رواية عشق بين بحور الدم الفصل الخامس و الثلاثون 35 - بقلم اسماء السيد

 part35

في عربيه ادهم..... كان بيسوق وهو متعصب ودهب كانت مبتسمه علي غيرته من اخوها وخايفه من غضبه... 

دهب بهدوء:ادهم

ادهم بيكمل ولا كأنه سامعها... 

دهب بغيظ:ادهمممم رد علياا يا ادهممم.. 

بيوقف العربيه علي جمب وبيبصلها بحده:عاوزه اييه ياست دهب.. 

دهب وهيا كاتمه الضحك:مالك ياحبيبي.. 

ادهم بغضب:وانتي مش عارفه مالي ولا اييه

دهب بإستفزاز:لاء معرفش... 

ادهم بغيظ وحده:عنك ماعرفتي انا مش ناقص.. 

بتتضايق دهب وبتنزل منها دموع في صمت وهو بيكمل سواقه.. 

دهب بغيظ ودموع:انت بارد علي فكره وكمان شكلك النهارده وحش وانا مبقتش احبك من اصله وهخلي ابني كمان ميحبكش ياغلس......... 

وبتعقد ذراعيها وبتبص للطريق وهو بيكمل سواقه ولكنه بيبتسم علي طفولتها من غير ماتاخد بالها....... 

وبعد شويه بيوصلوو القصر وهيا بتبصله بضيق وبتدخل علي جوا علي طول وهو بيتنهد وبيعمل مكالمه وبعدين بيطلب عرفه وبيتجه لمكتبه....... 

@@@@@@@@@@@@@@@@@@@@@@

في شقه غالب........ وتحديدا في غرفه النووم.. 

كان قاعد وهو مخنوق وحلسس نفسه تايهه....... 

بيسمع صوت قفل باب الشقه وبيفكرها رقيه..

ولكن بيتفتح باب الغرفه بعنف وبيدخل اربع رجال ضخمين

وبيقربو عليه..... 

غالب بغضب:انتوو مين وعاوزين اييه وووووو. ....

مبيلحقش يكمل كلامه لانه بياخد لكمه قويه لدرجه ان انفه بينزف.... 

غالب بحده وبيردله الضربه:انت مين وازاي تتجرأ وتلمسني. 

وفجأه بيقرب منه اتنين رجال وبيمسكوه من الخلف وهو بيحاول يقاوم مبيقدرش والي ضربه بيفضل يضرب فييه وفي معدته لحد ما بينزف من كل حته في وشه... 

بيبعدو عنه وهو بيقع علي وشه وهو مش قادر يفتح ولكن جحظت عيونه من الي سمعه... 

احد الرجال ببرود:ادهم بيه باعتلك الهديه دي وبيقولك ابعد عن طريقه والا هيخلص عليك....... 

وبيلفو ويتجهو للخارج وهما بيضحكو....... وسابه مصدوم في مكانه مش عارف ولا قادر يستوعب ولا يتحرك... 

&&&&&&&&&&&&&&&&&&&&&&&&&&&&&

في قصر العميري........ وتحديدا في مكتب عمران.... 

بيدخل خلف وهو واضح علييه التوتر..... وبيبص يمين وشمال ومبيلاقيش حد... 

بيقرب من المكتب وبيفتح الدرج الايمن وبيبدأ يدور علي ورق معين لحد مابيلاقي ملف ذو غلاف ازرق وبيطلع ورق من جيبه وبيحطه في وسط الورق......وبيطلع كيسين بلاستيك وبيحطهم في الدرج الي تحت.... 

بيبص حواليه وبيتنفس بتوتر وبيتجه للباب...وبيفتحه ولكنه بيتصدم لما بيلاقي عمران في وشه... 

عمران برفعه حاجب:في حاجه ولا اييه ياخلف... 

خلف ب يتوتر لدرجه انه تعرق:مفيش يا اخوي كنت جاي بس اصل اه عشان اشوفك واقولك اني عاوز اشتغل وياك. 

