ؟!

بصيت ع دكتور زين لقيته مركز معاه جدًا وبيبصله بنظرات مفهمتهاش

اتكلم تاني وقال :

كنت مستني انك تفوقي ودلوقتِ أنتِ الحمدلله بخير

استغربت كلامه جدا لحد ما لقيته وجه كلامه لزين :

دكتور زين انا يشرفني بجد اني اطلب ايد الأنسه أخت حضرتك ، من وقت ما دخلت المستشفي وانا مش عارف ابطل تفكير فيها

اتصدمت من كلامه جدا ، دا ايه البجاحه الـ انت فيها دي يا ابني علني كدَ

اتكلم دكتور زين بعصبيه وهو بيمسكه من لبسه جامد :

هو مش عيب يـ دكترَه انك تطلب ايد واحده من خطيبها

خطيبها ؟!

أيوه ، والفرح قريب وانت مش معزوم ، وأحمد ربنا اني مموتكش

خرج الدكتور حرفيا بيجري من الخوف وانا الصدمه حرفيا خلتني مبرقه ومش بتكلم

ايه القطه كلت لسانك ولا عاجبك الوضع .

أبدًا انا..

من غير كلام انزلي يلا عشان نمشي

ده سابني وطلع ، ده ايه ده هو انا عملت ايه

ركبنا العربيه وطول الطريق متكلمناش خالص ، وصلنا عند بيتي ونزلت كنت لسه هقوله شكراً لقيته مشي ، ده ايه الإنسان الغريب ده

طلعت لقيت امي محضره الاكل ومستنيه

زين مجاش معاكِ ليه ؟

مشي يـ امي ، شكله مستعجل

ربنا يفاديه يارب ويحميه ، راجل بجد ، فضل واقف معانا طول اليوم

ممكن بقا نفضنا من زين وناكل عشان انا ميته حرفياً

خلصنا اكل وشيلت مع امي الاطباق ودخلت اوضتي صليت وقعدت اذاكر لاني مراكمه كميه محترمه من المحاضرات

تاني يوم فـ الكليه

وصلت بدري ع غير العادي ، وكان عندنا الدكتور عبدالرحمن الرخم ربنا يعدي المحاضره ع خير

دخل وبدأ شرح وانا كنت مركزه فـ الاول بس قطع تركيزي حوار بين بنتين

انا سمعت إن الدكتور زين هيخطب الدكتوره نوران

ردت التانيه بصدمه :

ده بجد يـ خساره بقا حته السكر ده يخطب البومه دي .

أمر الله بقا ، بس وقعته ازاي بنت الإيه دي

من غير ما توقعه هي غنيه وهو غني يبقي لاقيين لبعض هو اكيد مش هيبصلنا احنا اصحاب الطبقه المتوسطه

عندك حق

هو انا ليه حاسه اني عايزه اعيط ، هو انا ليه زعلانه اصلا انا مالي يخطب ولا لا ، هو عشان يعني ساعدني كام مره ، ايه يـ مريم هنخيب ولا ايه ؟

فوقت ع صوت الدكتور وهو بيقول :

الانسه الـ ورا ام نقاب اسود

ينهار احمر ، دا قصده عليا كملت بقا كملت

وقفت وانا بقول :

نعم يـ دكتور

انعم الله عليكِ يـ اختي اسف أننا ازعجناكِ

وطيت راسي فـ الأرض بحرج فـ كمل

قولي الـ انا كنت بقوله دلوقتي

هعيط والله هعيط بجد م هو مش عدل كدَ

اسفه يـ دكتور مكنتش مركزه

مهو أنتِ هتركزي ازاي بالـ أنتِ لابساه ده ، اطلعي بره

طلعت وسط وجوه الطلاب الـ كانت مليانه شماته وسخريه

اول ما طلعت انفتحت فـ العياط وبطبعي لما بعيط مبقدرش اقف ، فـ قعدت ع كرسي قريب وكملت عياط مش عارفه بعيط عشان الدكتور طردني ولا عشان زين المهم اني بعيط وخلاص

كنت ماشي فـ الطرقه بتاعت الكليه ، لمحتها قاعده وحاطه أيدها ع وشها وبتعيط

مفيش مره اشوفها فيها إلّا ولازم يكون فيه مشكله ، قربت منها

أنسه مريم

رفعت راسها وعينها كانت حمرا

من العياط

ردت بصوت مخنوق :

نعم يـ دكتور

سايبه محاضرتك وقاعده هنا ليه

مش سايباها ، الدكتور طردني

طردك !؟

طردك ليه

عشان كنت مش مركزه ،

طب يـ مريم قومي روحي اغسلي وشك ،وانا هشوف الحوار ده

مشيت زي ما قولت لها وانا وقفت ابص فـ أثرها بضيق

، بيطردها ليه الإنسان ده انا هوريه ،للحظه استغربت من نفسي اني بقيت مهووس بمريم ، مشيت وانا ببتسم ابتسامه هبله ، حاسس اني مُراهق ، مشيت تجاه المحاضره وانا بتوعد للدكتور ده رغم أنه صاحبي ، بس كله يهون لأجل عيون مريوم .

روحت غسلت وشي ، ومقدرتش اكمل باقي اليوم فـ روحت

عشان اول ما اوصل أنصدم بوجود حد ، كنت آخر من أتوقع أنه يجيلنا فـ يوم .

كيفك يـ بنت عمي .