عمران بشك:والله ااه تمام بعدين مع انها مش داخله عليا بس ماشي ياخلف...... 

وبيدخل المكتب اما خلف بيجري من قدامه وبيبعد اما عمران... بيقرب ويفتح الخزنه وبيحط فيها شنطه فلوس وبيقفلها تاني ويخرج وهو مستغرب....

==================================

في قصر الجارحي______وتحديداً في مكتب ادهم

كان يجلس ادهم لوحده وهو بيراجع اشغاله...... 

بيخبط الباب... 

ادهم:ادخل ياعرفه.. 

بيدخل عرفه وبيقفل الباب:نفسي اعرف بتعرف خبطي ازاي

ادهم بهدوء:عادي المهم عاوزك في حاجه مهمه. 

عرفه بيقعد قصاده وبياخد موزه من طبق الفاكهه:اؤمرني

ادهم بهدوء وجديه:انا لقيت الي انت بتدور علييه من10 سنين.... 

ببيبصله عرفه بصدمه:تقصد ال... 

ادهم:ااه وعارف مكانه وكل حاجه من5 سنين ومرضيتش اقولك لانها رغبته....... 

بيبصله عرفه:تب هو فيين.. 

ادهم:هو في......... ويكون........... 

بيتصدم عرفه اكترر  لما بيعرف هو ميين وفيين.. 

ادهم بجديه:انا عاوزك معايا اليومين دوول بس قدامك يوم تروح وتيجي... 

بيقف عرفه وبيتجه للخارج ادهم بيبتسم.... وبيفتكر الجوواب وبيطلعه من جيبه.. وبيبدأ يقرأ بستغراب.... 

(السلام عليكم.. حفيدي ادهم الغالي لو بتقرأ الجواب دا دلوقتي اكيد انا هكون قابلت رب كريم... اول حاجه عاوزك تسامحني يا ادهم انا جيت عليك من 15 سنه سامحني يا حبيبي عارف ي ادهم انا عمري ماسبتك ودايما كنت في ضلك ومعاك وانت مش شايفني وكنت بحللك مشاكلك الي كنت بتعملها وعارف انك كنت رئيس مافيا وتاجر سلاح بس مرضيتش اتدخل لحد ماتفوق من نفسك وانا سفرتك عشان لما حماد العميري اتقتل الدنيا قامت مقعدتش وعشان العمايره كانو فاكرين ان اني وامين الي قتلناه فكانو عاوزين ينتقمو مني فيك وبذات جليله عشان كدا كان لازم تبعد وترجع راجل قادر تقف في وشهم ولما طلبت منك تسافر وتسيب مراتك عشان عرفت ان جليله اديتلها سم تحطهولك بس طلعت بتحبك بجد وحطتلك ملين وفكرت انها خطر علييك سامحني علي كل حاجه واوصيك انك دايما تكون عادل علي اهل البلد والناس وخليهم يحلفو بحياتك يابطل.... 

في حفظ الله يا ابن الغالي..و السلام عليكم.....) 

بيطبق ادهم الجوااب وهو بيفتكر كل مره قال للراجل ده كلام يوجعه وهو مكنش بيرد.... 

بيرجع راسه لوراا:سامحني ياجدي سامحني بس كان في طرق احسن من الضرب والحبس لو كنت كلمتني بهدوء كنت سافرت بس انا مسامحك.... 

وبيفتكر دهب وانه زعقلها في العربيه واتنهد.... 

ادهم يتمتم بغيظ:انا مش غلطان هيا ازاي تسيبه يحضنها الغبيه دي متعرفش انها ملكي انا وبس... 

وبيقف وبيتجه لجناحه في الاعلي...... 

@@@@@@@@@@@@@@@@@@@@@@

في جناح ادهم..........كانت دهب قاعده ومعاها جواهر... وكانت لابسه بيجامه من اللون الابيض في الرمادي وكانت عباره عن بنطال وتيشرت بنص كم واحد اكتافها باين وعامله شعرها بشكل فوضوي.. وكانت شديده الجمال

دهب بهدوء:تفتكري ياجواهر لييه جدو الله يرحمه جاب سيرة ستي جليله في الوصيه.. 

جواهر بستغراب:واني كمان مش فاهمه وحاسه اني زي الاطرش في الزفه... 

دهب:اومال ولدك فين.... 

جواهر بحب:جبري اخده وراحو المزرعه من ساعه عصاري اكده....... 

دهب بتحط ايدها علي معدتها:انا حامل علي فكره... 

بتتصدم جواهر:بتتكلمي جدد يابت... 

دهب بضحك:ااه والله حامل من شهرين كمان.... 

جواهر بفرحه:الف الف مبروك يا قلبي ربنا يرزقك بذريه الصالحه يارب...... 

دهب ببهدوء:يارب..... وفجأه الباب بيخبط..... وبيدخل ادهم وبيبص علي دهب ولبسها وبيتعصب اكتر.... 

جواهر بإحراج:عن اذنكم اني بقا.... وبتلف وتخرج.. 

بتبصله دهب ببرود وبتقوم وتتجه للدريسنج وهيا مش مهتمه.. 

ولكن بيوقفها بإيده وعيونه المليانه غضب:استني عندك راحه فيين.. 

دهب ببرود:نعم عاوز اييه بقا ياكبير....... 

بيشدها من وسطها وبيضغط علييه اكتر:انتي ازاي تلبسي كدا قدامها اتجننتي اياك.. 

دهب بإستفزاز:لاء عادي دي عمتي وكمان يعتبر هيا الي مربياني وياما هيا شافتني كده من زمان وبعدين ماله لبسي ماهو حلو اهوو... 

بيضغط علي وسطها اكثر ف اكثر لدرجه انها بتتوجع:ادهم.

ادهم بحده وجبروت:اسمعي انتي اسمك دهب ادهم الجارحي انتي بتاعتي اني وبس مش بت العمايره واتسميتي علي اسمي وكلك كدا علي ببعضك ليا والي هيفكر بس يبصلك بطرف عينه مش يلمسك همحيه من علي وش الدنيا لبسك دا هيكون قدامي اني وبس غير اكده شعرك مايبانش قدام اي مخلووق فاهمه يا حرمي المصون.... وبيبصلها بغضب وبيسيبها ويتجه للدريسنج.. 

اما هيا بتبصله بضيق وبترمي نفسها علي السرير وبتتغطي وبتغطي وشها وهيا مش طايقه نفسها... 

بيطلع ادهم وهو لابس تيشرت اسود وبنطال رمادي.. 

بيبص عليها وبيلاقيها كدا... 

بيقرب وبيطفي النور وبينام علي السرير وبيعطيها ضهره بعد ما بيتغطي ولا كأنه شايفها... 

اما دهب كانت حاسه انها مخنوقه ومتغاظه.....وادهم مكنش طايق نفسه .... 

عدي دقيقه دقتين ثلاث دقايق..... وفجأه ادهم حس بإيدين صغيره بتتلف حوالي صدره ..... 

ادهم ببرود:شيلي ايدك وابعدي ..... 

دهب بغيظ طفولي:ادهم بصلي انت زعلان مني بجد. 

ادهم بحده:اومال بهزار ولا اييه.... 

بتبعد دهب وبتديله ضهرها وبتضم نفسها وهو بيستغرب بس مبيلفش ولكنه فجأه بيسمع صوتها لما انفجرت في العياط بكل حرقه....... وقلبه وجعه عليها... 

مقدرش ادهم ولف ليها وحضنها من الخلف ولفها لييه:بتعيطي لييه دلوقتي... 

دهب ببكاء:عشان انت مبقتش  تحبني وبقيت تقدر تبعد عني انا كمان مبقتش احبك..... 

بيبصلها ادهم شويه وبيبتسم:انا فعلا مبقتش احبك. 

بتتصدم دهب وعيطت اكتر.... 

ادهم بصدق:انا بموت فيكي يا دهبي مش بحبك وبس انتي بقيتي زي الادمان بنسبه ليا..... 

بتبصله دهب وهو بيمسح دموعها بإبهامه.... 

ادهم:وانتي بقا مبقتيش تحبيني...... 

بتبصله دهب في عيونه اكثر ف اكثر وفجأه بتقرب وبتقبله بشوق وحب وكأنها بتعبرله عن حبها ب الافعال لان لايوجد كلمات توصف حبها لذاك الذئب.......... 

ابتسم ادهم ولكنه كان مصدوم من جرأتها... كانت هتبعد عنه ولكنه حط ايده علي راسها من الخلف مقربها منه ولكنه هو من كان يقبلها....... وقرب اكثر ف اكثر وووووو.......... 

___________//////////////////////////////_____________

في الصباح...... وتحديدا علي الفطار.... كان متجمع الجميع معادا غالب... 

ادهم:صباح الخير

الجميع:صباح النور

عزيز:هتروح النهارده المزارع ولا الشركه... 

ادهم:لاء انا هخلي المزارع والاراضي مع غالب وانا همسك الشركات عشان نكون علي نور انا مليش في الاراضي ولا الفلاحين ولا الكيماوي يا عمي غالب اكتر خبره مني في الحاجات دي..... 

بيبتسم عزيز:كتر خيرك ياولدي ان شاءالله خير... 

بيبادله ادهم الابتسامه في هدووء.... 

امين:اومال غالب فين.. 

عزيز:والله ما اني عارف مجاش امبارح خالص وبرن علييه مش بيرد... 

عايده بقلق:هات العواقب سليمه يارب بس هو ليه ابوي الحاج الله يرحمه قال انه لازم يتجوز رقيه العميري من غير خطوبه ولا فتره اكده.... 

صفيه:ااه صحيح انا بردك استغربت..... 

جبري:صحيح يا ادهم هو جدك كان كاتبلك اييه....

ادهم بهدوء:ولا حاجه كان بيقولي اخلي بالي منكم ومن البلد واكون عادل وشريف في شغلي..... 

جبري بستغراب:تب متعرفش كان كاتب للحاجه جليله اييه. 

ادهم ببرود:لاء معرفش وميخصنيش ف مش بدخل...... 

دهب بهدوء:انا عندي محاضره مهمه النهارده ولازم اروح الجامعه وكمان هعدي علي ابوي في الشركه.......... 

ادهم بهدوء:تمام يلا وانا هوصلك وهاجي اخدك من عند ابوكي..... 

بتقوم دهب:ايوا يلا عشان متأخرش خصوصاً اني بقالي كتير مروحتش.... 

بيقف ادهم وبياخد حاجته وبيحط ايده علي كتفها وبيتجه للخارج:سلام عليكم جبري ابقا عدي عليا في الشركه عاوزك في كام حاجه.... وبيخرج. 

جبري:من عيوني يا كبير..... 

صفيه بحب:ربنا يحرسك يا ولدي... 

تماره كانت بتبصلهم بغل وكره مش طبيعي وقامت وخرجت من القصر من الباب الخلفي......... 

@@@@@@@$$$$$$$$$@@@@@@@@@

في قصر العميري...... وتحديدا في مكتب عمران

كان قاعد هو ومراد وبيتكلمو في حكايه الاختلاس..... 

عمران بستغراب وشك:تفتكر مين رمزي لاء دا انا الي مربيه من يوم ما اتخرج مستحيل... 

مراد بحده:يا ابوي تعالي نقلب الشركه مره واحده وكل واحد عمل اكده هيخاف وهنعرفه...

عمران بجبروت:لاه ياغشيم ممكن الي عمل اكده يكون بجح ومنعرفوش وساعتها هيعرف وهياخد احتياطه... 

مراد بستغراب:هو انت عرفت منين.... 

عمران:دهب الي اكتشفت ده لما كانت في مصر وشافت الشركات والمصانع ... 

مراد بضيق:ومش يمكن تكون دهب شايفه غلط دي لسا طالبه حتي ومتعرفش حاجه في الكار لسه... 

عمران بحده:لاه دهب دي مخه نضيف زي بظبط انما انت غشيم زي جدك واخد الدنيا بصدرك ودراعك والدنيا مش دايماً بتمشي ب العافيه...... 

مراد بضيق:الي تشوفه ي ابوي بس اني من رأي.... 

فجأه بيتفتح الباب وبتدخل نواره بهلع:الحق ياعمران الحق

عمران بخضه:في اييه... 

نواره بخوف:المأمور برا ومعااه الحكومه كلها وعاوزينك.. 

بيقف عمران وبيتجه للخارج ووراه مراد:اما نشوف خير يارب.. 

_______في الخارج في الصالون..... 

كان واقف عدد كبير من العساكر والضباط والمأمور كمان.... 

عمران بهيبه:خير.... 

المأمور بحده:انا معايا امر من النائب العام بتفتيش بيتك ياعمده.... 

جليله بحده:انت اتجننت اياك.... 

عمران بستغراب: استني ياما لييه وبتهمه اييه.... 

المأمور بهدوء:بتهمه الاتجار في الممنوعات والاثار وانك بتاخد من الناس اراضيها عافيه وظلم....... 

عمران بعقل وحده:فتش البيت عندك اهوو... 

خلف بتوتر:ازاي يا اخوي يفتشو..... 

عمران بجبروت:دا امر الحكومه واني مش عامل حاجه غلط....... شوفو شغلكم.... 

وب الفعل بيبدأو في التفتيش وعمران قرب وقعد ببرود.. 

ولكن محدش اخد باله من نظرات مني الخبيثه...... 

____بعد مده مش طويله

بيطلع احد الضباط وهو ماسك كيسين بلاستيك.....وملف ازرق... 

الضابط:لقيت دول يا باشا

المأمور:اييه دول.... 

الضابط فتح اول كيسه وطلع منها بعض الاكياس الصغيره الملتصقه في بعضها البعض وبداخلها ماده بيضاء اللون.. 

بيتصدم الجميع حتي عمران..... 

وبيفتح الضابط الكيس التاني وكان فييه قماشه وبداخله تمثالين صغيرين من اللون الذهبي...... 

المأمور بسخريه:واضح انك فعلا مبتعملش حاجه غلط... 

عمران كان مصدوم وبيبصلهم بحده وغضب مكتوم.... 

فتح الضابط الملف وقلب فيه ولقا اوراق بيع وشراء من عمران وبتثبت انه اخد الاراضي والبيوت ب الاصرار والتلصط.والعنف...... 

المأمور بضحكه ساخره:هاتوه هو وابنه يا رجاله.... 

عمران:ابني مالوش دعوه بحاجه.... 

المأمور بسخريه:ازاي بس دا امضاء ابنك منور العقود اهوو.. هاتوهم... 

جليله كانت مصدومه:ابني ميعملش اكده ابداً.. 

نواره بدموع:عمران... 

عمران بهدوء وحده:متقلقوش اني راجع راجع.... 

رانيا بدموع وخوف:مراد..... 

بيقرب منها مراد وبيحضنها وبياخد ابوه وبيروحو ورا المأمور ولكنه بعربياتهم ودا كان شرط عمران..... 

وفجأه جليله بتقعد بصدمه :خلف بلغ المحامي بسرعه.... 

خلف ببرود:ماشي ياما هبلغه بس ارتاحي انتي بس.... 

بتقع نواره في الارض وبتعيط بحرقه وبتقرب مني منها وهيا واضح عليها الشماته وبتنزل لمستواها:تؤتؤ اهدي كدا يانواره يا حبيبتي والله انا ما مصدقه ان العمده يعمل اكده ابداً لاء وكمان مراد ياحبايبي دي فيها 15 سنه دي....... 

جليله بغضب:اخرسي قطع لسانك اني ولدي اشرف من الشرف معتش الا انتي الي تتكلمي يابت خليل.... 

خلف بيلاقي مني بتبصله بغضب :اييه ياما وطي صوتك اكده هيا مغلطتش بردك....... 

وفجأه بيتصدم الجميع لما بينزل قلم علي وشه:اخرس قطع لسانك يوم ما ترفع صوتك عليا....... 

وبتلف وتتجه لغرفتها ورقيه ورانيا بيقربو يسندو نواره وبيطلعوها اوضتها..... 

مني بشماته:يا بختك المهبب يامني وفي جوازه الندامه... 

خلف بحده وشر:ابقي قابليني لو شاف الشمس تاني..... 

مني بضحكه خبيثه:واد يا امير يلا دا وقت الباقي.... 

بيبتسم امير وبيتجه للخارج وبتبص مني لخلف بخبث وبيضحكو..... 

££££££££££££££~~~~~~~~¢¢¢¢¢¢¢¢¢¢¢¢¢¢¢

في وقت ما بعد الضهر..... وتحديدا علي الطريق السريع.. 

كانت ماشيه سياره بها سائق وبداخلها دهب.... 

دهب بهدوء:ياترا هلاقي ابوي هناك ولا لاء.... 

وبتبص علي احد الدفاتر والحسابات بهاتفها..... وبتبتسم

السواق:هنروح فين ياهانم ادهم بييه قالي اوصلك واستناكي لانه هيتأخر.. 

دهب بحب وهدوء:تمام وديني عند ابوي في شركه العميري..... 

السواق:تحت امرك ياست هانم..... 

وفجأه بيلاحظ السواق ان في عربيتين ماشيين وراه من اول الطريق..... 

السواق بقلق:ياهانم انا قلقان عليكي... 

دهب:لييه في اييه... 

السواق:في عربيتين ماشين ورانا من اول ما اتحركنا من عند الجامعه.... 

دهب بخوف:اجري بسرعه متوقفش مهما حصل.... 

بيسمع الكلام السواق وبيزود السرعه اكثر وبيتكلم في السماعه الي في ودنه وببدي اشاره للحراسه الي في القصر

السواق بهلع:كود53 كود53 في عربيتين مش مظبوطين ورايا وانا معايا زوجه ادهم بييه عاوز دعم...... 

بيوصله صوت بسرعة:اهدي خالص ياصالح انت فيين واحنا اتحركنا .. 

السواق:انا علي الطريق السريع الغربي..... 

دهب بتترعب وبتعيط وبترن علي ادهم ولكنه بيكنسل لانه في اجتماع...... ولكنها بتفضل ترن عليه وهيا بتترعش... 

السواق بخوف:العربيات بقو اربعه وبيقربو عليا اكتر.... 

دهب بتسمع كدا وبتترعب اكتر وبترن علي ادهم.... 

لحد مابيرد... 

ادهم بهدوء:دهب يا روحي انا في اجتماع ساعه وهرن عليكي.... 

دهب برعب:ادهممم الحقني انا خايفه.... 

ادهم برعب وقلق:مالك يا قلبي..... 

دهب بتعيط برعب:في عربيات بتجري ورانا وانا خايفه اووي تعالي خدني..... 

ادهم:تب اهدي انا جاي اهدي..... 

وفجأه بيسمع ادهم صوت صريخ عالي وضرب ناار وصوت تكسيرر... وبيترعب وبيجري.....

اما دهب بتكون غرقانه ب الدم وبتحط ايدها علي معدتها وبيغمي عليها... اما السواق اغمي علييه.... بعد م العربيه انقلبت اربع قلبات لما اخدت طلقتين في الكاوتش الخلفي........ 

بيقرب بعض الرجال وبيشيلو دهب وبياخدوها معاهم وبينطلقوووووو........ 

))))))))))))))))))))))))))))))))))))))))))))))))))))))))))

استوووووب..... بارت مولع نار ونبي انا وحشني شخصيه الشريره الي جوايا... 😈🔪🙂